چارەکرنا کێشا کەرکووکێ د ستۆیێ حوکمەتا بەغدا دایە

17/11/2018 11:15

ئەڤرۆنیۆز سالار دۆسکی:

ئایدن مەعرۆف ئەندامێ مەکتەبا سیاسی یا بەری تورکمانی بۆ ئەڤرۆ نیۆز گۆت” ل گەل وێ چەندێ ینە ب شێوەکێ ئاشتیانە کێشا کەرکووک دناڤبەرا ھەموو پێکھاتێن کەرکووکێ دا بھێتە چارەسەکرن، لێ حوکمەتا عیراقێ بالدەستە وی باژێری و چارەسەکرنا کێشا کەرکووکێ دکەڤیتە ستویێ وێ.
ئایدن مەعرۆف ئەو ژی گۆت: ھەر ئالیەک بۆ مادێ 140 تشتەکی بێژیت و ھندەک بێژن نەمایە و ھندەک بێژن بدووماھی ھاتیە و ھندەک بێژن ب سەر ڤەچوویە.
ھەمان ئەندامێ مەکەتب سیاسی یا بەری تورکمانی ئەو ژی ئاشکراکر کو پشتی شەرێ داعش گەلەک تورکمانا قەستا دەرڤە کریە نوکە د ملیۆن تورکمان ل عیراقێ بگشتی ھەنە.

جڤاتا نوونه‌ران سوبه‌هى دێ كۆم بيت و باوه‌رى ب وه‌زيرێن مايين ناهێته‌ دان

17/11/2018 10:58

ئه‌ڤرۆ نيوز:

رووشتنا ئاسايى يا جڤاتا نوونه‌رێن عيراقێ بڕياره‌ سوبه‌هى رۆژا ئێكشه‌مبى ل جهێ سێشه‌مبيێ بهێته‌ ئه‌نجام دان.

بڕيار بوو رۆژا سێشه‌مبى 20ى چريا دويێ 2018 جڤاتا نوونه‌رێن عيراقێ روونشتنا ئاسايى يا خوه‌ بگێريت، به‌لێ ژ ئه‌گه‌رێ بهێنڤه‌دانێ، روونشتن هاته‌ پێشخستن بۆ رۆژا ئێكشه‌مبى 18ى چريا دويێ 2018.

پێشخستنا ڤێ روونشتنا جڤاتا نوونه‌ران ژ به‌ر وێ چه‌ندێ يه‌ كو ل رۆژا سێشه‌مبى ل هه‌رێما كوردستانێ و ل عيراقێ ژى ب هه‌لكه‌فتنا “12ى ربيع الاول” كو دبيته‌ رۆژا ژ دايكبوونا محه‌مه‌دێ كوڕێ عه‌بدولايێ پێغه‌مبه‌رێ ئيسلامێ (س.خ) ل سه‌ر بن.

ب گۆره‌يى پێزانينان د روونشتنێ دا پرسا ده‌نگدان ب وه‌زيرێن نوو ناهێته‌ گێران ژ به‌ر كو هه‌تا نوكه‌ رێكه‌فتن ل سه‌ر وه‌زيرێن نوو يێ حوكمه‌تا عه‌بدولمه‌هدى نه‌هاتيه‌ دان.

كۆمبوونا پارتى ئێكه‌تى ده‌سپێكر

17/11/2018 10:54

ئه‌ڤرۆ نيوز:

كۆمبوونا پارتى ديموكراتى كوردستان ژبۆ پێكئينانا حوكمه‌تا نوو يا هه‌رێما كوردستانێ ده‌سپێكر.

به‌رى ده‌مه‌كێ كێم ل مه‌كته‌با سياسى يا ئێكه‌تى نشتيمانى كوردستان، پێشوازى ل شاندێ پارتى ديموكراتى كوردستان هاته‌ كرن و پاشان ژى كۆمبوونا هه‌ردو لايان ژبۆ پێكئينانا حوكمه‌تا نوو ده‌سپێكر.

ئێكه‌تى نشتيمانى كوردستان دخوازيت سه‌رۆك وه‌زيران هه‌ر ئێك جێگر هه‌بيت و ئه‌و ژى يێ وێ حزبێ بيت ل گه‌ل پۆستێ سه‌رۆكێ په‌رله‌مانى و دخوازيت ژى ل گه‌ل پارتى پێكڤه‌ سه‌ره‌دانا لايه‌نێن سياسى بكه‌ت.

ژ لايێ خوه‌ ڤه‌ هێشتا پارتى ديموكراتى كوردستان چو مه‌رج بۆ پێكئينانا حوكمه‌تێ نه‌داناينه‌ ب تنێ دخوازيت ئه‌و لايه‌نێن پشكداريێ د حوكمه‌تێ دا دكه‌ن وه‌كو جارێن دى ل نيڤا رێ نه‌هێلن.

ئه‌ڤ جهه‌ سوبه‌هى دێ مووچه‌يى وه‌رگرن

17/11/2018 10:35

1774

ئه‌ڤرۆ نيوز:

سوبه‌هى بڕياره‌ هنده‌ك جهێن دى مووچێ هه‌يڤا ته‌باخێ يێ حوكمه‌تا هه‌رێما كوردستانێ وه‌ربگرن.

بڕياره‌ سوبه‌هى رۆژا ئێكشه‌مبى هه‌ر ئێك ژ هێزێن زێره‌ڤانى و جڤاتا ئاسايشێ و ده‌زگه‌هێ گشتى يێ ئاسايشێ و هێزێن هه‌وارهاتن و به‌ره‌ڤانيێ هێنه‌ به‌لاڤكرن.

ل حه‌فتيا بۆرى حوكمه‌تا عيراقێ هنارتنا 317 مليار دينارێن عيراقێ ره‌وانه‌ كربوون، هه‌ر چه‌نده‌ هه‌موو هه‌يڤان ل 25ى هه‌يڤێ ره‌وانه‌ دكرن، به‌لێ ڤێ جارێ زووتر ژ هه‌يڤێن بۆرى ره‌وانه‌كرن.

ره‌وشا سه‌قايێ سوبه‌هى

17/11/2018 10:25

697

ئه‌ڤرۆ نيوز:

رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا ئێكشه‌مبى رێکەفتی 18ی چريا دويێ 2018ێ ئه‌سمان دێ د ناڤبه‌را ئه‌ور و ساهياتيێ دا بيت.

پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دھێتە پێشبینیکرن ئه‌سمان د ناڤبه‌را ئه‌ور و ساهياتيێ دا بيت.

پشکا پێشبینیان دایە زایە زانین کو دێ ئله‌زاتيا بايى د ناڤبەرا 5 ھەتا 15کم دا و ماوێ دیتنێ ژی دێ 10كم دا بیت، پلێن گەرمێ ژی دێ د ناڤبەرا 12 بۆ 18 پلان دا بن.

رێژا باران بارينێ ل دهۆكێ ژ 150ملم بۆرى

17/11/2018 10:20

462

ئه‌ڤرۆ نيوز:

رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو د ماوێ 24 ده‌مژمێرێن بۆرى دا ل ويستگه‌هێن جودا يێن هه‌رێما كوردستانێ رێژێن جودا يێن باران بارينێ هاتينه‌ تۆماركرن و ل دووڤ ڤى خشتێ ل خوارێ دياركرى:

ئه‌مريكا خوه‌شحاليا خوه‌ ل دۆر هنارتنا په‌ترۆلا كه‌ركووكێ ب رێيا بۆريێن هه‌رێما كوردستانێ ده‌ربڕى

17/11/2018 10:06

ئه‌ڤرۆ نيوز:

ژ ئه‌گه‌رێ دووباره‌ هنارتنا په‌ترۆلا كه‌ركووك، د رێيا بۆريێن په‌ترۆلا هه‌رێما كوردستانێ دا، هێزێر ناوێرت، ئاخفتنكه‌رێ ب ناڤێ وه‌زاره‌تا ژ ده‌رڤه‌ يا ئه‌مريكا و جۆ بۆلتن، شيره‌تكارێ ئاسايشا نه‌ته‌وى يا ئه‌مريكا خوه‌شحاليا خوه‌ ده‌ربڕى.

هێزير ناوێرت، د تويته‌كى دا نڤيسيه‌: “هنارتنا په‌ترۆلا كه‌ركووك گه‌شه‌كرنه‌كا ئه‌رێنى يه‌ بۆ عيراقێ و پێنگاڤه‌كا گرنگه‌ بۆ كێمكرنا هنارتنا په‌ترۆلا كه‌ركووكێ”.

ئاخفنتكه‌رێ ب ناڤێ وه‌زاره‌تا ژ ده‌رڤه‌ يا ئه‌مريكا بۆ ڤێ مه‌ره‌مێ ژى پيرۆزباهيا حوكمه‌تا عيراقێ و كوردستانێ و بالوێزخانا ئه‌مريكا ل عيراقێ دكه‌ت.

The re-opening of #Kirkuk oil exports is a positive development for #Iraq and another important step in our efforts to reduce Iran's oil exports. Congratulations to @IraqiGovt and @Kurdistan and to the @USEmbBaghdad team for their hard work.

— Heather Nauert (@statedeptspox) November 16, 2018

ژ لايه‌كێ دى ڤه‌ جۆ بۆلتن هه‌ر وه‌كو ناوێرت ل هژمارا خوه‌ يا تايبه‌ت يا تۆيته‌رى ل تۆڕا جڤاكيا تويته‌رى هنارتنا په‌ترۆلا كه‌ركووك ب پێنگاڤه‌كا گرنگ بۆ ڤه‌گه‌ريانا داهات و سه‌ربه‌خۆيا وزه‌يى ل عيراقێ دزانيت.

Encouraged by agreement between @IraqiGovt & @Kurdistan Regional Government to partially resume Kirkuk oil exports. A promising first step to return to 2017 levels. Can restore lost revenue for #Iraqi people & services & make #Iraq energy independent. https://t.co/gCBBPRUn5y

— John Bolton (@AmbJohnBolton) November 16, 2018

دوهى رۆژا ئه‌ينى وه‌زاره‌تا په‌ترۆلا عيراقێ به‌لاڤكر، حوكمه‌تا فيدرال و حوكمه‌تا هه‌رێما كوردستانێ گه‌هشتنه‌ رێكه‌فتنه‌كا ده‌سپێكى بۆ هنارتنا په‌ترۆلا كه‌ركووكێ د رێيا بۆريێن په‌ترۆلا هه‌رێما كوردستانێ دا.

پشتى روودانێن 16ى ئوكتۆبه‌رێ، هنارتنا په‌ترۆلا كه‌ركووك د رێيا بۆريان دا راوه‌ستيابوو، ئه‌وا دهاته‌ هنارتن ژى د رێيا تانكه‌ران دا دهنارته‌ ئيرانێ.

هوگۆ‌ لوريس هه‌لبژارتيێ فه‌ره‌نسا ژدوراندنه‌كا مه‌زن قورتال دكه‌ت

17/11/2018 09:52

130

ئه‌ڤرۆنيوز:

هه‌لبژارتيێ فه‌ره‌نسا قاره‌مانا مونديالا رووسيا 2018 دچارچۆڤێ ياريێن كۆما ئێكێ ژ قاره‌مانيا خۆلا نه‌ته‌وێن ئورۆپا دا تووشى دوراندنێ بوو ل سه‌ر ده‌ستێ مێهڤاندارا خوه‌ هه‌لبژارتيێ هوله‌ندا ب ئه‌نجامێ 0-2 وكه‌فته‌ دهه‌لويسته‌كێ ب زه‌حمه‌ت دا بۆ ده‌ربازبوونێ ژ قۆناغا كۆمان.

هه‌ردو گۆلێن هه‌لبژارتيێ هوله‌ندا ل خۆله‌كێن 44 و90 ژلايێ ياريكه‌ران فاينالدۆم وديباى ڤه‌ هاتن تۆماركرن.

دڤێ ياريێ دا گۆلپارێزێ هه‌لبژارتيێ فه‌ره‌نسا ويانا توتنهام يا ئينگليزى (هوگۆ لوريس) رۆله‌كێ به‌رچاڤ هه‌بوو د پاراستنا تۆرێن گۆلێن خوه‌ دا وچه‌ندين ده‌ليڤێن گولكرنێ يێن هه‌لبژارتيێ هوله‌ندا ژناڤبرن وهه‌لبژارتيێ خوه‌ ژدوراندنه‌كا مه‌زن قورتال كر.

ب ڤى ئه‌نجامى هه‌لبژارتيێ فه‌ره‌نسا هه‌ر ل رێزا ئێكێ دمينيت ب 7خالان وهوله‌ندا ل رێزا دويێ ب 6 خالان دهێت وب فه‌رمى ئه‌لمانيا ژ هه‌ڤركيێن ده‌ربازبوونا ده‌ركه‌فت ب خاله‌كێ ودياريا بهێت دا ل گه‌ل هه‌لبژارتيێ ئه‌لمانيا، هه‌لبژارتيێ هوله‌ندا پێتڤى ب تنێ ب خاله‌كێ يا هه‌ى بۆ ده‌ربازبوونێ وده‌ركرنا فه‌ره‌نسا ژى ژ قاره‌مانيێ.

دژى ژناڤچوونا حه‌فت مليار دينارێن عيراقى خوه‌نيشاندان دهێنه‌ كرن

17/11/2018 09:52

140

ئەڤرۆ نیوز:

ب ھزاران وەلاتیێن عیراقی ل بەغدا و ل مەیدانا تەحریر کۆمبوون و داخوازا سزادانا عەلی عەلاق دکر. پێشتر دادگەھا رەسافە ژی راگەھاندن بوو کو دێ ڤەکۆلینێ د خراببوونا حەفت ملیار دینارێن بەنکا ناڤەندیا عیراقی دا دکەت و رێیێن قانوونی دێ گرتیە بەر.

دوھی رۆژا ئەینی ب ھزارا وەلاتیێن بەغدا ل مەیدانا تەحریر خرڤە بوون و داخوازا دەست ژ کارکێشانا عەلی عەلاق، پارێزگارێ بەنکا ناڤەندی دکر و دانا وی ب دادگەھێ دا کو بگەھیتە سزایێ خوە یێ قانوونی.

پشتی عەلی عەلاق، پارێزگارێ بەنکا ناڤەندی یا عیراقێ راگەھاندی کو حەفت ملیار دینارێن بانکێ تەڕ بووینە و ژ ناڤ چووینە، کارڤەدانێن مەزن ڤێ کەفتن، بانکا ناڤەندی ژی روونکرنەک بەلاڤکر.

رۆژا پێنجشەمبی دادگەھا رەسافە راگەھاند کو دێ ڤەکۆلینێ د روودانێ دا کەت و رێیێن قانوونی یێن خوە دەست پێ کەت ژ ئەگەرێ ب ھەدەردانا سامانێ گشتی یێ بەنکا ناڤەندی.
بەنکا ناڤەندی روونکریە کو ئەو پارە ھەکە تەڕ ژی نەبایە، ھەر دڤیابا ژ ناڤ چووبا و ھاتبا گوھۆڕین ب پارێ نوو چونکو ماوێ وی ب سەر ڤە چووبوو، و ئێک ژ ئەرکێن وان ژی چاپکرنا پارێ نوویە ل جھێ وان پارێن کەڤن دبن و ب کێری ب کارئینانێ نەبن.

د. به‌شير حه‌داد: هيڤيدارين قوربانيێن عيراقێ ل دژى داعش داين به‌رچاڤ بهێنه‌ وه‌رگرتن

17/11/2018 09:34

ئه‌ڤرۆ نيوز:

روونشتنێن 64ێ يێن ته‌ڤگه‌را په‌رله‌مانتارێن وه‌لاتيێن پشكدار د ناتۆ دا، دوهى ل كه‌نه‌دا ب پشكداريا شانده‌كێ جڤاتا نوونه‌رێن عيراقێ ب سه‌رۆكاتيا د. به‌شير حه‌داد، جێگرێ دويێ سه‌رۆكێ جڤاتا نوونه‌رێن عيراقێ ده‌ستپێكرن.

د ڤێ روونشتنێ دا، سه‌رۆكێ شاندێ عيراقێ په‌يڤه‌ك پێش كێش كر و تێدا گرنگى دا به‌رده‌واميا وه‌لاتێن هه‌ڤپه‌يمان و هه‌ڤال ب هاريكاريكرنا پێدڤى يا عيراقێ و ب تايبه‌ت ژى ل قووناغا پشتى داعش و خواست پتر خزمه‌تێن خوه‌ بێخنه‌ كار بۆ ئاڤاكرن و نووژنه‌كرنا عيراقێ و ئاڤاكرنا كه‌سێ عيراقى.

ب گۆره‌يى راگه‌هاندنه‌كا نڤيسينگه‌ها جێگرێ دويێ سه‌رۆكێ جڤاتا نوونه‌رێن عيراقێ د چارچۆڤێ په‌يڤا خوه‌ دا، سۆپاسيا وه‌لاتێ كه‌ندا مێڤانداريا ڤێ روونشتنێ و گه‌لێ وێ كر ژ به‌ر هاريكاريێن وان يێن به‌رده‌وام بۆ گه‌لێن عيراقێ. ئاماژه‌ ژى دا وێ چه‌ندێ كو ئه‌و ژ وه‌لاتێن هه‌ڤپه‌يمان دخوان كو ل قووناغا پشتى داعش هاريكارێن باشێن وه‌لاتێن عيراقێ بن ژ لايێ ئابوورى و ئه‌منى و ژێرخانا وه‌لاتى دا.

هه‌ر د وێ راگه‌هاندنێ دا كو دانه‌ك بۆ ئه‌ڤرۆ نيوز ره‌وانه‌ كريه‌ ئاماژه‌ ب وێ چه‌ندێ ژى كريه‌ كو هه‌ر د په‌يڤا خوه‌ دا، دكتور به‌شير حه‌داد دا زانين كو عيراقێ سه‌ركه‌فتنێن مه‌زن ل سه‌ر رێكخستيا داعش يا تيرۆرستى ب قوربانى و مێرخاسيا له‌شكر و حه‌شد و هێزێن پێشمه‌رگه‌يى تۆماركر و پتريا جهـ و ده‌ڤه‌ران ژى هاتنه‌ ئازادكرن. ته‌كست ژى ل سه‌ر وێ چه‌ندێ كر كو جڤاتا نوونه‌رێن عيراقێ د خولا خوه‌ يا چارێ دا و ل گه‌ل حوكمه‌تا نوو يا عيراقێ كار ل سه‌ر كارێ هه‌ڤپشك دكه‌ت بۆ به‌رقراركرنا ره‌وشێ و ده‌سپێكرنا قووناغه‌كا نوو يا ئاڤاكرن و نووژنه‌كرن و به‌رقه‌راركرنا ئه‌منيه‌تێ.

نيشاندان 1...1,000 2,000 1,3151,3161,317 2,310 3,310...4,207 زێده‌تر

لاپه‌ر 1,316 ژ 4,207