ئەڤرۆ نیوز٬  عەلی حاجی:

ئیبراھیم عەزیز یێ بەرنیاس ( ئیبێ ترتێ ) ھاولاتیێ زاخۆیە و ژلایێ مێشکی ڤە یێ کێم ئەندامە و چو کەسێ خوە نینە  نێزیکی چەند مەھایە نەخوەش کەڤتیە و نوکە ل نەخوشخانا تەنگاڤیا زاخویە.

ل دور ڤی بابەتی دکتور ئەرکان ئەحمەد رێڤەبەرێ نەخوشخانا تەنگاڤیا ل زاخۆ بۆ ئەڤرۆ نیوز گوت: (ئبیراھیم بەری ۳ مەھا پێیەکێ وی شکەستبوو سەرەدانا مە کر ب رێیا خێرخوازەکێ مە پلاتینەک بۆ کری و پاشی وەکو ھاریکاری من نەشتەرگەریەکا سەرکەڤتی بۆ ئەنجامدا و پشتی دوبارە نەخوەش کەڤتی ئەڤە ھەیاما چەند روژەکایە ھاتیە نەخوشخانا مە و پشتی مە چارەسەریا وی کری نوکە رەوشا وی باشترە، ئەڤ کەسە پێدڤی ب چاڤدێریێ یە ژ نێزیک ڤە دا کو بھێتە پاقژ کرن٬ ل نەخوشخانا مە بتنێ ٤ ژور ھەنە و مە ژورەکا تایبەت بۆ وی تەخان کریە.

ناڤبری زێدەتر گوت : ب رێیا چەندین نڤێسەران مە داخواز ژ لایەنێن پەیوەندیدار کریە کو ئیبراھیمی رەوانەی جھێ ڤەحەواندنا دانعەمران یان ژی جھەکێ دیتر بکەن بەلێ چو بەرسڤ نەبووینە ھەر چەندە ل نوکە دا رەوشا وی یا ساخلەمیێ باشتر بوویە و ئەوا پێدڤی مە بۆ کریە و گەلەک جاران ئەز پارا دەمە کرێکارێن نەخوشخانێ دا کو خزمەتا ئیبراھیمی بکەن و ژورا وی ژ پیساتیا مروڤان پاقژ بکەن و ھیڤیدارین لایەنێن پەیوەندیدار ھاریکاریا ئیبراھیمی بکەن.

ئەڤرۆ نیوز ، رەمەزان هەرنی:

پەیڤدارێ‌ دەستەیا گەشت و گوزارێ‌ ل حوكمەتا هەرێما كوردستانێ‌ دیاركر : ل دەمێ‌ یازدە هەیڤێن سالا 2018 ێ‌ دو ملیون و 800 هزار گەشتیار هاتینە هەرێما كوردستانێ‌ و بریارە ئەڤ سالە ئەڤ رێژە بلند ترببیت.

نادر روستی پەیڤدارێ‌ دەستەیا گەشت و گۆزارێ‌ ل حوكمەتا هەرێما كوردستانێ‌ بۆ ئەڤرۆ نیوز گوت : پێشبینی دهێتە كرن ئەڤ سالە رێژا گەشتیارا زێدەتر ببیت، ژ بەركو ل سالا بۆری ژبەر نەبوونا رێكێن دناڤبەرا پردێ‌ و هەولێر و گرتنا فرۆكخانان و تێكچوونا پەیوەندیێن دناڤبەرا هەولێر و بەغدا كاریگەری ل سەر كەرتێ‌ گەشتیاری زێدەكربوو، بەلێ‌ پشکەكا باش یا وان ئاریشان نەمایە و پێشبینیا هاتنا رێژەكا باش یا گەشتیارا دكەین.

ناڤهاتی خویا کر کو ل هەرێما كوردستانێ‌ 3 هزار جهێن گوزاری هەنە وەك ئوتێل موتێل و كافتریا و رێستورانت، نێزیكی 170 جهێن گەشتیاری ژی بەرچاڤترین جه ژی ل وەرزێ‌ زڤستانێ‌ تلفریكا چیای كورەك و تلفریكا چیای ئەزمەر و تلفریكا چیای بابلۆیە ل دهوكێ‌ .