ئەڤرۆنيۆز، سالار دۆسكى:

نازم محەمەد عەلی رێڤەبەرێ رێڤەبەريا بازرگانيا دەخل و دانى تايێ دهۆكێ بۆ ئەڤرۆ نيۆز ئاشكرا كر كو پارێ جوتيارێن سايلۆيێن فەيديێ و زاخۆ و بنگەهێ روڤيا مايە يێ سالا 2014 هەژدە مليارن و ب تنێ فەرمانا مەزاختنا دوازدە ملياران دەركەفتيە و هێشتا مە نەوەرگرتيە، پارێ 2015 حەفتێ و پێنچ مليارن،پارێ سالا 2016 هەشتێ و هەشت مليار و 53 ملیون كرينە چەك و ل بەغدا و هێشتا نە هاتيە مەزاختن.

 نازمى ئەو ژى ئاشكرا كر كو هاتينە ئاگەهداركرن ژلايێ وەزارەتا بازرگانى و پێشەسازى يا حوكمەتا هەرێما كوردستانێ ڤە كو پارێن جوتياران يێ هەر سێ سالان ب فەرمانا سەرۆك وەزيرێن عيراقێ ئێدى ناهێتە مەزاختن ب بهانا وێ چەندێ كو ئەو رێژا وەرگرتنا گەنمى يا هەر سێ سالان هاتيە وەرگرتن ژ وێ رێژێ زێدەترە يا هاتيە دەستنيشانكرن ژلايێ وەزارەتا بازرگانى يا عيراقێ ڤە، ئەڤە دەمەكى دايە كو گەنم ب پلانا رێڤەبەريا گشتى يا چاندنێ ل دهۆكێ وەرگرتيە و هاتيە رەوانەكرن بۆ وەزارەتا بازرگانى يا عيراقێ و پشتى هاتيە پەسەندكرن دووڤ دا مە گەنم وەرگرتيە، ديسا ل دووڤ راسپاردە و فەرمانا وەزارەتا بازرگانيا عيراقێ ل سالێن 2014 و 2015 ل هەر دو سايلۆيێن شێخان و فەيديێ و بنگەهێ رۆڤيا گەنمێ جوتيارێن دەڤەرێن مادێ 140 مە وەرگرتبوو.

 رێبين شەمامچى پارێزەرێ خوبەخشێ جوتيارێن كوردستانێ، كو سكالا ل سەر وەزارەتا بازرگانيا عيراقێ تۆمار كريە بۆ ئەڤرۆ نيۆز ئاشكرا كر كو دووماهيا ڤێ هەيڤێ دێ روونشتنا نەهێ يا دادگەها بەغدا ل دور كێشا پارێن جوتياران هێتەكرن و دێ بريارا دووماهيێ هێتەدان.

پارێزەرێ جوتياران ئاشكرا كر ژى كو پارێن 3000 هزار جوتياران يێن 2014، 2015 و 2016 مايە حوكمەتا عيراقێ 29/11 دووماهى روونشتنا دادگەهێ يە، هەتا نوكە چ تشتەكێ قانوونى نينە بۆ نەدانا پارێن جوتياران ب تنێ ئەگەر سياسى نە و زێدەتر نە و مە گەلەك رێكێن دى هەنە پشتى دادگەهێ، لێ دادگەه هەتا نوكە بێ لايەنە و نەچارە بريارێ بدەت.

ئەڤرۆنيۆز، سالار دۆسكى:

رێڤەبەريا گەشتوگوزارێ ل پارێزگەها دهۆكێ ئەڤرۆ رۆژا چارشەمبى رێكەفتى 21/11 ئاشكرا كر كو خواست ل سەر ڤەكرنا كۆمپانيێن گەشتوگوزارێ ب شێوەكێ بەرچاڤ زێدەبوويە.

شەمال جەعفەر رێڤەبەرێ كارۆبارێن پشكنينێ ل رێڤەبەريا گەشتوگوزارا دهۆكێ بۆ ئەڤرۆ نيۆز ئاشكرا كر كو ل سالا 2011 ب تنێ هەشت كۆمپانيێن گەشتوگوزارى ل پارێزگەها دهۆكێ هەبووينە لێ ئەڤ سالە 20 زێدە بووينە ئانكو كويێ گشتيێ كۆمپانيێن گەشتيارى ل پارێزگەها دهۆكێ گەهشتینە پتر ژ 60 كۆمپانيان.

ناڤبرى ئەو یەک ژى ئاشكرا كر كو رێژا پتر يا جهێن گەشتيارى كافتريا، خوارنگەه، ئوتێل و موتێلن و ئەڤسالە بەر ب زێدەبوونێ چووينە، 22 كافتريا زێدە بووينە، زێدەتر 20 كۆمپانيێن گەشتيارى هاتينە ڤەكرن، دانا رێنما گرێدايى هندەك جهێن دى نە و هەتا نوكە مە چو ئاريشە ل گەل رێنمایان نينە و چ جهێن گەشتيارى گازندە ژ رێنما نەكرينە.

شەمالى ئەو ژى ئاشكرا كر كو  هەتا نوكە 60 كۆمپانيێن گەشتيارى ل دهۆكێ هەنە و سالا 2011 ب تنێ هەشت كۆمپانى بوون نوكە 20 زێدە بووينە.