ئەڤرۆ نیوز:
یانا ئەرسینال یا ئنگلیزی نێزیکی ئیمزاکرنا ھەڤبەستا یاریزانێ یانا بەرشەلۆنا دەنیز سوارێز بوویە ل دیڤ گوتنا رۆژنامەیێن نێزیکی یانا بەرشەلۆنا.
رادیویا RAC ١” یا کەتەلونی دیارکریە یانا ئەرسینال بەرھەڤیا خوە دیارکریە کوژمێ ئێک دو ملیون یورویا پێشکێشی یانا بەرشەلۆنا بکەت بوو ڤەگوھاستنا دەنیز سوارێز بوو ماوێ شه‌ش هه‌یڤێن بهێت و ھەردیسان کوژمێ ٢٠ ملیون یورۆیا ژی دێ پێشکێشی یانا بەرشەلۆنا کەت ھەکە ل ھاڤینا بھێت ئەو یاریزان ب فەرمی بوو یاریزانێ ئه‌رسینال.
/cdn.vox-cdn.com/uploads/chorus_image/image/59936249/901268508.jpg.0.jpg)
ئەڤرۆ نیوز:
یانا ریال مەدرید ماوەکێ درێژە چاڤدێریا به‌ره‌ڤانه‌کێ بەرازیلی دکەت ب مەرەما ڤەگوھاستنا ئەوی یاریزانی .
رۆژناما مارکا یا ئیسپانی دیارکریە یانا ریال مەدرید گەھشتی یە رێککەفتنێ ل گەل یانا پورتو یا پورتوگالی بوو ڤەگوھاستنا یاریزانێ وێ یێ ھێلا بەرەڤانیێ ئەیدیر میلیتو .
ھەردیسان وێ رۆژنامێ ئاشکراکریە ژی یانا پورتو پا پورتوگالی داخوازیا ٥٠ ملیون یورۆیا کریە ژ یانا ریال مەدرید بوو دەست بەردانا وی یاریزانێ خوە .
ھەژی گوتنێ یە یانا پورتو ل ھاڤینا بوری میلیتو ژ یانا ساوپاولو ڤەگوھاست بوو ناڤ رێزێن خوە بەرامبەر کوژمێ ٤ ملیون یورۆیا و ھەردیسان کوژمێ ١٠% بدەتە وێ یانا بەرازیلی ھەکە یانا پورتو ل پاشەرۆژێ ئەو یاریزان ب کوژمەکێ مەزنتر ژ ٤ ملیون یورۆیا فروت.
ئەڤرۆ نیوز:
ستێرا بەری نوکە یێ بەرازیلی و یانا بەرشەلۆنا ئیسپانی ریڤالدو پوستێ راھێنەریا یانا شەباب مەحمەدیە یا مەغرەبی وەگرت ئەوا دخۆلا پلا سێ یا وی وەلاتی دا کەت.
یانا شەباب مەحمەدیە ل سەر مالپەرێ خوە یێ فەرمی فێسبوکی ھەڤبەستا ریڤالدوی راگەھاند و چەند وێنەیێن ئیمزاکرنا ھەڤبەستا ئەوی ل گەل سەرۆکێ وێ یانێ بەلاڤەکرینە.
ھەژی گوتنێ یە یانا شەباب مەحمەدیە ئێک ژ یانێن بەربژارە بوو دەربازبوونێ بوو خۆلا پلا دو یا وی وەلاتی.
ئەڤرۆ نیوز:
پشتی یاریێن قوناغا کومان ژ قارەمانیا ئاسیا ل سەر ئاستێ ھەلبژارتیان ب دووماھیی ھاتین و ١٦ ھەلبژارتیی دەربازی قوناغا ١٦ بوون و ھەشت ھەلبژارتیا قارەمانی ب جهـ ھێلا .
ژڤانا یاریێن قوناغا ١٦ ل ٢٠ و ٢١ و ٢٢ ڤێ ھەیڤی بھێنەکرن کو ژ گرنگترین یاریا ڤێ قوناغێ ھەردو ھەلبژارتیێن سعودی ل گەل یابان و عیراق ل گەل قەتەر بیت .
ل ٢٠-١-٢٠١٩ بریارە سێ یاری بھێنەکرن ئەوژی ل یاریا ئێکێ بریارە ھەلبژارتیێ ئوردون ل گەل ھەلبژارتیێ ڤێتنام بکەت ل دەمژمێر ئێکی نیڤرو
ل یاریا دوێ ھەردو ھەلبژارتیێن تایلەند و چین ل گەل ئێک کەن ل دەمژمێر ٥:٠٠ ئێڤاری
ل یاریا سیێ ھەلبژارتیێ ئیران ئێک ژ بەربژارێن قارەمانیێ یە دێ یاریا خوە ل گەل ھەلبژارتیێ عمان کەت ل دەمژمێر ٨:٠٠ شەڤ
ل یاریێن رۆژا دوێ و ٢١-١-٢٠١٩
ھەلبژارتیێ یابان ل گەل ھەلبژارتیێ سعودی کو دھێتە ھژمارتن ئێک ب ھێزترین یاریا ل ڤێ قوناغێ کو بریارە ل دەمژمێر ئێک نیڤرو ھێتەکرن .
ل دەمژمێر ٥:٠٠ ئێڤاری ھەردو ھەلبژارتیێن ئوسترالیا ھەلگرا ناسناڤێ قارەمانیا بوری دێ ل گەل ھەلبژارتیێ ئوزباکستان کەت.
ل یاریا سیێ ھەلبژارتیێ ئیمارات مێڤاندارا قارەمانیێ دێ یاریا خوە ل گەل ھەلبژارتیێ قیرغستان کەت.
ل یاریێن رۆژا سێ و ٢٢-١-٢٠١٩ بریارە دو یاری بھێنەکرن
ئەوژی کوریا باشور ل گەل ھەلبژارتیێ بەحرێن ل دەمژمێر ٤:٠٠ ئێڤاری
عیراق ل گەل قەتەر ل دەمژمێر ٧:٠٠ پشتی مەغرەب.
ئەڤرۆ نیوز:
پشتی بورینا سێ سال و نیڤا گولچیێ یانا ریال مەدرید کیکو کاسیا ب فەرمی پێکھاتیێ وێ یانێ ب جە ھێلا پشتی دوھی ب فەرمی ھەڤبەستا یانا لیدز یوناید یا ئنگلیزی ئیمزاکری کو ئێک ژ یانێن خۆلا پلا ئێک یا وی وەلاتی یە .
کاسیا ل سەر کەوانتێ خوە یێ تایبەت یێ تویتەری دووماھیی پەیاما خوە ل یانا ریال مەدرید راگەھاند و تێدا دیارکر پشتی بورینا سێ سال و نیڤا نوکە دەمێ خاتر خواستنێ یە و جو جاران بیرھاتنێن ڤێ یانێ ژبیر ناکەم نە ژبەر برنا ناسناڤان لێ ژبەر وێ حەژێکرنا ھەوە.
ھەژی گوتنێ یە کاسیا ئێک ژ گولچیێن پێگوھور یێن یانا ریال مەدرید بوو ل سالا ٢٠١٥ ھەڤبەستا ریال مەدرید ئیمزاکر بوو د ماوێ سێ سال و نیڤێن بوری دا ٤٣ یاری ل گەل یانا ریال مەدرید ئەنجامدابوون کو زوربەیا ئەوان د قارەمانیا کاسا ئیسپانیا دا بوون
ئەڤرۆ نیوز:
ستێرا ئەرژەنتینی و یانا بەرشەلۆنا لیونێل میسی پشتی ل یاریا شڤێدی یا یانا خوە ژ قارەمانیا کاسا ئیسپانیا شیای گولەکێ توماربکەت شیا ھژمارا گولێن خوە د وێ قارەمانیێ دا ب گەھینتە ٤٩ گولان و نمرا چیڤانوکا یانا بەرشەلۆنا یێ ھنگاری کوبالا وەکھەڤ بکەت .
ھەژی گوتنێ یە ھەردو یاریزان میسی و کوبالا نوکە ل رێزا دوێ دھێت وەکو گولکەرێن مێژوی یێن یانا بەرشەلۆنا د قارەمانیا کاسا ئیسپانیا دا و ستێرا بەرێ یا یانا بەرشەلۆنا سامیتییر ل رێزا ئێکێ دھێت ب تومارکرنا ٦٤ گولان.
ئه‌ڤرۆنيوز، عه‌زيز هه‌ورامى:
زڤستانا ده‌ڤه‌را هه‌ورامان گه‌له‌ك يا ساره ول گوند وچيايێن وێ رێژه‌كێ مه‌زن يا به‌فرێ دباريت، هه‌وراميان خوارنه‌كا تايبه‌ت يا هه‌ى ل وى وه‌رزى كو ژ باب وباپيرێن خوه وه‌رگرتيه.
فاتمه كه‌ريم، ژنه‌كا دانعه‌مر يا هه‌وره‌مانى يه بۆ ئه‌ڤرۆنيوز گۆت” ژ باب وباپيرێن مه، ل هه‌ورامانێ خورانا خۆمالى يا خێزانان هه‌بوو، ل هه‌ر وه‌رزه‌كێ سالێ خوارنا تايبه‌ت ب خوه دهێته به‌رهه‌ڤكرن، بۆ وه‌رزێ سه‌رمايێ وسه‌قايێ به‌فرين شه‌له‌مين ودوينێ ب رۆن ودوشاڤا توويا يا خومالى دهێته به‌رهه‌ڤكرن”.
گۆت ژى” خوارنا دوينێ پێك دهێت ژ نۆك ورۆنێ خۆمالى ودوشاڤا توويان، شله‌مين ژى باده‌م وعه‌لى بابا وكلگلێن گيزا وگوشتێ سوور وكشمش پێك هاتێن وێ نه كو تامه‌كا تايبه‌ت يا هه‌ى”.
دياركر” خه‌لكێ هه‌ورامانێ ل شه‌ڤێن زڤستانێ گووز وتوى وهژيرێن هشككرى ومێويژان وچه‌ندين خوارنێن دى كو به‌رهه‌مێ ره‌زێن وانه بۆ وه‌رزێ زڤستانێ هه‌لدگرن”.
ئەڤرۆ نیوز ، زنار تۆڤی:
مەسعود چەلکی چاڤدێرەکێ سیاسیە بۆ ئەڤرۆ نیوز دیارکر: پێ نەڤێت کو هەڤرکیێن سیاسی و رێکخراوەیـی ل کوردستانێ د دیرووکـێ دا جهێ خـوە باش گرتیە و ئالوزی و کێشێن مەزن ل گەل خـوە پەیدا کـرینە و گەلەک دەرئەنجامێن خـراب و کاریگەر ل پشت خـوە هێلاینە، هەلبەت دبن هەر ناڤ و پاشناڤەکێ زیق دا بیت و دناڤا پەیرەو و پروگـرام و ئەدەبیاتێن وێـدا چو بەرچاڤ بکەڤیت ئەو مادە و پرەنسیپ و پەیـرەو بەرقەرار نابن، چونکـی د روالەت دا ژ دەرڤەی ئیرادا خـوە هاتیە دامەزراندن و ئاڤا کرن، ژبۆ ئارمانج و ئەجینـدایەک تایبەت و ب ریمود کونترولی دهێتە لڤــاندن.
ناڤهاتی گۆت ژی: بابەتـێ ناکـوکی و هەڤـرکیێت کوردا هوکارێن زاتـی و هەنوکەیی نینن، بەلکـو د بابەتی و ستراتیژی نە و دەرهـاڤێژێن پلان و کومپلویێت نێڤدەولەتـی نە، هەروەسا یا راست( زلهێزێـن ئیمپریالیست) ب چەنگ و بالێن هێزێن هەرێمی و ب کارێکتەری و پالەتیا کەس و لایەنێن نافخـویی پرۆژە دکەڤیتە کـاری و خـزمەتا ئارمانجێت ستراتیژی و دووم درێژ یێت هێزێت داگیرکەر و بیانـی، کو ئەڤە شانۆگەریەکـا دوو روویە، کو ئێکێ مە پێ هاویش دکەن و یا دی ژی خوە پێ تێر دکـەن، هەلبەت ئەو بزاڤ و چالاکی و مەشهەدێن دهێنە پێشکێشکرن، گەلەک جـارا بال و سەرنج و سۆزا مە رادکێشن، کو مەشهەدێن خاپینووک و شڤان حەیرینکن و ئەم ژی دکەڤین دخەیالێن ئاشووپی و عاتیفـی دا، هەروەسا هەست و سوزا مە دهێتە راکێشان و چاڤێن مە ژی رک و رک دمیننە پێڤە، لێ یا دروست ل پشت پەردێ کارەکێ جـددی ل سەر خوە دهێتە کرن و شانۆگەریەکا دی دهێتە پەخـشکرن بۆ خەلکێ.
چەلکی ئەو ژی دیارکر: گەلـو ما خـێرە!، کورد هندە نە هشیار و بێ ئەزموون و بێ ئاگەهـی بن کو مەترسی و دەرئەنجامێن هەڤـرکیێ و بێ تەباییێ نەزانن یان ژی پشت گوهڤە دهاڤێـژن، دیسا هەر ئێک ئێکێ دهەژینیت و ئێک مە هەموویان ڤێکرا دهەژینیت و ئیرادە و هێـزا راوەستاندنێ ژ دەستهەلاتا مە کوردا زێدەتـرە، هەر چەندە ئەڤە یا بۆ مە بوویە دەرد و کار و خەباتێن مە ژی زوو ب زوو سەرناگرن و راستە رێ نابن، لێ ئەڤا هەی ژی د مەیدان و ژیوارێ ئەڤـرۆ کە دا چنین و دەرامەتـا توڤچینێ بەری نوکەیە و ب ساناهی ژی ناهێتە بنبـرکرن.
وی چاڤدێری دیارکر ژی: هەکە ئەم دڤێ پێـڤاژویێ دا د زیـرەک و شارەزا نەبیـن و ل ئاستێ روودان و پێشهاتان نەبین، هەروەسا خواندن و پەیام و تێگەهـێ مە یێ راست نەبیت و دیسا پێنگاڤێن حەکیـم و ب حیکمەت نەهاڤێژین، ب دروستی رەفتـار و کریارا نەکەین، دێ پتـر کەڤینە د حزمەتا پروژێن هێـزێن هەرێمـی و نێڤدەولەتی دا، لەوما باشترە ئەم ب هـزر و مەنتق پێنگاڤان بهاڤێـژین، چونکی چەکێ هەرە کاریگەر و زیــرەک بەرامبەر سیاسەتێ هەر سیاسەتە، هەروەسا نە راستە ئەم پێنگاڤێن دبلوماسی و ئەتەکێتێن وێ ب تور و عورفێن جڤـاکی ڤە گرێ بدەین، هەروەسا لۆمەیا سیاسەتا خوە و سیاسەتمەدارێن خوە بکەین، لەوما دڤێت ئەم وێ ژبیر نەکەین، هەکە ئەم سیاسەتێ نەکەین دێ بینە پاریەکێ گەلەک ب ساناهی بۆ سیاسەتـا هەرێمی و نێڤدەولەتـی، هەروەسا گەل و دوز و نیشتیمانێ مە ژی دێ بیتە سوتەمەنی و دێ بیتە قوربانی شاشیێن مە یێن سیاسی و ئایدولۆژی، لەوما دڤێت ئەم ببینه کەسێن سیاسی و ب زانستێت سیاسی و ئەتەکێتێن دبلوماسی بهێینە پێش و ئەم نەبینە میمبەرا گەرمکـرنا بەرەیەکێ ل دژی یێدی ژبۆ راکێشانا هەست و سۆزا خەلکێ و زوو خوە قەوارە و پێوان بکەین بۆ مەرەمەکا تایبەت، یان ژ ئەنجامێ سادەیا کەسی و تێگەهـێ سیاسی یێ مرۆڤی یێ کورت بین، چونکی کورد و کوردستان و دۆزا گەلێ مە بەرپرسیاری و بارەکێ گران و مەزنە.
ئەڤرۆ نیوز:
پشتی بەری نوکە ١٤ ھەلبژارتیا دەربازبوونا خوە بوو قوناغا ١٦ مسوگەر کری و د یاریێن ئەڤرۆ یێن گەرا سیێ دا بریارە دو ھەلبژارتیێن دی پلێتا ١٥ و شازدێ مسوگەر بکەن.
ھەلبژارتیێ عمان شیا پلێتا ژمارە ١٥ یا دەربازبوونێ بوو قوناغا ١٦ مسوگەر بکەت پشتی شیای سەرکەفتنەکا ب زەحمەت ل سەر ھەلبژارتیێ تورکمانستان توماربکەت ب سێ گولان بەرامبەر گولەکێ کو ھەردو ھەلبژارتیی د وەکھەڤبوون ھەتا شەش خولەکێن جووماھیێ لێ پشتی خولەکا ٨٤ ھەلبژارتیێ عمان شیا دو گولان ل دیڤ ئێک توماربکەت و دەربازبوونا خوە وەکو باشترینا رێزا سیێ مسوگەر بکەت .
ھەژی گوتنێ یە ھەتا نوکە ١٥ ھەلبژارتیا دەربازبوونا خوە بوو قوناغا ١٦ مسوگەر کریە ئەوژی .
کوما ئێکێ ھەلبژارتیێ ئیمارات ل رێزا ئێکێ ب ٥ خالان و تایلەند ل رێزا دوێ ب چار خالان و بەحرێن وەکو باشترینا رێزا سیێ ب چار خالان.
کوما دوێ ھەلبژارتیێ ئوردون ل رێزا ئێکێ ب حەفت خالان ئوسترالیا ل رێزا دوێ ب شەش خالان
کوما سیێ کوریا باشور وەکو سەرکێشا کومێ ب ٩ خالان و ھەلبژارتیێ چین ل رێزا دوێ ب شەش خالان و ھەلبژارتیێ قیرغستان وەکو باشترینا رێزا سیێ ب ٣ خالان.
کوما چارێ ھەلبژارتیێ ئیران ل رێزا ئێکێ ب حەفت خالان و عیراق رێزا دوێ ب ھەمان خال کێمتر گولان .
کوما پێنجێ سعودی و قەتەر و بریارە پشتی دەمەکێ دی ھەردو ھەلبژارتیی بوو دەست نیشانکرنا سەرکێشا کومێ یاری ل گەل ئێک بکەن
کوما شەشێ یابان وەکو سەرکێشا کومێ ب ٩ خالان و ئوزباکستان شەش خالان ل رێزا دوێ و عمان وەکو باشترینا رێزا سێ دەربازبوو ب سێ خالان.
نيشاندان