ئه‌ڤرۆنيوز:
چه‌ندين ده‌ڤه‌رێن پارێزگه‌ها ميسان يا سه‌ر ب ده‌ڤه‌را مه‌كه ڤه ل باشوورێ رۆژئاڤايێ وه‌لاتێ سعوديێ ، ئه‌ڤرۆ شه‌مبيێ 3/11/2018 به‌فره‌كا زۆر لێ بارى.
چالاكڤانێن تۆرين جڤاكى وده‌زگه‌هێن راگه‌هاندنێ ل سعوديێ وێنه وڤيديۆيێن به‌فرێ به‌لاڤكرن وهنده‌ك ژوان به‌لاڤكر كو ئه‌ڤ وێنه سويسرا نينه، به‌لكو سعوديێ يه.
ئه‌ڤرۆنيوز:
دهێرشه‌كا چه‌كدارێن تيرۆرست يێن داعشێ دا ل سنوورێ پاريزگه‌ها نه‌ينه‌وا، شه‌ش سه‌ربازێن عيراقێ هاتنه كوشتن.
ژێده‌رێن ئه‌منى يێن عيراقى ئاشكراكرن كو هژماره‌كا تيرۆرستێن داعشێ شيان بهێنه دناڤ سنورێ عيراقێ دا ول ده‌ڤه‌ركا نێزيك (ره‌بيعه) ل رۆژئاڤايێ پارێزگه‌ها نه‌ينه‌وا هێرش كريه سه‌ر بنگه‌هه‌كێ له‌شكريێ عيراقێ ودئه‌نجامدا شه‌ش سه‌ربازێن عيراقێ هاتنه كوشتن.
وان ژێده‌رێن ئه‌منى ئاماژه كر كو دوى شه‌رى دا دناڤبه‌را تيرۆرستێن داعشێ وسه‌ربازێن عيراقى، دو تيرۆرستێن داعشێ هاتنه كوشتن.
ئه‌ڤرۆنيوز:
به‌رى ده‌مه‌كێ كێم كوپيتكا ياريێن ڤێ حه‌فتيێ دخۆلا ئينگليزى يا ته‌پا پێى دا دناڤبه‌را يانا لێڤه‌رپۆل ومێهڤاندارا وێ يانا ئه‌رسنال ب ئه‌نجامێ وه‌كهه‌ڤيێ 1-1 ب دووماهى هات.
گۆلا يانا لێڤه‌رپۆل ل خۆله‌كا 61 هاته ژلايێ ياريكه‌رێ وێ جيمس ميله‌ر ڤه هاته تۆماركرن وگۆلا وه‌كهه‌ڤيێ يا يانا ئه‌رسنال ل خۆله‌كا 82 ژلايێ ياريكه‌رێ وێ يێ فه‌ره‌نسى لاگازيت ڤه هاته تۆماركرن.
ب ڤى ئه‌نجامى يانا لێڤه‌رپۆل خالێن خوه گه‌هاندنه 27 خالان و ل رێزا ئيكێ دهێت درێزبه‌ندا خۆلا ئيسپانى دا وئه‌رسنال ب 23 خالان ل رێزا چارێ دهێت.
ئه‌ڤرۆنيوز:
به‌رى ده‌مه‌كێ كێم ياريا يانا ريال مه‌دريد ومێهڤانا وێ به‌له‌دولوه‌ليد ب دووماهى هات وتێدا ريال مه‌دريد سه‌ركه‌فتنه‌كا ب زه‌حمه‌ت ب ئه‌نجامێ 2-0 تۆماركر.
دو لێدانێن ته‌پێ يێن ياريكه‌رێن يانا به‌له‌دولوه‌ليد ب ئاسنێ گولا ريال كه‌فتن وشانسه‌كا باش بۆ ريال دڤێ ياريێ دا هات ب تايبه‌تى هه‌ردو گۆلێن وێ ل خۆله‌كێن دووماهيێ هاتن تۆماركرن، گۆلا ئێكێ ل خۆله‌كا 83 ب رێيا ياريكه‌رێ وێ جونيور يێ به‌رازيلى وگۆلا دويێ ژلايێ رامۆسى ڤه ل خۆله‌كا 88 ب به‌نه‌لتيێ.
ب ڤى ئه‌نجامێ ريال مه‌دريد خالێن خوه گه‌هاندنه 17 خالان ول رێزا شه‌شێ دهێت درێزبه‌ندا خۆلا ئيسپانى يا ته‌پا پێى دا، يانا به‌له‌دولوه‌ليد ژى ب 16 خالان ل رێزا 8 دهێت.
ئه‌ڤرۆ نیوز، نه‌وزاد هلۆرى:
ب پشكداریا 14 گروپێن چیاڤانى ، ڤیسته‌ڤالا چیاڤانى ل هه‌رێما كوردستانێ هاته ئه‌نجامدان و تێدا 250 چیاڤانێن كوردستان و بیانى پشكداربوون.
عه‌بدوللا ئیلیاس، سه‌روكێ گروپێ چیاڤانێن ئاكرێ بۆ ئه‌ڤرۆنيوز دیاركر” ب مه‌ره‌ما هه‌ڤنیاسین و لێكگورهۆرینا هزر و بیرا و به‌رچاڤكرنا سرۆشت و ژینگه‌ها كوردستانێ ، ئه‌ڤرۆ ڤیسته‌ڤاله‌كا چیاڤانى ل قه‌زا شه‌قلاوه بۆ هه‌موو گروپێن چیاڤانیێن هه‌رێمێ هاته ئه‌نجامدان).
زێده‌تر گۆت: (د ڤیسته‌ڤالێ دا 14 گروپێن چیاڤانى ل هه‌رێما كوردستانێ پشكدارببوون كو ئه‌و ژى 250 چیاڤانان بخوڤه دگرت، و ژبلى چیاڤانێن هه‌رێما كوردستانێ دهه‌مان ده‌م دا چیاڤانێن بیانى ژى پشكدارببوون)
ناڤبرى دیاركر ژى كو ڤیستیڤال ل سه‌ر چیایێ سه‌فین ل شه‌قلاوه هاته ئه‌نجامدان و تێدا ژبلى چیاڤانان، تیمێن ڤێراگه‌هشتنا بله‌ز و ساخله‌مى و به‌ره‌ڤانیا باژێرى ژى پشكداربوون داكو سلامه‌تیا چیاڤانان بپارێزن ب تایبه‌تى د ده‌ما دروستبوونا روودانێن نه‌خواستى دا.
ئه‌ڤرۆ نيوز:
تورا رێكخراوێن هه‌ولێرێ ل دژى وه‌رگرتنا وه‌رگرتنا 48 مليون دينارێن خانه‌نشينيا په‌رله‌مانتاران خونيشادانه‌ك ل هه‌مبه‌ر په‌رله‌مانێ كوردستانێ ئه‌نجامدا و داخواز كرن كو حوكمه‌تا هه‌رێمێ پێدانا وى پاره‌ى ره‌ت بكه‌ت ژ ئه‌گه‌رێ قه‌يرانا دارايى.
تورا رێكخراوێن هه‌ولێرێ د به‌ياننامه‌كێ دا داخواز ژ خه‌لكێ كوردستانێ كر، كو چ دى ڤێ نه‌دادپه‌روه‌ريێ كو ژ ئاليێ نوێنه‌رێن وان ڤه دهێته كرن، قه‌بوول نه‌كه‌ن.
ئه‌ڤرۆ نيوز:
به‌يار تاهر ئه‌ندامێ فراكسيونا پارتى ل په‌رله‌مانێ عيراقێ راگه‌هاند، پارتى چه‌ندين تێبينى ل سه‌ر برگه و مادێن پرۆژه ياسايێ بودجه‌يێ گشتى يێ 2019 يێ عيراقێ هه‌نه،هه‌روه‌سا ژ ئاليێ فراكسيونێن سوننه و شيعه گه‌له‌ك تێبينى ل سه‌ر هه‌نه، له‌وما دهێته چاڤه‌رێكرن ئه‌و پرۆژه‌يه ژ ئاليێ په‌رله‌مانێ عيراقێ ڤه بهێته ره‌تكرن.
ئەڤرۆ نیوز:
لدووڤ هندەک زانیاریان، چەندین یانێن مەزن یێن جیهانێ رێككەفتنەک ئیمزاكریە بۆ ڤەكێشانێ ژ خولا یانێن قارەمانێن ئورۆپاو ڤەکرنا خولەکا تەپا پێ بناڤێ خولا سوپەرا ئورۆپی.
رۆژناما دێر شپێگل یا ئەلمانی دڤی باریدا زانیاری بەلاڤەکرینە و تێدا هاتیە رێككەفتنەك دناڤبەرا 16 یانێن مەزن یێن ئورۆپیدایە و لدووڤ وێ رێككەفتنێ، ئەو خولا نوو یا دێ هێتە ڤەکرن دێ ل سالا 2021 دەستپێکەت.
لدووڤ وێ رۆژنامێ، هەر ئێک ژ یانێن ریال مەدرید، بەرشەلۆنە، بایرن میونشن، یوڤانتۆس، مانچستەر ستی، مانچستەر یونایتد، پاریس سان جێرمان، ئەی سی میلان، چێلسی و ئەرسینال دێ ژ یانێن سەرەكی یێن وێ خولا نوو بن، هەروەسا یانێن ئەتلەتیكۆ مەدرید، بوروسیا دۆرتمۆند، مارسیلیا، رۆما و ئینتەرمیلان، دێ ژ وان یانان بن، كو ببنە مێهڤان د وێ خولێدا.
لدووڤ وێ رێكکەفتنێ، ئەو یانە ئێدی د چامپیۆنزلیگا ئورۆپیدا یاریێ ناكەن، یاکو ئێكەتیا تەپا پێ یا ئورۆپا وێفا ساز دکەت، هەروەسا ئاستەنگێن هەمبەر وێ خولێ ژی پارەنە و وان دڤێت دەستكەفتێن مادی یێن وێ خولێ بلند بکەن، بۆ هندێ کو وان یانان زێدەتر ژ وان خولان دەستبكەڤیت، یێن کو وێفا رێكدئێخیت.
ئیكەتیا تەپا پێ یا ئوروپی گۆژمەکی دیارکری یێ پاران ددەتە وان یانێن د خولێن وان دا پشکداریێ دكەن، ئەو ژی دێ لدووڤ ئەنجامێن وان بیت و هەموو گاڤا یانێن مەزن داخوازا زێدەکرنا وان دەستكەفتان دكەن ل هەمبەری پشکداریا وان.
ئه‌ڤرۆنيوز:
دچارچۆڤێ گه‌را 11 ژ خۆلا ئيسپانى يا ته‌پا پێ، يانا ئه‌تله‌تيكۆ مه‌دريد نه‌شيا سه‌ركه‌فتنێ ل سه‌ر يانا ليگانيس ل ده‌رڤه‌ى ياريگه‌ها خوه تۆمار بكه‌ت وياريا وان ئه‌وا ئه‌ڤرۆ هاتيه ئه‌نجامدان ب وه‌كهه‌ڤيێ 1-1 ب دووماهى هات.
يانا ئه‌تله‌تيكۆ مه‌دريد ل خۆله‌كا 69 ب رێيا ياريكه‌رێ خوه گريزمانى ب گۆله‌كێ پێشكه‌فت وبه‌رى ب دووماهى هاتنا ياريێ ب 8 خۆله‌كان يانا ليگانيس گۆلا وه‌كهه‌ڤيێ ب رێيا ياريكه‌رێ خوه كاريۆ تۆماركر.
ب ڤى ئه‌نجامى ئه‌تله‌تيكۆ مه‌دريد ب 20 خالان ل رێزا دويێ دهێت پشتى يانا به‌رشه‌لونا ئه‌وا ب 21 خالان ل رێزا دويێ دهێت ونه‌شيا ب شێوه‌كێ به‌روه‌خت رێزا ئێكێ ژ به‌رشه‌لونا وه‌رگريت كو برياره ئه‌ڤ شه‌ڤه ل ده‌مژمێر 10:45 ل گه‌ل يانا رايو فاييكانۆ ئه‌نجام بده‌ت
يانا ليگانيس ژى ب 9 خالان ل رێزا 18 دهێت.
ئه‌ڤرۆ نیوز، نه‌وزاد هلۆرى:
وه‌زاره‌تا خواندنا بلند و ڤه‌كولینێن زانستى دیاركر كو پشتى ڤه‌كرنا ده‌رگه‌هێ بلندكرنا سكالایان بو قوتابیێن نه‌رازى یێن رێزا 12ێ ئاماده‌یى ، وان زێده‌تر ژ 15 هزار و 700 قوتابیێن دى ل زانكۆ و په‌یمانگه‌هێن هه‌رێما كوردستانێ وه‌رگرتن ، جهێن هژماره‌كا دى یا قوتابیان ژى هاته گوهۆرین.
عه‌باس ئه‌كره‌م، په‌یڤدارێ وزاره‌تا خواندنا بلند و ڤه‌كولینێن زانستى گۆت: (پشتى كو قوتابیێن نه‌رازى ل هه‌رێما كوردستانێ سكالا بو وه‌زاره‌تا خواندنا بلند و ڤه‌كولینێن زانستى بلندكرى و پێداچۆن دوان سكالایان دا هاتیه‌كرن، هژماره‌كا زور یا قوتابیان دووباره وه‌رگرتن ڤه).
زێده‌تر گۆت: (وه‌زاره‌تا خواندنا بلند یا هه‌رێما كوردستانێ نه‌ڤیایه چو قوتابى ل مالێن خوه بمینن و ماندووبوونا وان به‌رئاڤ دا بچیت ژبه‌رڤێ چه‌ندێ وان ده‌رفه‌ته‌كا دى دایه قوتابیان ، و ژسه‌رجه‌مێ 19 هزار و 854 سكالایێن كو هاتینه بلندكرن د ئه‌نجام دا 15 هزار و 763 هاتنه وه‌رگرتن، و چار هزار و 91 قوتابیێن دى جهێن خوه ل كولیژه‌كێ بو كولیژه‌كا دى گوهۆرى یان ژ په‌یمانگه‌هان هاتنه گوهۆرین بو زانكویان و هاتنا ناڤێن قوتابیان ژى لسه‌ر ره‌زامه‌ندیا وان بوویه و ئه‌و جهێ قوتابى سكالا ژبو وى بلندكرى ل وى جهى هاته وه‌رگرتن).
ب گوره‌ى ئاخفتنێن عه‌باسى 674 قوتابى ده‌رچویێن خولا ئێكى بوون و زێده‌تر گۆت: (نوكه ل زانكو و په‌یمانگه‌هێن هه‌رێما كوردستانێ 43 هزار و 426 قوتابى بو خواندنا سالا 2018-2019 هاتینه وه‌رگرتن، وه‌زاره‌تا خواندنا بلند ب جوداهیا سێ نمره‌یان قوتابیێن ده‌رچویێن رێزا 12ێ بو خولا ئیكێ و دویێ وه‌رگرتن).
نيشاندان