ئەڤرۆ نیوز، محەمەد عەلی نوری:
هەردو كچێن پارێزگەها دهۆكێ‌ و خووشكێن ئێك و یانا خانزاد كارین و دلین كەمال هەڤركیێ‌ لسەر ناسناڤێ‌ عیراقێ‌ یا یاریا شەترەنجێ‌ بۆ یانێن پلا نایاب دكەن، ئەوا نوكە یاریێن وێ‌ ل هەولێرا پایتەخت ب پشكداریا 50 یاریزانێن كچ ژ 10 یانێن عیراقێ‌ دهێنە ئەنجامدان.
پشتی بورینا سێ‌ گەرا یاریزانێن پارێزگەهێ‌ و یانا خانزاد شیاینە دو سەركەفتنا د ئاستێ‌ جودا لسەر یانێن، ئیستالات و قادسیە تۆماربكەن و سەرجەمێ‌ نمرا بگەهینە 2.5 و پێشكەڤن لسەر یانا ئیستالات هەڤركا وێ‌، لسەر ئاستێ‌ تاكە كەسی كارین كەمال خودانا ماستەرێ‌ لسەر ئاستێ‌ دەولەتی شیا رێژا نمرێن خوە د پلەداریێ‌ دا زێدەبكەت و دەلیڤا پێشڤەچوونێ‌ پەیدابكەت.
لسەر ئاستێ‌ یانا نوكە یانا خانزاد رێزا ئێكێ‌ دهێت، ئیسالات رێزا دوێ‌، پێشمەرگە و نەجمە ل رێزێن سیێ‌ و چارێ‌ دهێن ئەوا هەڤركیێن وێ‌ ب لدویڤ سیستەمێ‌ سویسری حەفت گەرا دهینەكرن.
بۆ زانین هەڤركیێن قارەمانیێ‌ دێ‌ هەتا 30ێ‌ ڤێ‌ هەیڤێ‌ د بەردەوامبن و سەركەفتنێن ئێكێ‌ و دوێ‌ یێن هەموو ئاستا دێ‌ بۆ هەلبژارتیێ‌ عیراقێ‌ هێنە داخازكرن، هەر دەهـ یانێن پشكدار ئەوژی، خانزاد، پێشمەرگە، ئیتسالات، نەجمە، رەواندۆز، قادسیە، كابابلانكا، سەعەد و بەعقوبە.

ئەڤرۆ نیوز:
راپورتێن رۆژنامەڤانی ل برێتانیا دیارکرینە ترس کەتیە دناڤا کارگێریا یانا توتنھام یا ئنگلیزی ژبەر پاشەرۆژا راھێنەرێ وێ یێ ئەرژەنتینی ماوریسیو بوکیتینو .
رۆژناما تلیگراڤ یا برێتانی ئاشکرا کریە یانا ریال مەدرید ترس ئێخستی یە دلێ یانا توتنھام ژبەر ئەو ھەڤبەستا وێ یانێ بوو راھێنەرێ ئەوان یێ ئەرژەنتینی بەرھەڤکری کو ل دیڤ گوتنا وێ رۆژنامێ یانا مەلەکی ٤٥ ملیون جینی ئیسترلینی بوو ھەڤبەستا بوکیتینو ئامادەکرینە.
ئەوێ رۆژنامێ دیارکریە ژی ئیدارا توتنھام باش د زانیت راھێنەرێ وێ ھزر ل گوھورینا یانەکا دی یا ئنگلیزی نینە لێ ئەوان بتنێ ترسا یانا ریال مەدرید ھەیە ژبەرکو بەری نوکە ژی چەندین یانێن بەرنیاس ل ئنگلتەرا بزاڤا ئەوی کر لێ نەشیان دانوستاندنان دا ب سەرکەفن لێ بتنێ ترسا ئەوان یانا ریال مەدرید .