ئەڤرۆ نیوز:
دو بەرنیاسترین یانە ل سەر ئاستێ ئورۆپا ھەڤرکیا ئێک کەن بوو دەستڤە ئینانا ستێرا گەنچ یا یانا واتفورد یا ئینگلیزی و یاریزانێ فرەنسی عەبدوللا دوکوری یێ ٢٥ سالی .
رۆژناما زەسەن یا برێتانی ئاشکرا کریە پشتی ل وەرزێ ئەڤ سالە عەبدوللا شیای ئاستەکێ بلند ل گەل یانا خوە پێشکێش بکەت بوویە جھێ گرنگا ھژمارەکا یانێن ئورۆپی و یانا ئەرسینال یا بزاڤێن مەزن کەت بوو دەستڤە ئینانا وی یاریزانی کو بیتە پێگوھورێ یاریزانێ وێ یێ نیڤدەولی یێ وێلزی ئارون رەمزی ئەوێ بریارە ل دووماھیا ڤی وەرزی پێکھاتیێ ئەرسینال بجە بھێلت .
ھەر ژبەر وی ئاستێ وی یێ بلند یانا پاریس سانجێرمان نوکە گرنگیەکا مەزن ب شیاێن ئەوی داینە و دخوازیت ل ڤەگوھاستنێن بھێت ھەڤبەستێ ل گەل ئیمزا بکەت و ھەردیسان پاریس بێنڤرەھیا خوە بۆ یانا واتفورد دیارکریە ئەو دێ دەرفەتێ دەنێ یاری ل ڤی ماوێ بوو وێ یانێ بکەت و ل مێرکاتویا ھاڤینا بھێت پەیوەندی ب یانا پاریس بکەت.

ئەڤرۆ نیوز:
ئێکەتیا تەپا پێ یا عیراقێ دەرگەھێ ڤەگوھاستنێن زڤستانێ بۆ یانێن پشکدار دخۆلا پلا نایاب دا ئاشکراکر کو د وی ماوەی دا ھەموو یانان ماڤ ھەیە ھەڤبەستێ ل گەل یاریزانێن پیشەکار و نافخوی ئیمزا بکەن.
لژنەیا بریکانان ل ئێکەتیا تەپا پێ یا عیراقێ بریار دایە ل ١ھەیڤا بھێت ھەتا ٢٨ وێ ھەیڤێ دەرگەھێ ڤەگوھاستنا یاریزان یێ ڤەکری بیت.
ھەژی گوتنێ یە ل خۆلا عیراقێ یا تەپا پێ ھەر یانەکێ ماڤێ ئیمزاکرنا چار یاریزانێن پیشەکار ھەیە و بتنێ سێ یاریزان ل ناڤا یاریگەھێ و ئێک ژ دەرڤەی یاریگەھێ .

ئەڤرۆ نیوز:
راپورتێن رۆژنامەڤانی ل ئورۆپا دیارکرینە چوونا ستێرا بەرازیلی و یانا پاریس سانجێرمان یا فرەنسی نیمار نێزیکبوویە و یاریزانێ ناڤبری دخوازیت ل یانەکا دی یاری بکەت و ھەر ژترسا وێ چەندێ یانا فرەنسی پێگوھورەکێ دی بەرھەڤکریە ھەکە نیمار پێکھاتیێ وێ یانێ ب جهـ ھێلا.
رۆژناما ئاس یا ئیسپانی دیارکریە ب رێژەیەکا مەزن نیمار دێ ل ھاڤینا بھێت پێکھاتیێ یانا فرەنسی بجە ھێلت و بەر ب یانەکا دی ڤە چیت ژبەرکو ئەو دخوازیت یاری ل یانەکا دی یا مەزن بکەت ھەڤرکیێ ل سەر ناسناڤێ قارەمانیا چامپیونیز لیگ بکەت و ھەر ژبەر ڤێ چەندێ ژی نوکە یانا فرەنسی پێگوھورێ نیماری بەرھەڤکریە ئەوژی بریارە ل جھێ نیماری ھەڤبەستێ ل گەل ھێرشبەرێ ھەلبژارتیێ فرەنسا و یانا ئەتلەتیکو مەدرید کرێزمان ئیمزا بکەن.
ئەوێ رۆژنامێ ئاشکرا کریە ژی ھەکە یانا پاریس ھەڤبەست ل گەل کرێزمان ئیمزا کر دێ ئەو ھەڤبەست ل سەر وێ یانێ چیتە ٢٠٠ ملیون یوریان ژبەرکو مەرجێ ھەلوەشاندنا ھەڤبەستا وی ل گەل ئەتلەتیکو مەدرید ٢٠٠ ملیون یورۆنە و پێدڤی یە ئەو یانا فرەنسی وی کوژمێ پارەی بدەتە ئەتلەتیکو ھەتا بشێت ھەڤبەستێ ل گەل ئیمزا بکەت.

ئەڤرۆ نیوز:
یانا لیڤەرپول یا ئینگلیزی کەڤتیە د ھەڤرکیا دەستڤە ئینانا یاریزانێ بەلجیکی و یانا روسیا مونشنگلادباگ تورگان ھازارد کو دبیتە برایێ ستێرا بەرنیاس یا چێلسی ئایدین ھازارد.
مالپەرێ کاتشیو مێرکاتو دیارکریە یانا لیڤەرپول دخوازیت ھەڤبەستەکێ پێشکێشی یانا بروسیا مونشنگلادباگ بکەت بوو دەستڤە ئینانا ستێرا وێ یا بەلجیکی سورگان ھازارد پشتی وی ئاستێ بلند ل گەل یانا خوە ل وەرزێ ئەڤ سالە پێشکێشکری .
ئەوێ رۆژنامێ ئاشکرا کریە ژی یانا لیڤەرپول دیچ سیناریویا وەرزێ بوری ل گەل یانا لایبزیگ کری ل گەل مونشنگلادباگ ژی دوربارە کەت کو رێککەفتنێ ل گەل وێ یانێ کەت بوو ڤەگوھاستنا ھازارد ل ھاڤینا بھێت بەرامبەر یاریزان ل یاریێن قوناغا دوێ یا وەرزێ ئەڤ سالە یاری بوو وێ یانا ئەلمانی بکەت.
یانا لیڤەرپول بەرھەڤیا خوە بۆ ھەلوەشاندنا وی یاریزانی ژی دایە کو د گەھیتە ٣٥ ملیون یوریان .
ھەژی گوتنێ یە تورگان ھازارد ١٧ یاری ل گەل یانا خوە ل وەرزێ ئەڤ سالە کرینە و شیا ٩ گولان توماربکەت و شەش گولان ژی بەرھەڤبکەت.

ژلایەکێ دیڤە رۆژنامەیێن ئەلمانی دیارکرینە رێیا دەستڤە ئینانا تورگان ھازارد یا ب سانەھی نابیت بوو یانا لیڤەرپول ژبەرکو ھەر ئێک ژ یانێن روما و ئەتلەتیکو مەدرید ھەڤرکیا دەستڤە ئینانا وی دکەن و ھەردو یانە بوو ماوەکێ درێژە چاڤدێریا وی دکەن