ئەڤرۆ نیوز، بارزان مزووری:
رێڤەبەرێ سەخبێری و پاراستنا رێک و پرا ل پارێزگەھا دھۆکێ بۆ ئەڤرۆ نیوز دیار کر کو پشتی ل رۆژێن بۆری ژ ئەگەرێ باران بارینێ لەھی پەیدابووین پرا حسێنیێ کەفتیە دمەترسیێ دا و گۆت: “نووژەنکرنا پرا حسێنیێ پێدڤی ب پتری 600 ملیۆن دیناران ھەیە”.
ئەندازیارێ شەھرەزا دێولی حەمێ بریندار، رێڤەبەرێ سەخبێری و پاراستنا رێک و پرا ل پارێزگەھا دھۆکێ ئاشکرا کر کو پرا حسێنیێ ئێک ژ وان پرێن گرنگە ل پارێزگەھا دھۆکێ کو دکەڤیتە ل سەر رێیا سەرەکیا دھۆک – ھەولێر، پشتی وان باران بارینێن ل رۆژێن بوری لەھی یێن مەزن دروست بوون و ئەو پرا کەفتیە د مەترسیا ھەرفینێ دا، رویێ پرێ دگەل دنگێن پرێ کەفتنە بەر وان لەھیان و زیانێن مەزن ب پرێ کەفتن و گۆت: “تیمێن مە بلەز گەھشتە وی جھی و ئەو جھێن زیان ڤێَ کەفتین ڤەدیتنەکا دەمکی بۆ ھاتە کرن”.
ناڤھاتی ئاماژە دا وێ چەندێ کو نوکە پێنج تیمێن وان کار ل سەر ڤێ پرێ دکەن بۆ وێ چەندێ مەترسیا ھەرفینێ ل سەر نەمینیت و سوبەھی دێ کارێ ڤان تیمان ب دووماھی ھێت و گۆت: “ل دووڤ وێ ڤەدیتنا بۆ پرێ ژ لایێ ئەندازیارێن مە ڤە ھاتیەکرن ئەم پێدڤی ب پتری 600 ملیۆن دیناراینە بۆ وێ چەندێ دووبارە پر بھێتە نووژەنکرن”.
نيشاندان
