ئه‌ڤرۆ نیوز، ب. ئازاد نسری:
نڤیسینگه‌ها راگه‌هاندنا بانكا رافیده‌ین ئه‌ڤرۆ 26/12/2018 د به‌یاننامه‌كێ دا راگه‌هاند، كو دێ دو پێشینا ده‌ته فه‌رمانبه‌ران، ئێك یا پێنج ملیۆن دیناری و یا دی 10 ملیۆن دینارن.
بانكا رافیده‌ین ئاماژه ب وێ چه‌ندێ ژی كریه كو ئه‌ڤ پێشینا نوو دێ بۆ وان فه‌رمانبه‌ران هێته دان یێن كو به‌ری نوكه مامه‌لا بانكی بۆ وه‌رگرتنا مووچێ خوه ڤه‌كر ب رێیا بانكێ و كارتا ئه‌لكترۆنی یا وێ ” هژمارا بانكی ل بانكا رافیده‌ین” هه‌بیت.
بانكێ دیاركریه كو ب رێیا كورته نامه‌كا مۆبایلێ ئه‌و كه‌سه دێ هێته ئاگه‌هداركرن یێ كو پێشینه بۆ ده‌ركه‌فتی و پشتی ته‌مامكرنا رێكارێن قانوونی، پاره دێ چیته سه‌ر هژمارا بانكی یا وی فه‌رمانبه‌ری و ئه‌ڤ پێشینه‌یه ژ فه‌رمانبه‌رێن پارێزگه‌هێ، عیراقێ و ده‌ڤه‌رێن كوردستانی یێن ده‌رڤه‌ی ئیدارا هه‌رێما كوردستانێ دگریت.
نووترين نووچه
- وەزارەتا دارایی بەرسڤا سەردابرنێن پەرلەمانتارەكێ ئێكەتیێ ل دۆر لیستا مووچەی ددەت
- رێباز حەملان: مە پەیاما سەرۆكێ حوكمەتا هەرێمێ ل دۆر مووچەیێ فەرمانبەرێن هەرێمێ گەهاندە سۆدانی
- پێشبینییا چەندین سیناریۆیان ل رۆژهەلاتا ناڤین دهێتە كرن كو ئیراقێ ژی دێ ڤەگرن
- نێچیرڤان بارزانی خواستا هەرێما كوردستانێ بۆ پێشڤەبرنا پەیوەندیان ل گەل هندستانێ دوپاتكر
- ل ئەینییا بهێت شاندێ هەڤپشكێ وەزارەتا داراییا ئیراقێ و هەرێمێ دێ كۆمبن
- ل ئیراقێ فیدرالی نەهاتییە بجهئینان
- فەوزی هەریری: تێكگەهشتنەكا باش بۆ پێكئینانا كابینەیا دەهێ هەیە
- ئەڤرۆ شاندێ تەكنیكیێ پارتی و ئێكەتی ل دۆر پێكئینانا كابینەیا نوو یا حوكمەتێ دێ كۆمبن
- دێ ل گەل ئەنەکەسێ دەست ب دانوستاندنان کەین
- پشكداریا مەسرور بارزانی ل كۆڕبەندێ ئابووریێ جیهانی دێ رەنگڤەدانا ئابووری و دیپلۆماسی ل سەر هەرێمێ هەبیت
سهرهكى Facebook
پەرلەمانتارەکێ پارتی: بزاڤ یێن دھێنەکرن سێ مووچێن ئەڤ سالە ببنە چەک
ئەڤرۆ نیوز، قائید میرۆ:
پەرلەمانتارەکێ پارتی دیموکراتی کوردستان ئاشکرا کر کو ھەموو بزاف یێن دھێنەکرن دگەل وەزارەتا دارایی و ئابووری بگەھنە ئەنجامەکی بۆ وێ چەندێ سێ مووچێن ئەڤ سالە ببنە چەک و ل سەر فەرمانبەران بھێنە بەلاڤکرن.
زانا مەلا خالد، پەرلەمانتارێ فڕاکسیۆنا پارتی ل پەرلەمانێ کوردستانێ بۆ ئەڤرۆ نیوز دیار کر کو پارتی دیموکراتی کوردستان ب رێیا وەزارەتا دارایی و ئابووری یا کار دکەت ئەو سێ مووچێن ئەڤ سالە دمینن بھێنە ئێکلاکرن، کو د سالا نوو دا دێ ب چو شێوە لسەر فەرمانبەرێن ھەرێما کوردستانێ ھێنە بەلاڤکرن و گۆت: “وەلاتیان پشتڕاست دکەین بەلاڤکرنا مووچەی وەک بەرێ دێ ھەر 30 رۆژان جارەکێ ھێتە بەلاڤکرن و ئاریشە نابن”.
ناڤھاتی ئاماژە دا وێ چەندێ کو پارتی یا بزاڤەکادی ژی دکەت کو ھەر سێ مووچێن مایی ببنە چەکێ بانکی و ل سەر فەرمانبەران بھێنە بەلاڤکرن، بەلێ بۆ پێشنیارا دویێ و چێکرنا چەکا ھێشتا ئەو نەگەھشتینە چو ئەنجامان و ب تنێ بزاف د بەردەوام ن.
هێزێن ئه‌مريكا ژ سوريا دێ بۆ عيراقێ و هه‌رێمێ هێنه ڤه‌كێشان
ئه‌ڤرۆ نيوز:
ئه‌ڤرۆ رۆژا چارشه‌مبى 26ى كانوونا ئێكێ 2018 ژێده‌ره‌كێ له‌شكرى يێ عيراقى راگه‌هاند: “حوكمه‌تا عيراقێ گه‌هشتنه ئه‌وێ باوه‌ريێ كو ئه‌و خوه‌ڤه‌كێشانا هێزێن ئه‌مريكى ژ سوريا دێ به‌ر ب عيراقێ بيت”.
ب گۆره‌ى راپۆرته‌كا رۆژناما عه‌ره‌بى، ژێده‌ره‌كێ له‌شكرى گۆتيه كو لايه‌نێ عيراقێ د چه‌ند رۆژێن بۆرى دا كۆمه‌كا نيشان و ئاماژه‌يان بۆ ده‌ركه‌فتينه كو حوكمه‌تا عيراقێ گه‌هشتيه وێ باوه‌ريێ كو دێ ڤه‌كێشانا هێزێن ئه‌مريكى ل سوريا ب ئاراستێ خه‌لكێ عيراقێ دا بيت.
ژێده‌ره‌كى ژ وه‌زاره‌تا به‌ره‌ڤانيا عيراقێ كو نه‌ڤيايه ناڤێ خوه ئاشكه‌را بكه‌ت گۆت: “هه‌موو نيشان وێ چه‌ندێ ديار دكه‌ن كو ئه‌و هێزێن ئه‌مريكا دێ به‌ر ب دو بنكێن له‌شكرى يێن عيراقێ هێنه ڤه‌كێشانا، ئێك ل هه‌رێما كوردستانێ و دو ژى ل بنگه‌هێ عه‌ين ئه‌سه‌د ل باژێرێ به‌غدا ل نێزيك سنورێ عيراقێ و سوريا بيت ل رۆژئاڤايێ وه‌لاتى”.
ئه‌وى ژێده‌رى ئاماژه ب وێ چه‌ندێ ژى كريه كو ئه‌و خه‌ملاندنا وان ل سه‌ر دو بنه‌مايان هاتيه كرن؛ پشتى دۆنالد تره‌مپ سه‌رۆكێ ئه‌مريكا بڕيارا ڤه‌كێشانا هێزێن خوه ژ سوريا داى و گۆت: “يا ئێكێ به‌لاڤبوونا هێزێن ئه‌مريكايه ل ده‌ڤه‌رێن بيابانێن ناڤبه‌را هه‌ردو وه‌لاتان، بێ كو چو هه‌ماهه‌نگيه‌كێ ل گه‌ل عيراقێ بكه‌ن، ل بنگه‌هێ عه‌ين ئه‌سه‌د ده‌رچن و هاتنوچوون و نيشاندانێن له‌شكرى ل وى سنورى ئه‌نجام ده‌ن”.
گۆتژى: “چاڤدێريا هندێ هاتيه كرن كو ئاماده‌كاريا ڤه‌كرنا بنگه‌هه‌كێ له‌شكرى ل هه‌رێما كوردستانێ بكه‌ن كو ببيته نووترين بنگه‌هێ له‌كشرى يێ هێزێن ئه‌مريكا ل ناڤ ئاخا عيراقێ، ئاماده‌كارى ژى ب وى ره‌نگى كو دبيت بۆ پێشوازى كرنێ بيت ل يه‌كه‌يه‌كا له‌شكرى يا تژى چه‌ك و ته‌قه‌مه‌نى و روويه‌كێ به‌رفره‌هـ يێ ئه‌ردى بۆ هاتيه ته‌رخانكرن”.
هه‌ر ڤێ رۆژنامێ ئاماژه ب وێ چه‌ندێ ژى كريه كو هه‌تا نوكه چو لايه‌نه‌كێ فه‌رمى ژ هه‌رێما كوردستانێ و عيراقێ و ئه‌مريكا ب فه‌رمى ئه‌ڤ پێزانينه پشت راست نه‌كرينه.
ب وێنه: چه‌ند ديمه‌نێن به‌فرێ ل ده‌ڤه‌را به‌روارى بالا
بێ وه‌رگرتنا رازیبوونێ، دەستکاریا گۆره‌كێ شوونوارى دهێتە کرن
ئه‌ڤرۆ نیوز، عەلی حاجی
شینواێ زەمبیل فروشی ئێک ژ شینوارێن دێرینێ سەر ب ناحیا باتیڤا ڤە دهێتە هژمارتن و هەتا نوکە هاتیە پاراستن بەلێ بێ ئاگەهداریا رێڤەبەریا شینوارێن زاخۆ خێرخازەک رابوویە ب نیژەنکرنا وی شینواری ۰
ل دور ڤی بابەتی هاولاتیەکێ ناحیا باتیڤا ب ناڤێ نزار مەجید بو ئەڤرۆ نیوز گوت: ئەڤە تاوانەکا مەزنە ددەرحەقێ ڤی شینواری دا نزانم چاوا بێ ئاگەهداریا شینواران رێک ب ڤی کەسی هاتیە دان ب ڤی کاری رابیت مادەم ئەڤ کارە بێ رێڤەبەریا شینواران هاتیە ئەنجام دان جهێ قەبول کرنێ نینە و پێتڤی یە ئەو کەسێن ب ڤی کارێ نویژەنکرنێ رابوین بهێنە سزادان و دەستگیر کرن .
ل دور ڤی بابەتی ژێده‌ره‌كێ ژ رێڤەبەریا شینواران ل زاخۆ بۆ روژناما ئەڤرو گوت : ئەڤ کارە بێ رێڤەبەریامە هاتیە ئەنجام دان ئەگەر خێرخازەک ب ڤی کاری رابویە بڤێت ڤی جهی نویژەن بکەت پێتڤی یە مە ئاگەهدار بکەت و لدویڤ رێنماێن رێڤەبەریا مە نیژەن بکەت بەلێ جهێ داخێ یە گەلەک کار بێ رێڤەبەریا مە دهێنە ئەنجام دان .
ل دویماهیێ رێڤەبەریا شینواران ل زاخۆ دیاركر: سوباهی دێ دویڤ چوونا ڤی بابەتی کەین و نابیت ئەڤ کارە بێ مە بهێتە ئەنجام دان، چونکی ل گورێ زەمبیل فروشی وەکی هێمایەکێ لێ هاتیە بو خەلکێ ناحیا باتیڤا .
ل 2019 مووچە بۆ حەفت ھزار کێم ئەندامێن نوو دێ ھێتە مەزاختن
ئەڤرۆ نیۆز، قائید میرۆ
بڕیارە دسالا نوودا حەفت ھزار کێم ئەندامێن دی یێن نوو مفادار بن ل مووچێ حوکمەتێ و بەرپرسەکێ کێم ئەندامانژی دبێژیت، ھەر کێم ئەندامەکێ نوو فۆڕم تژی کربیت دێ مفادار بیت ل بڕیارا حوکمەتێ.
مەسعود ئەنوەر، سەرۆکێ کۆمەلا ژین یا کێم ئەندامان بۆ ئەڤرۆ نیۆز دیارکر” دگەل وەزیرێ کارۆبارێن کۆمەلایەتی کۆمبووینە و ھژمارەک بڕیار د بەرژەوەندیا تەخا کێم ئەندامان ھاتینە دەرکرن، ئێک ژوان مەزاختنا مووچەیە بۆ ئەڤان کێم ئەندامێن نوو یێن فۆڕمێن وان دوماھی ھاتی و بڕیارە لسالا نوو مووچە بۆ بھێتە مەزاختن.
سەرۆکێ کۆمەلا ژین گۆت” حەفت ھزار کێم ئەندام ھەنە و لسالا ٢٠١٤ێ ھەتا نوکە لیژنەیێن پشکنینێ دەرچووینە و فۆڕمێن وان چووینە سەرۆکایەتیا جڤاتا وەزیران بۆ پەسەندکرنێ، بەلێ ژبەر قەیرانا دارایی سەرۆکایەتیا جڤاتا وەزیران لیستا نوویا کێم ئەندامان نەدایە وەزارەتا دارایی و ئابوری بۆ مەزاختنا مووچەی.
مەسعود ئەنوەر ئاماژەکر” بڕیارە دەستپێکا سالا نوو حەفت ھزار کێم ئەندامێن نوو مفادار ل مووچە و ئیمتیازاتێن حوکمەتێ و ئیدی ئەوژی دێ ببنە خۆدان مووچە وەک ھەموو کێم ئەندامێن دی کو ئەڤەژی بڕیارەکا باشە بۆ تەخا کێم ئەندامان.
تلسقوف : پێشمه‌رگه پشكدارى یادا حه‌زره‌تێ مه‌سیح بوون
ئه‌ڤرۆ نیۆز ،ره‌مه‌زان هه‌رنى:
هێزێن پێشمه‌رگه‌ى ل میحوه‌رێ تلسقوف پشكدارى رێوره‌سمێن جه‌ژنا ژ دایك بوونا حه‌زره‌تێ مه‌سیح بوون ل كه‌ل مه‌سیحیێن ده‌ڤه‌رێ و مه‌سیحى ژى په‌سنا رولێ پێشمه‌رگه‌ى دكه‌ن ل ده‌ڤه‌رێ.
ئه‌میره ستو هاولاتیه‌كا مه‌سیحیه ل ده‌شتا موسڵ بۆ ئه‌ڤرۆ نیۆز گوت : ژ به‌ر تیرورێ چه‌ند سال بۆ ئه‌م ئاواره‌یێ باژێرێن هه‌رێما كوردستانێ ببووین نوكه ئه‌م زڤرینه‌ڤه سه‌ر جه و مالێن خوه، ئه‌و جهێن دكه‌ڤن سنورێ هێزێن پێشمه‌رگه‌ى گه‌له‌ك د ئارامن ، پێشمه‌رگه پارێزه‌رێ ده‌ڤه‌رێن مه‌بوویه گه‌له‌ك شه‌هید و بریندار پێخه‌مه‌ت پاراستنا مه‌داینه نوكه ئه‌م زڤرینه‌ڤه و گه‌له‌ك ئارامیه .
مه‌رعان مه‌رعان ئه‌ندامێ فه‌رمانده‌یا سپیلك ل میحوه‌رێ تلسقوف بۆ ئه‌ڤرۆ نیۆز گوت : ب درێژاهیا شه‌رێ داعش و حه‌شدا شه‌عبى پێشمه‌رگه‌ى بێ جوداهى به‌ره‌ڤانى ل هه‌مو پێكهاته و ئاینا كریه ، نمونه ژى ل ده‌شتا مووسل تایبه‌ت ل میحوه‌رێ تلسقوف شه‌ڤ روژ مه كرینه ئێك پێخه‌مه‌ت پاراستنا سه‌ر و مالێ هاولاتیێن ده‌ڤه‌رێ ب هه‌مو پێكهاته‌یان ڤه ، هه‌موو هاولاتیێن ده‌ڤه‌رێ ل بن كونترولا پێشمه‌رگه‌ى گه‌له‌ك د ئارامن مه‌سیحیا ب ئارامى جه‌ژن و رێو ره‌سمێن خویێن ئاینى ئه‌نجامدده‌ن .
شه‌ر د ناڤبه‌را گرۆپه‌كێ ئێزدى و حه‌شدى عه‌شایرى روودا
بوو دەستڤە ئینانا وی ٥٤ ملیون بەرھەڤکرینە
ئەڤرۆ نیوز:
دوگلاس کوستا نوکە بوویە گرنگیا ھژمارەکا مەزن یا یانێن ئورۆپی تایبەت پشتی یاریزانێ ناڤبری دەلیڤەیا وی یا کرنا یاری بەر ب کێمبوونێ ڤە چووی ل وێ یوڤانتوس چەند یانێن ئورۆپی ھاتیە سەر ھێلا دەستڤە ئینانا وی و رەوشا وی یا نوکە ب دەلیڤە بینن ئەوی یاریزانی رازیبکەن.
یانا مانچێستەر یوناید فەرمی حەزا خوە دیارکریە بوو دەستڤە ئینانا دوگولاس کوستای و بەرھەڤیا خوە دیارکریە بوو دانوستاندنان ل گەل یانا یوڤانتوس .
مالپەرێ سپورت یێ ئیتالی ئاشکرا کریە یانا مانچێستەر یوناید ٥٤ ملیون جینێ ئیسترلینی بەرھەڤکرینە بوو دەستڤە ئینانا شیانێن ئەڤی یاریزانی .
ھاتن و چوونا ئامێدیێ ھوشداریێ ددەتە شۆفێران
ئەڤرۆ نیوز، مەحمود نھێلی:
رێڤەبەریا ھاتن و چوونا قەزا ئامێدیێ ھوشداریێ ددەتە شوفێرێن دەڤەرێ کو ژ ئەگەرێ دروست بوونا بەستیێ توشی روودانان ببن.
د ڤی چارچوڤەی دا رائید بەیار ئیبراھیم ئەفسەرێ پولیسێن ھاتن و چونێ ل ئامێدیێ بۆ ئەڤرۆ نیوز دیاکر، ژ بەر بارینا بەفرێ و سەرمایەکا زۆر ل دەڤەرێ دبیتە ئەگەرێ دروسبوونا بەستەیێ و ل وی دەمی شوفێری کونترول ل سەر ترۆمبێلێ نامینت.
زێدەتر گۆت : ژبەر وێ یەکێ پێدڤیە شوفێر گەلەک د ھشیاربن د دەمێ ھاتن و چونێ دا بتایبەتی دەمێ شەڤێ و سپێدەھیان زوو .
و دیار ژی کر کو گەلەک جاران ل ڤی دەمێ سالێ ژ بەر دروستبوونا بەستەی رووانێن ھاتن و چونێ دروستبوونە و بووینە ئەگەرێ کارەساتان.
نيشاندان
WP Facebook Auto Publish Powered By : XYZScripts.com