ئەڤرۆ نیوز، ئەمیر ئەترووشی:
رێڤەبەرێ سەخبێری و پاراستنا رێک و پرا ل پارێزگەھا دھۆکێ راگەھاند کو د چەند سالێن بۆری دا گەلەک زیان ژ ئەگەرێ بارانێن زۆر ب وەلاتیێن دھۆکێ کەفتیە و ئەڤ سالە ژی باران زوو بارینە و ب رێژەیێن مەزن دھێن، لەوما وان بەرھەڤی کرینە بۆ دووبارەنەبوونا زیانێن لەھیان.
دێوالی حەمێ بریندار، رێڤەبەرێ سەخبێری و پاراستنا رێک و پرا ل پارێزگەھا دھۆکێ، بۆ ئەڤرۆ نیوز دیار کر کو وان بەرھەڤی و ئامادەکاریێن باش بۆ وەرزێ زڤستانا ئەڤ سالە کرینە بۆ ھندێ ئەو زیانێن ل چەند سالێن بۆری ژ ئەنجامێ پەیدابوونا لەھیان ب وەلاتیان کەفتین دوووبار نەبنەڤە و گۆت: “زێدەباری ھندێ ژی مە حەفت تیمێن تەنگاڤیان پێکئیناینە کو ل دەمێ داخستنا رێێن سەرەکی ب بەفرێ و بارانێ خەلکی ب پارێزن و نەھێلن چو رێ بھێنە داخستن”.
ئیسماعیل مستەفا، بەرپرسێ راگەھاندنا سەرۆکاتیا باژێرڤانیا دھۆکێ بۆ ئەڤرۆ نیوز دیار کر ل دوو جھێن رووبارێ ھشکەرۆ یێ دھۆکێ ئاریشە ھەنە کو ل وان جھێن مەترسیا پەنگینا ئاڤێ ھەیە و ئەو ھەر دو جە دبنە ئەگەر مەترسیێن پەیدابوونا لەھیان پەیدا ببن، لەوما مە دوو پرۆژە ل وان جھان بجھئیناینە، چونکو ئاستێ ئاڤێ ل وان ھەر دو جھان یێ نزمە و ئەڤ ھەر دو پرۆژە دبنە ئەگەر کو مەترسیێن دووبارەبوونا لەھیان کێمتر لێ بھێن.
ناڤھاتی ئاماژە دا وێ چەندێ کو ئێک ژ وان پرۆژەیان نێزیکی ٤٠٠ مەترانە ب درێژی و ٤ مەترا یێ بلندە و دیورەکێ پالپشت ھاتیە چێکرن و ل نێزیکی یانا دھۆک یا وەرزشی ژی پرۆژەیەکێ بچووک ل سەر ھشکەرۆی ھاتیە بجھئینان و ئەڤ ھەردوو پرۆژە ب کۆژمێ ٢٥٠ ملیۆن دیناران ھاتینە بجھئینان
نووترين نووچه
- كۆمبوونا سەرۆك بارزانی و بافل تالەبانی گەلەك یا ئەرێنی بوو
- نێچیرڤان بارازنی چەندین دیدارێن دی یێن گرنگ ل گەل سەركردە و بەرپرسێن وەلاتێن جیهانێ ل میۆنشنێ ئەنجامدان
- مەسرور بارزانی و بالیۆزێ هنگاریا دوپاتی ل گرنگییا ب هێزكرنا هەڤبەندییان كر
- سەرۆك بارزانی: ئازارێن هەڤپشك بنەمایێن هەڤبەندیێن كوردستانێ و كوێتێ نە
- نێچیرڤان بارزانی ل كۆنفرانسێ ئاسایشا میونشنێ زنجیرەكا كۆمبونێن دیپلۆماسی ل گەل سەرۆك و بەرپرسێن جیهانێ ئەنجام ددەت
- مەسرور بارزانی و بالیۆزێ ئەرمینیا دوپاتی ل پێشڤەبرنا هەڤبەندییان كر
- سەرۆكێ حوكمەتا هەرێمێ و بالیۆزێ گورجستانێ گوهۆڕینێن سووریێ گەنگەشەكرن
- پارتی و ئێكهتی ل دۆر پۆستێ سهرۆك كۆمارێ ئیراقێ و كابینەیا دههێ یا حوكمهتا ههرێما كوردستانێ كۆمبوون
- سەرۆك بارزانی: دخوازین ئاشتی و ئارامی ل سووریێ و رۆژئاڤایێ كوردستانێ بەرقەرار ببیت
- مالپەڕەكێ ئەمریكی باسێ كاریگەرییا سەرۆك بارزانی و نێچیرڤان بارزانی د پرسا رۆژئاڤایێ كوردستانێ دا دكەت
سهرهكى Facebook
كۆمبوونا جڤاتا سهركرداتيا پارتى ديموكراتى كوردستان دهسپێكر
ئهڤرۆ نيوز:
كۆمبوونا جڤاتا سهركرداتيا پارتى ديموكراتى كوردستان ب سهرۆكاتيا سهرۆك بارزانى و ئامادهبوونا پتريا ئهندامێن جڤاتا سهركرداتيا پارتى دهسپێكر.
د ڤێ كۆمبوونێ دا يا كو ل پيرمام هاتيه ئهنجام دان، چهندين تهوهر دێ هێنه بهحسكرن و گرنگترين ژى دێ بهحس ل پێكئينانا كابينا نوو يا حوكمهتا ههرێما كوردستانێ و پهرلهمانێ كوردستانێ بيت.
ب گۆرهيى پێشبنيان، دبيت د ڤێ كۆمبوونێ دا، پارتى كانديدێن خوه بۆ پۆستێن پهرلهمانى و حوكمهتێ و وهزيران دهست نيشان بكهت.
د ههلبژارتنێن 30ى ئيلۆنێ 2018 پارتى ب 45 كورسيان ل رێزا ئێكێ هات و ئێكهتى 22 كورسيان ل رێزا دويێ هات و گۆڕان ژى ب 12 كورسيان ل رێزا سيێ هات.
پهروهردێ ژڤانێ ئهزموونێن وهرزێ ئێكێ و بهێنڤهدانا وێ راگههاند
ئهڤرۆ نيوز، نيوار محهمهد سهليم:
بهپرسێ راگههاندنێ ل رێڤهبهريا گشتى يا پهروهردا پارێزگهها دهۆكێ ژڤانێ ئهزموونێن وهرزێ ئێكێ و بهێنڤهدانا وى وهرزى ئاشكهرا كرن.
ئهحمهد عهبدولا زوبێر، بهرپرسێ راگههاندنێ ل رێڤهبهريا گشتى يا پهروهردا پارێزگهها دهۆكێ د داخۆيانيهكێ دا، بۆ ئهڤرۆ نيوز گۆت: “ئهزموونێن وهرزێ ئێكێ يێن سالا خواندنێ 2018 – 2019 دێ ل رۆژا دوشهمبى 7ى كانوونا دويێ 2019 دهست پێ كهن و رۆژا چارشهمبى 16ى كانوونا دويێ 2019 ب دووماهى هێن”.
بهرپرسێ راگههاندنێ ل رێڤهبهريا گشتى يا پهروهردا پارێزگهها دهۆكێ زێدهتر گۆت: “بهێنڤهدانا ئێكێ يا وهرزێ ئێكێ دێ ل رۆژا پێنجشهمبى 17ى كانوونا دويێ 2019 دهست پێ كهت و ههتا 23ى كانوونا دويێ 2019 يا بهردهوام بيت.
ئهحمهد عهبدولا زوبێر ئاماژه ب وێ چهندێ ژى كر كو دهواما فهرمى دێ ل رۆژا چارشهمبى 23ى كانوونا دويێ 2019 دهست پێ كهت.
رهوشا سهقايێ سوبههى
ئهڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا سێشهمبى رێکەفتی 4ى كانوونا ئێكێ 2018ێ ئهسمان دێ ئهورێ تهمام بيت و ل دانێ نيڤرۆ ل هندهك جهان باران دێ باريت.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دھێتە پێشبینیکرن ئهسمان ئهورێ تهمام بيت و ل دانێ نيڤرۆ ل هندهك جهان باران دێ باريت.
پشکا پێشبینیان دایە زایە زانین کو دێ ئلهزاتيا بايى د ناڤبەرا 5 ھەتا 15کم دا و ماوێ دیتنێ ژی دێ د ناڤبهرا 8 بۆ 10كم دا بیت، پلێن گەرمێ ژی دێ د ناڤبەرا 7 بۆ 16 پلان دا بن.
قهتهر دێ خوه ژ ئوپێك ڤهكێشيت
قارەمانیەکا نوو دێ دەستپێکەت
ئەڤرۆ نیوز:
ئێکەتیا تەپا پێ یا ئوروپی د بەیان نامەکا فەرمی دا ب رێکا مالپەرێ خوە راگەھاند کو قارەمانیەکا نوو بو یانێن ئوروپا ژ سالا 2021 دێ دەستپێکەت.
ئەڤ بەیان ناما ئێکەتیا تەپا پێ یا ئوروپی پشتی کومبونا ئێکەتیێ ل دبلنا پایتەختێ ئایرلەندا ھاتیە گرێدان ھاتە راگەھاندن کو قارەمانیا سیێ بو یانێن ئوروپا دێ ھێتە دەستپێکرن ل گەل قارەمانیا یانێن ئوروپا قارەمانێن خولان و خولا یانێن ئوروپا و ناڤێ ڤێ یانێ دێ یورپا لیگا دو بیت و دێ ژ 32 تیمان پێکھێت و ل سەر ھەشت کومان ھێنە بەلاڤەکرن و د ڤێ قارەمانیێ دا دو یاریێن ڤەبر دێ ل ناڤبەرا خودانێن رێزا سیێ یێن خولا یانێن ئوروپا و یێن دویێ ژ ڤێ قارەمانیێ ھێنە کرن کو چاڤەرێ یە د ڤێ قارەمانیا نوی دا 141 یاری د ماوێ 15 حەفتیان دا بھێنە کرن و یاریێن وێ دێ ل روژێن پێنشەمبی بن.
یاریا دووماھیا قارەمانیا یانێن ئوروپا دێ ل روژێن شەمبی ھێنە کرن و دووماھیا قارەمانیا نوو ل روژا چارشەمبی و خولا یانێن ئوروپا ل روژا پێنشەمبی و ئەڤ قارەمانیا نوو نابیتە ئەگەرێ چو گوھورینا د ھەردو قارەمانیێن بەریا نوکە دا.
پارتى ئهڤرۆ دێ كهسهكى بۆ سهرۆكاتيا حوكمهتا نوو دهستنيشان كهت
ئهڤرۆ نيوز، نيوار محهمهد سهليم:
بڕياره ئهڤرۆ جڤاتا سهركرداتيا پارتى ديموكراتى كوردستان ب ئامادهبوونا سهرۆك بارزانى كۆم ببيت و تێدا بهحس ل پێكئينانا كابينا نوو يا حوكمهتا ههرێمێ و بهلاڤكرنا پۆستێن بههرا خوه بكهت.
سهربهست تراوانشى، ئهندامێ جڤاتا سهكرداتيا پارتى ديموكراتى كوردستان د داخۆيانيهكێ دا بۆ ئهڤرۆ نيوز گۆت: “ئهڤرۆ كۆمبوونا جڤاتا سهركرداتيا پارتى ديموكراتى كوردستانه”.
ئهندامێ جڤاتا سهكرداتيا پارتى ديموكراتى كوردستان زێدهتر گۆت: “بهرى كۆمبوون بهێته كرن نهشێن چو پێزانينهكێ بێژين، ههتا كۆمبوون نههێته كرن، چو تشتێ زێدهتر نابێژين”.
ب گۆرهيى ئهو پێزانينێن ب دهست ئهڤرۆ نيوز كهفتين، بڕياره د كۆمبوونا ئهڤرۆ يا پارتى ديموكراتى كوردستان دا، ئێك ژ نێچيرڤان بارزانى جێگرێ سهرۆكێ پارتى ديموكراتى كوردستان يان مهسرۆر بارزانى، شيرهتكارێ جڤاتا ئاسايشا ههرێمێ بۆ پۆستێ سهرۆك وهزيرێن ههرێما كوردستانێ بهێته بهربژار كرن.
پارتى دێ دهست ب دانوستاندنێن پێكئينانا حوكمهتێ كهت
ئهڤرۆنيوز:
ئهندامێ پهرلهمانێ كوردستانێ ژ فراكسيۆنا پارتى ديموكراتى كوردستان، ئومێد خوشناو راگههاند، سوباهى دوشهمبى 3/12/2018 جڤاتا سهركردايهتيا پارتى دێ كۆمبيت ول رۆژا سێشهمبى 4/12/2018 شاندێ دانوستاندكارێ پارتى دێ دهست ب دانوستاندنان كهت بۆ پێكئينانا حوكمهتێ.
ئومێد خوشناو بۆ كوردستان 24 گۆت”بزاڤ دوى ئاراستهى دانه كار بهێته كرن بۆ بچووكرنا كابينا حوكمهتێ وهندهك وهزارهت بهێنه تێكهلكرن ل گهل يێن ههڤشێوێ كارێن خوه يان ژى ببن دهسته”.
گۆت ژى” پارتى دێ پێنگاڤێن خوه دهست پێكهت وبهرههڤى ب دووماهى هاتينه، هيڤيدارين بشێن ب زوويى دهستهيا سهرۆكاتيا پهرلهمانێ كوردستانێ بهێته ههلبژارتن وپرۆسا پێكئينانا كابينا حوكمهتێ دهست پێ بكهت”.
رێژا بارانا ئهڤ ساله بهرامبهر سالا چوويى
ژنهك دێ بيته فهرماندا لهشكرێ وهلاتهكى
ئهڤرۆنيوز:
ژنهك دێ سهرۆكا ئهركانێن لهشكرێ سلوڤينى كو ئهڤه دبيته جارا ئێكێ ل وهلاتهكێ ئهندام د پهيمانا ناتۆ دا ژنهك ڤى پۆستى وهردگريت.
حوكمهتا سلوڤينى بهلاڤكر” دهستنيشانكرنا جهنهرال ئهرمنك دوى پۆستى دا ل دووڤ شارهزاييا وێ بوو وهكو فهرماندهيا يهكهيێن لهشكرێ سلوڤينى وپشكداريا وى ددروستكرنا لهشكرهكێ پيشهكار وراهێنانا وى يا مهدهنى ولهشكرى”.
جهنهرال ئهرمنك يا 55 سالى دێ بيته ئێكهمين ژن دناڤ سهرۆك ئهركانێن وهلاتين ئهندام دپهيمانا ناتۆ دا كو هژمارا وان 29 وهلاتن.
نيشاندان
WP Facebook Auto Publish Powered By : XYZScripts.com