ئەڤرۆ نیوز، نیوار محەمەد سەلیم:‏

رێڤەبەریا سەقاناسی و بیڤەلەرزێ ل پارێزگەھا دھۆکێ دیارکر کو ئەڤ سالە 194.4ملم بارانێ ‏بارینە و جوداھیەکا زۆر ل گەل سالا بۆری ھەیە کو ھەتا ڤی دەمی ب تنێ 38.4ملم باریبوون.‏

ئومێد مەعسوم مای، رێڤەبەرێ سەقاناسی و بیڤەلەرزێ ل پارێزگەھا دھۆکێ د داخۆیانیەکێ دا ‏بۆ ئەڤرۆ نیوز گۆت: “رێژا باران بارینێ وەکو ھەڤبەرکی ل گەل سالا بۆری گەلەک باشترە”.‏

گۆتژی: “ل سەنتەرێ پارێزگەھا دھۆکێ ھەتا نھا 194.4ملم بارانێ بارینە و ل سالا بۆری ھەتا ‏ڤی دەمی ب تنێ 34.4ملم بارانێ باری بوون، ئانکو ئەڤ سالە 156ملم بارانێ زێدەتر بارینە”.‏

رێڤەبەرێ سەقاناسی و بیڤەلەرزێ ل پارێزگەھا دھۆکێ ئاشکەرا ژی کر کو ل ھەموو دەڤەرێن ‏پارێزگەھا دھۆکێ رەوشا باران بارینێ گەلەک ژ سالا بۆری باشترە ب رەنگەکی ل قەزا زاخۆ ھەتا ‏نوکە 168.6ملم باران باریە و ل سالا بۆری 39.1ملم باران باریبوو، جوداھی 129.5ملم بارانێ ‏نە.‏

خۆیا کر کو ل قەزا ئاکرێ ژی ھەتا نھا 191ملم بارانێ بارینە و سالا بۆری ب تنێ ھەتا نھا ‏‏10ملم بارانێ باریبوون، جوداھی ژی دبیتە 149.4ملم بارانێ. ل قەزا سێمێلێ ژی ھەتا نھا ‏‏180ملم بارانێ بارینە و ل سالا بۆری 34.8ملم باران باری بوو، جوداھی ژی 145.2ملم بارانێ ‏نە.‏

دەربارەیی ئامێدیێ ژی گۆت: “ھەتا نھا 217ملم بارانێ بارینە و سالا بۆری 86ملم بارانێ ‏باریبوون، جوداھی ژی دبیتە 131ملم بارانێ”.‏

ھەر ب گۆتنا رێڤەبەرێ سەقاناسی و بیڤەلەرزێ ل پارێزگەھا دھۆکێ ل شێخان ژی ئەڤ سالە ‏‏165ملم بارانێ بارینە و سالا بۆری 17ملم باران باریبوون و جوداھی ژی دبیتە 148ملم ‏بارانێ. ل بەردەرەش ژی جوداھیا بارانێ 126 ملم بارانێ نە ب رەنگەکی ئەڤ سالە 158.4ملم ‏بارانێ بارینە و سالا بۆری ژی 32.4ملم بارانێ باریبوون.‏

ئەڤرۆ نیوز، لەزگین جوقی:
ب بەرھەڤبوونا د. نزار عسمەت رێڤەبەرێ گشتی یێ ساخلەمیا پارێزگەھا دھۆکێ و ئدریس نەبی رێڤەبەرێ بۆردی کاروبارین مرۆڤایەتی و قۆنسلا وەلاتی بریتانیا ل ھەرێما کوردستانێ و ھژمارەکا رێکخراوان ئەڤرۆ ٢٦/١١/٢٠١٨ پرۆژی زێدەکرنا شیانیێن رێکخراوێن ناڤخوەیی د بیاڤی رێکخراواندا دووماھیی ھاتن.
گولیستان چەلبی، رێکخەرا رێکخراواlom بۆ پرۆژەیێن پشتەڤانیا جڤاکێ دیار کر کو رێورەسمێن ب دووماھی ھاتنا ھژمارەکا خۆلێن دەروونی و جڤاکێ ب دووماھی ھاتن و ئەڤ خۆلە بۆ ١٥ رێکخراوێن ناڤخوەیی ھاتبوونە ڤەکرن و گۆت: “مە د ئەڤ سالە دا دەست ب ڤی پرۆژەی کربوو بۆ رێکخراوان و ھەموو بابەت دھاتنە بەحسکرن مەرەم پێ ئەو بوویە پتر شیانیێن کارمەندان بھێنە ئاڤاکرن وپشتەڤانیی ل وان بھێتە کرن بۆ کارکرنی د ناڤ ئاواران دا ب تایبەتی د بوارێن دەروونی و جڤاکی دا، چونکی ژ بەر وێ زورداریا ب سەرێ خەلکێ شنگالێ ھاتی رەنگە ھندەک ژن ھەبن تووشی نەخۆشین دەروونی ببن، ئەم دێ کارکەین ب ھەموو شێوەیان چارەسەری بھێتەکرن و دەلیڤین کارکرنی بۆ وان بھێنە دیتن و ئافرەت ب خوە کار بکەن”.
ناڤھاتیێ ئاماژە دا وێ چەندێ کو پرۆژەکێ گەلەک سەرکەفتیێ ھاتیە ئەنجامدان دگەل ساخلەمیا دھۆکێ و رێکخراوان دی پێکڤە کارەکی باشتر ئەنجام دەن بۆ پشتەڤانیا دەروونی و جڤاکی بۆ ئافرەتان.