ئاكرێ، سەباح زوهێر:

ئەڤرۆ رێكکەفتى 20/11/2018 ب مەرەما يادا ژدايكبوونا خوشتڤى پێغەمبەر(محمد) سلاڤێن خودێ ل سەر بن، ل گوندێ سپی مالا سەر ب قەزا ئاكرێ ڤە 120 پەز هاتنە سەرژێكرن و گوشت ل سەر خەلكێ گوندى هاتە دابەشكرن.

ماموستا نەجمەدين ئێك ژ وەلاتيێن گوندێ سپی مالێ يە بۆ ئەڤرۆ نيۆز ديار كر كو ئەڤرۆ ژ بەر يادا ژ دايكبوونا پێغەمبەر(محمد) سلاڤێن خودێ ل سەر بن، خەلكى گوندى رابوويە ب بڕينا سەرێن پەزى كو هەتا 120 سەرێن پەزی ئەڤرۆ دناڤ گوندى دا هاتنە سەرژێكرن.

ناڤبری گۆت ژی هژمارا كيلۆيێن گوشتى ل سەرژێكرنا پەزاندا1 تەن و 243 كيلويێن گوشتى هاتنە كومكرن ل جهەكى ب هەڤكاريا خەلكێ گوندى، هەروەسا هژمارا ئاكنجيێن ڤى گوندى ژى 1117 كەسن هەر كەسەكى كيلۆيەكا گوشتى بەردكەڤيت و گوشتێ مایى ژى چەند مێهڤان هاتبوونە دناڤ گوندى ئەو ژى ل سەر وان هاتە دابەشكرن.

ئه‌ڤرۆ نیوز، نه‌وزاد هلۆرى:

هونه‌رمه‌ند حه‌مه‌ هاشم كو ئێكه‌ ژ هونه‌رمه‌ندێن شێوه‌كارى و سه‌رپه‌رشتى ل پرۆژه‌ى دكر بۆ ئه‌ڤرۆ نیوز گۆت: (پشتى راوەستانا شه‌رێ براكوژیێ ل هه‌رێما كوردستانێ، هژماره‌كا هونه‌رمه‌ندان ب فه‌ر زانى كو پێكڤه‌ ل قه‌زا كویه‌ پرۆژه‌كێ هه‌ڤپشك بناڤێ ئاشتى بۆ كوردستانێ دروست بكه‌ن، كو ئه‌و ژى پێكهاتبوو ژ كومه‌كا به‌رێن مه‌زن و هاتبوونه‌ ره‌نگکرن ب ره‌نگێن جوداجودا كو ده‌ربڕینێ ژ هه‌موو ره‌نگێن پێكڤه‌ژیانا ئایینى و نه‌ته‌وه‌ى و هزرى و ره‌گه‌زى دكر ل كوردستانێ، به‌لێ ژ به‌ر كو ئه‌و پرۆژه‌ ژ مێژڤه‌ هاتبوو‌ چێكرن و ره‌نگێن خوه‌ ژ ده‌ست دابوون نوكه‌ جاره‌كا دى ئه‌و پرۆژه‌ هاته‌ نو،ژه‌نكرن).

 زێده‌تر گۆت: (پرۆژه‌ زێده‌ترى 20 به‌رێن مه‌زن بخوە ڤه‌ دگریت و دكه‌ڤیته‌ سه‌ر رێیا گشتى دناڤبه‌را قه‌زا كویه‌ و هه‌ولێرێ، زێده‌بارى رامانا پێكڤه‌ژیانێ د هه‌مان ده‌می دا رامانا نه‌فره‌تكرنا ل شه‌رى دكه‌ت و په‌یامه‌كا ئاشتى بۆ هه‌موو لایه‌نێن سیاسى و ئایینى و نه‌ته‌وه‌ى و ره‌گه‌زى هه‌یه‌ كو ئاخا هه‌موویان ئێكه‌ و زمانێ هه‌مووان ئێكه‌، هه‌موو پێكڤه‌ ل كوردستانێ دژین، ژ به‌ر ڤێ گرنگه‌ هه‌موو پێكڤه‌ كوردستانێ ب پارێزن).