ئه‌ڤرۆنيوز:
رێڤه‌به‌ريا گشتى يا كه‌شناسيێ وبيڤه‌له‌رزان ل هه‌رێما كوردستانێ ره‌وشا سه‌قاى ل پارێزگه‌هين هه‌رێما كوردستانێ وكه‌ركووكێ ل ئه‌ڤرۆ وسوباهى راگه‌هاند.
ل دۆر ره‌وشا سه‌قايێ ئه‌ڤرۆ ئه‌ينى 30/11/2018 رێڤه‌به‌ريا ناڤبرى ئاماژه‌كر كو ئه‌ڤرۆ دێ به‌رده‌وام باران بيت ل گه‌ل بارينا به‌فرى ل ده‌ڤه‌رێن چيايى.
سه‌باره‌ت سه‌قايێ سوباهى شه‌مبيێ 1/12/2018 ل پارێزگه‌ها دهۆكێ، دياركر” ئه‌گه‌رێ بارانه‌كا ب هێز ل گه‌ل بريسيان يا هه‌ى، هه‌روه‌سا به‌فر ژى دێ ل ده‌ڤه‌رێن چيايى باريت”.
ئەڤرۆنيوز ، زنار تۆڤی:
بریارە ل رۆژا ئێكشەمبیا بهێت 2/12/ 2018 دكتۆر بەشیر حەداد جێگرێ دويێ يێ سەرۆكێ پەرلەمانێ عیراقێ سەرەدانا پارێزگەها دهۆكێ بكەت و د وێ سەرەدانێ دا دێ ل گەل پارێزگارێ دهۆكێ و كاربدەستێن ڤێ پارێزگه‌هێ كۆم بیت و دێ كۆمەكا بابەتان د وێ كۆمبوونێ دا هێنە بەحسكرن.
دكتۆر دیار تەیب، ئەندامێ پەرلەمانێ عیراقێ ژ فراكسیۆنا پارتی دیموكراتی كوردستان بۆ ئەڤرۆنيوز دیاركر” ل ئێكشەمبیا بهێت جێگرێ سەرۆكێ پەرلەمانێ عیراقێ دكتۆر بەشیر حەداد ل گەل شانده‌كێ پەرلەمانتارێن عیراقێ یێن پارێزگەها دهۆكێ و دبیت هندەك پەرلەمانتارێن عەرەب یێن پارێزگەها نه‌ينه‌وا ژی بەرهەڤ ببن و دێ ل گەل كارگێریا پارێزگارێ دهۆكێ كۆم بن و دوێ كۆمبوونێ دا دێ كۆمەكا بابەتان هێنە بەحسكرن”.
ديارى گۆت ژى” بابەتێ ئێكێ د وێ كۆمبوونێ دا دێ بەحسێ بۆمبەبارانكرنا فرۆكە و تۆپخانێن له‌شكرێ توركی بۆ سەر دەڤەرێن سنۆری یێن پارێزگەها دهۆكێ هێتە بەحسكرن، ژ بۆ وێ چه‌ندێ ميكانيزمه‌كێ ببینین كو گیانێ وەلاتیان بهێتە پاراستن ژ تۆپبارانكرنا فرۆكان و دیسا دێ بەحسێ قەرەبۆكرنا وەلاتیێن زیان ڤێ كەفتیێن ژ ئەگەرێ بۆمبەبارانكرنا فرۆكان هێتە بەحسكرن، هەروەسا د وێ سەرەدانێ دا دێ بەحسێ رەوشا وان ئاوارێن ل پارێزگەها دهۆكێ دژین هێتە كرن، كو دڤێت ب رێیا بوودجێ عیراقێ هاریكاریا ئاوارێن دهۆكێ بهێتە كرن، تاكو بشێن ڤەگەرنە سەر جه و وارێن خوە و دیسا دێ ب چو رێ شێین خزمەتا وان كەین، هەروەسا د وێ كۆمبوونێ دا دێ دانوستاندن ل سەر بابەتێ خواندنا قوتابیێن زانكۆیا مۆسل ل زانكۆیێن پارێزگه‌ها دهۆكێ هێتە گەنگەشەكرن، ژ پێخەمەت زانكۆیێن پارێزگەها دهۆكێ قوتابیێن پارێزگەها منه‌ينه‌وا ڤەحەوینن و قوتابیێن وان ل دهۆكێ بخوینن، ئەڤ چەندە دێ هێتە كرن بۆ هندێ كو حوكمەتا فیدرالی هندەك چارەسەریێن گۆنجای ببینیت بۆ ڤان بابەتان ب رێیا پەرلەمانی، ب تایبەتی ژی وان بابەتێن مەزاختنێ یێن پارێزگەها دهۆكێ ل وان ئاواران دكەت یێن كو ل پارێزگەها دهۆكێ دژین، چونكی پتريا وان مەزاختنان كارگێریا پارێزگەها دهۆكێ لێ دكەت، لەوما ئەم دێ بزاڤێ كەین، كو حوكمەتا عیراقێ وان مەزاختنان بكەت، هەر چەندە حوكمەتا عیراقێ دكەت ژی، لێ وەكو پێدڤی ناكەت و دڤێت حوكمەتا فیدرالی وان مەزاختنان ب ستوویێ خوە ڤە بگریت.
ئه‌ڤرۆنيوز:
هونه‌رمه‌ندا لوبنانى نانسى عه‌جره‌م دبه‌رپه‌رێ خوه دا ل سه‌ر ئه‌نستگرامى به‌لاڤكر كو وێ هه‌تا نوكه ناڤه‌ك بۆ كچا خوه يا بهێت نه ديتيه وداخوازا هاريكاريێ ژ جه‌ماوه‌رێ خوه كر ناڤه‌كى بۆ كچا وى ب هه‌لبژێرن.
جه‌ماوه‌رێ نانسى عه‌جره‌م ژى چه‌ندين ناڤ بۆ وێ پێشنيازكرن كو ل سه‌ر ناڤێن هه‌ردو كچێن وێ يێن دى ( ئيلا وميلا) بن.
ئه‌ڤرۆنيوز:
سه‌رۆكێ ئه‌مريكى دۆنالد ترامپ، ژبه‌ر وێ خزمه‌ت وكارێن باش يێن بۆ وه‌لاتێ خوه ئه‌نجام دده‌ت، سوپاسيا خوه دكه‌ت.
دۆنالد ترامپ د به‌په‌رێ خوه ل سه‌ر تۆرا جڤاكى يا تويته‌رى به‌لاڤكر” چه‌ند باشه بهايێ په‌ترۆلێ هاتيه خوار ( سوپاس سه‌رۆك ترامپ). ئه‌رزان بوونا بهايێ په‌ترۆلێ وه‌كو لێبۆرينا باجێ يه، ڤێ ژى بكه‌نه دناڤ ده‌نگوباسێن دلخوه‌شكه‌ر يێن ئابوورى ل وه‌لاتێ مه”.
ترامپى به‌رى چه‌ند رۆژان دكۆنگره‌كێ رۆژنامه‌ڤانى دا سوپاسيا خوه كر ژبه‌ر وان خزمه‌تين بۆ ئه‌مريكا كرين.
ئه‌ڤرۆنيوز:
شيره‌تكارێ جڤاتا ئاسايشا هه‌رێما كوردستانێ مه‌سرور بارزانى پێشوازى ل ژيل دى كاركۆڤا رێكخه‌رێ كاروبارێن دژه تيرۆرێ ل ئێكه‌تيا ئه‌ورۆپى ورامۆن بليكوا باليۆزێ ئێكه‌تيا ئورۆپى ل عيراقێ كر.
د وێ ديدارێ دا، مه‌سرور بارزانى به‌حسێ شه‌رێ داعشێ ودووباره په‌يدابوون وزێده‌بوونا لڤينێن داعشێ وئه‌گه‌رێن وێ چه‌ندێ كر وراگه‌هاند، سيسته‌مێ سياسى يێ كارپێكرى وگه‌نده‌لى ودابين نه‌كرنا خزمه‌تگوزاريێن بنه‌ره‌تى ئه‌گه‌رن وئاماژه ب به‌رپرسياره‌تيا جڤاكێ نێڤده‌وله‌تى كر بۆ رێ گرتنێ ل تيرۆرستان.
هه‌ر د وێ ديدارێ دا هه‌ماهه‌نگى وهاريكارى دناڤبه‌را هه‌رێما كوردستانێ وئێكه‌تيا ئورۆپى ب تايبه‌تى ل شه‌رێ تيرۆرستان دووپاتى ل سه‌ر هاته كرن ژ وێ چه‌ندێ كو شه‌رێ دژى داعشێ شه‌ره‌كێ جيهانى يه وتنێ گرێداى ده‌ڤه‌ره‌كێ يان لايه‌نه‌كى نينه.
مه‌سرور بارزانى به‌حسێ وان كه‌نال وسوشيال ميديانه كر كو داعش بۆ كاريگه‌ريێ ل سه‌ر خه‌لكى مفاى ژێ دبينيت.
هه‌ر دوێ ديدارێ دا باليۆزێ ئێكه‌تيا ئورۆپى ل عيراقێ رۆناهى خسته سه‌ر دانوستاندنێن به‌رفره‌هكرنا هاريكاريێن ئێكه‌تيا ئورۆپى بۆ هه‌رێما كوردستانێ دبوارێ رێكخستن وچاكسازيكرنێ دناڤ هێزێن ئه‌منى دا، په‌يوه‌نديێن دناڤبه‌را هه‌رێما كوردستانێ وحوكمه‌تا عيراقى يا نوو ته‌وه‌ره‌كێ دى يێ ديدارێ بوو.
ئه‌ڤرۆنيوز:
گه‌را پێنجێ وبه‌رى دووماهيێ ژ ياريێن قۆناغا كۆمان يا خۆلا قاره‌مانێن ئۆروپا ب دووماهى هات وئه‌نجام ب ڤى شێوه‌ى بوون:
ئه‌تله‌تيكۆ مه‌دريد (ئيسپانيا) – موناكۆ (فره‌نسا) 2-0
لوكوموتيڤ موسكۆ (روسيا) – گالاتا ساراى (توركيا) 2-0
بوروسيا دورتموند (ئه‌لمانيا) – كلۆب برۆج (به‌لجيكا) 0-0
ئايندهۆڤن (هوله‌ندا) – به‌رشه‌لونا (ئيسپانيا) 1-2
توتنهام (ئينگلته‌را) – ئه‌نترميلان (ئيتاليا) 1-0
ناپۆلى (ئيتاليا) – سرفينا زڤيرزدا (سربيا) 3-1
باريس سان جيرمان (فره‌نسا) – لێڤه‌رپۆل (ئينگلته‌را) 2-1
پورتۆ (پورتۆگال) – شالكه (ئه‌لمانيا) 3-1
بەرواری بالا ، زنار تۆڤی:
هەر چەندە ئەڤ سالە وەرزێ سەرمایێ دەست پێکریە و هێشتا حوکمەتێ گازا سپی ل سەر قوتابخانێن سنۆرێ ناحیا کانی ماسێ به‌لاڤ نەکریه، لەوما قوتابخانێن ڤێ دەڤەرێ پێدڤی ب گازێ يا هه‌ى، وەلاتیەک ژى گازێ بۆ هەموو قوتابخانێن ڤێ دەڤەرێ دابین دکەت.
سەربەست سەبری، رێڤەبەرێ ناحیا کانی ماسێ بۆ ئەڤرۆنيوز دیارکر” وەلاتیەکى ب ناڤێ” حەسەن مستەفا بناڤی” کو خودانێ بانزینخانا بناڤی یە ل دهۆکێ10هزار لیترێن گازا نەفتا سپی وەکو هاریکاری و بێی بەرامبەر بۆ هەموو قوتابخانێن سنۆرێ ناحیا کانی ماسێ دابینکرینە، کو هژمارا وان دبنە 25 قوتابخانە و ئەڤرۆ چارشەمبی هەر قوتابخانەکێ 400 لیترێن گازێ وەرگرتن و هەتا رادەکێ باش ئەڤ هاریکاریە دێ مفایەکێ گەهینیتە قوتابیێن ڤێ دەڤەرێ و دێ بۆ ده‌مه‌كێ درێژ وان ژ سەرما زڤستانێ پارێزیت”.
گۆت ژی” ئەم دخوازین کەسێن وه‌كو مستەفای زێدە ببن و بشێن ب ڤی رەنگی هاریکاریا قوتابیێن سنۆرێ ناحیا کانی ماسێ بکەن، چونکی کارێن ژ ڤی رەنگی دێ خزمەتا باش بۆ قوتابیان و پرۆسا پەروەردێ ل ڤێ دەڤەرێ کەت”.
ئه‌ڤرۆنيوز:
وه‌زاره‌تا كاره‌بێ ل هه‌رێما كوردستانێ درۆهنكرنه‌كێ دا به‌لاڤكر كو دكۆمبوونه‌كا جڤاتا راوێژكاريا وه‌زاره‌تێ، هۆگر شالى بريكارێ وه‌زاره‌تێ داخوازكر ب توندى ئه‌و كه‌سانه بهێنه سزادان يێن سه‌رپێچيێ ل تۆرێن كاره‌بێ دكه‌ن، هه‌روه‌سا كه‌سێن ده‌ستكاريێ دبيڤه‌رێن كاره‌بێ دا دكه‌ن. چونكى ئه‌ڤه دچيته دچارچۆڤێ تاوانا دزيێ وزيانێن مه‌زن ژى دگه‌هينيته به‌لاڤكرنا كاره‌بێ ودانا كاره‌بێ بۆ وه‌لاتيان.
ئه‌ڤرۆنيوز:
سه‌رتراشخانه‌كێ توركى ل ده‌ڤه‌را (عريفيه) ل ويلايه‌تا ساكاريا ل باكوورێ رۆژئاڤايێ توركيا بوويه جهێ حێبه‌تيا وه‌لاتيێن تورك وبيانى ژبه‌ر رێيا وى يا گه‌له‌ك سه‌ير دسه‌رتراشينێ دا.
عيسا ده‌مير، ئه‌و سه‌رتراشێ تورك خوه ب بانێ دوكانا خوه ڤه گرێده‌ت وژۆردا خوه دادهيلێت وه‌كو (چه‌كچه‌كيلا) وكارێ خوه يێ سه‌رتراشيێ دكه‌ت.
ده‌مير دبێژيت” ژ سالا 1995 وهه‌تا نوكه ئه‌ز كارێ خوه ب ڤى شێوه‌ى دكه‌م وگه‌له‌ك وه‌لاتيێن تورك ژ چه‌ندين باژێرێن توركيا وهه‌روه‌سا گه‌شتيارين بيانى ژى دهێن جهێ من كا چاوان كارێ خوه ب ڤى شێوه‌ى دكه‌م.
نيشاندان