ئەڤرۆ نیۆز، قائید میرۆ:

ئازاد ئەبوبەکر ئەندامێ بەرێ یێ پەرلەمانێ عێراقێ بۆ ئەڤرۆ نیۆز دیارکر” پشکەک ژ وان ھێزێن ئەمریکا یێن ل سووریا تێنە ڤەکێشان دێ ل ھەرێما کوردستانێ ھێنە جێگیرکرن و مەرەم ل ھەرێما کوردستانێ ژی ئەڤە ئەمریکا بێژیت جیھانێ ھێشتا ئەز یا بەردەوامم ل سەر شەڕێ بەرھنگاریا تیرۆرێ و مەترسیا گروپا داعشێ ھێشتا مایە ل دەڤەرێ، چونکو ئەمریکا و ھەڤپەیمانیا نێڤدەولەتی دێ بەردەوام بن ل سەر بەرھنگاریا گروپا تیرۆرستیا داعشێ.

ئازاد ئەبوبەکر ئاماژە کر” پلانا دویێ یا ئەمریکا ئەڤە پێگەھێ خوە ل عێراقێ و ھەرێما کوردستانێ بھێز بکەت، لەوڕا ژی ئەمریکا ڤێ راستیێ دزانیت کو ژلایێ جوگرافی ھەرێما کوردستانێ باشترین دەڤەرە ل رۆژھەلاتا ناڤین بۆ جێگیرکرنا ھێزێن وان، ھەتا ژلایێ ئەمنی ڤە ھەرێما کوردستانێ ل زۆر وەلاتێن دەڤەرێ سەقامگیر ترە.

ئەڤرۆ نیوز، هۆشەنگ:

سەعید دەدە ئەندامێ پەرلەمانێ تورکیا یێ سەر ب هەدەپێ کارتا خوە یا پەرلەمانتاری ب دو زمانێ کوردی و تورکی ئامادە کربوو لێ ژ ئالیێ دەستەیا سەرۆکاتیا پەرلەمانێ تورکیا نڤیسینا ب کوردی هاتە رەتکرن و داخواز ژێ هاتە کرن تنێ ب زمانێ تورکی کارتا خوە ئامادە بکەت.

ئەحمەد ئایدن چاڤدێرێ سیاسی ل باکورێ کوردستانێ بۆ ئەڤرۆ نیوز دیار کر کو ئەڤ هەلویستێ پەرلەمانێ تورکیا نیشا ددەت کو هەتا نها ژی دەستهەلاتدارێن تورکیا و دەولەتا تورک هەبوونا کوردان و زمانێ وان قەبوول ناکەن، هەکە نەهێلن نوونەرێن کوردان کارتا خوە ب زمانێ کوردی ئامادە بکەن پا دێ چاوا دانپێدانێ ب مافێن کوردان کەن.

ئەڤرۆ نیوز:

ئۆزان کارداش پێشکێشکارێ تەلەفزیونا TRT6 ل تورکیا د چارچۆڤێ رێککەفتنا هەدەپێ ل گەل ٦ پارتێن دی یێن باکورێ کوردستانێ بوو بەربژارێ هەدەپێ بۆ سەرۆکاتیا باژێرڤانیا قەزا چنار یا سەر ب ئامەدێ.

ل ئالیێ دی گەلەک کەسان رەخنە ل ڤێ یەکێ گرتن و راگەهاندن نابیت کەسێن وەسا ببنە بەربژار، لێ بەرپرسێن هەدەپێ ژی دبێژن ئەو یەک د چارچۆڤێ رێککەفتنا ل گەل پارتیێن کوردستانی بوویە و دڤێت هەر کەس ژی رێزێ ل ڤێ بریارێ بگریت.

ئەڤرۆ نیوز:

شیار عەفرین وەلاتیەکێ عەفرینێ ژ باژێرێ عامودێ یێ رۆژئاڤایێ کوردستانێ راگەهاند کو ئەڤرۆکە بەری نیڤرۆ ل باژێرێ عەفرینێ پەقینەک ل نێزیکی ئێک ژ بنگەهێن سەربازی یێن چەکدارێن سەر ب تورکیا روو دا و د ئەنجام دا سێ چەکدار هاتنە کوشتن و چەند کەسێن دی ژی بریندار بوون.

ناڤهاتی راگەهاند کو پشتی چەکدارێن سەر ب تورکیا زۆلم و زۆرداریا خوە ل سەر خەلکێ عەفرینێ زێدە کری تیمێن تۆلڤەکرنێ یێن گەنجێن عەفرینێ ژی چالاکیێن خوە ل دژی وان گرۆپێن چەکداری زێدەتر لێ کرینە.