ئه‌ڤرۆ نیوز:
د.خالس قادر، په‌یڤدارێ وه‌زاره‌تا ساخله‌میێ راگه‌هاند، ل دووڤ وێ پلانا وه‌زاره‌تێ، بۆ سالا بهێت، وانا داخوازا بۆدجه‌ى ژ وه‌زاره‌تا دارایى كریه، پشكه‌ك دێ بۆ دامه‌زراندنا كه‌رتێ ساخله‌میێ ته‌رخان كه‌ت، و گۆت: پشكا دامه‌زراندنێ بۆ سالا بهێت، نێزیكى 720 پلێن دامه‌زراندنێ نه كو دێ چه‌ند نوشدار و نوشدارێن ددان و ده‌رمانساز بن.
ئه‌ڤرۆنيوز:
رێڤه‌به‌ريا گشتى يا كه‌شناسيێ وبيڤه‌له‌رزان ل هه‌رێما كوردستانێ ئه‌ڤرۆ دوشه‌مبى به‌لاڤكر، هه‌رێما كوردستانێ ل شه‌ڤا سێشه‌مبى دێ كه‌ڤيته به‌ر پاله‌پستويا رۆژهه‌لاتا توركيا ل گه‌ل هاتنا بايه‌كێ سار ژ ناڤه‌راستا ئورۆپا كو دێ كارتێكرنێ ل هه‌رێمێ كه‌ت ول ده‌ستپێكێ ل سنورێ پارێزگه‌ها دهۆكێ پاشى ل رۆژا چارشه‌مبى ل هه‌موو هه‌رێمێ دێ باران باريت.
ئاماژه كر ژى كو ل ده‌ڤه‌رێن چيايى يێن پارێزگه‌هێن هه‌ولێرێ ودهۆكێ دێ بارانێن بوش دێ دبه‌رده‌وام بن ول پتريا ده‌ڤه‌رێن چيايى يێن بلند دێ به‌فر باريت وپلێن گه‌رمێ ژى دێ نزم بن.
دياركر ژى كو ئه‌ڤ پێلا بارانێ وبه‌فرێ تاكو رۆژا ئه‌ينيێ 14/12/2018 دێ يا به‌رده‌وام بيت
ئه‌ڤرۆنيوز:
سه‌رۆك وه‌زيرێن عيراقێ عادل عه‌بدولمه‌هدى ئه‌ڤرۆ دوشه‌مبى 10/12/2018 ل ئێكه‌مين ساليادا راگه‌هاندنا سه‌ركه‌فتنێ ل سه‌ر رێكخستيا داعش يا تيرۆرستى، سلاڤ بۆ هێزێن پێشمه‌رگه‌ى هنارتن.
ل به‌غدا رێ وره‌سمێن تايبه‌ت ب هه‌لكه‌فتا ئێكه‌مين ساليادا راگه‌هاندنا سه‌ركه‌فتنێ ل سه‌ر داعشێ ب رێڤه‌چوون.
دپه‌يڤه‌كێ دا دوان رێ وره‌سمان دا، عادل عه‌بدولمه‌هدى سه‌رۆك وه‌زيرێن عيراقێ وفه‌رماندێ گشتيێ هێزێن چه‌كدار سوپاسيا هێزێن عيراقى وهێزا پێشمه‌رگه‌ى وهێزێن دى كر كو دئازادكرنا ده‌ڤه‌رێن دبن ده‌ستێ داعشێ دا رۆل هه‌بوو.
سه‌رۆك وه‌زيرێن عيراقێ راگه‌هاند ژى”ئه‌ڤرۆ جهێ شانازيا گه‌لێ عيراقێ يه ب هه‌موو پێكهاتێن خوه‌ڤه ژ عه‌ره‌ب وكورد وتوركمان، موسلمان ومه‌سيحى وسابيئه وئێزدى “.
ئه‌ڤرۆنيوز:
ئێكه‌تيا مامۆستايێن كوردستانێ راگه‌هاند، وه‌زاره‌تا دارايى يا حوكمه‌تا هه‌رێما كوردستانێ رازيبوونا خوه دياركر ل سه‌ر خه‌رجكرنا جوداهيا مووچێ مامۆستايێن سنورێ پارێزگه‌هێن هه‌ولێرێ ودهۆكێ.
ئه‌حمه‌د كه‌ركوكى، به‌رپرسێ راگه‌هاندنا ئێكه‌تيا مامۆستايێن كوردستانێ گۆت” ل چه‌ند سالێن بۆرى هژماره‌كا زۆر ژ مامۆستايێن هه‌رێما كوردستانێ ل دووڤ پله وخزمه‌تا خوه مووچه پێ نه‌هاتبوو دان كو مووچێ 64 هه‌يڤايه، ئانكو پێنج سالان”.
ئاماژه‌كر” پشتى كو ئه‌و كێشه ل گه‌ل حوكمه‌تا هه‌رێما كوردستانێ هاتيه به‌حسكرن، وه‌زاره‌تا دارايى رازيبوون ل سه‌ر خه‌رجكرنا وێ جوداهيێ دايه، وه‌كو قۆناغا ئێكێ جوداهيا مووچه‌ى بۆ مامۆستايێن سنورێ پارێزگه‌ها سلێمانيێ هاتيه خه‌رجكرن”.
زێده‌تر گۆت” ب هه‌مان شێوه رازيبوون ل سه‌ر خه‌رجكرنا وێ جوداهيا مووچه‌ى بۆ مامۆستايێن سنورێ پارێزگه‌هێن هه‌ولێرێ ودهۆكێ هايته كرن ووه‌زاره‌تا دارايى ئه‌م يێن ئاگه‌هدار كرين كو هه‌رده‌مێ پارێ پێدڤى ل به‌ر ده‌ست بيت، دێ ده‌ست ب به‌لاڤكرنێ هێته كرن”.
ئه‌ڤرۆ نیوز:
بڕیاره سوبه‌هی هه‌ردو مه‌كته‌بێن سیاسی یێن پارتی دیمۆكراتی كوردستان و ئێكه‌تی نیشتیمانی كوردستان ل هه‌ولێرێ كۆم ببن.
ل دووڤ زانیاریێن كه‌وردستان24 د ڤێ كۆمبوونێ دا، ره‌وشا هه‌رێما كوردستانێ و پێكئینانا كابینا نوو یا حوكمه‌تا هه‌رێما كوردستانێ و پرسا پارێزگه‌ها كه‌ركووكێ و كارێ داهاتی یێ هه‌ردو ئالیان ل به‌غدا گه‌نگه‌شه بكه‌ن.
ئەڤرۆ نیۆز، ئەمیر ئەترووشی:
ئەندامەکێ فراکسیۆنا پارتی ل پەرلەمانێ عیراقێ راگەھاند، گفتۆگۆیا بۆدجەیا سالا ٢٠١٩ یا عیراقێ دناڤبەرا پەرلەمانی و حۆکمەتا عیراقێ دا بەرەڤ دووماھیێ یە و پتریا داخوازیێن کوردان دێ ھێنە بجھئینن و پشکا کوردان د بۆدجا سالا ٢٠١٩ دا بۆ ١٤% دێ ھێتە زێدەکرن.
د. ئەحمەد سەفار، ئەندامێ لیژنا دارایی ل جڤاتا نوونەرێن عیراقێ تایبەت بۆ ئەڤرۆ نیۆز دیار کر، بەری نھا مە بۆدجەیا سالا ٢٠١٩ پێشکێشی حۆکمەتا عیراقێ کربوو و مە ٥٠ خال پێشکێشی حکومەتێ کربوون و ئەو خالە پێدڤیە بچنە د ناڤ بەرنامێ کاری دا ھەتا کو ئەم بۆدجەیا سالا ٢٠١٩ قەبوول بکەین و دەمێ مە ٥٠ خالێن خوە پێشکێشی حکومەتێ کرین، حەفتیەک دەرفەت بوو و گۆت: ئەڤرۆ رۆژا دووشەمبی ١٠/١٢/٢٠١٨ گفتۆگۆیەکا درێژ ل سەر ھاتیە کرن و گفتۆگۆ ل سەر خال و پێشنیازێن کوردان ژی ھاتیە کرن و پتریا داخوازیێن کوردان ھاتینە پەسەندکرن.
ئەندامێ لیژنا دارایی ل جڤاتا نوونەرێن عیراقێ خویاژی کر کو ل گۆرەی گفتۆگۆیێن ئەڤرۆ، پشکا کوردان د بۆدجا سالا ٢٠١٩ دا بۆ ١٤% دێ ھێتە زێدەکرن و ئەڤە ژی ئێک ژ داخوازیێن کوردان یێن سەرەکی بوویە و گۆت: ھەتا نوکە ھێشتا کۆمبوونا چارەنڤیساز دناڤبەرا حۆکمەتا عیراقێ و پەرلەمانێ عیراقێ دا نەھاتیە دەستنیشانکرن و ئەنجامدان، بەلێ ھەر چاوا بیت ھەرێمێ ب زێدەکرنا رێژەیا کوردان د بۆدجا سالا ٢٠١٩ دا ژ ١٢% بۆ ١٤% یا رازی یە.
ئەڤرۆ نیوز:
ئەڤرۆ رۆژا دوشەمبی ل دووڤ بریارا سەروک وەزیرێن عیراقێ عادل عەبدولمەھدی ریێن سەرەکی بۆ دەڤەرا کەسک بەرامبەر خەلکێ عیراقێ ھاتنە ڤەکرن.
حوکمەتا عیراقێ جادەیێن سەرەکی ئەڤرۆکە ب فەرمی ھاتنە ڤەکرن بەرامبەر ھاتن و چوونا ھاولاتیێن عیراقێ.
رێڤەبەریا ھاتن وچوونا بەغدا دیارکر ئەڤرۆ دێ رێیا سەرەکی یا پرا ھلاویستی بۆ دەڤەرا عەلاوی و رێیا بۆ دەڤەرا قادسیە بەرامبەر ھاولاتیان ھاتنە ڤەکرن و خەلکێ عیراقێ ژی ب دلخوشی ب ھەلکەفتا سالرژا راگەھاندنا سەرکەفتنێ ل سەر تیرورستێن داعش ئاھەنگ گیران و بەر ب دەڤەرا کەسک چوون کو ژ سالای ٢٠٠٣ وەرە ئەڤ دەڤەرە ھاتبو گرتن بەرامبەر خەلکێ سڤیل و تنێ ببو جھێ بارەگایێ وەزارەت و بالیوزخانەیێن جیھانی.
ئەڤرۆ نیۆز، ئەمیر ئەترووشی:
سەرۆکێ ژوورا بازرگانی و پیشەسازیا پارێزگەھا دھۆکێ راگەھاند، راکرنا ئەو گۆمرکێن دناڤبەرا ھەرێمێ و عیراقێ دا، دێ مفایەکێ مەزن گەھینیتە گۆمرکا ئیبراھیم خەلیل و بازرگانیا ھەرێمێ ل گەل مووسل دێ گەشەیێ کەت.
شێخ ئەیاد حەسەن، سەرۆکێ ژوورا بازرگانی و پیشەسازیا پارێزگەھا دھۆکێ بۆ ئەڤرۆ نیۆز دیار کر، راکرنا وان گۆمرکێن دناڤبەرا ھەرێمێ و عیراقێ دا گرنگیەکا زۆر بۆ پێشڤەبرنا بازرگانیا دناڤبەرا ھەرێمێ، مووسلێ و عیراقێ دا ھەیە و ل گەل ھندێ ژی دێ مفایەکێ باش گەھینیتە بازرگانیا دناڤبەرا ھەرێمێ و تورکیا دا ب رێیا گۆمرکا ئیبراھیم خەلیل و دێ گەشەیەکا باش پەیدا کەت.
ل گۆرەی گۆتنێن شێخ ئەیادی، ھەر ژ دەمێ رزگارکرنا مووسل و ھەتا نھا، بازرگان نەدشیان ب دروستی ب کارێ خوە رابن بۆ ھندێ کەل و پەلێن خوە ببەنە مووسل و گەشەیا ئابووری و بازاری ل مووسل پەیدا ببیت، بەلێ راکرنا ڤان گۆمرکان دێ مفایەکێ مەزن گەھینیتە دەڤەرێ ھەموویێ.
ئەڤرۆ نیۆز، قائید میرۆ:
ئەندامەکا لیژنا ساخلەمی ل پەرلەمانێ عێراقێ ئاشکرا کر کار بۆ ڤێ چەندێ دھێتەکرن ئاریشەیێن سالێن بۆری بۆ ھنارتنا پشکا دەرمانێن ھەرێما کوردستانێ بھێنە چارەسەرکرن و د پڕۆژە قانوونا بودجا سالا داھاتی گوژمێ ١٩٢٠ ملیار و ٦٨٠ ملیۆن دینار پشکا ھەرێما کوردستانێ نە بۆ دابینکرنا دەرمانان بۆ ھەرێما کوردستانێ.
دکتۆرە دالیا فەرھاد، ئەنداما لیژنا ساخلەمیێ ل پەرلەمانێ عێراقێ بۆ ئەڤرۆ نیۆز دیارکر” دناڤا پڕۆژە قانوونا بودجا گشتیا عێراقێ دا یەک ترلیۆن و نیڤ پارە بۆ دابینکرنا دەرمانان ھاتینە مەزاختن و ل ڤی پارەی ژی ١٩٢٠ ملیار و ٦٨٠ ملیۆن دینار پشکا ھەرێما کوردستانێ نە بۆ دابینکرنا دەرمان و پێدڤیێن ساخلەمیێ، بێگومان ئەف پارە ل بودجا حاکیمەدا ھاتینە جێگرکرن.
دکتۆر دالیا فەرھاد گۆتژی” دێ ھەموو بزاڤان کەین ئەڤ ئاریشەیێن سالێن بەرێ، کو بەغدا وەکە پێدڤی دەرمان نەھنارتینە بۆ ھەرێما کوردستانێ سەرەڕای ڤێ چەندێ ھژمارەکا زۆرا ئاوارەیێن دەڤەرێن جودایێن عێراقێ ل ھەرێما کوردستانێ ئاکنجینە بهێنە چارەکرن، بێگومان حوکمەتا عێراقێ دەرمان تا رادەیەکی فڕێکرینە کەمپێن ئاوارەیان، بەلێ ناھێتە ڤەشارتن رۆژانە ھژمارەکا زۆرا ئاوارەیان سەرەدانا بنکە و نەخوەشخانێن ھەرێما کوردستانێ کرینە و چارەسەری وەرگرتینە.
ئەڤرۆ نیۆز، ئەمیر ئەترووشی:
پەیڤدارێ رێڤەبەریا بەرەڤانیا باژێری ل پارێزگەھا دھۆکێ راگەھاند، ژ ئەنجامێ تەقینا قنینەکێ غازێ ل مالەکا سەنتەرێ قەزا سێمێلێ دا، دوو کەس ژ وێ خێزانێ بریندار بوون.
رائیدێ مافپەروەر بێوار عەبدولعەزیز، پەیڤدارێ رێڤەبەریا بەرەڤانیا باژێری ل پارێزگەھا دھۆکێ بۆ ئەڤرۆ نیۆز دیار کر، ل شەڤا دەربازبوویی ل دەمژمێر ١:١٠ی شەڤ، دناڤ مالەکێ دا دەنگێ تەقینەکێ دھێت و لێنانگەە و ھندەک کەل و پەلێن وێ مالێ ب سەر ئێک دا دھێن و ئەگەر یێ دیار نەبوویە و زیان ب ١٠ مالان گەھشتینە و دوو کەس ژی برینداربووینە و نافمالیێن دوو ژ وان ب ئێکجاری ژناڤچووینە.
رائید بێوار ئاشکرا ژی کر کو پشتی ڤەکولینا ئەفسەرێ بنگەھێ سێمێلێ ل سەر وان خانیێن شڤێدێ ل دەم ژمێر ١:١٠ پەیدابووی، دیار بوویە کو قنینێ غازێ دن اڤ دا مالێ دا پەقیە کو غاز ژ بەر قنینەی چوویە و بوویە ئەگەرێ ھندێ زیان بگەھنە نێزیکی ١٠ خانیێن ھاولاتیان و دوو کەس بریندار بووینە، ژ وان برینداران ئێک ئافرەتە و ئێک زارۆ بوویە و زیانێن ماددی ژی گەھاندینە وان مالان.
بێوار ئاشکرا ژی کر کو ئێک ژ وان کەسێن بریندار ژنەکا ٣٥ سالی و زارۆیەکێ ١ سالیە، بەلێ د ڤێ روودانێ دا چو ئاگر نەبووینە و ب تنێ قنینێ غازێ پەقیە و دیوار و خانی ب سەرئێکداکرینە.
نيشاندان