ئەڤرۆ نیوز:
جەماوەرێ یانا ریال مەدرید یاریزانێ خوە یێ گەنچ مارکوس یورنتی وەکو باشترین یاریزانێ ھەیڤا بوری ھەلبژارت پشتی وێ راپرسینێ دا یا ھەیڤانە ل سەر ئاستێ ھەموو جەماوەرێ یانا ریال مەدرید دھێـتەکرن بوو ھەلبژارتنا باشترینێ ھەیڤێ .
لورینتی ئەڤ باوەریا جەماوەرێ یانا ریال مەدرید ب دەستخوڤە ئینا پشتی ل ماوێ بوری راھێنەرێ ئەرژەنتینی یێ یانا ریال مەدرید باوەریەکا مەزن دایە ڤی یاریزانی و وەکو یاریزانەکێ سەرەکی د ھەموو یاریێن یانێ دا پشکداری کری و شیا ئاستەکێ بلند پێشکێش بکەت تایبەت د قارەمانیا موندیالا جیھانی دا .

ئەڤرۆ نیوز:
گولکەرێ یانا ئەنتر میلان و کابتنێ وێ یێ ئەرژەنتینی ماورو ئیکاردی ئەو دەنگوباس ھەموو رەتکرن کو ئەو دێ ل دووماھیا ڤی وەرزی پێکھاتیێ یانێ ب جهـ ھێلت و بەر ب یانەکا دی ڤە چیت پشتی دوھی راپورتێن رۆژنامەڤانی ل ئیتالیا دیارکرین کو ئەوی بەرپرسێن یانێ ئاگادارکرینە ئەو ھەڤبەستا خوە ل گەل وێ یانێ درێژ ناکەت و دخوازیت دووماھیا ڤی وەرزی پێکھاتیێ ئەنتر ب جهـ  بھێلت.
ئیکاردی دووماھیی داخویانیا خوە بۆ رۆژناما موندو دیپورتیڤو دیارکری چو راستی بوو ئەوان دەنگوباسان نینە ئەوی کارگێریا یانێ ئاگادارکربیت ئەو دێ یانێ ب جهـ ھێلت ئەو چاڤەرێ بەرپرسێن یانێ یە بوو دانوستاندنان ل گەل ئەوان بوو درێژکرنا ھەڤبەستێ ھەردیسان دیارکریە ژی ھەر دەمێ ھەڤبەستەکا باش پێشکێشی ئەوی کر ئەو دێ ھەڤبەستا یانێ نوو کەت و دخوازیت بەردەوامی ب دەتە کاروانێ خوە ل گەل ئەنتر میلان.
ھەژی گوتنێ یە ئەوان راپورتێن رۆژنامەڤانی ئاشکرا کربوو بریکارا ئیکاردی کو دبیتە ھەڤژینا ئەوی مەرجەک دانایە بەر یانا ئەنتر میلان بوو درێژکرنا ھەڤبەستێ پێدڤی یە ل سەر ئەنتر میلان موچەیەکێ سالانە ١٠ ملیون یورۆ بدەنە یاریزانی بەرامبەر درێژکرنا ھەڤبەستێ.

ئەڤرۆ نیوز:
پشتی ل ھەردو یاریێن خوە یێن دەستپێکێ د قارەمانیا ئاسیا دا ئەوا نوکە ھەڤرکیێن وێ ل وەلاتێ ئیمارات دھێنەکرن ھەلبژارتیێ سوریا نەشیا سەرکەفتنێ توماربکەت ئێکەتیا تەپا پێ یا سوریا ھەڤبەستا راھێنەرێ خوە یێ ئەلمانی بریند ستینگ ھەلوەشاند و راھێنەرێ خوە یێ سوری فەجر ئیبراھیم وەکو راھێنەر دانا بوو یاریا گەرا سیێ ژ قارەمانیا ئەوا بریارە ل حەفتیا بھێت ل گەل ھەلبژارتیێ ئوسترالیا بکەت.
ھەژی گوتنێ یە فەجر ئیبراھیم ل وەرزێ ٢٠١٢ -٢٠١٣ راھێنەرێ یانا دھۆک بوو دخۆلا عیراقێ دا ھەردیسان ناڤبری بەری نوکە سێ جاران پوستێ راھێنەریا ھەلبژارتیێ سوریا وەرگرتی یە ئەوژی دناڤبەرا سالێن ٢٠٠٦ بوو ٢٠٠٨ و ٢٠١٥ بوو ٢٠١٦ .

ئەڤرۆ نیوز:
پشتی ل ماوێ بوری ھەڤبەستا ئەوی ل گەل یانا مانچێستەر یوناید ھاتیە ھەلوەشاندن گەلەک راپورتێن رۆژنامەڤانی ئاشکرا کربوون دبیت جارەکا دی مورینھو ڤەگەریتە ئێک ژ یانێن ریال مەدرید یان ئەنتر میلان.
مورینھو د دووماھیی داخویانیا خوە یا رۆژنامەڤانی بو رۆژناما موندو دیپورتیڤو یا ئیسپانی دیارکر ئەو نوکە ل گەل خێزانا خوە یە ل وەلاتێ پورتوگال و پێدڤی بێنڤەدانەکێ یە و بۆ ھاڤینا بھێت ئەو دێ ھزر ل ڤەگەراندنا خوە کەت وەکو راھێنەرێ یانەکا نوو.
سەبارەت ئەو دەنگوباسێن ھاتینە بەلاڤەکرن بوو ڤەگەراندنا وی بوو پوستێ یانا ریال مەدرید ناڤبری دیارکر ئەڤە وێ چەندێ د گەھینت ئەوی کارەکێ باش ل گەل ئەوان یانێن بەری نوکە کارکری کریە و ئەوی چو ئاریشە نابن ھەکە ئەو جارەکا دی ڤەگەریتە یانا ریال مەدرید و ئەوی پەیوەندێن باش ل گەل وێ یانێ ھەتا نوکە ھەنە ب ھەمان شێوە یانە ئەنتر میلان ژی .

ھەژی گوتنێ یە مورینھو ل گەل ھەردو یانان ھەشت ناسناڤێن ئورۆپی و نافخوی ب دەستخوڤە بربوون ل گەل یانا ریال مەدرید د ناڤبەرا ٢٠١٠ ھەتا ٢٠١٣ شیابوو سێ ناسناڤان ب دەستخوڤە بینت ئەوژی خۆلا لالیگا و کاسا سوپەرا ئورۆپی و کاسا سوپەرا ئیسپانی و ل گەل یانا ئەنتر میلان دناڤبەرا ٢٠٠٨ ھەتا ٢٠١٠ پێنچ ناسناڤ ئەوژی دو جاران خۆلا ئیتالی و ل گەل برنا ناسناڤەکێ کاسا ئیتالیا و کاسا سوپەرا ئیتالی و قارەمانیا چامپیونیز لیگ