ئه‌ڤرۆ نيوز:
پشتى پێله‌كا باران بارينێ هه‌رێما كوردستانێ ڤه‌گرتى ل هنده‌ك ده‌ڤه‌ران رێژه‌كا زۆر يا بارانێ بارى و ئه‌ڤێ چه‌ندێ ژى كارتێكرنێن خراب ل هنده‌ك ده‌ڤه‌ران ل پشت خوه هێلان ب تايبه‌ت ل ناڤ كه‌مپا ئاوارێن شێخان.
ب گۆره‌يى گۆتنێن په‌يامنێرێ ئه‌ڤرۆ نيوز ژ ئه‌نجامێ باران بارينا شڤێدى ل ناڤ كه‌مپا شێخان نێزيكى 30 خيڤه‌تێن ئێزديان كو يێن قاته‌كى هه‌موويێ بوون، بن ئاڤ بووينه و هه‌موو كه‌لوپه‌لێن وان ژى ل گه‌ل دا زيان گه‌هشتينێ.
ئاشكه‌را ژى كر كو هه‌ر زوو تيمێن به‌ره‌ڤانيا باژێرى گه‌هشتنه جهێ روودانێ و شيان روودانێ كونترۆل كه‌ن و گۆت: “چو زيانێن گيانى نه‌بوون، ب تنێ زيان ب كه‌لوپه‌لێن ناڤ خيڤه‌تا كه‌فت بوون”.
دوهى پێله‌كا باران بارينێ هه‌رێما كوردستانێ ڤه‌گه‌رت و دهێته پێشبينكرن هه‌تا رۆژا دوشه‌مبى يا به‌رده‌وام بيت، كه‌شناسيا هه‌رێمێ ژى وه‌لاتى ل سه‌ر ڤێ باران بارينێ هايدار كرينه و ژێ خواستيه هايدارى ره‌وشا خوه بن و هه‌كه بۆ كاره‌كێ فه‌ر نه‌بيت ل ده‌مێ باران بارينێ مالێن خوه ژى ب جهـ نه‌هێلن.
ئه‌ڤرۆ نيوز:
ئه‌ميندارێ گشتى يێ ئێكگرتوو ئيسلامى كوردستانێ دێ ب مه‌ره‌ما پشكداريكرن د كۆنگره‌كێ نێڤده‌وله‌تى يێ ئيسلامى دا سه‌ره‌دانا ئيرانێ كه‌ت.
ب گۆره‌يى راگه‌هاندنه‌كێ كو مه‌كته‌با ئه‌ميندارێ گشتى يێ ئێكگرتوو به‌لاڤكريه و دانه‌ك ژێ بۆ ئه‌ڤرۆ نيوز ره‌وانه كريه تێدا هاتيه كو ئه‌ميندارێ گشتى يێ ئێكگرتوو ئيسلامى كوردستانێ ب مه‌ره‌ما پشكدارى د كۆنگرێ نێڤده‌وله‌تى بۆ ئێكه‌تيا ئيسلامى دێ سه‌ره‌دانا ئيرانێ كه‌ت.
ئاشكه‌را ژى كر كو بڕياره ئه‌ڤرۆ رۆژا ئه‌ينى 23ى چريا دويێ 2018 سه‌لاحه‌دين محه‌مه‌د بهائه‌دين، ئه‌ميندارێ گشتى يێ ئێكگرتوو ئيسلامى كوردستان ب مه‌ره‌ما پشكداريكرن د كۆنگرێ 32 يێ نێڤده‌وله‌تى بۆ ئێكه‌تيا ئيسلامى سه‌ره‌دانا ته‌هران يا پايته‌ختێ ئيرانێ بكه‌ت.
كۆنگرێ ئه‌ڤ ساله دێ ل بن ناڤونيشانێن “قودس رێيا ئێكه‌تيا ئۆمه‌تێ يه” هێته ئه‌نجام دان كو د چارچۆڤێ لێك نێزيككرنا مه‌زهه‌بان دا ب ره‌نگه‌كێ سالانه ل ئيرانێ دهێته ئه‌نجام دان.
ئەڤرۆ نیوز:
هه‌ولێر 2.1 ملم
پیرمام 5.3 ملم
دهۆك 15.5 ملم
زاخۆ 13.8 ملم
ئاكرێ 33.4 ملم
ئامێدی 23.8 ملم
بامه‌رنێ 24.4 ملم
بارزان 26.6 ملم
خه‌بات 1.6 ملم
دوكان 0.2 ملم
كانى ماسێ 21.2 ملم
مانكێش 0.4 ملم
قه‌لادزه 5.0 ملم
هه‌ڵشۆ 6.6 ملم
ماوه‌ت 0.6 ملم
سیده‌كان 9.6 ملم
حاجى ئۆمه‌ران 10.4 ملم
سمیلان 7.0 ملم
مێرگه‌سور 21.0 ملم
ئه‌ڤرۆ نیۆز،ره‌مه‌زان هه‌رنى:
موقه‌ده‌م فیراس یاسین ئاكره‌یى به‌رپرسێ راگه‌هاندنا به‌ره‌ڤانیا باژێرى ل ئاكرێ بۆ ئه‌ڤرۆ نیۆز راگه‌هاند : ژبه‌ر پێشبینیى كرنا بارانبارینه‌كا زور تیمێن به‌ره‌ڤانیا باژێرى ل ئاكرێ كه‌فتینه د حاله‌تێ ئاماده‌باشیێ دا بۆ هه‌ر ئه‌گه‌ره‌كا نه‌چاڤه‌رێكرى كو ژ سه‌ده‌ما بارانبارینى دروست ببیت. و گوتژى : 10 ترومبێل و 100 پولیس هاتینه به‌رهه‌ڤكرن و د حاله‌تێ ئاماده باشیێدانه، باشتره رێكێن ناڤ چیا كو مه‌ترسیا هه‌رفینێ لسه‌ر لێڤێن جاده‌یێ و قولپینێ هه‌یه شوفێر ب شه‌ڤ هاتن و چونێ تێدا نه‌كه‌ن.
ئاشكراكر : مه هه‌ماهه‌نگى ل گه‌ل باژێر ڤانیا ئاكرێ كریه كو ئامێرێن رامالینێ یێن مه‌زن ل ده‌مێ پێدڤى بۆ مه به‌رهه‌ڤبكه‌ین داكو مه‌ترسى و زیانا له‌هیا و ئاڤ رابونێ كێمتر ببیت لسه‌ر هاولاتیا و سه‌رو مالێ وان.
ئه‌ڤرۆنيوز:
هژماره‌كا زانايان خرابترين سال دديرۆكا مرۆڤايه‌تيێ دا دياركر كو تێدا جيهان تووشى ديارده‌كا سروشتى ببوو.
مايكل مايكورميك، به‌رپرسێ پشكا زانستێ بۆريا مرۆڤى ل زانكۆيا هارفارد يا ئه‌مريكى راگه‌هاند” ب زه‌حمه‌ت ترين سال كو مرۆڤ تێدا ژيابيت سالا 536 زايينى بوو”.
مايكل دبێژيت” دده‌مێ هه‌ر 12 هه‌يڤێن سالا 536 زايينى خولى و مژه‌كا زۆر وه‌لاتێن ئورۆپا وچين ورۆژهه‌لاتا ناڤه‌راست ڤه‌گرتبوو وخستبوونه دتاريه‌كا به‌رده‌وام دا.
دياركر ژى” پلا گه‌رمێ دوێ سالێ دا ب شێوه‌كێ به‌رچاڤ هاتبوو خوار وسارترين سال بوو هه‌مبه‌ركرن ل گه‌ل دو هزار سالێن پێشترێن وێ”.
ئاماژه دا ژى كو كاريگه‌ريێن روودانێن سروشتى يێن وێ سالێ بۆ ئه‌گه‌رێ به‌لاڤبوونا برسێ ل جيهانێ، هه‌روه‌سا هژماره‌كا مه‌زن يا ئاكنجيێن جيهانێ تووشى نه‌خوه‌شا تاعونێ بوون وژئه‌گه‌رێ وێ نه‌خوه‌شيێ ئێك ل سه‌ر سێ يان ژى نيڤا ئاكنجيێن ئيمپراتۆريه‌تا رۆمانى گيانێ خوه ژده‌ست دا.
مايكل وپۆل مايفسكى ژ په‌يمانگه‌ها گوهۆرينا سه‌قاى ئه‌گه‌رێ وێ كاره‌ساتێ زڤرياند بۆ رابوونا بوركانه‌كا گه‌له‌ك مه‌زن ل ئايسله‌ندا.
مايكلى خوياكر كو جيهان پشتى سالا 640 زايينى زڤرى بۆ ره‌وشا خوه يا سروشتى يا به‌رى په‌يدابوونا وێ دياردێ.
ئه‌ڤرۆنیۆز، سالار دۆسكى:
ئه‌ندامه‌كێ په‌رله‌مانىً عیراقێ ژ فراكسیۆنا پارتى دیموكراتى كوردستانى ئاشكراكر كو هاتنا سه‌رۆك مه‌سعود بارزانى بۆ به‌غدا نێزیكبوونه‌كا باش تێدا هه‌یه بۆ ئه‌نجامدانا رێكه‌فتێ و رۆژا دوشه‌مبیێ دى ئه‌نجامێ كومبوونێ هێته دیاركرن.
د. ئه‌حمه‌د سه‌فار ئه‌ندامێ لژنا دارایى و ئابوورى ل په‌رله‌مانێ عیراقێ بۆ ئه‌ڤرۆ نیۆز ئاشكراكر كو رۆژا دوشه‌مبى ئه‌نجامێن كومبوونا سه‌رۆك بارزانى ل گه‌ل سه‌ركردێن عیراقێ و سه‌رۆك وه‌زیرێن عیراقێ دێ دیاربیت، چنكو رۆژا دوشه‌مبى لژنا دارایى دێ كومبوونێ ل گه‌ل شاندێ حوكمه‌تێ ل دۆر بۆدجێ و ئه‌و تێبینێن مه هه‌ین دێ به‌رسڤێ ل سه‌ر ده‌ن.
سه‌فارى ئه‌و ژى ئاشكراكركو تشته‌كێ باش دێ هه‌بیت نێزییك دێ دیاربیت و هاتنا سه‌رۆكى بۆ گه‌له‌ك كێشانه و ئێك ژ كێشێن هه‌ره گرنگ بۆدجا هه‌رێما كوردستانێ یه.
هه‌مان ئه‌ندام په‌رله‌مان ئه‌و ژى ئاشكراكر كو ژڤان بوو ئه‌ڤرۆ ده‌مژمێر پێنچى ئێڤارى سه‌رۆك مه‌سعود بارزانى ل گه‌ل ئه‌ندامێن په‌رله‌مانى كومبیت لێ ژ به‌ر نه‌بوونا ده‌مى و كومبوونا ل گه‌ل سه‌ركردێن عیراقێ ئه‌و كومبوون نه‌هاته‌كرن.
ئه‌ڤرۆنيوز:
كۆمپانيا دانه‌غاز بۆ به‌رهه‌مئينانا غازا سروشتى راگه‌هاند، به‌رهه‌مئينانا غازا سروشتى ل كێلگا خورمۆر ل هه‌رێما كوردستانێ ب رێژا 30% زێده‌كريه.
دانه‌غاز دبه‌ياننامه‌كێ دا دياركر كو كۆمپانيا دانه‌غاز وهه‌ڤپشكا وێ په‌ترۆلا هيلال كو نوونه‌راتيا گرۆپێ كۆمپانيێن پترۆليۆم ل هه‌رێما كوردستانێ غازا سروشتى به‌رهه‌م دئينيت ودفرۆشيت، راگه‌هانديه ژى كو تێكرايا به‌رهه‌مئينانا غازا روشتى ب رێژا 30% زێده‌كريه.
به‌لاڤكر ژى كو ئه‌و زێده‌كرنه بۆ دابينكرنا غازا سروشتى يه بۆ ويستگه‌هێن به‌رهه‌مئينانا كاره‌بێ ل هه‌رێما كوردستانێ كو ده‌مێ 10 سالايه پلان بۆ هاتيه دانان وبه‌رده‌وام كار ل سه‌ر هاتيه كرن.
نيشاندان