ئهڤرۆ نيوز:
پۆليسێن دهۆكێ ب رێيا پهيجێ خوه يێ فێسبوكێ ئاگاداريهك بهلاڤ كريه و دياركريه: ئەڤ کچا خودان پێدڤیێن تایبەت یا ژمال بەرزەبوی و ژلایێ پولیسێن دهوکێ ڤە هاتیە دیتن نوکە یا ل بنگەهێ پولیسێن سنێلان.
نووترين نووچه
- كۆمبوونا سەرۆك بارزانی و بافل تالەبانی گەلەك یا ئەرێنی بوو
- نێچیرڤان بارازنی چەندین دیدارێن دی یێن گرنگ ل گەل سەركردە و بەرپرسێن وەلاتێن جیهانێ ل میۆنشنێ ئەنجامدان
- مەسرور بارزانی و بالیۆزێ هنگاریا دوپاتی ل گرنگییا ب هێزكرنا هەڤبەندییان كر
- سەرۆك بارزانی: ئازارێن هەڤپشك بنەمایێن هەڤبەندیێن كوردستانێ و كوێتێ نە
- نێچیرڤان بارزانی ل كۆنفرانسێ ئاسایشا میونشنێ زنجیرەكا كۆمبونێن دیپلۆماسی ل گەل سەرۆك و بەرپرسێن جیهانێ ئەنجام ددەت
- مەسرور بارزانی و بالیۆزێ ئەرمینیا دوپاتی ل پێشڤەبرنا هەڤبەندییان كر
- سەرۆكێ حوكمەتا هەرێمێ و بالیۆزێ گورجستانێ گوهۆڕینێن سووریێ گەنگەشەكرن
- پارتی و ئێكهتی ل دۆر پۆستێ سهرۆك كۆمارێ ئیراقێ و كابینەیا دههێ یا حوكمهتا ههرێما كوردستانێ كۆمبوون
- سەرۆك بارزانی: دخوازین ئاشتی و ئارامی ل سووریێ و رۆژئاڤایێ كوردستانێ بەرقەرار ببیت
- مالپەڕەكێ ئەمریكی باسێ كاریگەرییا سەرۆك بارزانی و نێچیرڤان بارزانی د پرسا رۆژئاڤایێ كوردستانێ دا دكەت
سهرهكى Facebook
مهسعود حهيدهر:پشتى سهرهدانا سهرۆك بارزانى بۆ بهغدا پاشكهفتا مووچهى نامينيت
ئهڤرۆنيوز:
ئهندامهكێ شاندێ كوردستانى يێ ل گهل سهرۆك بارزانى سهرهدانا بهغدا كرى راگههاند، سهرهدانا سهرۆك بارزانى بۆ بهغدا يا فهرمى بوو، ب ناڤێ ههموو كوردان وهكو تاكه سهركرده ومهرجهعێ كوردان، چونكى نێزيكى 50% ژ خهلكێ كوردستانێ باوهرى يا دايه پارتى دههلبژارتنان دا بۆ ئيدارهدانێ.
مهسعود حهيدهر بۆ دهنگێ ئهمريكا گۆت” ددهمهكێ نێزيك دا ئهنجامێن سهرهدانا شاندێ كوردستانێ ب سهرۆكاتيا سهرۆك بارزانى بۆ بهغدا دێ دياربن، ب چۆرهكى ل سهر ئاستێ چارهسهركرنا كێشێن سياسى ودارايى، بهغدا مووچه وبودجێ ههرێمێ ب تمامى دێ هنێريت وپاشكهفتا مووچێ فهرمانبهرێن ههرێمێ ب تمامى نامينيت”.
گۆت ژى” وێ سهرهدانێ دهرگههێ چارهسهريێ بۆ ههموو كێشان ل عيراقێ ڤهكر وژبهر وێ چهندێ ههموو سهركردێن عيراقى دێ سهرهدانا ههولێرێ كهن”.
ل دۆر بودجه وپشكا ههرێما كوردستانێ، مهسعود حهيدهر گۆت” بابهتێ بودجێ دهمهكه كار ل سهر هاتيه كرن، ل سهر ئاستێ سهرۆكێ حوكمهتا ههرێمێ ووزيرێ دارايى يا ههرێمێ ووهزيرێ دارايى يێ عيراقێ كو بێگومان ل ڤان نێزيكان ئهنجامێ وێ دێ هێته ديتن، بهلێ ب ڤێ سهرهدانا سهرۆك بارزانى بابهتێ شايستێن دارايى يێن ههرێمێ يا ئێكلابووى وبۆ پێشمهرگهى ژى ههموو ههيڤهكێ بهغدا دێ شايستێن دارايى دهته ههرێمێ”.
دياركر”پشتى سهرهدانا سهرۆك بارزانى بۆ بهغدا، پاشكهفتا مووچێ فهرمانبهرين ههرێمێ نامينيت، ئهنجامێ ڤێ سهرهدانێ ل ڤان نێزيكان ب ئهرێنى دێ كاريگهريا وێ دياربيت وبهغدا دێ پشكا ههرێمێ ومووچێ فهرمانبهرێن ههرێمێ هنێريت وب تمامى دێ فهرمانبهر مووچێن خوه ههيڤانه وهرگرن وپاشكهفت ژى ب تمامى نامينيت”.
پەیامەکێ خەمگین بۆ پشتەڤانێن بەرشلونە
ئەڤرۆ نیوز:
کارگێریا یانا بەرشلونە یا ئسپانی د پەیامەکی دا راگەھاند کو ھێرشبەرێ وێ یێ ئورگوای لویس سوارێز تووشی ھنگافتنەکا نە چاڤەرێ کری بوو، ماوێ دوورکەفتنا وی ئاشکرا کر.
سایتێ فەرمی یێ یانا بەرشلونە بەری دەمەکێ کێم ئاشکرا کر کو ھێرشبەرێ وێ لویس سوارێز بەری نوکە ئێشان د چوکێ وی یێ راستێ دا ھەبویە لێ د راھێنانێن ئەڤرۆ دا ئەڤ ھنگافتنا وی بەر ب زێدەتر چوویە لەورا پشتی پشکنینێن نوشداران بۆ ھاتینە کرن دیاربوو کو تووشی ھنگافتنێ بوویە و دێ بۆ ماوێ دو حەفتیان ژ یاریگەھان دوورکەڤیت دیسان پشکداری یاریا یانا خوە ھەمبەر یانا ئایندھوڤن یا ھولەندی نابیت ئەوا بریارە ل رۆژا چارشەمبی بھێتە کرن ژ قارەمانیا ئوروپا قارەمانێن خولان.
نێچیرڤان بارزانی پێشوازی ل بالیوزێ چیکێ کر
ئەڤرۆ نیوز:
ب مەرەما ب دووماھی ھاتنا کارێ بالیوزێ چیکێ ل عیراقێ ئێڤاریا ئەڤرۆ رۆژا دوشەمبی نێچیرڤان بارزانی سەروک وەزیرێن ھەرێما کوردستانێ پێشوازیا یان ڤیجیتال بالیوزێ چیکێ و شاندێ دگەل دا کر ل ھەولێرێ.
د دیدارەکێ دا میخال سڤوبودا کونسولێ چیکێ ل ھەرێما کوردستانێ ئامادەی رووینشتنێ بوو دیارکر بالیوزێ چیکێ ل عیراقێ یان ڤیجیتال سوپاسیا حکومەتا ھەرێما کوردستانێ کر و ھەموو دامودەزگایێن وێ کر کو ئاسانکری ئەوان ھاتیە کرن ل ماوێ بوری دگەل وی ، دیسان خواست ب ھەمان شێوە حکومەتا ھەرێمێ ئاسانکاریا بالیوزێ نوو یێ وەلاتێ چیکێ بکەت د ھەموو بواران دا.
ژلایێ خوە ڤە سەروک وەزیرێن ھەرێما کوردستانێ نێچیرڤان بارزانی داخوازا سەرکەفتنێ بۆ ڤیجیتال خواست و دوپاتکر حکومەتا ھەرێمێ دێ ب ھەمی شیانێن خوە پشتەڤانیا بالیوزخانا چیکێ ل بەغدا و کونسولخانەیا وێ ل ھەولێرێ کەت دیسان دێ بزاڤێ کەین پەیوەندیێن د ناڤبەرا ھەولێر و چیکێ ژی دا باشتر بکەین د ھەموو بواران دا.
بیڤەلەرزا کرمانشانێ سروشتی نینە
ئەڤرۆ نیۆز، هۆشەنگ تاجر:
سیپان سیلوانەیی چاڤدێرێ سیاسی ل وەلاتێ ئوسترالیا بۆ ئەڤرۆ نیۆز دیار کر کو بیڤەلەرزا کرمانشانێ یا سروشتی نینە، چونکو جارا دی ژی دەمێ بیڤەلەرزە روو دایی گەلێ کورد ل رۆژهەلاتێ کوردستانێ هاریکاریەکا باش کۆمکرن و دخواستن ببەنە کرمانشانێ، لێ بەرپرسێن دەولەتێ جهەک بۆ کۆمکرنا هاریکاریان دیار کربوون و نەدهێلان خەلک هاریکاریان بگەهیننە خەلکێ کرمانشانی و گۆت: (هەلویستێ بەرپرسێن دەولەتێ ل وی دەمی ژی ئەڤ گومانە ل دەف مە دروست کر کو بابەتێ بیڤەلەرزا کرمانشانێ یا سروشتی نینە و هندەک تشت د ڤێ روودانێ دا هەنە).
ناڤهاتی ئەو یەک ژی دیار کر کو نها ژی ئاستەنگیان بۆ گەهاندنا هاریکاریان دروست دکەن و ل گۆر زانیاریێن گەهشتینە دەستێ من رێژەکا باش یا هاریکاریان هاتیە کۆمکرن لێ چەندین خالێن پشکنینێ د ناڤبەرا کرمانشانێ و پارێزگەهێن دی هاتینە دانان دا رێگریێ ل گەهاندنا وان هاریکاریان بکەن، یان ژی ژ خەلکی وەربگرن و بێژن ئەم دێ گەهیننە کرمانشانێ کو جارا بۆری رێژەکا باش یا هاریکاریان ژی نەگەهشتە دەستێ خەلکی.
پرانیا خەلکێ تورکیا ژ سیاسەتا دەولەتێ ل هەمبەر سووریێ نەرازینە
ئەڤرۆ نیۆز:
ل گۆر راپرسیەکا کۆمپانیا ئارێیا یا راپرسیان ل تورکیا کو ل ٣١ باژێرێن مەزن یێن تورکیا هاتیە کرن ٦٣% ژ وەلاتیێن تورکیا ژ سیاسەتا دەولەتێ ل هەمبەر سووریێ نەرازی نە و دبێژن پێدڤیە تورکیا پەیوەندیێن خوە ل گەل سووریێ ئاسایی بکەت و هێزێن خوە ژ سووریێ ڤەکێشیت.
هەروەسا ل گۆر هەمان راپرسیێ ٦١% ژ وەلاتیێن تورکیا دبێژن بەرات ئالبایراک زاڤایێ ئەردۆگانی و وەزیرێ خەزینێ ب کەسەکێ شکەستخواری ل قەلەم ددەن و دبێژن ناڤهاتی بوویە ئەگەرێ هندێ کو قەیرانا ئابووری ل تورکیا دەستپێ بکەت و لیرێ تورکیا ل هەمبەر دۆلاری بهایێ خوە ژ دەستان بدەت.
هەروەسا ٥٥% ژ وەلاتیێن تورکیا ژی دبێژن سیستەمێ سەرۆکاتیێ ل تورکیا سەرکەفتی نەبوویە و نەشیایە پرسێن وەلاتی چارە بکەت.
ژینگەھا دھۆکێ پێشنیازا بجە ئینانا سیستەمی کت و جۆت بۆ تەکسیان دکەت
ئەڤرۆ نیوز، لەزگین جوقی:
بەرپرسی ھوبا پلان دانانێ ل فەرمانگەھا ژینگەھا دھۆکێ بۆ ئەڤرۆ نیوز دیارکر کو بۆ پاقژ راگرتنا ژینگەھا دھۆکێ مە پیشنیاز کریە سیستەمێ کارکرنا تەکسیان ل سەرانسەری پارێزگەھا دھۆکێ بھێتە گۆھورێن.
فازل رەشید مەحمود، بەرپرسی ھوبا پلان دانانی ل فەرمانگەھا ژینگەھا دھۆکێ بۆ ئەڤرۆ نیوز دیارکر کو پشتی مە دیتی زێدەبوونا ھژمارا ترۆمبێلان لدھۆکێ ئەگەری پیسبوونا ژینگەھی یە لەورا مە داخواز کریە ھاتن وچوونا ترۆمبێلان بھێتە رێکخستن بتایبەتی تەکسی ژمارا کت وجوت بھێتە بکارئینان بۆ ھاتن وچوونی ل دھۆکێ ب مەرەما پتر پاقژ راگرتنا ژینگەھی نوکە ھندەک یەکێن پشکنینا ھەوایی ل دھۆکێ ھاتینە دانان دێ ھندەک ژی ھێنە دانان بۆ زانینیا رێژا پاقژیا ھەوایی دھۆکێ نوکە ژی بەھرا پتریا پیسبوونا ھەوایی و ژینگەھێ ل دھۆکێ بۆ زێدەبوونا ترۆمبێلان ڤەدگەریت.
ئاشکەرا کر کو مە ھەول دایە دەستەیا ھەماھەنگیێ بۆ ژینگەھێ د ناڤبەرا ئەلمانیا و کوردستانێ دا بھێتە دانان بۆ پتر پشڤەبرنا ژینگەھا دەڤەری، پشتی ھژمارەکا ئەندازیارێن فەرمانگەھا ژینگەھا دھۆکێ چووینە وەلاتی ئەلمانیا بۆ مەشقدان وراھێنانی ل سەر ژینگەھی وی وەلاتی ھندەک یەکێن پشکنینا ھەوایی ب دیاری پێشکیشی دھۆکێ کرینە نوکە ژی ئەڤ یەکێن پشکنینی یێ دھێن دی دھۆک وھندەک دەڤەرێن دی ھێنە دانان دووڤ ستاندەرێن جیھانی ژی ھەتا نوکە ھەوایی پارێزگەھا دھۆکێ گەلەک یێ پاقژە.
نێزیکی ١٠٠ خێزانێن ئێزدی ل کەمپا مام رەشان پرۆژەیێن چاندنێ کرینە
ئەڤرۆنیۆز، ئەمیر ئەترووشی:
رێڤەبەرێ کەمپا مام رەشان یا ئاوارێن کوردێن ئێزدی راگەھاند، ٩٩% ئاکنجیێن کەمپا مام رەشان کوردێن ئێزدی نە و کەمپەکا ناڤداری ب ھەبوونا دەلیڤێن ژیانێ و ب تنێ د ئەڤ سالە دا نێزیکی ١٠٠ خێزانان پرۆژەیێن چاندنێ کرینە.
شێرو سمو جوقی، رێڤەبەرێ کەمپا مام رەشان، بۆ ئەڤرۆنیۆز دیار کر، نێزیکی ٩٠٠٠ کەسان د کەمپا مام رەشان دا دژین و پتریا وان ئاوارەیێن قەزا شنگالێ نە و ب خۆشترین و رێک و پێکترین کەمپ دھێتە نیاسین و گەلەک ژ ئاوارەیان ل کەمپێن دی یێن پارێزگەھا دھۆکێ بزاڤا ڤەگوھاستنێ بۆ ڤێ کەمپێ دکەن و گۆتیشی: کەمپا مام رەشان ب کەمپەکا چاندنێ دھێتە نیاسین و گەلەک ژ ئاکنجیێن کەمپێ زێدەبوونا پرۆژەیێن چاندنێ قەستا قەزا شێخان کرینە و دناڤا پرۆژەیێن چاندنێ دا کاردکەن.
ناڤھاتی خویاکر کو ڤەگەریانا خەلکێ کەمپا مام رەشان گەلەک یا کێمە بو ڤەگەریانا وان ب تنێ ٥ خێزان ڤەگەریاینە شەنگال ئەگەرێ چوونا وان ژی حەتا نھا دیار نەبوویە نەزڤرینا وی خەلکی ئەگەر ژی ئەوە گەلەک گروپێن چەکدار و حەشدا شەعبی ژلایەکی دی ڤە و ژبەر گەفێن ئەدروگانی ژی بو سەر شەنگال و دیسان وان پارتێن جودا یێن ناڤ شەنگال ھەر ئێک ب شێوەیەکی سەرەدەریێ دگەل خەلکی دکەت سەرەدەریا نەیا جوان دبێژن ئەم نەشێین ل شنگال بژین، ھەتا پێشمەرگە ڤەگەریت شنگال ژیان ژی دێ ڤەگەرێت و دیسان لایەکێ شنگال ھەتا نھا نەھاتیە پاقژکرن ژ مین و تەقەمەنیان.
عەرەبێن ئیرانێ دەست ب خوەنیشادانان کرن
ئەڤرۆ نیۆز:
ل گۆر چەندین ژێدەرێن میدیایی ل پارێزگەها ئەهوازێ کو پرانیا ئاکنجیێن وێ عەرەبن ل دژی گەندەلیێ و نەبوونا خزمەتگوزاریان وەلاتیان بەری دەمەکی دەست ب خوەنیشادانان کرن و درووشم ل دژی دەستهەلاتێ بلند کرن و داخوازا دەست ژ کارکێشانا پارێزگاری و بەرپرسێن ئیداری یێن پارێزگەهێ کرن.
یوسف عەزیزی نڤیسەر و چالاکڤانێ عەرەب ل سەر تۆرا جڤاکی یا فەیسبووکێ راگەهاند کو خەلکێ ئەهوازێ گەهشتینە ڤێ باوەریێ کو دەستهەلاتا تەهرانێ ناخوازیت خزمەتا وان بکەت، پارێزگەها ئەهوازێ ئێکە ژ پارێزگەهێن هەری دەولەمەند ب ئاڤێ و پەترۆلێ، لێ مخابن خەلکێ ئاڤا ڤەخوارنێ یا پاقژ نینە و خەمساریا بەرپرسان ژی وەسا کریە کو ئەڤرۆکە خەلک داخوازا دەرکرنا بەرپرسان ژ پارێزگەهێ بکەن.
روسیا داخوازا کۆمبوونەکا نەئاسایی دکەت
ئەڤرۆ نیۆز:
نوونەرێ روسیا ل نەتەوێن یەکگرتی داخواز ژ جڤاتا ئاسایشێ کریە ئەڤرۆکە بلەز ل دۆر ئاریشا د ناڤبەرا ئەکرانیا و روسیا دا کۆم ببیت و بریارەکێ ل دۆر وی بابەتی بدەت.
نوونەرێ روسیا دبێژیت گەمیێن شەری یێن ئوکرانیا قانوونێن نێڤدەولەتی بنپێ کرینە و نێزیکی گزیرتا ئازاک بووینە و گەمیێن مە ژی نەچار ماینە تەقە ل وان بکەن و دڤێت نها جڤاتا ئاسایشێ بریارەکا بلەز ل دۆر ڤی بابەتی بدەت دا ئاریشە مەزنتر لێ نەهێت.
پشتی کو قرم ژ ئوکرانیا جودا بوو، ئاریشا روسیا و ئوکرانیا دەسپێ کریە و هەتا نها ژی ئاریشە بەردەوامە و ئوکرانیا روسیا ب دەستێوەردان د کاروبارێ ناڤخوە یێ وەلاتێ خوە تومەتبار دکەت و روسیا ژی دبێژیت وەلاتێن رۆژئاڤایی دخوازن ئارامیا ل روسیا و وەلاتێن جیران تێک بدەن.
نيشاندان
WP Facebook Auto Publish Powered By : XYZScripts.com