NO IORG
Facebook

ئەڤرۆ نیوز:
ھێلا گەرم یا ١١٩ بریارە ئەڤرۆ ب کەڤیتە کاری بۆ ھەر وەلاتیەکێ سکالایەک ھەبیت تۆماربکەت یێن گرێدای توندوتیژیا خێزانی.
ل دور ڤی بابەتی مقدمێ مافپەروەر ئارام محەمەد رێڤەبەرێ نەھێلانا توندوتیژیا دژی ئافرەتان ل پارێزگەھا دھۆکێ بۆ ئەڤرۆ نیوز دیارکر کو ژورەک ل رێڤەبەریا وان ھاتیە دورست و ھێلا گەرم تێدا ھاتیە دانان و ٢٤ دەمژمێران دێ دکاری دابیت بو ھەر وەلاتیەکێ سکالایەکا خێزانی ھەبیت ب رێیا ڤێ ھێلێ توماربکەت و ئەو دێ دوویڤچوونا بابەتی کەن بۆ چارەسەرکرنێ.
زێدەتر ناڤھاتی ئاشکرا کر کو گەلەک سکالایێن ل رێڤەبەریا وان ھاتینە تومارکرن ئەو شیاینە ب رێیا سەنتەرێ دەرونی کو سەرنتەرێ ئێکێ بوویە ل ھەرێما کوردستانێ ل رێڤەبەریا وان ھاتیە دامەزراندن و چەند تایبەمەندێن دەرونی لێ کار دکەن وان کێشەیێن خێزانی چارەسەربکەن بەری ب گەھنە دادگەھێ.

ئەڤرۆ نیوز:
راھێنەرێ یانا بەرشەلونە دەستێ خوە دانا سەر نھێنیا وەکھەڤیا یانا خوە ل ھەمبەر ئەتلەتیکو مەدرید د یاریا حەفتیا ١٣ دا ژ خۆلا ئسپانیا یا تەپا پێ.
ئەنجامێ وەکھەڤیا ب گولەکێ ل ناڤبەرا ھەر دو یانێن بەرشەلونە و ئەتلەتیکو مەدرید ب گولەکێ ل یاریگەھا وان دا میتروبولیتانو بۆ ئەگەر جوداھی ل ناڤبەرا ڤان ھەر دو یانەیان ھەر بمینت خالەک کو گولا پێشکەفتنا ئەتلەتیکو دیگو کوستا ل دەقیقا ٧٧ ھاتە تۆمارکرن و گولا وەکھەڤیێ عسمان دێمبلی ل دەقیقا ٩٠ تومارکر.
پشتی ڤێ یاریێ ئارنستو فالڤێردی دداخویانیەیێن رۆژنامەڤانی دا ئاماژەکر ئەو شیان کونترۆلا دەمێن یاریێ بکەن لێ یانا ئەتلەتیکو ب شێوەکێ گەلەکێ باش بەرەڤانی کر و ئەڤ چەندە بو ئاستەنگ بۆ وان دەلیڤەیێ پەیدا بکەن و بەرب ھەژاندنا تورا گولا ھەڤرک بچن و زێدەتر ناڤھاتی ئەو چەندە ژی خویاکر وان بزاڤکر یاریێ ل ناڤا یاریگەھا ھەڤرک بکەن و د سەرکەفتی بن، لێ نەشیا ھێز و دژواریا ھێرشبەریێ ب دورستی بێخنە کار ژ بەر ھێزا بەرەڤانیا تیما ھەڤرک.
ل دووماھیێ فالڤێردی ل دووماھیا گۆتنێن خوە پەسنا رۆلێ یاریزان عسمان دێمبلی کر و دیارکر ژی ئەو یاریزانەکێ خودان شیانە و زەلامێ دەلیڤەیێن بەرتەنگ و چارەنڤیساسزە

ئەڤرۆ نیوز، قائید میرۆ:
شارەزایەکا کەرتێ ئابووری ئاشکرا کر کو رەوشا ئابووریا ھەرێما کوردستانێ پشتی باشبوونا پەیوەندیێن د ناڤبەرا ھەرێم و بەغدا بەر ب چارەسەرکرنێ دچیت و گۆت: “ب تنێ ھەیڤەکێ بۆدجە ژ بەغدا بگەھیتە ھەرێما کوردستانێ تشتەک بناڤێ قەیرانا دارایی نامینیت” .
شیلان بیبانی، شارەزا ئابووری بۆ ئەڤرۆ نیوز دیار کر کو قەیرانا ب سەر ھەرێما کوردستانێ دا ھاتی ٨٠%ێ پەیوەندی ب تێکچوونا پەیوەندیێن ناڤبەرا ھەرێم و بەغدا ڤە ھەبوو، لەوڕا دگەل باشبوونا پەیوەندیێن د ناڤبەرا ھەرێما کوردستان و عیراقێ دێ کارتێکرنێن راستەوخوە ل سەر دەربازکرنا قەیرانا ئابووری ھەبن، چونکی ددەمێ ئەنجامدانا رێکەفتنێ د ناڤبەرا ھەر دو حوکمەتان دا تشتەک بناڤێ قەیرانا دارایی نامینیت، ئەو ژی ژبەر جێھگیریا رەوشا ئابوورا عیراقێ، چونکی بھایێ پەترۆلێ بەر ب بلندبوونێ دچیت و بھایێ پەترۆلێ د ناڤ پڕۆژە قانوونا بۆدجێ دا گەلەک بشێوەیەکێ زانستی ھاتیە دیاری کرن، ئانکو ھەککە بھایێ پەترۆلێ ژی ھەتا رادەیەکی داکەڤیت چو کارتێکرن ل سەر بۆدجا گشتی یا عیراقێ نابن و گۆت: “ھەموو ئاماژەیەک ژی بۆ ڤێ چەندێ نە بھایێ پەترۆلێ ژ پێنجی دۆلاران کێمتر دانەکەڤیت، ئەز بخوە یا گەشبینم قووناغا بھێت ئانکو سالا بھێت دێ ئابوورا ھەرێما کوردستانێ کەڤیتە ڤەژاندنەکا گەلەک مەزن دا و ئەڤا ل بەرێ ژی دگۆتن چەند پێدڤینە بۆ راستڤەکرنا قەیرانێ ل دەف من بەرۆڤاژیە تنێ ھەیڤەکێ پارە بھێت قەیران نامینیت”.
شیلان بیبانی خویا کر کو پێدڤیە حوکمەتا ھەرێما کوردستانێ د قووناغا بھێت دا سەرەدەریەکا دروست دگەل بۆدجەی دا بکەت، ژ بەر کو ھەکە بۆدجا عیراقێ بھێتە پەسەندکرن دێ ل ھەرێما کوردستانێ ژی بۆدجە ھێتە پەسەندکرن، بەلێ ڤێجارێ دڤێت حوکمەتا ھەرێما کوردستانێ ئەزموونێ ژ قەیرانا سالێن بۆری وەرگریت و نابیت ب چو شێوەیەکی مەزاختیێن ھەرێما کوردستانێ ل داھاتی زێدەتربن، مخابن ئەڤا ل بەرێ روودای کارەکێ نەگونجای بۆ ئەڤ ھژمارا مەزن یا فەرمانبەران و مەزاختیێن زۆر دگەل ھاتنا قەیرانێ حوکمەت نەشیا کۆنتڕۆلا رەوشێ بکەت و خوە لسەر پێت خوە بگریت، بەلێ دڤێت ئەڤە ب ساناھی نەبۆریت ھزر لڤێ چەندێ بھێتەکرن کار بۆ کێمکرنا مەزاختیان و زێدەکرنا داھاتی بھێتەکرن.

ئه‌ڤرۆ نیوز، سالار دۆسكی:
سه‌رۆكێ‌ كۆمه‌لا زیندانیێن سیاسی ل هه‌رێما كوردستانێ‌ ئاشكرا كر كو كومبوونێن وان ل گه‌ل شاندێ‌ به‌غدا گه‌له‌ك باش بوون و ب نێزیكترین ده‌م دێ‌ شانده‌كێ‌ به‌غدا یێ‌ بلند گه‌هیته‌ كوردستانێ‌ و پرۆتوكوله‌ك دهێته‌ ئیمزاكرن و زیندانیێن سیاسی ل كوردستانێ‌ دێ‌ چنه‌ سه‌ر ب به‌غدا ڤه‌.
عه‌لی محه‌مه‌د ئسماعیل بۆ رۆژناما ئه‌ڤرۆ گۆت ژی:( نێزیكی 22 هزار زیندانیێن سیاسی ل كوردستانێ‌ دێ‌ چنه‌ سه‌ر ب به‌غدا ڤه‌ و هه‌موو ئمتیازاتان دێ‌ وه‌ك یێن به‌غدا وه‌رگرن و هه‌یڤانه‌ 37 ملیار دێ‌ بۆ گه‌نجینا حوكمه‌تا هه‌رێمێ‌ ڤه‌گه‌رن و به‌رامبه‌ر 108 ملیارا هه‌یڤانه‌ دێ‌ ژ به‌غدا وه‌رگرن).
ئه‌ڤرۆ ، سالار دۆسكی:
عه‌لی محه‌مه‌د ئسماعیل سه‌رۆكێ‌ كۆمه‌لا زیندانیێن سیاسی ل هه‌رێما كوردستانێ‌ بۆ رۆژناما ئه‌ڤرۆ گۆت: كومبوونێن مه‌ل گه‌ل شاندێ‌ به‌غدا گه‌له‌ك باش بوون و ب نێزیكترین ده‌م دێ‌ شانده‌كێ‌ به‌غدا یێ‌ بلند گه‌هیته‌ كوردستانێ‌ وپرۆتوكوله‌ك دهێته‌ ئیمزاكرن و دێ‌ ب دووماهی هێت و زیندانیێن سیاسی ل كوردستانێ‌ دێ‌ چنه‌ سه‌ر ب به‌غدا ڤه‌ و زیندانیێن سیاسی و شه‌هیدان ژی دێ‌ چنه‌ سه‌ر ب حوكمه‌تا به‌غدا ڤه‌ و هه‌ر ئمتیازه‌كا زیندانیێن سیاسی و كه‌س و كارێن شه‌هیدان ل به‌غدا وه‌ربگرن دێ‌ هه‌رێما كوردستانێ‌ ژی وه‌رگرن، مووچه‌ ل كوردستانێ‌ 500 هزار ل به‌غدا ملیۆنه‌ك 200 هزار و گه‌شتێن ده‌رڤه‌ هه‌نه‌ كو هه‌ر ئێك 5 ملیۆن دیناران وه‌ربگریت ل گه‌ل ڤیزێ‌ و ئه‌ڤه‌ دێ‌ كوردستانێ‌ ژی ڤه‌گه‌ریت.
ناڤبری ئه‌و ژی ئاشكراكر كو 22 هزار كه‌س وه‌ك زیندانیێن سیاسی دێ‌ مفاداربن، دو جۆرێن زیندانیێن سیاسی ل كوردستانێ‌ هه‌نه‌، هنده‌ك مامه‌له‌ نوو هاتینه‌ دروستكرن و نوكه‌ كارێ‌ ل سه‌ر دهێته‌كرن و یێ‌ به‌راده‌وامه‌، ئه‌وێن ب دووماهی هاتین سالێن 2010 و 2011 و 2012 و 2013مووچه‌ ل هه‌رێمێ‌ نینه‌ چنكو كاودانێن دارایی نه‌ هاریكاربووینه‌، بتنێ‌ ل هه‌رێما كوردستانێ‌ 5260 زیندانیێن سیاسی مۆچه‌ی وه‌رگرن و ئه‌ڤێن پاره‌ نه‌ وه‌رگرتین هه‌تا نوكه‌ پشتی دچنه‌ سه‌ر به‌غدا ڤه‌ هه‌موو دێ‌ پاره‌ی وه‌رگرن.
ناڤبری ئه‌و ژی ئاشكراكركو رێنمایێن زیندانیێن سیاسی هه‌مان رێنمایی نه‌ بۆ هه‌رێما كوردستانێ‌ ژی و ئێدی هه‌ر تشته‌كێ‌ بۆ به‌غدا بێت دێ‌ یێن هه‌رێما كوردستانێ‌ ژی ڤه‌گرن و كۆمه‌لا زیندانیێن سیاسی ژی ل كوردستانێ‌ دێ‌ هه‌ر هه‌بیت و ناهێته‌ ژناڤبرن.
سه‌رۆكێ‌ كۆمه‌لا زیندانیێن سیاسی ل هه‌رێما كوردستانێ‌ ئه‌و ژی ئاشكراكر كو ئمتیازه‌ك ل به‌غدا هه‌یه‌ كو هه‌ر زیندانیه‌كێ‌ سیاسی ماف هه‌یه‌ پێنچ ملیۆن دینارا سالانه‌ وه‌ربگریت و كه‌سه‌كێ‌ خێزانا خوه‌ ژی ل گه‌ل خوه‌ به‌ت و ڤیزه‌ ژی دێ‌ بێ‌ به‌رامبه‌ر بۆ هێـه‌لێدان و بچیته‌ گه‌شته‌كێ‌ بۆ ده‌رڤه‌ لێ‌ ژ به‌ر قه‌یرانا دارایی دبیت بتنێ‌ بۆ ئێك جار بیت و ئه‌ڤ دێ‌ هه‌رێما كوردستانێ‌ ژی ڤه‌گریت.
ناڤبری ئاماژه‌ كره‌ وێ‌ چه‌ندێ‌ ژی كو سه‌رجه‌مێ‌ 22 هزار زیندانیێن سیاسی ل هه‌رێما كوردستانێ‌ شه‌ش هزار زیندانیێن سیاسی ئافره‌ت هه‌نه‌، هه‌كه‌ زیندانیه‌كێ‌ سیاسی وه‌غه‌ركربیت ئه‌ڤه‌ دێ‌ وێرسێن وی مفادارێن سه‌ره‌كی بن و دێ‌ ڤی موچه‌ی هه‌یڤانه‌ وه‌رگرن.
سه‌رۆكێ‌ كۆمه‌لا زیندانیێن سیاسی ئه‌و ژی گۆت: هه‌كه‌ بچنه‌ سه‌ر به‌غدا ڤه‌ دێ‌ 37 ملیار دینار بۆ حوكمه‌تا هه‌رێما كوردستانێ‌ هێنه‌ زڤراندن و ئه‌ڤه‌ هه‌یڤانه‌ ئه‌م ژ حوكمه‌تا هه‌رێما كوردستان وه‌ردگرین، 108 ملیار ژ به‌غدا دێ‌ وه‌رگرین و ئه‌ڤ پاره‌ دێ‌ هێته‌ ناڤ هه‌رێما كوردستانێ‌، ب هیڤی نه‌ ل بۆدجا 2019 دا ماف و ئمتیازاتێن مه‌ ب شیانێن ئه‌ندامێن په‌رله‌مانێ‌ عیراقێ‌ یێن مه‌ و وه‌زیرێ‌ دارایی بهێنه‌ بجهئینان.

ئەڤرۆ نیوز، نەوزاد ھلۆری:

ئەڤرۆ رۆژا ئێکشەمبی 25ێ چریا دویێ 2018 و دەمژمێر 10:00ێ سپێدێ ب بەرھەڤبوونا نێچیرڤان بارزانی سەرۆکێ حوکمەتا ھەرێما کوردستانێ، جڤاتا بلند یا کاروبارێن خانمان ل ھولا سەعەد عەبدوللا ل ھەولێرێ ھەوا دژی ژنان بۆ چەند رۆژان رابگەھینیت، تێدا جڤاکی ب گشتی ل بارا توندوتیژیێ ل گەل ژنان ھوشیار بکەت.

ھەوا بەرنگاریێ دێ ل سەرانسەرى ھەرێما کوردستانێ ب ناڤونیشانێن (بەرنگاربوونا توندوتیژیێ ئەرکێ ھەموويانە) ئەڤرۆ25ێ چریا دویێ 2018 دەست پێ کرن و بۆ دەما 16 رۆژان یا بەردەوام بیت.

ئەمەل جەلال، ئەنداما جڤاتا بلند یا خانمان بۆ ئەڤرۆ نیوز گۆت: (ئەڤرۆ د چارچوڤێ ھەوا بەرنگاربوونا توندوتیژیێ دژی ژنان دا کو دێ حەفتیەکێ بەردەوام بیت، پلانەکا پێنج سالی ھێتە راگەھاندن و تێدا ھژمارەکا وەزارەت و رێڤەبەریێن گشتی دێ ل گەل جڤاتا خانمان ھەڤکاریێ ل گەل ھەڤدۆ کەن ب مەرەما وێ یەکێ کو توندوتیژی ھەمبەری ژنان نەھێتەکرن و جڤاکێ کوردی ژی ھوشیار بیت و چو روودانێن کوشتن و خوون رشتنێ نەھێنەکرن).

پێتر ژی حوکمەتا ھەرێما کوردستانێ، ب مەرەما باشتر خزمەتکرنا تەخا ژنان، ھێلا 119 دامەزاندیە کو ب ھێلا گەرم دھێتە نیاسین، تێدا دووڤچونێ ل سەر ھەموو کێشێن گرێدای ژنان دکەت.

ده‌زگه‌هێ بارزانى يێ خێرخوازى

ئەڤرۆ نیوز، نەوزاد ھلۆری:

پشتی کو چەند رۆژێن بوری ژ ئەگەرێ بارانان، لەھی ل چەند باژێرێن عیراقێ دروست بوويی ژ وانان قەزا شەرگات ل سنوورێ پارێزگەھا سەلاحەدین، د ئەنجام دا 12 کەسان گیانێ خوە ژ دەست دا و نێزیکێ سێ ھزار مالان بن ئاڤ بوويی، دەزگەھێ خێرخوازی يێ بارزانی دێ کاروانەکێ ھاریکاریان گەھینیتە زیانڤێکەفتیێن قەزا شەرگات.

موسا ئەحمەد، سەرۆکێ دەزگەھێ خێرخوازیێ بارزانی، دیارکر کو ژبلی زیانێن گیانی ھەڤدەم زیانێن ماددی ژی ل پەيی لەھیێن عیراقێ دروستبوویە و بۆ ئەڤرۆ نیوز گۆت: (بڕیار بوو ئەڤرۆ کاروانه‌كێ ھەڤکاریێن بارزانی گەھشتبانە شەرگات، بەلێ ژ ئەگەرێ بارانێن بەردەوام و تێکچوونا رەوشا کەش و ھەوای ھەتا نوکە نەشیاینە ھاریکاریان بگەھینینە شەرگات).

زێدەتر گۆت: (ئەو ھاریکاریێن کو ھاتینە بەرھەڤکرن، ھەموو ئەو جورە ھاریکاری بوون یێن کو خەلکێ شەرگات ب رێیا قایمقامیا شەرگات داخوازکری، ھاریکاریێن ئەڤرۆ ژی پێکدھێن ژ کەلوپەلێن خوارن و ڤەخوارن و ناڤمالێ و جلوبەرگ و چەندین کەلوپەلێن دن یێن بلەز، کاروانێ ھاریکاریا دەزگەھێ بارزانی د دەمەکێ دایە کو خەلکێ شەرگات داخوازی ل سەروک بارزانی دکر کو ھاریکاریا وان بکەن، ژبەرڤێ دەزگەھێ بارزانی ب فەرزانی کو ھاریکاریا خەلکێ شەرگات و دەڤەرێن دن بکەت، ئەم چاڤەرێ باشتربونا کەش و ھەوایی و پەیوەندیا قایمقامەتیا شەرگات دکەین ھەتاکو ئەو دبێژن مە).

ھاریکاریێن دەزگەھێ بارزانی پێکدھێن ژ پێنج لوریێن مەزن یێن کەلوپەلێن ھەمەجور کو دبیتە نێزیکێ 150 تەنێن کەلوپەلان.

ئەڤرۆ نیوز، ھۆگر محەمەد تاھر:
رێڤەبەرێ نەھێلانا توندوتیژیا دژی ئافرەتان ل پارێزگەھا دھۆکێ راگەھاند کو د ئەڤ سالە دا زەلامان زێدەتر سەرەدانا رێڤەبەریا وان کریە و ئاریشێن خوە گەھاندینێ و گۆت: “ھەوا توندوتیژیا دژی ئافرەتان ل پارێزگەھا دھۆکێ سوبەھی ب فەرمی دێ دەستپێکەت”.
زێدەتر مقدمێ مافپەروەر ئارام محەمەد بۆ ئەڤرۆ نیوز دیار کر کو ھژمارا تومارکرنا سکالایان ئەڤ سالە ل ھەمبەر سالا بۆری زێدەتر بوویە ژ ئافرەتان یێن توندوتیژیا خێزانی و زێدەبوونا رێژا سکالایان رامانا وێ چەندێ نادەت کو توندوتیژی زێدەبوویە، بەلکو ھشیاریەک بۆ خەلکێ مە دورستبوویە کو ب رێیا قانوونێ مافێن خوە ب دەستڤە بینن.
ناڤھاتی ئاماژە دا وێ چەندێ کو ھەوا بەرھنگاریا توندو تیژیا دژی ئافرەتان ل پارێزگەھا دھۆکێ سوبەھی ب فەرمی ل پارێزگەھا دھۆکێ ب چاڤدێریا پارێزگارێ دھۆکێ فەرھاد ئەمین ئەتروشی دێ دەستپێکەت و بو دەمێ ١٦ روژان دێ یا بەردەوامبیت و نە ب تنێ د ڤی دەمی دا ئەو چالاکیان ۆ نەھێلانا توندوتیژیێ رێک دئێخن، بەلکو ب درێژاھیا سالێ ئەو د کارو خەباتێ دانە بو زێدەتر پەیداکرنا رەوشەنبیریا نەھێلانا توندوتیژیێ.

425

ئه‌ڤرۆ نيوز:

رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا دوشه‌مبى رێکەفتی 26ى چريا دويێ 2018ێ ئه‌سمان پتريا ده‌مى دێ عه‌ور بيت.

پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دھێتە پێشبینیکرن ئه‌سمان پتريا ده‌مى دێ عه‌ور بيت.

پشکا پێشبینیان دایە زایە زانین کو دێ ئله‌زاتيا بايى د ناڤبەرا 5 ھەتا 15کم دا و ماوێ دیتنێ ژی دێ د ناڤبه‌را 9 بۆ 10كم دا بیت، پلێن گەرمێ ژی دێ د ناڤبەرا 11 بۆ 20 پلان دا بن.

لا يتوفر نص بديل تلقائي.

331

ئه‌ڤرۆ نيوز:

رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو د ماوێ 24 ده‌مژمێرێن بۆرى دا، رێژێن جودا يێن باران بارينێ هاتينه‌ تۆماركرن و ل دووڤ ڤى خشتێ ل خوارێ دياركرى:

ئەڤرۆ نیۆز، قائید میرۆ:

ل رۆژا پێنج شەمبیا بۆری سەرۆک مەسعود بارزانی سەرەدانا بەغدا کر و دگە سەرکردێن عیراقێ دانوستاندن ل دۆر پەیوەندیێن د ناڤبەرا ھەرێما کوردستان و بەغدا و چارەسەرکرنا ئاریشێن د ناڤبەرا ھەر دو لایان دا کرن، مامۆستایەکێ زانکۆیێ ژی دبێژیت، سەرەدانا بارزانی بۆ بەغدا جھێ ھیڤی و ئومێدێ یە.
پرۆفیسۆر خەلیل ئیسماعیل، مامۆستایێ زانکۆیێ بۆ ئەڤرۆ نیۆز دیار کر کو ھەرچەندە مە ئەزموونەکا نەباش دگەل دەستھەاتدارێن بەغدا ھەیە، چونکی پشتی سالا ٢٠٠٥ێ سەرۆک وەزیرێن بەرێ یێن عیراقێ پێگیری سۆزێن خوە نەبوون دگە ھەرێما کوردستانێ، بەری نوکە رەوش ھاتیە گۆھۆڕین ب ھاتنا عادل عەبدولمەھدی وەک وەزیرێ نوو یێ عیراقێ قووناغەکا نوو دەستپێکریە، بەری عەبدولمەھدی ببیتە سەرۆک وەزیرێن عیراقێ ھەلویستێن جوامێرانە ھەمبەر ھەرێما کوردستانێ و مللەتێ کورد ھەبووینە، ھەر ل وی دەمێ ئەندامێ پەرلەمانی بوو ھەتا بوویە وەزیرێ دەرڤە و پەترۆلا عیراقێ، لەوڕا ھیڤیەک پەیدابوویە ب ھاتنا عادل عەبدولمەھدی ئاریشێن دستووری یێن د ناڤبەرا ھەرێما کوردستانێ و بەغدا دا بھێنە چارەسەرکرن.
ناڤھاتی خویا کر کوئەڤ گۆھۆڕین نوکە پەیدابووین ل ھەویستێ عادل عەبدولمەھدی و کابینا حوکمەتا عیراقێ بۆ چارەسەرکرنا ناکۆکیان جھێ شانازی و رێزێنە، پێدڤیە ھەرێما کوردستانێ ژی ب ھەموو شیانێن خوە پشتەڤانیا حوکمەتا نوو بکەت داکو بشێن ئاریشێن بەرێ بھێنە چارەکرن، ژ بەر کو عادل عەبدولمەھدی گۆتیە ئەز بخوە دێ نوونەرێ ھەرێما کوردستانێ بم و چەندین پێشنیارکرینە، ژوانا زێدەکرنا پشکا بۆدجا ھەرێما کوردستانێ و پارە بۆ مادێ ١٤٠ یێ دستووری مەزاختیە و ل سەر بادەکا پەترۆلێ رێکەفتن ھاتیەکرن.
ل دۆر سەردانا سەرۆک بارزانی بۆ بەغدا پڕۆفیسۆر خەلیل ئیسماعیل دبێژیت” سەردانا سەرۆک بارزانی بۆ بەغدا دڤێ قووناغێ دا بۆ پشتەڤانیا حوکمەتا نوویا عیراقێ ب سەرۆکاتیا عادل عەبدولمەھدیە، داکو مەھدی سۆزێن خوە بجە بینیت ھەمبەر ھەرێما کوردستانێ، ب دیتنا من سەرەدانا بارزانی بۆ بەغدا دێ ئومێدەکێ پەیداکەت و جھێ ھیڤیا ھەموو عیراقیانە بۆ دووماھی ئینان ب ناکۆکیان”.

website security
WP Facebook Auto Publish Powered By : XYZScripts.com