ئه‌ڤرۆ نیوز:
هه‌وا نیشتمانی یا 16 رۆژی یا جیهانی یا به‌رهنگاربوونا توندوتیژیا دژی ژنان دهێته راگه‌هاندن. ئه‌ڤ هه‌لكه‌فته ب چه‌ندین چالاكیان ل باژێرێن جودا یێن كوردستانێ دهێته ساخكرن.
نووترين نووچه
- بنگەهێ لالش خزمەتەكا بەرچاڤ یا جڤاكێ ئێزدیاتیێ كریە
- مەسرور بارزانی: پێدڤییە بەرپرسێن پارتی زێدەتر خزمەتا خەلكی بكەن
- هیڤیدارین حوكمەتا فیدرال مووچەی نەكەتە پرسەكا سیاسی
- بەغدا مووچەی وەك كارەتەكا فشارا سیاسی بەرانبەر هەرێما كوردستانێ ب كار دئینیت
- مافێ چارەنڤـیس، مافـەكێ سروشتیێ نەتـەوەیا كـوردە
- نێچیرڤان بارزانی ب فەرمی بۆ وەلاتێ قەتەرێ دهێتە ڤەخواندن
- نێچیرڤان بارزانی و مەسرور بارزانی پیرۆزباهیێ ل شیرەتكارێ نوو یێ ئەلمانیایێ دكەن
- سەرۆكێ حوكمەتا هەرێمێ دوپاتیێ ل بهێزكرنا پەیوەندییان ل گەل هندستانێ دكەت
- خسرۆ گۆران: روودانێن دەڤەرێ كاریگەری ل سەر هەلبژارتنێن ئیراقێ نابیت
- نێزیكی 50 هزار تیرۆرست و كەسوكارێن وان مووچەیێ شەهیدان ژ حوكمەتا ئیراقێ وەردگرن
سهرهكى Facebook
دادوەرەکێ کورد دێ بیتە ئەندامێ دادگەھا تەمیزا عیراقێ
ئەڤرۆ نیوز، قائید میرۆ:
د کۆمبوونا دوھی یا پەرلەمانێ عراقێ دا ناڤێ ھژمارەکا دادوەران رادەستی پەرلەمانی ھاتەکرن داکو شەش دادوەر وەکی ئەندامێن دادگەھا بلندا پێداچوونا عیراقێ بھێنە دیارکرن، بەلێ فراکسیۆنێن کوردستانێ ئەڤ چەندە رەتکر بێی ھەبوونا دادوەرەکێ کورد بھێنە پەسەندکرن.
دادگەھا بلندا پێداچوونا عیراقێ ژ شەش دادوەران پێک دھێت و ژلایێ پەرلەمانی ڤە دھێنە پەسەندکرن، بڕیار بوو دوھی رۆژا شەمبی بھێنە دیارکرن، بەلێ ئەڤ بابەت ھاتە گیرۆکرن و بڕیارە د کۆمبوونا داھاتی دا بھێنە ھەلبژارتن.
ھەدار بارزانی، پەرلەمانتارا پارتی ل جڤاتا نوونەرێن عیراقێ بۆ ئەڤرۆ نیوز دیار کر کو دەمێ لیستا ناڤێن دادوەران بۆ ئەندابوونێ ل دادگەھا پێداچوونێ گەھشتیە بەردەستێ وان پەرلەمانتارێن کورد رەتکر، ژ بەر کو چو دادوەرێن کورد تێدانەبوو و گۆت: “بڕیارە د کۆمبوونا داھاتی دا دادوەرێن دادگەھا پێداچوونا عیراقێ بھێنە دیارکر ژلایێ پەرلەمانی ڤە، بەلێ دڤێت دادوەرەکێ کورد ژی ببیتە ئەندام، بێی ھەبوونا نوونەرێ کورد ل دادگەھا پێداچوونێ ئەم رازینابین و دەنگی ل سەر چو دادوەرەکی نادەین، چونکی مافێ کوردایە وەک پێکھاتەکا سەرەکیا عیراقێ ئەندامەک ھەبیت ل دادگەھا بلندا پێداچوونا عیراقێ و نابیت ب تنێ ھەموو دادوەر عەرەب و پێکھاتێن دی بن”.
شيلسى تووشى دوراندنا خوه يا ئێكێ بوو
ئه‌ڤرۆنيوز:
يانا شيلسى تووشى دوراندنا خوه يا ئێكێ بوو دخۆلا ئه‌ڤ ساله يا پلا ناياب يا ئينگليزى يا ته‌پا پێ دا ده‌مێ ب ئه‌نجامێ 1-3 ل گه‌ل مێهڤاندارا خوه يانا توتنهام هاتيه دوراندن.
گۆلێن يانا توتنهام ل خۆله‌كێن 8 و16 و54 ژلايێ ياريكه‌ران ديلى ئالى وهارى كين وهيونك كين سو هاتن تۆماركرن وگۆلا ئێكانه يا شيلسى ژلايێ ياريكه‌رێ وێ ئوليفێه جيرۆ ل خۆله‌كا 85 هاته تۆماركرن.
ب ڤى ئه‌نجامى پێشڤه هات ريزا سيێ ب 30 خالان ويانا شيلسى ل رێزا چارێ دهێت ب 28 خالان.
هژمارا بكارئێنه‌رين تۆرێن جڤاكى ل هه‌رێما كوردستانێ هاته راگه‌هاندن
ئه‌ڤرۆنيوز:
رێكخراوه‌كا بوارێ ته‌كنه‌لۆژيايێ ئاشكرادكه‌ت ژ سه‌رجه‌مێ چار پارێزگه‌هێن هه‌رێما كوردستانێ وپارێزگه‌ها كه‌ركووكێ هژمارا بكارئينه‌رێن تۆرێن جڤاكى زێده‌تره ژ 3 مليۆن و400 هزار كه‌سان، ل عيراقێ ژى 17 مليۆن كه‌س تۆرێن جڤاكى ب كاردئينن.
رێكخراوا (تيك ئاى) بۆ ته‌كنه‌لوژيايێ وپێزانينان راپۆرته‌ك ل دۆر بكارئينه‌رێن ئه‌نترنێتێ وتۆرێن جڤاكى به‌لاڤكر”ل دووڤ راپۆرته‌كا مه ل دووماهيا سالا 2006 وده‌ستپێكا سالا 2007 هژمارا بكارئينه‌رين كۆمپيوته‌رى به‌ر ب زێده‌بوونێ چوو، سه‌نته‌ر وفه‌رمانگه وكۆمپانى وگه‌له‌ك ژ خه‌لكى ژى ب ئاميره‌كێ نوو يێ ته‌گنه‌لۆژيايێ ئاشنا بوون ئه‌وژى كۆمپيۆته‌ره وپاشى مۆبايل ب شێوه‌كێ مه‌زن به‌ربه‌لاڤ بوو”.
دياركر ژى”هژمارا بكارئينه‌رێن ئه‌نترنێتێ وتۆرێن جڤاكى گه‌له‌ك نه‌بوون، تاكو ده‌ستپێكا شوره‌شا بهارا عه‌ره‌بى ل سالا 2011 كو ژئه‌گه‌رێ وێ ب شێوه‌كێ نه‌چاڤه‌رێكرى مۆبايل وتۆرێن جڤاكى ل وه‌لاتێن رۆژهه‌لاتا ناڤه‌راست (ب هه‌رێما كوردستانێ ژى) زێده‌بوو ورۆژ ل دووڤ رۆژێ بكارئينه‌ر زێده‌بوون”.
ئاماژه كر” ل دووڤ دووماهى داتا وپێزانين ده‌زگه‌هێ (ئه‌نترێت وورلد سته‌يت) هژمارا ئاكنجيێن عيراقێ ب گۆره‌ى دووماهى سه‌رژمێرى، دسه‌ر 39 مليۆن كه‌سان دانه وژ وێ رێژێ 19 مليۆن كه‌س ئه‌نترنێتێ بكاردئينن كو دبيته رێژا 48.3% ژئاكنجيێن عيراقێ”.
ل ڤى گوندى ره‌زه‌كێ زه‌یتوونان يێ هه‌ى و خودانێ راسته‌قينه يێ ديار نينه
ئه‌ڤرۆ نیوز، نه‌وزاد هلۆرى:
ره‌زه‌كێ زه‌یتوون كو نێزیكێ 500 بنه‌دارێن زه‌یتوونان تێدا يێن هه‌ين و دكه‌ڤیته گوندێ میرداڤیا ل ناحیا دینارته، ژبه‌ركو ئه‌و ره‌ز یێ كه‌ڤنه، خودانێ راسته‌قینه‌یێ وى يێ دیار نینه و نوكه چار بنه‌مالێن گوندى پێكڤه سالانه وان زه‌یتوونان دچنن و تنێ وان مافێ چنینا وان زه‌یتوونان يێ هه‌ى.
عه‌كان عه‌بدولسه‌لام، وه‌لاتيه‌كێ گوندێ ناڤبرى یه بۆ ئه‌ڤرۆ نیوز گۆت: (ل گوندێ مه ره‌زه‌كێ زه‌یتوونان یێ كه‌ڤنار هه‌یه و نێزیكێ 500 بنه‌دارێن زه‌یتوونان تێدانه، به‌لێ ژبه‌ركو كه‌س نزانیت خودانێ وان یێ راسته‌قینه كى یه؟ نوكه چار بنه‌مال سالانه پێكڤه دچن بو چنینا زه‌یتوونێن وى ره‌زى).
زێده‌تر گۆت: (پشكه‌ك ژ وه‌لاتیان زه‌یتوونان بۆ خوه دچنن، دكه‌ن ترشى، ب ساده‌یى دخون، پشكه‌ك ژى دكه‌ن زه‌یت، زه‌یتا وان ئێكه ژ خوشترین زه‌یتان و تام و خوه‌شيه‌كا تایبه‌ت يا هه‌ى ب تایبه‌تى زه‌یتوونێن ره‌ش).
ل دۆر چا‌وانیا دروستكرنا زه‌یتا زه‌یتونان ل وى گوندى، ناڤبرى گۆت: (هه‌ر چه‌نده چێكرنا زه‌یتوونان كاره‌كێ ب زه‌حمه‌ت و ماندووبوونه، به‌لێ وه‌كو نه‌ریته‌كێ سالانه، خه‌لكێ گوندى زه‌یتونێن خوه دكه‌ن زه‌یت، ده‌ستپێكێ دێ زه‌یتوونان ئینین و ب چه‌قوكێ كه‌ر كه‌ین و پاشى كه‌ینه دناڤ ئاڤا خوێ دا، بۆ ده‌مێ هه‌یڤه‌كێ هێلينه د ئاڤێ دا، داكو ئه‌و خوێ بچيته دناڤ زه‌یتونێ دا، هه‌موو هه‌فتیان جاره‌كێ ئاڤا وێ دێ هێته گوهۆرین، پاشى دێ زه‌یتونێن ره‌ش ل گه‌ل یێن زه‌ر هێنه ژێكگرتن ژبه‌ركو زه‌یتووتا ره‌ش زوو ئاڤا خوێ ڤه‌دخوت، به‌لێ یا زه‌ر پێدڤیه ده‌مه‌كێ زێده‌تر د ناڤ دا بمینیت، پاشى ب رێیا ئامیره‌كێ تایبه‌ت زه‌یتوون دێ هێنه هووركرن ودێ بیته زه‌یت و زه‌یت ژ زه‌یتوونان دێ هێته جوداكرن و كه‌نه د ئامانه‌كێ تایبه‌ت دا).
دیاركر ژى كو دارێن زه‌یتوونێن گوندێ میرداڤیا هند دمه‌زنن كێم كه‌س دشێن وان زه‌یتوونان ژێڤه بكه‌ن، ژبه‌رڤێ پشكه‌ك ژ خه‌لكى دچنه سه‌ر دارێن زه‌یتوونان و پشكه‌ك ژى ل خوارێ زه‌یتوونان كوم دكه‌ن و زێده‌تر گۆت: (ژ ئه‌گه‌را نه‌بوونا پشته‌ڤانیێ بۆ جوتیاران، هه‌تا نوكه ئه‌و ره‌ز وه‌كو خوه مایه و نه‌هاتیه زێده‌كرن، هه‌كه لایه‌نێن شوله‌ژێ هه‌ڤكاریا جوتیار و خه‌لكێ گوندى بكه‌ن، دێ زێده‌تر زه‌یتوون هێنه چاندن، ژبه‌ركو گوندێ مه ئاخه‌كا باش بۆ چاندنا زه‌یتوونان يا هه‌ى).
چار كه‌س ژ ئه‌نجامێ بارانا ئه‌ڤ شه‌ڤه ل پارێزگه‌هه‌كا عيراقێ گيانێ خوه ژ ده‌ست دده‌ن
ئه‌ڤرۆنيوز:
ژێده‌ره‌كى ژ پاريزگه‌ها واست ل باشوورێ عيراقێ بۆ ئه‌ڤرۆ نيوز دياركر كو ژ ئه‌نجامێ بارانين ئه‌ڤ شه‌ڤه ل پارێزگه‌ها واست چار كه‌سان گيانێ خوه ژ ده‌ست دا.
جومعه سه‌عيد، رۆژنامه‌ڤان ل باژێرێ كۆت سه‌نته‌رێ پارێزگه‌ها واست بۆ ئه‌ڤرۆنيوز گۆت” ژئه‌نجامێ بارانين دژوار يێن ئه‌ڤ شه‌ڤه چار وه‌لاتيان كو چار ژوان زارۆنه ل هه‌ردو ناحيێن (موه‌فه‌قيه) و (ئه‌حرار) گيانێ خوه ژده‌ست دا”.
جومعه‌ى گۆت ژى” ژ ئه‌نجامێ كه‌فتنا بانێن خانيان كو بان ئاخ بوون ژبه‌ر بارانێن دژوار، وان وه‌لاتيان گيانێ خوه ژده‌ستدايه”
ديمبلى به‌رشه‌لونا قورتالكر
ئه‌ڤرۆنيوز:
به‌رى ده‌مه‌كێ كێم ياريا كوپيتكا ڤێ حه‌فتيێ دخۆلا ئيسپانى يا ته‌پا پێ دا دناڤبه‌را به‌رشه‌لونا سه‌ركێشێ خۆلێ ومێهڤاندارا وێ ئه‌تله‌تيكۆ مه‌دريد خودانا رێزا دويێ ب وه‌كهه‌ڤى ب ئه‌نجامێ 1-1 ب دووماهى هات.
ل خۆله‌كا 77 ژ ياريێ ديگۆ كۆستا گۆلا ئه‌تله‌تيكۆ مه‌دريد تۆماركر وپشتى ده‌مه‌كێ كێم ژ هاتنا عوسمان ديمبلى بۆ ناڤ ياريگه‌هێ ل شوينا ئه‌رتۆرۆ فيدال، شيا ل خۆله‌كا 90 گۆلا وه‌كهه‌ڤيێ تۆمار بكه‌ت وبه‌رشه‌لونا ژ دووراندنێ قورتال بكه‌ت.
سه‌رۆك وه‌زيرێن ئيسرائيلێ دێ سه‌ره‌دانا وه‌لاته‌كێ دى يێ كه‌نداڤى كه‌ت
ئه‌ڤرۆنيوز:
په‌يڤدارێ نڤيسينگه‌ها سه‌رۆك وه‌زيرێن ئيسرائيلێ بۆ راگه‌هاندنا عه‌ره‌بى، هانى مه‌رزۆق ئاشكراكر كو بنيامين ناتانياهۆ سه‌رۆك وه‌زيرێن ئيسرائيلێ دێ سه‌ره‌دانا وه‌لاتێ به‌حرێن كه‌ت.
هانى مه‌رزۆق بۆ كه‌نالێ (مكان) يێ ئيسرائيلى گۆت” سه‌ره‌دانا بهێت يا ناتانياهۆى بۆ وه‌لاتێن عه‌ره‌بى دێ بۆ وه‌لاتێ به‌حرێن بيت وئه‌ڤ سه‌ره‌دانه ده‌ستپێكه‌كه بۆ كاره‌كێ مه‌زنتر ل رۆژهه‌لاته‌كا ناڤه‌راست يا دى”.
ئاماژه كر ژى كو چه‌ندين وه‌زيرێن ئيسرائيلى ل قۆناغێن بۆرى سه‌ره‌دانا وه‌لاتێن عه‌ره‌بى وكه‌نداڤى كريه.
سه‌رۆك وه‌زيرێن ئيسرائيلى ل هه‌يڤا بۆرى سه‌ره‌دانا وه‌لاتێ عومان كربوو.
مه‌رجێن به‌رشه‌لونا بۆ زڤرينا نيمارى بزانه
ئه‌ڤرۆنيوز:
رۆژنامه‌كا ئيسپانى به‌لاڤكر هاتنا نيمارى بۆ به‌رشه‌لونا يا رێ پێدايه ژلايێ كارگێريا يانا به‌رشه‌لونا وبيب سيگۆرا رێڤه‌به‌رێ جێبه‌جێكار وبه‌رپرسێ كه‌رتێ ته‌پا پێ ل يانا به‌رشه‌لونا ئه‌ڤ چه‌نده راگه‌هانديه، به‌لێ پێدڤيه به‌رى ڤێ چه‌ندێ نيمار چار مه‌رجان بجهبينيت.
رۆژناما( موندۆ ديبورتيڤۆ) يا ئيسپانى دياركر كو مه‌رجێ ئێكێ يێ به‌رشه‌لونا ئه‌وه نيمار داخوازا لێبۆرينێ ژ جه‌ماوه‌رێ به‌رشه‌لونا بكه‌ت ژبه‌ر وى شێوێ ژ به‌رشه‌لونا چوويه باريس سان جيرمان ب رێيا هه‌لوه‌شاندنا گرێبه‌ستا وى ل به‌رامبه‌ر 222 مليۆن يورۆيان.
مه‌رجێ دويێ يێ به‌رشه‌لونا ئه‌وه نيمار ده‌ست ژ هه‌موو وان سكالايێن ل دژى به‌رشه‌لونا بلندكرين بكه‌ت تاكو به‌رشه‌لونا ده‌رگه‌هى بۆ زڤرينا وى بۆ ياريگه‌ها نوكامب ڤه‌كه‌ت وبگه‌هيته ياريكه‌رێن دى دناڤ رێزێن يانێ دا وه‌كو ميسى وسوارێزى وبيكێ وكوتينيۆى.
مه‌رجێ سيێ ژى بۆ زڤرينا نيمارى ئه‌وه مووچێ خوه كێم بكه‌ت تاكو بشێت بهێته دناڤ رێزێن به‌رشه‌لونا دا ب تايبه‌تى كو به‌رشه‌لونا نه‌شێت وى مووچێ نوكه نيمار ل باريس سان جيرمان وه‌ردگريت بده‌ت.
مه‌رجێ چارێ ودووماهيێ يێ به‌رشه‌لونا بۆ نيمارى ئه‌وه كو نيمار ب خوه ل گه‌ل يانا خوه باريس سان جيرمان باخڤيت ژبۆ ب ساناهى كرنا ڤه‌گوهاستنا وى بۆ به‌رشه‌لونا ب تايبه‌ت نوكه يانا باريس سان جيرمان قه‌بوول ناكه‌ت ل گه‌ل به‌رشه‌لونا ل سه‌ر وى بابه‌تى دانوستاندنان بكه‌ت.
مانشسته‌ر سيتى جهێ خوه ل سه‌رێ رێزبه‌ندا خۆلا ئينگليزى پاراست
ئه‌ڤرۆنيوز:
يانا مانشسته‌ر سيتى ئه‌ڤرۆ شه‌مبيێ 24/11/2018 به‌رده‌وامى دا ئه‌نجامێن خوه يێن باش دخۆلا ئينگليزى يا پلا ناياب دا پشتى سه‌ركه‌فتنه‌كا مه‌زن ل سه‌ر مێڤاندارا خوه يانا ويستهام يونايتد ب ئه‌نجامێ 4-0 تۆماركرى.
مانشسته‌ر سيتى سێ گۆل ل گێمێ ئێكێ تۆماركرن ل خۆله‌كێن 11 و 3 و 19 ژلايێ داڤيد سيلڤا وره‌حيم ستيرلينگ وسانێ ول خۆله‌كا 93 ژ گێمێ دويێ سانێ گۆلا خوه يا دويێ ويا يانا خوه يا چارێ تۆماركر.
ب ڤى ئه‌نجامى يانا مانشسته‌ر سيتى جهێ خوه ل سه‌رێ رێزبه‌ندا خۆلێ ب 35 خالان پاراست ويانا ويستهام يونايتد ل رێزا 13 دهێت ب 12 خالان.
نيشاندان
WP Facebook Auto Publish Powered By : XYZScripts.com