ئەڤرۆ نیوز:
یانا بەرشەلۆنا ھزرا گوھورینا دو یاریزانان ل گەل یانا پاریس سانجێرمان رەتکر کو ستێرەکا خوە و کوژمەکێ پارەی ب دەتە وێ یانێ بەرامبەر یاریزانێ پاریس کیلیان مپاپی.
رۆژناما سپورت یا ئیسپانی ئاشکرا کر یانا یانا بەرشەلۆنا ئەو داخوازیا یانا پاریس سانێجرمان یا بەری نوکە ژی ھاتیەکرن رەتکر کو یانا بەرشەلۆنا دەست ژ ستێرا خوە یا بەرازیلی ڤلیب کوتینھوی بەردەت ھەردیسان ١٥٠ ملیون یورۆیا ژی بدەتە پاریس سانجێرمان بەرامبەر مپاپی لێ یانا بەرشەلۆنا ھەر د بەرسڤا ئێکێ دا ئەو چەندە رەتکر بوو ھەردیسان بەرشا ناخوازیت دەستا ژ کوتینھوی بەردەت سەرەرای وێ چەندێ کو ل ڤێ دووماھیێ نە ل ئاستێ پێدڤی یە.
ئەوێ رۆژنامێ ئەو چەندە ژی دیارکریە کو ب وێ داخوازیا بەرشەلۆنا رەتکری کو وێ چەندێ ناگەھینت یانا کەتەلونی ناخوازیت ھەڤبەستێ ل گەل مپاپی ئیمزا بکەت بەلکو بەروڤاژی بەرشا یا بزاڤێن مەزن کەت بوو دستڤە ئینانا وی یاریزانی.

ئەڤرۆ نیوز:
یاریزانێ کرواتی و یانا چێلسی ماتیو کوڤاسیتچ ئەوێ ب شێوەیێ خواستن ھەتا دووماھیا ڤی وەرزی ژ یانا ریال مەدرید پەیوەندی ب وێ یانێ کر د دیدارەکێ دا ل گەل کەنالی سکای سپورت برێتانی دیارکر ئەو چونا خوە ل یانا ریال مەدرید ب پێنگاڤەکا باش دبینت ھەر چەندە ئەو نوکە ژی یاریزانێ ریال مەدرید و رێزێ ل وێ یانێ دگریت لێ ئەو پێنگاڤا ب جە ھێلا وێ یانێ ب پێنگاڤەکا سەرکەفتی دبینت ژبەرکو دەلیڤەیا کرنا یاری ل وێ یانێ بوو وی گەلەک یا کێم بوو.
ناڤبری زێدەتر دیارکر ئەوی رێزەکا مەزن بۆ یانا ریال مەدرید ھەیە لێ ئەو دخوازیت یێ بەردەوام بیت ل گەل یانا خوە یا نوکە چێلسی و گەلەک یێ ئارامە ل ڤێ یانێ لەورا ناخوازیت جارەکا دی ب ڤەگەریتە یاریگەھا سانتیاگو برینابیو.

ئەڤرۆ نیوز، محەمەد عەلی نوری:‏

سەرۆکێ ئێکەتیا باسکت بۆلا ھەرێما کوردستانێ دیارکر کو پێشبینیێ دکەن خول و قارەمانیێن ‏ھەرێمێ ب ھێز ڤەگەرێنە د گۆرەپانا وەرزشا کوردستانێ دا تایبەت پشتی سەرۆکێ حوکمەتا ‏ھەرێما کوردستانێ نێجیرڤان بارزانی سۆزدایی پشتەڤانیا وەرزشێ بکەت و ھەموو یاریا بیێ ‏جێوازی.‏

زێدەتر سەردار حەیدەری بۆ ئەڤرۆ نیوز گوت:بۆ سالا بھێت گەشبینی کەفتیە دناڤ جادا ‏وەرزشی و وەرزشڤانێن کوردستانێ دا تایبەت ئەو وەرزشێن ئەڤە زێدەتری چار سالە ژ ھەموو ‏چالاکیان بیێ بەھربووینە کو دێ جارەکا دی ئەڤ یاریە ڤەگرێتە چالاکیێن خوە.‏

ھەروەسا ناڤھاتی گوت: سەرۆکێ حکومەتا ھەرێمێ پشتەڤانیەکا مەزن بۆ ھەموو وەرزشا ‏دیارکریە و دێ ھەر ژ وەرزێ نوو یێ 2019 ئەڤ پێنگاڤە کەڤیتە د بوارێ بجھئینانێ دا و ‏ئەڤە ژی بوویە جھێ دلخووشیا ھەموو لایەنا تایبەت یانە و ئێکەتێن وەرزشی ئەوێن یاریێن ‏وان ھاتینە راوەستانن ژبەر قەیرانا دارایی و نەبوونا چالاکیا.‏

ل دووماھیێ سەروکێ ئێکەتیا باسکت بۆلا ھەرێمێ گوت: بۆ وەرزێ نوو دێ چالاکیێن مە ب ‏ھێز ڤەگەرینین و مە ھندەک پلان و نەخشە یێن رێکخستیی داناینە کو بشێوەکێ ئەکتیڤ یاریا ‏باسکت بۆلێ بزڤریتە پێشیێ و دەست ب چالاکیا بھێتە کرن بۆ ھندێ دوبارە ھەموو یانە و ‏یاریزان بێی بەھر نەبن ژ ڤێ یاریێ.‏

ئەڤرۆ نیوز:
یانا سیڤلیا یا ئیسپانی ژی ھاتە دناڤا ھەڤرکیا دەستڤە ئینانا یاریزانەکێ یانا بروسیا دورتموند .
رۆژناما موندو دیپورتیڤو یا ئیسپانی ئاشکرا کر یانا سیڤلیا یا ئیسپانی ژی ھاتە دناڤا ھەڤرکیا دەستڤە ئینانا ستێرا گەنچ یا یانا بروسیا دورتموند جولیان ویگل .
وێ رۆژنامێ دیارکر ژی یانا ئەندلوسی حەزەکا مەزن ھەیە بۆ ئیمزاکرنا ویگل ھەر چەندە ماوەکێ درێژە ھەر ئێک ژ یانێن روما و پاریس سانجێرمان چاڤدێریا ڤی یاریزانی کەن و حەزا ئیمزاکرنا ڤی یاریزانی ھەیە لێ یانا سیڤلیا بەرھەڤیەکا باش بۆ دەستڤە ئینانا ڤی یاریزانی کریە ل دیڤ گوتنا وێ رۆژنامێ ٢٢ ملیون یورۆ بەرھەڤکریە بوو دەستڤە ئینانا جولیان ویگل بۆ ڤەگوھاستنێن بھێت.