ئەڤرۆ نیوز:
یانا ئیبار شیا سەرکەفتنەکا مەزن ل سەر یانا ریال مەدرید تومار بکەت ب سێ گۆلان بێ بەرامبەر د یاریێن گەرا چاردێ یا خولا ئسپانیا یا تەپا پێ دا.
نووترين نووچه
- كۆمبوونا سەرۆك بارزانی و بافل تالەبانی گەلەك یا ئەرێنی بوو
- نێچیرڤان بارازنی چەندین دیدارێن دی یێن گرنگ ل گەل سەركردە و بەرپرسێن وەلاتێن جیهانێ ل میۆنشنێ ئەنجامدان
- مەسرور بارزانی و بالیۆزێ هنگاریا دوپاتی ل گرنگییا ب هێزكرنا هەڤبەندییان كر
- سەرۆك بارزانی: ئازارێن هەڤپشك بنەمایێن هەڤبەندیێن كوردستانێ و كوێتێ نە
- نێچیرڤان بارزانی ل كۆنفرانسێ ئاسایشا میونشنێ زنجیرەكا كۆمبونێن دیپلۆماسی ل گەل سەرۆك و بەرپرسێن جیهانێ ئەنجام ددەت
- مەسرور بارزانی و بالیۆزێ ئەرمینیا دوپاتی ل پێشڤەبرنا هەڤبەندییان كر
- سەرۆكێ حوكمەتا هەرێمێ و بالیۆزێ گورجستانێ گوهۆڕینێن سووریێ گەنگەشەكرن
- پارتی و ئێكهتی ل دۆر پۆستێ سهرۆك كۆمارێ ئیراقێ و كابینەیا دههێ یا حوكمهتا ههرێما كوردستانێ كۆمبوون
- سەرۆك بارزانی: دخوازین ئاشتی و ئارامی ل سووریێ و رۆژئاڤایێ كوردستانێ بەرقەرار ببیت
- مالپەڕەكێ ئەمریكی باسێ كاریگەرییا سەرۆك بارزانی و نێچیرڤان بارزانی د پرسا رۆژئاڤایێ كوردستانێ دا دكەت
سهرهكى Facebook
سەرۆکێ جڤاتا زانایێن ئەفغانستانێ هاتە تیرۆر کرن
ئەڤرۆ نیۆز:
ل گۆر دەزگەهێن میدیایی یێن ئەفغانستانێ بەری دەمەکێ مەولەوی عەبدولبەسیر حەقانی سەرۆکێ جڤاتا زانایێن کابول ل ئەفغانستانێ هاتە تیرۆر کرن.
بەرپرسەکێ هێزێن پۆلیسێن ئەفغانستانێ دیار کریە کو چەند کەسێن نەنیاس هێرشی حەقانی کرینە و ل جهێ روودانێ جانێ خوە ژ دەست دایە، لێ هەتا نها چو کەس و گرۆپەکێ بەرپرسیاریا خوە ل هەمبەر کوشتنا حەقانی دیار نەکرینە و ڤەکۆلین ل دۆر ڤی بابەتی ژی بەردەوامن.
ئەو یەک د دەمەکێ دایە کو د ماوەیێ چەند مەهێن بۆری دا ل ئەفغانستانێ چەندین زانایێن ئایینی ب دەستێ هندەک کەسێن نەنیاس هاتنە تیرۆرکرن و ئێکەتیا زانایێن ئەفغانستانێ ژی دبێژیت دەولەت وەکو پێدڤی پاراستنا ڤان کەسان ناکەت و خەمساری هاتیە کرن.
نوونەرا چارێ یا پارێزگەھێ تووشی خوسارەتیێ بوو
ئەڤرۆ نیوز:
د یاریێن گەرا شەشێ یا خولا نایاب کوردستانێ دا د یاریەکا پاشخست دا ژ ڤێ گەرێ تیما تەپا پێ یا ئاکرێ توشی خوسارەتیێ بوو ل سەر دەستێ یانا نەوروز ب سێ گۆلان بەرامبەر گۆلەکێ.
گۆلێن ڤێ یاریێ ل دەسپێکا یانا نەوروز شیا پێشبکەڤیت دەمێ یاریزانێ ئاکرێ ب خەلەتی گۆل ل سەر تیما خوە کری، د نیڤا دویێ دا پیشەکارێ یانا ئاکرێ ئەدیبایور شیا گۆلا وەکھەڤیێ توماربکەت پشتی ڤێ گۆلێ یاریزانێن نەوروز ئاسو روستەم و ئاراز مستەفا شیان دو گۆلان توماربکەن و یاریێ ب سێ گۆلان بەرامبەر گۆلەکێ ب دووماھی بینن
راپرسی: خەلکێ عیراقێ ل جھێ ئیرانێ داخوازا ئسرائیلێ دکەت
ئەڤرۆ نیوز:
ل دووڤ پەیامەکێ سایتێ ئسرائیل عەرەبیە کو تێدا ھاتیە کو خەلکێ عیراقی گەھشتیە وێ باوەریێ کو ھەڤپەیمانیا عیراقێ دگەل ئیرانێ بوویە ئەگەرێ نە ئارامیا دەڤەرێ ب گشتی و ھێدی ھێدی ئەڤ چەندە یا ب روونی ئاشکرا دبیت ل دەف خەلکێ عیراقێ و ھەر کێشەیا ل دەڤەرێ روودەت ئیران ل پشتە زێدەباری قوولترکرنا کێشەیێن نافخو کو ئیران حەز ناکەت عیراق ئارام بیت، لەورا ل دووڤ راپرسیەکێ د گەل خەلکێ عیراقێ ھاتیە ئەنجامدان تێدا ٤٨% خەلکێ عیراقێ د خوازن پەیوەندیێن وان دگەل وەلاتێ ئسرائیل بھێتە دانان ژبەرکو دووژمنا سەرەکی یا عیراقێ ئیرانە.
دوسەیا تاوانێن داعش بۆ دادگەھا نێڤدەولەتی دھێتە بلندکرن
ئەڤرۆ نیوز، ئەمیر ئەترووشی:
پارێزەرێ دوسەیا جینۆساید ناساندنا تاوانێن داعش دژی پێکھاتان ل ھەرێما کوردستانێ راگەھاند، بریارە ل دەمەکێ نێزیک دادگەھا تاوانێن نێڤدەولەتی کار بۆ جینۆساید ناساندنا تاوانێن داعش بھێتە کرن.
ئەیاد کاکەیی، پارێزەرێ دوسەیا جینۆساید ناساندنا تاوانێن داعش دژی پێکھاتان بۆ (ئەڤرۆنیوز) دیار کر، ژ سالا ٢٠١٤ وەرە ئەم دیکۆمێنتان بۆ جینۆساید ناساندنا تاوانێن داعش دژی پێکھاتان کۆمدکەین، بەلێ ژ بەر کو ھەتا نھا عیراق د وێ دادگەھێ دا ئەندام نەبوویە، لەوما ئەڤ چەندە ھاتبوو پاشخستن و نھا پشتی کۆمکرنا ھەموو دیکۆمێنتێن پێدڤی بۆ جینۆساید ناساندنا تاوانێن داعش دژی پێکھاتان، مە ئەو فایلە ب فەرمی بۆ دادگەھا تاوانێن نێڤدەولەتی رەوانەکر.
کاکەیی ئاماژە ب ھندێ ژی دا، کۆنگرەیەک ل دەستپێکا ھەیڤا ١٢ یا بھێت دێ ل دور رۆلێ دادگەھا بلند یا تاوانان یا نێڤدەولەتی ھێتە سازکرن و ئەم ژی دێ تێدا بەشدار بین و گۆتیشی: ئەم دێ ھەموو بزاڤان کەین بۆ ھندێ دانپێدانێن نێڤدەولەتی ب جینۆساید ناساندنا تاوانێن داعش دژی پێکھاتان ل ھەرێما کوردستانێ بھێتە کرن.
ئەمریکا بزاڤا گوهۆڕینا دەستهەلاتا سووریێ ناکەت
ئەڤرۆ نیۆز:
جێمس جێفری نوونەرێ تایبەتێ ئەمریکا بۆ کاروبارێن سووریێ راگەهاند کو ئەمریکا چو دەمەکێ پەیوەندیێن خوە ل گەل دەستهەلاتا بەشاری ئاسایی ناکەت، چونکو بەشار ئەسەد ب پشتەڤانیا ئیرانێ بوویە ئەگەرێ کوشتنا ب هزاران وەلاتیێن سووریێ و گۆت: (لێ ئەمریکا ب چو رەنگەکێ بزاڤا گوهۆڕینا دەستهەلاتا سووریێ ژی ناکەت و گەلێ سووریێ دشێن د هەلبژارتنەکا ئازاد و دیموکرات دا بریارا خوە بدەن).
نوونەرێ تایبەتێ ئەمریکا بۆ کاروبارێن سووریێ ل دۆر چاوانیا چارەکرنا قەیرانا سووریێ ژی دیار کر کو دڤێت مەرجێن ناڤخوەیی ل سووریێ بۆ هەلبژارتنەکا ئازاد گونجای بن، وی دەمی گەلێن سووریێ بخوە دشێن بریارەکا راست بدەن، ژ بەر هندێ ژی وەکو ئەمریکا ئەم چو دەستێوەردانێ بۆ گوهۆڕینا دەستهەلاتێ ل سووریێ ناکەین.
تورکیا: ئەمریکا سۆزێن خوە ل دۆر باکورێ سووریێ بجه نائینیت
ئەڤرۆ نیۆز:
هولوسی ئاکار وەزیرێ بەرگیریێ یێ تورکیا راگەهاند کو ئاڤاکرنا بنگەهێن سەربازی ل سەر سنۆرێ مە و سووریێ ژ ئالیێ ئەمریکا ڤە ب چو رەنگەکێ ناهێتە قەبوول کرن، چونکو ئەو یەک دێ بیتە ئەگەرێ پاراستنا هێزێن تیرۆرست کو مەترسیێ بۆ تورکیا دروست دکەن و گۆت: (مە ب رێیا وەزارەتا دەرڤە نەرازیبوونا خوە گەهاندیە ئەمریکا و داخواز کریە کو ئاڤاکرنا وان بنگەهێن سەربازی بدەتە راگرتن).
وەزیرێ بەرگیریێ یێ تورکیا ئەو یەک ژی دیار کر کو مخابن ئەمریکا سۆزێن خوە بجه نائینیت و ل گۆر زانیاریێن گەهشتینە مە د ماوەیێ دو هەفتیان دا ئەمریکا ٧٠٠ بارهەلگرێن چەکان گەهاندینە دەستێ یەپەگێ و ئەو یەک ژی مەترسیەکا مەزنە و دڤێت ئەمریکا دانا چەکان بدەتە راگرتن.
ڤێ حەفتیێ وەبەرھێنەرێن ھندستانێ دێ سەرەدانا ھەرێمێ کەن
ھەولێر ، قائید میرۆ:
بڕیارە ھژمارەک وەبەرھێنەرێن وەلاتێ ھندستانێ بمەرەما پشکداری کرن د کەرتێ وەبەرھێنانا ھەرێما کوردستانێ سەرەدانا ھەرێمێ بکەن و بەرپرسەکێ ژۆرا بازرگانی و پیشەسازیا ھەرێما کوردستانێ ژی دبێژیت، ھاتنا بازرگانێن ھندێ دێ کاریگەری ھەبیت لسەر گەشەکرنا ئابورا ھەرێما کوردستانێ.
کاروان سورچی، بەرپرسێ راگەھاندنا ژۆرا بازرگانی و پیشەسازیا ھەرێما کوردستانێ بۆ ئەڤرۆ نیۆز دیارکر” بازرگانێن وەلاتێ ھندستانێ بڕیاردایە پشکداریێ د کەرتێ وەبەرھێنانا ھەرێما کوردستانێ دا بکەن و بڕیارە دوماھیا ڤێ حەفتیێ ٣٠ مەزنە بازرگانێن وەلاتێ ھندستانێ سەرەدانا ھەرێما کوردستانێ بکەن بمەرەما دەستپێکرنا بازرگانیێ و وەربەرھێنانێ.
کاروان سورچی ئاماژەکر” ل سەر ئاستێ جیھانێ وەلاتێ ھندستانێ د رێزا شەشێ یە لدۆر لڤینێن بازرگانی و ڤێ حەفتیێ ژۆرا بازرگانی و پیشەسازیا ھەرێما کوردستانێ دگەل شاندێ بازرگان و وەبەرھێنەرێن ھندستانێ دێ دانوستانان لدۆر کارکرنا کۆمپانیێن ھندستانێ د کەرتێ وەبەرھێنانا ھەرێما کوردستانێ دا بکەن و ھاتنا ئەڤێ ھژمارا وەبەرھێنەرێن ھندێ دێ کاریگەری لسەر کەرتێ وەبەرھێنانێ یا ھەرێما کوردستانێ ھەبیت.
پارێزگهرێ دهۆكێ سوپاسیا وهلاتێ چیك دكهت
ئةظرؤ نيوز، ئازاد نسرى:
ئهڤرو سپێدێ 24-11-2018 فرهاد ئهمین ئهتروشی پارێزگهرێ دهوكێ پێشوازیا بهرێز (جان ڤیكتاڵ) بالیوزێ وهلاتێ چیك ل بهغدا كر. دههڤدیتنهكێدا بهحسێ پهیوهندیێن دوو قولی دناڤبهرا ههرێما كوردستانێ و وهلاتێ چیك و رهوشا ئاواره وپهنابهران ل دهڤهرێ وئهو هاریكاریێن پارێزگهها دهوكێ وجڤاكێ دهولهتی بو وان پێشكێش دكهن هاته كرن. ههر وهسا بهحسێ وان هاریكاریا ئهوێن وهلاتێ چیك دوارێ ئابوری ومروڤایهتی دا پێشكێش كرین ب گشتی هاته كرن. دتهوهرهكێ دن دا بهحسێ ب دوماهی هاتنا ئهرك وكارێن بالیوزێ وهلاتێ چیك ل بهغدا هاته كرن. بڤێ ههلكهفتێ پارێزگهرێ دهوكێ سوپاسیا حكومهتا چیك و (جان ڤیكتاڵ) بالیوزێ وهلاتێ چیك ل بهغدا كر ههمبهر ئهو هاریكاریێن مروڤایهتی یێن دروژێن بهرترهنگ دا پێشكێشی ئاواره وپهنابهران وزاروكێن بێ سهمیان كرین وهیڤی سهركهفتنێ بو خواست. ههژی گوتنێ یه ل سالێن بوری ودگهل هاتنا ژمارهكا زور یا ئاواره وپهنابهران حكومهتا چیك ب رێكا بالیوزخانا وهلاتێ خو ل ئیراقێ نێزیكی (600) هزار دولارا تهرخانكربون بو ئاڤاكرنا خانییهكی بو زاروكێن بێ سهمیان ل رێڤهبهریا چاڤدێریا جڤاكی وئاڤاكرنا سهنتهرێ چارهسهریا زاروكێن توشی ئوتیزمێ بوین ل دهوكێ.
ئەڤرۆ دێ ل فلمە فیستەڤالەکا جیهانی هێتە نیشاندان
ئەڤرۆ نیوز ، زنار تۆڤی:
ئەڤرو فلمێ دکیۆمێنتاری یێ پێشمەرگەی (روو ب روو بوونا مرنێ ب کەتەری) دێ ل فیستەڤالەکا جیهانی هێتە نیشاندان.
سەروەر عەبدوللا دەرهێنەرێ فلمێ روو ب رووبوونا مراێ ب کەتەری بۆ ئەڤرۆ نیوز گۆت: پشتی فلمێ وی پشکداری د چەندین فلمە فیستەڤالێن جیهانی دا کرین و چەندین خەلات وەرگرتین، دیسا ل ڤێ هەیڤێ ژی ئەڤ فلمه دێ پشکداریێ د فیستەڤالەکێ دا کەت ل وەلاتێ ئیتالیا، ناڤهاتی دیارکر ژی: ئەڤرۆ شەمبیێ و ل دەمژمێر 7 ئەڤ فلمە دێ ل ئێک ژ باشترین فلمە فیستەڤال ل لەندەن، یا ب ناڤێ (we the peoples film festival) هێتە نیشاندان.
نيشاندان
WP Facebook Auto Publish Powered By : XYZScripts.com