ئەڤرۆ نیوز:
یانا ئەرسینال ھزر ل ئینانا یاریزانەکێ دی یێ ھێلا ناڤین کریە ل جھێ یاریزانێ وێ یێ ئەلمانی مەسعود ئوزێل ئەوێ ل ڤێ دووماھیێ چەند ناکوکی دناڤبەرا وی و راھێنەرێ وێ یانێ ئونای ئەیمری پەیدابووین.
رۆژناما زەسەن یا برێتانی دیارکریە یانا ئەرسینال دخوازیت ھەڤبەستێ ل گەل یاریزانەکێ نوو ل جھێ ئوزێل ئیمزا بکەت ژبەرکو پێشبینیەکا مەزن دھێتەکرن ئەو یاریزان پێکھاتیێ وێ یانێ ب جە بھێلت.
ھەردیسان وێ رۆژنامێ ئاشکراکریە ژی ئەرسینال کوژمێ ٣٥ ملیون جینێ ئیسترلینی پێشکێشی یانا ئایندھوڤن یا ھولەندی کریە بوو دەستڤە ئینانا ھێرشبەرێ وێ یێ مەکسیکی ھیرفینگ لوزانو ئەوێ ل موندیالا ٢٠١٨ ل گەل ھەلبژارتیێ خوە شیای ئاستەکێ بلند پێشکێش بکەت ھەردیسان نوکە دھێتە ھژمارتن ئێک ژ باشترین یاریزانێن خۆلا ھولەندا و ١٥ گول ل وەرزێ ئەڤ سالە ھەتا نوکە تومارکرینە

ئەڤرۆ نیوز:

یانا موناکو پشتی ل ماوێ بوری بۆ ڤەگوھاستنێن زڤستانێ ھەڤبەست ل گەل سێ یاریزانێن خودان شیان ئیمزاکری بوو ب ھێز ئێخستنا پێکھاتیێ خوە و قورتالکرن ژ مەترسیا پاشڤەزفرینێ نێزیکی ئیمزاکرنا ھەڤبەستا چارێ بوویە ل ڤەگوھاستنێن زڤستانێ.
رۆژناما مارکا یا ئیسپانی دیارکریە یانا موناکو نێزیکی ئیمزاکرنا ھەڤبەستا یاریزانێ ھەلبژارتیێ پورتوگال و یانا ئەتلەتیکو مەدرید جیلسون مارتینێز بوویە .
ھەردیسان ئەوێ رۆژنامێ ئاشکراکریە ژبەرکو یانا یانا ئەتلەتیکو مەدرید نێزیکی ئیمزاکرنا ھەڤبەستا یاریزانێ ئیسپانی و یانا چێلسی ئەلفارو موراتای بوویە دخوازیت دەستا ژ یاریزانێ خوە مارتینێز بەردەت و یانا موناکو ژی ئەڤ چەندە ب مفا دیتی یە و ب فەرمی ھەڤبەست پێشکێشی وێ یانێ کریە بوو دەستڤە ئینانا ئەوی یاریزانێ پورتوگالی.

ھەژی گوتنێ یە جیلسون مارتینێز ل ھاڤینا ٢٠١٨ پەیوەندی ب یانا ئەتلەتیکو مەدرید کربوو پشتی ژیانا سپورتینگ لەشبونا ھاتی لێ ئەڤی یاریزانی ب تمامی نەشیا جھێ خوە د پێکھاتیێ وێ یانێ دا پەیدابکەت کو بتنێ ل وەرزێ ئەڤ سالە ھەشت یاریان پشکداری ل گەل کریە و نە شیا چو گولان توماربکەت

ئەڤرۆ نیوز:

ماوه‌کێ درێژه‌ ده‌نگوباس ل سه‌ر چوونا ھێرشبەرێ به‌ری نوکه‌ یێ یانا ریال مەدرید و چێلسی یێ نوکە ئەلفارو موراتا دهێنه‌ به‌لاڤه‌کرن بوو چوونا وی بو یانا به‌رشه‌لونا ل ڤه‌گوهاستنێن زڤستانێ.

بەرنامەیێ تشیرنگیتو یێ تەلەفزونی کو ئێک ژ بەرنامەیێن بەرنیاسە ل ئیسپانیا ئاشکرا کر موراتا ل چەند رۆژێن بوری ھەڤبەستا یانا بەرشەلۆنا رەتکر ژبوو خاترا ھەڤبەستا یانا ئەتلەتیکو مەدرید.
ئەوی بەرنامەیێ وەرزشی دیارکریە ژی یانا بەرشەلۆنا ئارمانجا خوە کربوو ھێرشبەرێ یانا چێلسی ئەلفارو موراتا پشتی چوونا مونیر حەداد ، لێ ئەوی یاریزانی بوو خاترا ھەڤبەستا ئەتلەتیکو ھەڤبەستا وێ یانا کەتەلونی رەتکر تایبەت پشتی راھێنەرێ یانا ئەتلەتیکو مەدرید دیگو سیمیونی پەیوەندی ب ئەوی یاریزانی کری. .

ئەڤرۆ نیوز:

ستێرا فرەنسی و یانا مانچێستەر یوناید پول پوگپا دیارکر یانا ئەوان ب سەرپەرشتیا راھێنەرێ وێ یێ نوو یێ نەرویجی ھەیبەتا خوە یا جاران ڤەگەراندە ڤە و ئەڤی راھێنەری ناڤێ مانچێستەر یوناید یێ جاران ڤەگەراندە ڤە .
ئەوی یاریزانی زێدەتر بوو مالپەرێ سکای سپورت دیارکر ئەوی باوەریەکا مەزن ب راھێنەرێ نوو یێ نەرویجی سولشایر ھەیە دێ شێت ئەنجامێن مەزن بوو ڤێ یانێ توماربکەت و ناڤێ یانێ جارەکا دی ل ئورۆپا بلند کەتە ڤە .

ھەژی گوتنێ یە مانچێستەر یوناید ل شەش یاریێن دەستپێکێ ب سەرپەرشتیا راھێنەرێ خوە سولشایر شەش سەرکەفتن ل دیڤ ئێک تومارکرینە کو دبیتە راھێنەرێ ئێکێ د مێژویا وێ یانێ دا ل شەش یاریێن دەستپێکێ شەش سەرکەفتنا ل دیڤ ئێک توماربکەت

ئەڤرۆ نیوز:
راپورتێن رۆژنامەڤانی ئاشکراکرینە یانا یوڤانتوس یا ئیتالی گەھشتنە رێککەفتنا دەستپێکی ل گەل ستێرا ویلزی و یانا ئەرسینال یا ئنگلیزی ئارون رەمزی بوو ڤەگوھاستنا ئەوی ل ھاڤینا بھێت.
مالپەرێ سکای سپورتس یێ ئیتالی دیارکریە یوڤانتوس دێ ھەڤبەستا ئارون رەمزی ل ھاڤینا بھێت ب ھەڤبەستەکا سەربەست ئیمزا کەت پشتی ھەڤبەستا ئەوی ل ھاڤینا بھێت ل گەل یانا وی ئەرسینال ب دووماھیی دھێت.
رەمزی ل ماوێ بوری ببوو ئارمانجا ھژمارەکا مەزن یا یانێن ئورۆپی تایبەت یانێن بایرن میونیخ و پاریس سانجێرمان لێ ئەوی یاریزانی ل دووماھیێ یانا یوڤانتوس ھەلبژارت.
ھەژی گوتنێ یە ئارون رەمزی ل سالا ٢٠٠٨ ھەڤبەستا یانا ئەرسینال ئیمزاکربوو و ھەتا نوکە ل گەل وێ یانێ یێ بەردەوامە د ماوێ یازدە سالێن بوری دا ئەوی یاریزانی ٢٥٣ یاری ل گەل وێ یانا ئنگلیزی کرینە و شیا ٥٣ گولان توماربکەت

ئەڤرۆ نیوز:
یانا لیڤەرپول یا ئنگلیزی ب فەرمی نووکرنا ھەڤبەستا بەرەڤانێ خوە یێ ئوسکوتلەندی ئەندری روبرتسون راگەھاند ئەوێ بەری سال و نیڤا ژ یانا ھال سیتی ھاتیە دناڤ رێزێن یانا لیڤەرپول دا.
یانا لیڤەرپول ل سەر مالپەرێ خوە یێ فەرمی راگەھاند ئەو گەھشتنە رێککەفتنێ ل گەل بەرەڤانێ خوە ئەندری روبرتسون ھەتا ھاڤینا ٢٠٢٤ .
ھەژی گوتنێ یە ئەندری روبرتسون یێ ٢٤ سالی ھەر ژ سالا ٢٠١٧ وەرە شیا ٥٦ یاریان ل گەل یانا خوە لیڤەرپول د ھەموو قارەمانیان دا پشکداری بکەت.