ئەڤرۆ نیوز، عەلی حاجی:

ھاتنوچوونا بازرگانی ل خالا سنوری یا سێمالکا دناڤبەرا ھەرێما کوردستانێ و روژئاڤایێ کوردستانێ دا نەھاتیە راوەستاندن و یێ بەردەوامە و وەلاتی دشێن ب رێکێن گەمیا دەربازی سنوران ببن.

ل دور ڤێ چەندێ شەوکەت بەربھاری رێڤەبەرێ خالا سنوری یا سێمالکا بۆ ئەڤرۆ نیوز گوت:  (ل نوکە دا پرا دناڤبەرا رۆژئاڤا و ھەرێما کوردستانێ ھاتیە شکەستن و پێدڤی ب نووژەنکرنێ ھەیە  و کار ل سەر چێکرنا وێ پرێ دھێتە کرن و بتنێ بۆ ماوەیێ حەفتیەکێ دا ئەو پر تەمامی دێ ھێتە چێکرن و دێ کەڤیتە ل خزمەتا بازرگان و وەلاتیان دا).

ناڤھاتی زێدەتر گوت:  (بزاڤا بازرگانی و ھاتنوچوونا وەلاتیان یا بەردەوامە و بازرگان دشێن ب رێکا گەمیان کەلوپەلێن خوە دەربازی ھەر دو سنوران بکەن و ھەر دیسان ب ھەمان رێک ژی وەلاتی دشێن ھاتنوچوونێ بکەن ب شێوەیەکێ ئاسایی ھەتا کو کارێ ل سەر چێکرنا پرێ ب دووماھی بھێت و ئەم وێ چەندێ رەت دکەین ژی کو بزاڤا بازرگانی و ھاتنوچوونا وەلاتیان ل خالا سنوری یا سێمالکا ھاتبیتە راوەستاندن).

ئەڤرۆ نیوز ، عەلی حاجی :

ژوورەکا تایبەت ب چاڤدێریکرنا باژێرێ زاخۆ ب کامیران ھاتیە دامەزراندن و تیمەکا تایبەت سەر ب رێڤەبەریا پولیسێن زاخۆ ڤە ل ماوێ ٢٤ دەمژمێران دا چاڤدێریێ ل سەر وان کامیرەیان دکەن ژبو ئاگەھدار بوون ل سەر ھەر روویدانەکێ دا.

ل دۆر ڤی بابەتی رێڤەبەرێ پولیسێن زاخۆ عەقید سەعەد عومەر دداخویانیەکا تایبەت دا بۆ ئەڤرۆ نیوز گۆت: گرنگترین کارە ھاتیە ئەنجام دان بۆ رێڤەبەریا پولیسێن قەزا زاخۆ کو ژوورەکا تایبەت ھاتیە دانان ب کامیرەیان ل دۆر چاڤدێریکرنا راستەوخویا باژێرێ و ئەڤسەرێن پسپور و پولیسێن سەر ب رێڤەبەریا مە ڤە ل ماوەیێ ٢٤ دەمژمێران دا بەردەوام چاڤدێریێ ل سەر وان کامیرەیان دکەن و د ئاگەھدارن ل سەر رەوشا باژێری داکو ل ھەر روودانەکێ دا یان ھەر ئاریشەکا بھێتە روویدان کو جھێ کامیرە لێ ھاتینە دانان پولیسێن مە ل سەر دئاگەھدار بن.

ناڤبری زێدەتر گۆت : زێدەتری ٧٤ کامیرەیان ھەتا نوکە ھاتینە دانان و ئەو کامیرە ژی ل جھێن گشتی و قەرەبالغ ل سنورێ باژێرێ زاخۆ دا و دانانا ڤان کامیرەیان دێ ھاریکاریەکا باش بیت بۆ پولیسان نەخا سمە بۆ زێدەتر بەرقەرار کرنا ئارامیا باژێرێ زاخۆ.