ئەڤرۆ نیوز:
پشتی خوسارەتیا دوھی یا یانا مانچێستەر یوناید ل گەل یانا لیڤەرپول ژ چارچوڤێ یاریێن گەرا ١٧ ژ خۆلا ئنگلتەرا راھێنەرێ یانا مان یوناید جوزێ مورینھو ھێشتا یێ ب ئومێدە یانا وی دێ ھەڤرکیێ ل سەر ئێک ژ پلێتا دەربازبوونێ بوو قارەمانیا چامپیونیز لیگ کەت.
مورینھوی د داخویانیەکێ دا بۆ مالپەرێ سکای سپورتس دیارکر ھەر کەسێ نوکە پرسیار ژ وی بکەت ئەرێ دێ ھەڤرکیا ناسناڤێ ئەڤ سالە کەن بێ گومان دێ بەرسڤ بیتە نەخێر لێ ئەو یێ ب ئومێدە دێ شێت پلێتا دەربازبوونێ یا چارێ بوو دەربازبوونێ بۆ قارەمانیا چامپیونیز لیگ کەن ھەر چەندە ئەرکێ ئەوان یێ ب زەحمەتە لێ ئەوی باوەری ب تیما خوە ھەیە دێ شێن رێزا چارێ ل وەرزێ ئەڤ سالە ب دەستخوڤە ئینن.
سەبارەت یاریا ل گەل لیڤەرپول ناڤبری دیارکر لیڤەرپول ژ تیمێن ھەرە باشە نوکە ل سەر ئاستێ خولێ لێ د شیانێن ئەوان دا ھەبوون یاری بێ خوسارەتی ب دووماھیی بینن و ھەردو تیم ھەتا رادەیەکی وەکو ئێک بوون بەری تومارکرنا گولا سێ لێ پشتی وێ گولێ لیڤەرپول کونترولا یاریێ کر.
ھەردیسان مورینھوی ئەو چەندە ژی رەتکر کو یاریزانێن وی ئاستەکێ نە باش یان نەباش یاری کربیت و یا ئەوان پێ چێبووی ل سەر مللێن خوە راکر و پێشکێشکر.

ئەڤرۆ نیوز:

پشککێشانا قوناغا ٣٢ یا قارەمانیا یوروپا لیگ ل باژێرێ نیون یێ سویسری ھاتە ئەنجام دان ئەوا دێ یاریێن وێ ل رۆژا ٢١ ھەیڤا شوباتا سالا بھێت ھێنە کرن، ئەنجامێن پشککێشانێ ب ڤی رەنگی بوون.

کراسنودار یا روسى VS بایر لیڤەرکوزن یا ئەلمانی
ڤیکتوریا بلزن VS دینامو زگرب کرواتی
کلوب بروج یا بەلچیکی VS رید بول سالسبورگ
سلاڤیا براگ چیکیVS جینگ یا بەلچیکی
رابید ڤییەنا نەمسا VS ئەنترمیلان ئیتالی
زیورخ یا سویسری VS ناپولی یا ئیتالی
مالمو یا سویدی VS چێلسی یا ئنگلیزی
شاختار دونیتێسک یا ئوکرانی VS ئینراخت فرانفورت یا ئەلمانی
سیلتیک یا ئسکوتلەندی VS ڤالێنسیا یا ئسپانی
رێن یا فرەنسی VS ریال بتیس یا ئسپانی
ئولومپیاکوس یا یونانی VS دینامو کیێڤ یا ئوکرانی
لازیو یا ئیتالی VS سڤیلیا یا ئسپانی
فەنەرباخچە یا تورکی VS زێنت سان پترسبێرگ یا روسی
سپورتینگ لەشبونە پرتوگالی VS ڤیاریال یا ئسپانی
باتی باریسوڤ روسیا سپی VS ئارسنال یا ئنگلیزی
گالاتاسرای تورکی VS بەنفیکا یا پرتوگالی

ئەڤرۆ نیوز:
دوھی ب شەڤ شاندێ یانا ریال مەدرید گەھشتە وەلاتێ ئیمارات ب مەرەما پشکداری کرنێ د قارەمانیا موندیالا یانێن جیھانێ و بریارە ل رۆژا چار شەمبیا بھێت یاریا خوە یا ئێکێ ژ قارەمانیێ ھەمبەری یانا کاشیما قارەمانا ئاسیا بکەت .
سێرجیو راموس د داخویانیەکێ دا بۆ مالپەرێ فیفا یێ فەرمی دیارکر ئەو گەلەک یێ کەیفخوشحالە جارەکا دی ھاتیە باژێرێ ئەبو زەبی یێ ئیماراتی بوو پشکداری کرنێ د موندیالا یانێن جیھانێ دا ل گەل تیما خوە و ڤەگەراندنا ئەوان وێ چەندێ د گەھینت کو ئەوان ل وەرزێ بوری شیاینە ئاستەکێ بلند پێشکێش بکەن و برنا چامپیونیز لیگ بوو ئەوان دبیتە دەرگەھەکێ مەزن پشکداری د ڤێ قارەمانیێ دا بکەن.
ناڤبری دیارکر ژی ئارمانجا ئەوان یا سەرەکی ئەوە ب ڤەگەرنە مەدرید ب ناسناڤێ چارێ یێ موندیالێ و ناسناڤەکێ دی ل مێژویا یانێ توماربکەین و ھەردیسان ناسناڤێ خوە یێ ٢٠ ل گەل ریال مەدرید .
راموس دیارکر ژی ئەوان رێز بوو ھەر یانەکا د قارەمانیێ دا ھەیە و ھەر یانەکا پشکدار بێ گومان یاریزانێن خودان شیان ل گەل دا ھەنە و خودان ناسناڤ مێژویەکا مەزن ل سەر ئاستێ کێشوارێن خوە لێ ئەو ھاتینە وەلاتێ ئیمارات بتنێ بوو برنا ناسناڤێ قارەمانیێ .
ھەژی گوتنێ یە یانا ریال مەدرید پێنچ جاران پشکداری د ڤێ قارەمانیێ دا کریە و شیا سێ جاران ناسناڤی ب دەستخوڤە بینت ئەوژی ل سالێن ٢٠١٤ و ھەردیسان ل ھەردو قارەمانیێن دووماھیی دا ٢٠١٦ و ٢٠١٧.