ئه‌ڤرۆ نيوز:
بهايێ نه‌فتێ بۆ كێمترين ئاست ل سالا 2018 هاته خوار، هه‌ر به‌رميله‌كا نه‌فتا برێنت بۆ كێمتر ژ 59 دولاران هاته خوار و به‌رميله‌كا نه‌فتا تێكساس هاته دبن 51 دولارێن ئه‌مريكى.
بهايێ نه‌فتێ بۆ كێمترين ئاست د سالا 2018 ێ دا هاته خوار
نووترين نووچه
- مافێ چارەنڤـیس، مافـەكێ سروشتیێ نەتـەوەیا كـوردە
- نێچیرڤان بارزانی ب فەرمی بۆ وەلاتێ قەتەرێ دهێتە ڤەخواندن
- نێچیرڤان بارزانی و مەسرور بارزانی پیرۆزباهیێ ل شیرەتكارێ نوو یێ ئەلمانیایێ دكەن
- سەرۆكێ حوكمەتا هەرێمێ دوپاتیێ ل بهێزكرنا پەیوەندییان ل گەل هندستانێ دكەت
- خسرۆ گۆران: روودانێن دەڤەرێ كاریگەری ل سەر هەلبژارتنێن ئیراقێ نابیت
- نێزیكی 50 هزار تیرۆرست و كەسوكارێن وان مووچەیێ شەهیدان ژ حوكمەتا ئیراقێ وەردگرن
- بەغدا ب نە هنارتنا مووچەیێ خەلكێ كوردستانێ قەرەبوویا كێمبوونا داهاتییێن خوە دكەت
- نێچیرڤان بارزانی سەرەخوەشیێ ل ئەیاد عەلاوی دكەت
- مەسرور بارزانی: ئیراقێ پێدڤی ب حوكمڕانییەكا دادپەروەرانە هەیە
- تێكگەهشتنەكا باش هەیە و د زووترین دەم دا حوكمەت دێ هێتە پێكئینان
سهرهكى Facebook
دو رێڤه‌به‌رێن دهۆكێ سه‌ره‌دانا قوتابخانه وپه‌رتوكخانه وچاكسازيێن يابانێ دكه‌ن
ئەڤرۆنیۆز، سالار دۆسكی:
ل دووڤ خواستا حوكمەتا ژاپۆنێ و رازیبوونا حوكمەتا هەرێما كوردستانێ، ده‌مێ حەفتیەكێ یە شاندەكێ رێڤەبەرێن فەرمانگەهێ، میری و رێكخراوێن جڤاكێ سڤیل ل دهۆكێ قەستا وەلاتێ ژاپۆنێ كریە، پشكداری چەندین وورك شووپ و سمیناران بووینە.
زەكی سالح موسا، رێڤەبەرێ چاكسازیا سنێلان ل دهۆكێ كو پشكداربوویەكێ شاندی یە بۆ ئەڤرۆ نیۆز دياركر كو شاند ل دووڤ خواستا حوكمەتا ژاپوونێ سەره‌دانكریە و پشكداری چەندین سمینار و وورك شوپان بوویە ل وی وەلاتی.
گۆت ژی كو سەردان بۆ مفا وەرگرتنێ یە ژ ئەزموونا ڤی وەلاتی و تایبەت ل قوتابخانا و چاكسازی و پەرتوكخانان و هەتا نوكە سەره‌دانا چەندین جهێن پێشكەفتی كرینە، رۆژانە ده‌مێ حەفت دەمژمێران پشكداری وورك شوپ و سمیناران دبین،
خوياكر ژى كو ل 17/11 گەهشتینە ژاپۆنێ و ژڤانە 29/11 سەره‌دانا مە ب دووماهی بهێت.
ئاماژه دا كو شاند پێك هاتیە ژ رێڤەبەرێ پەروەردا دهۆك رۆژئاڤا، رێڤەبەرێ چاكسازیا سنێلان، بەرپرسێ رێكخراوا ئەلند بۆ دیموكراسیكرنا گەنجان، بەربرسێ پرۆژان ل هه‌مان رێكخراو.
گەنجەک ژئه‌گه‌رێ یاریا پۆبجی ھاتە کوشتن
ئەڤرۆ نیۆز، قائید میرۆ
گەنجەک ژ ئەنجامێ یاریا پۆبجی ئه‌ڤرۆ ئه‌ينيێ 23/11/2018 ل ناحیا وەرتێ یا سەر ب قەزا رەواندز ڤه ھاتە کوشتن و پۆلیسان ژی ئاشکراکر، ئەو گەنجێ ھاتیە کوشتن خەلکێ ناحیا پیرمامە و ب سەرەدان ھاتیە ناحیا وەرتێ.
رائید (سەعدون ھاودیانی) پەیڤدارێ پۆلیسێن قه‌زا سۆران بۆ ئەڤرۆ نیۆز دیارکر” ئەڤرۆ ژلایێ پۆلیسێن رواندز ڤه ھاتینە ئاگەھدارکرن ل دۆر کوشتنا گەنجەکی ب ناڤێ (ئاسۆ ئازاد) يێ ٢٢ سالی، کو ئاکنجیێ گوندێ گەلیاوە ل ناحیا پیرمام و بمەرەما گەشتوگوزارێ ل گەل چار ھەڤالێن خوه دوھی رۆژا پێنجشەمبی سەرەدانا ناحیا وەرتێ کریە”.
پەیڤدارێ پۆلیسێن سۆران ئاشکراکر” مەغرەبیا ئەڤرۆ بەری بڕیارا ڤەگەڕیانێ بدەن دیارە دناڤ خانیەکی دا بووینە ل ناحیا وەرتێ، گەنجه‌كى ژوان داخواز ژ ھەڤالەکێ خوە کریە ب چەکێ جفتێ وه‌كو یاریا پۆبجی شەڕی بکەت ووێنێن وی بھێنەگرتن، بەلێ يێ ئاگەھدار نەبوو كو گولە يا وى چه‌كى دا هه‌ى و د ئەنجامدا گولەیەک ب ھەڤالێ وی کەفتیە و گیانێ خوە ژ دەستدایە”.
گۆت ژی” ھەر چار گەنج ژلایێ ھێزێن پۆلیسان ڤە ھاتینە دەستەسەرکرن و ڤەکۆلین ل دۆر روویدانێ يا به‌رده‌وامه”.
7 وه‌لاتيێن گونده‌كێ شرگات ژئه‌گه‌رێ له‌هيان گيانێ خوه ژده‌ست دا
ئه‌ڤرۆنيوز:
ژێده‌ره‌كى ژ پارێزگه‌ها سه‌لاحه‌دين بۆ ئه‌ڤرۆنيوز راگه‌هاند، ژ ئه‌گه‌رێ باران بارينێ وله‌هيان حه‌فت كه‌سان گيانێ خوه ژده‌ست دا يه وچه‌ندين كه‌س بريندار بووينه.
عومه‌ر عادل، رۆژنامه‌ڤانێ تۆرا راگه‌هاندنا عيراقێ ل پاريزگه‌ها سه‌لاحه‌دين بۆ ئه‌ڤرۆنيوز گۆت” ژ ئه‌گه‌رێ باران بارينێ ودروستبوونا له‌هيان، ل گوندێ حوريه ب سه‌ر قه‌زا شرگات ڤه حه‌فت كه‌سان گيانێ خوه ژ ده‌ستدا كو ته‌رمێ دو ژوان هه‌تا نوكه نه‌هاتيه ديتن، هه‌روه‌سا چار كه‌س ژى بريندار بوون كو دو ژوان سه‌ربازن”.
دياركر” چه‌ندين خێزانان ژى ل هه‌ردو گوندێن حوريه وخه‌سرانيه ل باكوورێ قه‌زا شرگات مال خوه بجه هێلاينه”.
عومه‌رى گۆت ژى” 250 خانى ل وى گوندى و15 ترومبێل ژناڤچووينه يان زيانێن مه‌زن يێن گه‌هشتينێ، ديسا 1200 سه‌رێن په‌زى ژى خه‌ندقين”.
مه‌سرور بارزانى: ئه‌ز يێ گه‌شبينم
ئه‌ڤرۆنيوز:
شيره‌تكارێ جڤاتا ئاسايشا هه‌رێما كوردستانێ مه‌سرور بارزانى ل دۆر كۆمبوونێن ئه‌ڤرۆ ودوهى يێن سه‌رۆك بارزانى وشاندێ دگه‌لدا ل گه‌ل به‌رپرسێن بلند يێن عيراقى ل به‌غدا راگه‌هاند، دانوستاندنێن به‌رهه‌مدار يێن دهێنه ئه‌نجامدان ل دۆر چاره‌كرنا كێشان وئسيسته‌ماتيكرنا په‌يوه‌نديان دناڤبه‌را هه‌رێما كوردستانێ وحوكمه‌تا فيدارل دا.
مه‌سرور بارزانى دبه‌رپه‌رێ خوه دا ل سه‌ر تۆرا جڤاكى يا تويته‌رى به‌لاڤكر” ئه‌ز يێ گه‌شبينم كو سه‌ركردايه‌تيا نوو يا عيراقێ دێ سه‌ركه‌فتنا هه‌ڤپشك وباجا زيانان بۆ گه‌لێ مه وده‌ڤه‌رێ ل به‌رچاڤ وه‌رگرن”
ئەلمانیا چو پەنابەرێن سووری سنۆرداش ناکەت
ئەڤرۆ نیۆز:
پشتی کو هندەک پەنابەرێن سووری ل ئەلمانیا ئالۆزی دروست کرین گەلەک سەرکردێن پارتێن بەرهنگار و هشکباوەر ل ئەلمانیا داخواز کربوون کو هەر پەنابەرەکێ سووری کو ئاریشان ل ئەلمانیا دروست بکەت دڤێت بۆ وەلاتێ وی ئانکۆ سووریێ بهێتە ڤەگەراندن لێ وەزیرێ ناڤخوە یێ ئەلمانیا ئەڤرۆ دیار کر کو ئەم چو پەنابەرێن سووری بۆ وەلاتێ وان ڤەناگەرینین و یێن تاوانەکێ ژی ئەنجام بدەت دێ پێرابوونێن قانوونی ل گەل دا هێنە کرن.
هوست زهوفر وەزیرێ ناڤخوە یێ ئەلمانیا راگەهاند کو هندەک پەنابەرێن سووری پشتی هاتینە ئەلمانیا ئاریشە دروست کرینە و هندەکان ژی تاوان ئەنجام داینە، لێ ئەو یەک رامانا هندێ نادەت ژ ئەلمانیا بهێنە دەرخستن، چونکو دێ ل گۆر قانوونان سەرەدەری ل گەل وان هێتە کرن و ژ بەر رەوشا شەری یا ل سووریێ ئەم چو وەلاتیێن سووریێ بۆ وەلاتێ وان ڤەناگەرینین.
سەرۆك بارزانی و موقتەدا سەدر كۆمبوون
ئه‌ڤرۆنيوز:
ئێڤاريا ئه‌ڤرۆ ئه‌ينيێ 23/11/2018 سه‌رۆك مه‌سعود بارزانى ل باژێرێ نه‌جه‌ف ل گه‌ل موقته‌دا سه‌در رێبه‌رێ ره‌وتێ سه‌درى وليستا سائيرون كۆمبوو.
سه‌رۆك بارزانى ل هه‌ر ئه‌ڤرۆ درۆژا دويێ يا سه‌ره‌دانا خوه بۆ به‌غدا ل گه‌ل حه‌يده‌ر عه‌بادى سه‌رۆكێ ليستا نه‌سر وئه‌رشه‌د سالحى سه‌رۆكێ به‌ره‌يێ توركمانى وعه‌مار حه‌كيم سه‌رۆكێ ره‌وتێ حيكمه وسالح موتله‌گ سه‌رۆكێ به‌ره‌يێ ديالۆكا نيشتمانى كۆمبوو.
فره‌نسا : به‌رده‌وام دێ پشته‌ڤانیا هه‌رێما كوردستانێ كه‌ین
ئەڤرۆ نیوز، ئازاد نسری:
ئه‌ڤرو پشتى نیڤرو 23-11-2018 ل كوچكا مێهڤانداریا به‌رێز فه‌رهاد ئه‌مین ئه‌تروشى پارێزگه‌رێ دهوكێ پێشوازیا شانده‌كێ فره‌نسى كر كو یێ پێك هاتى بوو ژبه‌رێزان برونو ئوبرت بالیوزێ فره‌نسا ل به‌غدا ودومینیك ماس كونسلێ فره‌نسا ل هه‌ولێرێ وچار په‌رله‌مانته‌رێن فره‌نسى ب سه‌روكاتیا (ماریلا دیساد نز) كر.
دهه‌ڤدیتنه‌كێدا ب ئاماده‌بونا اسماعیل محمد احمد هاریكارێ پارێزگه‌رى بو كاروبارێن ئاواره وپه‌نابه‌ران به‌حسێ ره‌وشا ئاواره وپه‌نابه‌ران ل ناڤ وده‌رڤه‌ى كه‌مپان وئه‌و هاریكاریێن حكومه‌تا كوردستانێ وجڤاكێ نیڤ ده‌وله‌تى بو پێشكێش دكه‌ت ب گشتى هاته كرن.
پارێزگه‌رێ دهوكێ خوشحالیا ب سه‌ره‌دانێ دیاركر وگوت ل پارێزگه‌ها دهوكێ مه‌زنترین رێژا ئاواره وپه‌نابه‌ران لێ هه‌یه ونوكه 17كه‌مپ هه‌نه وئه‌ڤه پتره ژچارسالایه خه‌لكێ ئاواره وپه‌نابه‌ر دناڤدا دژین وڤێ رێژا زور یا ئاواره وپه‌نابه‌ران فشاره‌كا زێده ئێخستیه سه‌ر هه‌موو سه‌كته‌رێن خزمه‌تكارى وبناڤێ خه‌لكێ پارێزگه‌هێ وحكومه‌تا هه‌رێما كوردستانێ وكارگێریا پارێزگه‌هێ سوپاسیا خه‌لك وحكومه‌تا فره‌نسا كر هه‌مبه‌ر ئه‌و هاریكاریێن بو ئاواره وپه‌نابه‌ران پێشكێش كرین هه‌روه‌سا هه‌مبه‌ر ئه‌و هاریكاریێن سیاسى وله‌شكرى یێن فره‌نسا وجڤاكێ نیڤ ده‌وله‌تى بو خه‌لكێ هه‌رێمێ وپێشمه‌رگێ كوردستانێ پێشكێش كرین بو تێكشكاندنا تیرورستێن داعش.
هه‌روه‌سا سوپاسیا حكومه‌تا فره‌نسا كر ژرویێ سیاسیڤه كو پشتى رودانێن 16ئوكتوبه‌رێ گه‌له‌ك هاریكاریا حكومه‌تا هه‌رێمێ كریه وسه‌روكێ فره‌نسا بخو پێشوازیا سه‌روكێ حكومه‌تا كوردستانێ كر وئابولوقا سیاسى ل سه‌ر هه‌رێمێ شكاند وگوت ئه‌ڤ هه‌لویستێن خه‌لك وحكومه‌تا فره‌نسا نه‌تشته‌كێ نوویه به‌لكو ژكه‌نه‌ڤدا حكومه‌تا فره‌نسا گه‌له‌ك هاریكاریا گه‌لێ كوردستانێ كریه وخواست ئه‌و پشته‌ڤانى ژهه‌موو رویكیڤه یا به‌رده‌وامبیت.
پاش سه‌روكا شاندێ په‌رله‌مانێ فره‌نسا ده‌ست خوشى وسوپاسیا پارێزگه‌ها دهوكێ وحكومه‌تا كوردستانێ وخه‌لكێ ده‌ڤه‌رێ كر كو شیاینه گه‌له‌ك ئاواره وپه‌نابه‌ران ب حه‌وینن وته‌كه‌زكر كو حكومه‌تا فره‌نسا وگه‌لێ فره‌نسا دێ به‌رده‌وام پشته‌ڤانیا خه‌لكێ كوردستانێ كه‌ن هه‌مبه‌ر هه‌ر گه‌فه‌كا بكه‌ڤیته سه‌ر ده‌ڤه‌را وان .
هه‌روه‌سا گوت: حكومه‌تا فره‌نسا كا چاوا به‌رى نوكه دوارێ سیاسى وله‌شكرى ومروڤایه‌تى دا هاریكاریا خه‌لكێ كوردستانێ كریه ل داهاتى ژى دێ به‌رده‌وام هاریكاریا خه‌لكێ سڤیل كه‌ت ودێ هاریكاریا خه‌لكێ ئاواره ژى كه‌ت بو ئاڤه‌دانكرنا ده‌ڤه‌رێن وان كو ژبن ده‌ستێن داعش هاتینه رزگاركرن.
هه‌ژى گوتنێ یه هه‌ر ئه‌ڤرو سپێدێ 23-11-2018شاندێ فره‌نسى سه‌ره‌دانا كه‌مپا قادیا یا ئاوارێن ده‌ڤه‌را شنگالێ كر بو وژنێزیك هایدارى ره‌وشا رونشتڤانێن كه‌مپێ ببون.
چارەنڤیسێ کوردان ل سووریێ د مەترسیدایە
ئەڤرۆ نیۆز:
رۆژنامەڤانەکێ ناڤدارێ تورک کو د بابەتێ سووریێ دا کار دکەت دیار کو هەتا نها ژی بابەتێ مافێ کوردان ل سووریێ د گەنگەشێ دایە و ئەمریکا و روسیا ژ بەر ناکۆکیێن خوە چو بریار ل دۆر مافێن کوردان نەداینە و پارچەبوونا هێزێن کوردی ل سووریێ ژی وەسا کریە کو مەترسی ل سەر پاشەرۆژا کوردان ل سووریێ هەبیت.
فەهیم تاشتەکین نڤیسەر و ڤەکۆلەرێ ناڤدارێ تورک دیار دکەت کو ئەمریکا دو رۆژ بەری نها ژی کاروانەکا دی یا چەکان دایە هێزێن سووریا دیموکرات دا شەرێ داعشێ بکەن، لێ هەتا نها ژی ئەمریکا ل دۆر پاشەرۆژا سووریێ و پێگەهێ کوردان چو سۆز نەداینە پەیەدێ و هێزێن سووریا دیموکرات و ژ بەر هندێ ژی مەترسی ل سەر پاشەرۆژا کوردان ل سووریێ یا هەی.
ناڤهاتی ئاماژە ب هندێ ژی دکەت کو هەکە کورد د ناڤا خوە دا نەبنە ئێک و داخوازێن خوە ل سەر روسیا و ئەمریکا فەرز نەکەن رەنگە پشتی ب دووماهی هاتنا شەرێ داعشێ چو حسابەک بۆ کوردان نەهێتە کرن، چونکو تورکیا دەست ب یاریەکا مەترسیدار کریە و بزاڤێ دکەت نەهێلیت کورد ل سووریێ بگەهنە مافێن خوە و ئەڤە ژی مەترسیەکا مەزنە.
ب وێنە وەکھەڤیا دھۆکێ ببیتە
نيشاندان
WP Facebook Auto Publish Powered By : XYZScripts.com