ئهڤرۆ نيوز:
رێڤهبهريا چاڤدێريا بازرگانى راگههاند كو ئهڤرۆ رێكهفتى 18ى چريا دويێ 2018ێ بهايێ زێر و زيڤى ل بازارێن پارێزگهها دهۆكێ ب ڤى رهنگێ ل خوارێ يه:
| 1 گرام زێرێ (ع) 18 | 37500 |
| 1 گرام زێرێ (ع) 21 | 42500 |
| 1 گرام زێرێ (ع) 22 | 44500 |
| 1 گرام زيڤ | 3000 |
ئهڤرۆ نيوز:
رێڤهبهريا چاڤدێريا بازرگانى راگههاند كو ئهڤرۆ رێكهفتى 18ى چريا دويێ 2018ێ بهايێ دراڤى ل بازارێن پارێزگهها دهۆكێ ب ڤى رهنگێ ل خوارێ يه:3
| 100 دولارێ ئهمريكى | 120.600 دينار |
| 100 يۆرۆيێ ئهورۆپى | 136.000 دينار |
| 100 ليرێ توركى | 22.500 دينار |
بۆ وهرگرتنا نووترين پێزانينان ل سهر رهوشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب رهنگهكێ بهردهوام سهرهدانا مالپهرێ ئهڤرۆ نيوز www.evronews.net بكه.
ئهڤرۆ نيوز:
یانا یوڤانتوس ھەر زوو داخوازیا یانا میلان رەتکر ئەوا بزاڤێن ب ھێز ئێخستنا رێزێن خوە دکەت ل مێرکاتویا زڤستانێ ئەوژی دبزاڤا ئیمزاکرنا ھەڤبەستا یاریزانێ مەغربی بو ڤەگوھاستنا وی یا بەروەخت و ل دووماھیێ کرینا وی یا ب نەچاری.
پشتی یانا میلان ئاگەھداری بابەتێ نە ئارامیا یاریزانێ مەغربی مەھدی بنعەتیەی بوو و زێدەتر نە پشکداریا وی یا رێکخستن ل ناڤا رێزێن یوڤانتوس داخوازیەک بو یانا وی پێشکێشکریە کو بەروەخت بو ماوەکی ڤەگوھێزیتە ناڤ رێزێن خوە و ل دووماھیا وەرزی ھەڤبەستا وی ب کوژمێ 15 ملیون یورویان ئیمزا بکەت، لێ ئەڤ داخوازیە ھەر زوو یانا یوڤانتوس رەتکر ئەوژی ژبەر کێمیا کوژمێ ئیمزاکرنا ھەڤبەستا ڤەگوھاستنا وی ب ئێکجاری.
ئەف یاریزانێ مەغربی ل ھاڤینا بوری ب کوژمێ 17 ملیون یورویان ھاتیە ناڤا رێزێن یانا یوڤانتوس و پشکداریا ڤی یاریزانی ل ڤێ دووماھیێ د رێکخستی نەبوون ئەوژی ب ئەگەرا ھەبونا بەردەواما ھەردو یاریزانان لیوناردو بونوتشی و جورجیو کیلینی د پێکھاتیێ یانێ دا.
ئهڤرۆ نيوز:
بەری یاریا چاڤەرێکری یا ل دناڤبەرا ئەتلەتیکو مەدرید و بەرشەلونە ل دەستپێکا حەفتیا بھێت یانا ئێکێ ھێزەکا نوو ل یانا ئێکێ زێدە بوو.
ماوێ راوەستانا نێڤدەولەتی بو یانا ئەتلەتیکو مەدرید یا نمونەی بوو ژبەرکو ھەر چار یاریزانێن وێ توماس لیمار، کوکی، خوسیە خیمینیز و لوکاس ھێرناندێز د بھێنڤەدانەکا تمام دانە بو ڤێ یاریێ و ئەف چار یاریزانە ژ شەنگستێن سەرەکی یێن پێکھاتیێ راھێنەرێ ئەرژەنتینی یێ یانا ئەتلەتیکو دیگو سیمیونی نە کو ل ڤێ یاریێ دێ کار کەت پێخەمەت ب دەستڤە برنا سەرکێشیا سەرێ لیستا خولێ ژ بەرشەلونە کو نوکە خالەک جوداھیە ل ناڤبەرا وان و ھەڤرکا بەرشەلونە ل رێزا سیێ دھێت ب 23 خالان.
بو ڤێ یاریێ وەسا دھێتە پێسبینیکرن کو ئەرکێ ئەنتونیو کریزمان و ھەڤالێن وی ل ھەمبەر میسی و ھەڤالێن وی یا ب زەحمەت بیت ژبەرکو یانا بەرشەلونە ژی دێ ھەمی شیانا تەرخان کەت پێخەمەت ئاشکرنا جەماوەرێ خوە تایبەت پشتی خوسارەتیەکا ژ نەشکەکێ ڤە یا ل ھەمبەر یانا ریال بیت ل یاریگەھا کامپ نوو.
یاریا ل ناڤبەرا ئەتلەتیکو مەدرید و بەرشەلونە ژ چارچوڤێ حەفتیا 13 یا خولا ئسپانیا ل دەمژمێر 10:45 شەڤا روژا شەمبی ل یاریگەھا واندا میترو بولیتانو دێ ھێتە کرن.
ئەڤرۆ نیوز، رێوار مزیری:
بەرپرسێ پشکا پیشەسازی ل ژوورا بازرگانی و پیشەسازیا دھۆکێ بۆ ئەڤرۆ نیوز دیار کر کو بزاڤا بازرگانی د ناڤبەرا ھەرێما کوردستانێ و پارێزگەھێن عیراقێ دا دێ خورتر لێ ھێت و گۆت: “ڤەکرنا کارگەھان ل پارێزگەھا دھۆکێ د ئاستێ پێدڤی دا نینە”.
حەمید مەجید رەبەتکی، بەرپرسێ پشکا پیشەسازی ل ژوورا بازرگانی و پیشەسازیا دھۆکێ ئاشکرا کر کو بێ گۆمان پتشی ل حەفتیا بۆری خالێن گۆمرکی یێن د ناڤبەرا ھەرێما کوردستانێ و عیراقێ دا ھاتیە راکرن بزاڤا بازرگانی دێ خۆرتر لێ ھێت، چونکی بەری نوکە ئاستەنگ بۆ بازرگانان پەیدادبوون و ل دو جھان باجا گۆمرکی ژێ دھاتە وەرگرتن و بازرگان نەچار د بوون ب ھندەک رێ یێن دی وەکو ئیرانێ و بەسرا کو ب تنێ بەجەکا گۆمرکی ژێ دھاتە وەرگرتن کەرەستێن خوە بیننە د ناڤ پارێزگەھێن عیراقێ دا.
ناڤھاتی ئاماژە دا وێ چەندێ کو ل سالێن بۆری ژ ئەگەرێ قەیرانا دارایی ھژمارەکا مەزن یا کارگەھان ل دھۆکێ کارێ خوە راگرتبوو، لێ نوکە ھێدی ھێدی ئەڤ کارگەھە یێ دەست ب کارێ خوە د کەنە ڤە و گۆت: “نوکە ڤەکرنا کارگەھان ل دھۆکێ دئاستێ پێدڤی دا نینە”.
ئهڤرۆ نيوز:
یانا ریال مەدرید یا ئسپانی دخوازیت رێزێن خوە ل مێرکاتویا زفستانێ ب ھێز بێخیت پێخەمەت کێمکرنا لاوازیا ھێرشبەریێ ئەوا ماوەکە قارەمانا ئوروپا تێدا دژیت و ژبو ڤێ چەندێ ژی چەند ھێرشبەران شیانێن خوە بو ڤێ یانێ پێشکێشکرن.
رادامێل فالکاو ھێرشبەرێ یانا موناکو یا فرەنسی ب ئێک ژ بژاردان دھاتە ھژمارتن یێن ل ماوێ بوری کارگێریا یانا مەلەکی ڤەخواندن ل سەر دکر ژبو ئیمزاکرنا ھەڤبەستا وی ل ڤێ زڤستانێ و د ھەمان دەمدا ڤی یاریزانی ژی خوە بو یانێ بەرھەڤکریە، لێ ل ڤێ دووماھیێ کارگێریا یانا ریال ب شیانێن وی رازی نینە و وەکو بەریا نوکە گرنگیێ پێ نادەت سەرەرای وێ چەندێ کو دخوازیت رێزێن خوە ب ھێزبێخیت و ئەگەرێ سەرەکی یێ ڤێ چەندێ مەزن بونا ژیێ وی کو 32 سالە و خالا دویێ گەلەک توشی ھنگافتنان دبیت.
دھێتە زانین یانا موناکو یا فرەنسی ژی ب ھەبونا ڤی یاریزانی کولومبی ل ناڤا رێزێن وێ دا دنالیت ب ئەگەر موچێ وی یێ مەزن و نوکە یانە ژی د قەیرانەکا مەزنا دارای دا دژیت.
ئهڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا دوشهمبى رێکەفتی 19ی چريا دويێ 2018ێ ئهسمان دێ ئهورهكێ ناڤهندى بيت.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دھێتە پێشبینیکرن ئهسمان ئهورهكێ ناڤهندى بيت.
پشکا پێشبینیان دایە زایە زانین کو دێ ئلهزاتيا بايى د ناڤبەرا 5 ھەتا 10کم دا و ماوێ دیتنێ ژی دێ د ناڤبهرا 9 بۆ 10كم دا بیت، پلێن گەرمێ ژی دێ د ناڤبەرا 8 بۆ 18 پلان دا بن.
ئەڤرۆ نیوز ، زنار تۆڤی:
بۆ ئهنجامدانا فیستەڤالا كوردستان بۆ موزیكێ و سترانان ل باژێرێ ههولێرێ، رێڤەبەریا گشتی یا رەوشەنبیری و هونهرى ل ههولێرێ مژۆلی ئامادهكاریانە.
وەسا بریاره ل رۆژانێن 21 بۆ 23 /11/2018 فیستەڤالا موزیک و سترانێ بۆ ھەر چار پارچێن کوردستانێ ل ھەولێرێ بهێتە ئەنجامدان، بۆ ڤێ مهبهستێ ژی ل دەستپێکا ڤێ حهفتیێ دێ سەرجەم گرووپ و تیپێن پشکدار گەهنە ھەولێرێ.
ئهڤ فیستەڤاله دێ ل هۆلا رەوشەنبیری ل باژێرێ ههولێرێ برێڤهچیت كو تێدا چهندین گروپێن موزیك و هونهری ژ ههرچار پارچێن كوردستانێ دێ تێدا پشکداربن، ل باژێرێ ههولێرێ دێ تیپا رێڤەبەریا ھونەرێ موزیکێ پشکداریێ تێدا کەت.
فیستەڤالا كوردستان بۆ موزیكێ و سترانان دێ ل ههولێرێ هێته ئەنجامدان، چهندین تیپ و گرووپێن جۆدا یێن باژێرێن ھەرێما کوردستانێ ژ باکور و رۆژھەلات و رۆژئاڤایێ کوردستانێ پشکداریێ تێدا کەن، ھەروەسا چەندین سترانبێژ و ل گەل تیپ و گروپێن پارچێن کورڕستانێ دێ پشکداریێ د وێ فیستەڤالێ دا کەن .
ئهڤرۆ نيوز:
10 پارتێن سیاسی یێن ئیرانێ و رۆژھەلاتێ کوردستانێ پێکڤە بەرەیەکێ نوو یێ خەباتێ ل دژی ئیرانێ راگەھاندن و دیار کرن کو ئارمانجا سەرەکی یا ڤێ بەرەیەکێ ژناڤبرنا دەستھەلاتا ئیرانێ و ئاڤاکرنا ئیرانەکا دیموکراتە کو تێدا مافێ ھەموو وەلاتیان یێ پاراستی بیت و پشتەڤانیێ ل ھەموو خوەنیشادان و مانگرتنێن وەلاتیێن ئیرانێ بۆ بدەستڤەئینانا مافێن خوە یێن رەوا دکەین.
دارا ناتق ئەندامێ سەرکردایەتیا پارتی دیموکراتی کوردستان/ ئیران بۆ رۆژناما ئەڤرۆ دیار کر کو ئەڤرۆکە رژێما ئیرانێ زۆرداریێ ل ھەموو پێکھاتێن ل ئیرانێ دکەت و ژ بەر ھندێ ژی ھەموو نەتەوێن ل ئیرانێ دخوازن کو رژێما نھا ژناڤ بچیت و سیستەمەکێ دیموکراتی و فیدرالی ل ئیرانێ ئاڤا ببیت دا ھەموو گەلێن ئیرانێ بگەھنە مافێن خوە یێن رەوا، بەری نھا پارتێن رۆژھەلات بەرەیێ ھەڤکاریا پارتێن رۆژھەلات دروست کربوون کو وەکو بەدیلەکێ ل ھەمبەر کۆمارا ئیسلامی یا ئیرانێ یە و نھا ژی ب ڤێ پێنگاڤێ ئەڤ بەرەیە بەرفرەھتر دبیت و گۆت: (ل سەر ڤێ بنەمایێ ژی ب پشکداریا چار پارتێن رۆژھەلاتێ کوردستانێ کو پارتی دیموکراتی کوردستان/ ئیران ژی تێدا پشکدارە بەرەیەکێ نوو یێ خەباتێ ل دژی دەستھەلاتا ئیرانێ ھاتە راگەھاندن کو ل گۆر باوەریا من ئەو یەک پێنگاڤەکا گرنگە، چونکو بھێزبوونا ئۆپۆزسیۆنێ ل ئیرانێ دێ بیتە پالدرەکێ باش دا خەلک ل دژی دەستھەلاتێ رابن و داخوازا مافێن خوە یێ رەوا بکەن).
ناڤبری ئەو یەک ژی دیار کر کو راستە ناکۆکی د ناڤبەرا پارتێن سیاسی یێن ئیرانێ ھەنە و گەلەک ژ وان ناخوازن کورد ژی بگەھنە مافێن خوە یێن رەوا، لێ چەندین خالێن ھەڤپشک ژی د ناڤبەرا ئالیێن ئۆپۆزسیۆنێ دا ھەنە کو بوویە ئەگەرێ ھندێ بەرەیەکێ وەسا بھێتە ئاڤاکرن، ب تایبەتی ژی نھا ھەموو ھێزێن ئۆپۆزسیۆنێ داخوازا نەمانا رژێما نھا یا ئیرانێ دکەن و گۆت: (دەستھەلاتا نھا یا ئیرانێ نەشێت ب چو رەنگەکێ گوھۆرینان بکەت و رۆژ ب رۆژێ رەوشا ژیانا وەلاتیێن ئیرانێ و رۆژھەلاتێ کوردستانێ خراب دبیت و ژ بەر ھندێ ژی دڤێت رژێما نھا ژناڤ بچیت و دەستھەلاتەکا نوو ئاڤا ببیت و بێگومان کوردان ژی داخوازیێن خوە ھەنە و دخوازن د سیستەمەکێ فیدرالی دا ل گەل ئیرانێ بژین کو تێدا ھەموو مافێن وان پاراستی بن).
10 پارتێن ئیرانێ کو بەرەیەک ب ناڤێ خەباتا ھەڤپشک ل دژی رژێما ئیرانێ ئاڤا کرینە د داخۆیانیەکا ھەڤپشک دا دیار دکەن کو دڤێت سیستەمەکێ نوو ل ئیرانێ ئاڤا ببیت کو رێزێ ل ھەموو ئایین و بیروباوەریێن جودا ل ئیرانێ بگریت و نابیت چو وەلاتیەک ژ بەر بیروباوەریێن خوە بھێتە سزادان و دڤێت ھەموو کریارێن نە دیموکراتی یێن رژێما نھا ئێدی ل ئیرانێ ل دژی وەلاتیان نەھێتە دوبارەکرن، دڤێت سیستەمێ نوو پەیوەندیێن باش ل گەل ھەموو وەلاتەکێ دروست بکەت و رێزێ ل سەروەریا وەلاتێن جیران بگریت و دەستێوەردانێ د کاروبارێن چو وەلاتەکێ دا نەکەت.
د بەردەوامیا داخۆیانیێ دا ھاتیە دیار کرن کو دڤێت پێکڤەژیانا ل ئیرانێ ل سەر بنەمایێ رێزگرتنا ل مافێن ھەموو نەتەوە و پێکھاتێن ئیرانێ بیت و دڤێت ھەموو رەنگێن زۆرداریێ و قەدەغەیێن ل سەر زمان و کەلتورێن گەلێن دی یێن ل ئیرانێ نەمینیت و ھەموو ئالی پێکڤە د ئاڤاکرنا وەلاتەکێ نوو دا پشکدار بن.
ھەژی ئاماژەپێدانێ یە کو 10 پارتێن ئیرانی پێکڤە ئەڤ بەرەیەکێ ئاڤا کرینە کو پارتی دیموکراتی کوردستان- پارتی دیموکراتی کوردستان/ ئیران و ھەر دو پارتێن کۆمەلە و کۆمەلا زەحمەتکێشان یێن رۆژھەلاتێ کوردستانێ د ئاڤاکرنا ڤێ بەرەیەکێ دا جھێ خوە گرتینە و چاڤدێرێن سیاسی ژی دبێژن دڤێت کورد داخوازا مافێ خوە یێ رەوا و ئاڤاکرنا سیستەمەکێ فیدرالی بکەن، چونکو ئەزموونێن بەرێ ژی نیشا ددەن ھندەک ھێزێن ئۆپۆزسیۆنێ ھەلویستێ وان ل دژی مافێن کوردان ژ یێ حوکمەتا نھا باشتر نینە.
نيشاندان