ئەڤرۆ نیوز، رێوار مزیری:
قایمقامێ قەزا شنگالێ بۆ ئەڤرۆ نیوز دیار کر کو پشتی دوھی رێیا سێحێلا بۆ شنگالێ ھاتیە ڤەکرن، ئەڤرۆ رۆژا 16/12/2018ێ ل دەمژمێر 10:30 سپێدێ دێ رێیا زۆمار ژی ب شێوەکێ فەرمی ھێتە ڤەکرن.
مەحما خەلیل، قایمقامێ قەزا شنگالێ ئاشکرا کر کو ڤەکرنا رێیا سحێلا و زۆمار دەستکەفتەکە بۆ خەلکێ دەڤەرێ، چونکی ئەڤ رێ یە دێ بنە کلیل بۆ ئەنجامدانا گەلەک کاران و سەرەرایی ڤێ چەندێ دێ بزاڤا بازرگانی ل دەڤەرێ پەیدابیت و گۆت: “بەری نوکە ژی بزاڤ بۆ ڤەکرنا ڤێ رێ یێ دھاتنە کرن، لێ حوکمەتا عیراقێ ئاستەنگ پەیدادکرن و بتایبەتی حەشدا شەعبی نەدھێلا ئەڤ رێیە بھێتە ڤەکرن”.
ناڤھاتی ئاماژە دا وێ چەندێ کو ل دووڤ وان پێزانینێن عەمید ئاشتی کۆچەر، رێڤەبەرێ ئاسایشا رۆژئاڤایێ دیجلە داینە وان د ڤێ قووناغێ دا ئەڤ رێ یە دێ ژ دەمژمێر 7:00 سپێدێ ھەتا 6:00 ئێڤاری یا ڤەکری بیت.
نيشاندان
