ئه‌ڤرۆ نیوز:
ل دووڤ راپۆرته‌كا كه‌شناسیا هه‌رێمێ، ل 12 ده‌مژمێرێن بوورى، 19 ملیمێن بارانێ ل دهۆكێ بارینه.
رێژا بارانا 12 ده‌مژمێرێن بوورى
نووترين نووچه
- سەرۆك بارزانی ل گەل شاندەكێ هەڤپشكێ سێ پارتێن باكوورێ كوردستانێ پرۆسەیا ئاشتیێ ل توركیا گەنگەشە كر
- سەرۆك بارزانی و ئەیاد سامەرائی دوپاتی ل پێگیریبوونێ ب بنەمایێن هەڤپشكیێ كر
- پارتی دیموكراتی كوردستان پیرۆزباهیێ ل پارتا داد و گەشەپێدانێ یا توركی دكەت
- لژنەیا پەترۆل و غازێ: هەموو بەرهەڤیێن هنارتنا پەترۆلا هەرێما كوردستانێ یێن تمام بووین
- ب سەركەڤتنا پرۆسەیا ئاشتیێ ل توركیا دێ ب سەدان گوندێن مە دوبارە هێنە ڤەژاندن
- قاسم شەشۆ: ئەو كەسێن چووینە بەغدا داخوازێن كەسۆكی هەبوون و تنێ نوونەرایەتییا چەند كەسان دكەن
- كەسایەتییەكێ ئێزدی: چو جاران ئێزدیان جهێ خوە د ناڤا لەشكەرێ ئیراقێ دا نەدیتییە
- سەرۆك بارزانی و فالح فەیاز رەوشا سیاسی و ئەمنی یا ئیراقێ و دەڤەرێ گەنگەشە كر
- چاڤدێرەكێ سیاسی: سەرۆك بارزانی بڕیاردەرێ چارەسەرییا پرسا كوردی یە ل دەڤەرێ
- وەزارەتا دەرڤەیا ئیراقێ: پەیاما عەبدوللا ئۆجەلانی بۆ ئیراقێ و هەرێما كوردستانێ یا گرنگە
سه‌ره‌كى Facebook
راستيا فرۆكا ئيماراتى يا ب ئه‌لماسى هاتيه دروستكرن بزانه
ئه‌ڤرۆنيوز:
وێنه‌كێ فرۆكه‌كا ئيماراتى بكارئێنه‌رێن تۆرێن جڤاكى حێبه‌تى كريه، ژبه‌ركو ئه‌و فرۆكه ديار دبيت كو ژ ئه‌لماسى هاتيه دروستكرن ول ده‌وروبه‌رين وێ ترومبێلێن ڤه‌گوهاستنا بارێ رێڤينگانه.
به‌لێ هه‌ر زوو تۆرا فرۆكه‌ڤانى يا ئيماراتى ل سه‌ر به‌رپه‌رێ خوه ل تۆرا جڤاكى يا تويته‌رى به‌لاڤكر ( فرۆكا بلينگ 777 به‌رچاڤ دكه‌ين كو ژ ديزاينا ساره شاكيل) يه.
پێنج کەس بریندار بوون
ئەڤرۆنیوز، سەباح زێباری:
رێکەفت زوهێر بەرپرسێ راگەهاندنا هاتن و چوونا ئاکرێ بۆ ئەڤرۆ نیوز گۆت : ئەڤرۆ ئێڤارى ل سه رجادا سه‌رەكى نێزیك گوندێ مام خەلیفە یا سەر ب قەزا ئاکرێ ڤه، روودانەکا ترافیکی د ناڤبەرا دو ترومبێلادا ژ چورێ لێکدان دروست بوو.
گۆت ژی : د ئەنجامێ ڤێ روودانا ترافیکی دا ٥ کەس برینداربوون، کو سێ ئافرەت و دو زەلام بوون، هاتە رەوانەکرن بۆ نەخوشخانا تەنگاڤیا ئاکرێ.
بلندبوونا ئاستێ ئاڤێ به‌رێ وه‌لاتیان دایه كومكرنا داران
شێلادزێ، ئێقبال عومه‌ر:
پشتى بارینا بارانه‌كا زور ل چه‌ند ده‌ڤه‌رێن هه‌رێما كوردستانێ بارین و بوویه ئه‌گه‌را بلند بونا ئاستێ رووباران و ل چه‌ند ده‌ڤه‌را له‌هى چێ بووين، ب تایبه‌تى ل ده‌ڤه‌رێن چیایى و نزم, وه‌لاتیان مفا ژى ژبلند بونا ئاڤا رووباران دیت, به‌رێ وه‌لاتیان ژ چیان دایه رووباران بو ب ده‌ستڤه ئینانا داران و ڤه‌گرتنا دولك و به‌رمیل و قلینان.
تێلى خالد سیته‌ى وه‌لاتیه‌كێ كومه‌لگه‌ها سیریێ یه یا سه‌ر ب ناحیا شێلادزێ ڤه ب مه‌ره‌ما كومكرنا داران قه‌ستا سه‌ر رووبارێ ئاڤا شین كربو ل گه‌لیێ بالندا بو ئه‌ڤرو نيوز گوت: هه‌رسال ل ده‌ما بلندبونا ئاستێ ئاڤا روبارێ شین خه‌لكێ كومه‌لگه‌ها سیریێ قه‌ستا سه‌ر رووبارى دكه‌ن ژ بو كومكرنا داران و هه‌روه‌سا ڤه‌گرتنا دولك و به‌رمیلێن نه‌فت و به‌نزینێ و هه‌روه‌سا قلینێن غازێ, ژبه‌ركو ل ده‌ما بلند بونا ئاستێ ئاڤێ ئه‌ڤ روباره رێژه‌كا زور یا داران دگه‌ل خوه دئینن رووبارێ شین ژێده‌رێ وێ ل باكورێ كوردستانێ ل ده‌ڤه‌را دوسكى ژوریان و ده‌ڤه‌را هه‌ركیێن بنه جه دهێت كو ئیكه ژ روبارێن زور دور و درێژ و ده‌ردورێن ڤى روبارى هه‌مو دارستانن, و هه‌روه‌سا چه‌ندین باره‌گاو كوگه‌هێن پارتیا كرێكارێن كوردستانێ دناڤا وان دول و نهالادانه ده‌مێ ئاستێ ئاڤى ل وان دول و نهالان بلند دبیت هه‌مو وان كه‌ل و په‌لێن باره‌گا و كوگه‌هێن وان ئاڤ دگه‌ل خوه دئینیت وه‌لاتیژى ل ڤێ ده‌ڤه‌رى ده‌مێ گرتنا داران دئاڤێ دا وان دولك و به‌رمیل و قلینان بو خوه ڤه‌دگرن.
ئه‌یاد ئیبراهیم گوت: من نێزیكى 100 دولكێن پانزین و نه‌فتێ یێن ڤه‌گرتى و هه‌روه‌سا پتر ژ ده‌ه قلینێن غازى و دوو به‌رمیل یێن نه‌فتێ و دوو پیكه‌مێن داران.
ب وێنە:كەرنەڤالا بۆرینا سەد سالا ل سەر ناحیه بوونا ئەلقوش
ئەڤرۆ نیوز ،بارزان مزووری:
د رێ ورەسمەكێ دا ئەڤرۆ چارشه‌مبى 5/12/2018 كەرنەڤالا بۆرینا سەد سالان ل سەر ناحیه بوونا ئەلقوش هاته ئەنجامدان ب چەندین چالاكیێن جۆرا وجۆر.
لارا زارا، رێڤەبەرا ناحیا ئەلقوش بۆ ئەڤرۆنیوز ئاشكرا كر كو ب پشته‌ڤانيا هێزێن پێشمەرگەی و خوراگریا وان ئەڤ كەرنەڤالە هاته ئەنجامدان ژبەركو هه‌كه ئەڤ پێشمەرگە نەبوویە د نها ئەڤ باژێرە ژی دهاتە كاڤلكرن وەكو وان باژێرێن دی یێن كەفتین دەستێ داعشێ دا چو جارا نەشێین قەرەبوویا وان قەهرەمانان بكەین هەردەم سوپاسدارێن واینە.
ڤیدیو: شانده‌كێ سه‌ربازیێ ئه‌لمانیا سه‌را نه‌خوشخانا پێشمه‌رگه‌ى دا
مه‌سرور بارزانى وئه‌حمه‌د جه‌ربا كۆمبوون
ئه‌ڤرۆنيوز:
شيره‌تكارێ جڤاتا ئاسايشا هه‌رێما كوردستانێ مه‌سرور بارزانى ئه‌ڤرۆ چارشه‌مبى 5/12/2018 پێشوازى ل شێخ ئه‌حمه‌د جه‌ربا سه‌رۆكێ ره‌وتێ ئه‌لغه‌د يێ سوورى كر.
دديداره‌كێ دا ره‌وش وپێشهاتێن سياسى يێن ده‌ڤه‌رێ وشه‌ر وپێكدادانێن دناڤبه‌را گرۆپێن جودا جودا يێن سوورى ورژێما سووريێ ژلايه‌كى وتيرۆرستێن داعشێ وده‌ستێوه‌ردانێن ده‌ره‌كى ژلايه‌كێ دى ڤه هاتن به‌حسكرن.
شێخ ئه‌حمه‌د جه‌ربا پيرۆزباهى ل مه‌سرور بارزانى كر بۆ به‌ربژاركرنا وى وه‌كو سه‌رۆك وه‌زيرێن حوكمه‌تا هه‌رێما كوردستانێ وهيڤيا سه‌ركه‌فتنێ دوى ئه‌ركى دا بۆ خواست.
مه‌سرور بارزانى بير وبۆچوونێن خوه ل دۆر پێشهات وروودانێن ده‌ڤه‌رێ ب تايبه‌تى يێ سووريێ به‌رچاڤكرن وداخواز ژ هه‌موو لايه‌نێن په‌يوه‌نديدار كر شيانێن خوه بێخنه كار بۆ ديتنا چاره‌كا سياسى بۆ ره‌وشێ كو هه‌موو لايه‌ك هه‌ست ب هه‌بوون ورۆلێ خوه درێڤه‌برنا وه‌لاتى وبريارێن سياسى دا بكه‌ت.
مامۆستایەكى خوه كوشت
ئەڤرۆ نیوز ،بارزان مزووری:
رێڤەبەرێ پولیسێن ئەلقوش عەقید عارف میرخان، بۆ ئەڤرۆ نیوز دیار كر ئەڤرۆ 5 كانونا ئێكێ 2018 ئه‌م هاتینه ئاگەهداركرن كو مامۆستایەكی 55 سالى ل گوندێ شێخكا سەر ب ناحیا ئەلقوش دناڤ مالا خوه‌دا ب چەكێ كلانشیكوفێ گولەیەك ل خوه‌دایە ودئه‌نجامدا گیانێ خوه ژ دەست دایە.
گۆت ژى” پۆلیسێن مە گەهشتن جهێ روودانێ وپشتی ڤەكۆلین ل دۆر خوه كوشتنا وی ئەنجامدای، لاشێ وی بوۆ نوشداریا داد ل دهۆكێ هاته هنارتن”.
ئاماژه‌كر” ل دووڤ پێزانينێن دەستپێكى دگەل خێزانا وی كو ئەڤە 10 سالە چارەسەریا دەرونی بو دهێتە كرن ويێ بێزاربووى وبزاڤێن خوه كوشتنێ كرينه ، ژبەر وێ چەندێ یێ مۆلەت دایە ژ دەواما خوه وه‌كو مامۆستا.
حوكمه‌تا هه‌رێمێ رۆهنكرنه‌كێ ل دۆر بێهنڤه‌دانا رۆژا دوشه‌مبى دده‌ت
ئه‌ڤرۆنيوز:
حوكمه‌تا هه‌رێما كوردستانێ ئه‌ڤرۆ چارشه‌مبى 5/12/2018 راگه‌هاند كو بێهنڤه‌دانا رۆژا دوشه‌مبى هه‌رێما كوردستانێ ناگريت.
سه‌فين دزه‌يى، په‌يڤدارێ حوكمه‌تا هه‌رێما كوردستانێ گۆت” رۆژا دوشه‌مبى 10/12/2018 سالرۆژا سه‌ركه‌فتنێ ل سه‌ر داعشێ، ل هه‌رێما كوردستانێ نابيته بێهنڤه‌دان”.
حوكمه‌تا عيراقێ رۆژا دوشه‌مبيا داهاتى ب رۆژا سه‌ركه‌فتنێ ل سه‌ر داعشێ راگه‌هاند وئه‌و رۆژه كره بێهنڤه‌دانا فه‌رمى ل عيراقێ.
ل مسیریکێ لەھیان زیان ب ٢٠ خێزانان گەھاندن
ئەڤرۆ نیۆز، ئەمیر ئەترووشی:
پەیڤدارێ رێڤەبەریا ھاتن بەرەڤانیا باژێری ل دھۆکێ راگەھاند، ژ ئەگەرێ ھاتنا بارانان و پەیدابوونا لەھیان، ل کۆمەلگەھا مسیریکێ یا سەر ب قەزا سێمێلێ ڤە، زیان ب ٢٠ مالان گەھشتینە و ئاڤ گەھشتینە دناڤ مالێن وان دا.
رائید بێوار عەبدولعەزیز بۆ ئەڤرۆ نیۆز دیار کر، ژ ئەگەرێ لەھیان، ئاڤ چوویە د ناڤ زێدەتر ژ ٢٠ مالان دا ل کۆمەلگەھا مسیریکێ و زیانێن دراڤی ل دووڤ خوە ھێلاینە، بەلێ چو زیانێن گیانی پەیدا نەبووینە و گۆت: ل دەمژمێر ٢:٠٠ پشتی نیڤرو پەیوەندی ب بنگەھێ سێمێلێ ھاتەکرن ب ھەبوونا روودانەکێ ل سێمێلێ نێزیک دادگەھا سێمێلێ کو ترۆمبێلەکا دوتەنی ئاسێ بوویە د ئاڤێ دا، ژبەر لەھیا بنگەھێ ناڤبری ل جھێ روودانێ ئامادەبوو و شیان کچەکا ٨ سالی دگەل ترۆمبێلێ قورتال بکەن.
نيشاندان
WP Facebook Auto Publish Powered By : XYZScripts.com