ئەڤرۆ نیوز:
یاریزانێ نیڤدەولی یێ عیراقێ و یانا ریزا سپور یا تورکی زرغام ئیسماعیل ب فەرمی ئەڤرۆ دەست بەردانا خوە ژ یانا خوە یا تورکی وەرگرت پشتی ھەڤبەستا خوە ل گەل وێ یانێ ھەلوەشاندی بێ بەرامبەر لێ دەست ژ ماڤێن خوە یێن یانێ بەردەی .
ل دیڤ ژێدەرێن رۆژنامەڤانی یێن عیراقی یانا تورکی ل گەل زرغام رێککەفتی یە یاریزانێ ناڤبری داخوازا مافێن خوە یێن مای ل گەل یانێ نەکەت بەرامبەر دەست بەردانی و ئەو یاریزان ژی ل سەر وێ داخوازیا وێ یانێ رازیبوویە .
ئەوان ژێدەران ئەو چەندە ژی دیارکریە پشتی چارەسەریەکا باش بوو ڤی یاریزانی ھاتیەکرن و نوکە رەوشا وی گەلەک باشە و ب تمامی ژ ھنگافتنێ قورتال بوویە یێ بەرھەڤە ل ڤەگوھاستنێن زڤستانێ بوو کرنا یاریان ل دیڤ ژێدەرێن دەنگوباسی یاریزانێ ناڤبری گەھشتی یە رێککەفتنێ ل گەل یانا خوە یا بەری نوکە یا عیراقێ یانا شورتە بوو ئیمزاکرنا ھەڤبەستێ و چاڤەرێ دھێتەکرن ل ماوێ چەند رۆژێن بھێت ب فەرمی ھەڤبەستا وێ یانێ ئیمزا بکەت.
ھەژی گوتنێ یە زرغام ئیسماعیل ل سالا ٢٠١٥ ژ یانا شورتە ھاتبوو ڤەگوھاستن بوو یانا ریزا سپور یا تورکی و ل گەل وێ یانێ ھەتا نوکە ٥٢ یاری ئەنجامدای نە لێ ل وەرزێ بوری وەرە یاریزانێ ناڤبری توشی ھنگافتنەکا گران بوویە و دو نشتەگەری بوو چوکێن وی ھاتینەکرن و ھەردیسان یاریزانێ ناڤبری بوو ھەموو ھەلبژارتیێن عیراقێ پێگەھشی و لاوان و ئولومپی و ھەلبژارتیێ ئێکێ عیراقێ یاری کریە و دھێتە ھژمارتن ئێک ژ باشترین یاریزانێن ھێلا بەرەڤانیێ ل لایێ چەپێ.

ئەڤرۆ نیوز،ھەژار مەعروف:
د وەرزێ ئەڤ سالە دا بەردەوامی گوھورین د لیستەیا خولا پلا نایاب یا کوردستانێ دا دھێنەکرن ژبەر ئەو ھەڤرکیا دناڤبەرا یانێن پشکدار یێن دخۆلا کوردستانێ دا دڤێ حەفتیێ دا ھەردو ریزێن پێشیی گوھورین ب خوڤە دیت کو پێشمەرگا ھەولێر سەرێ لیستەیا خولێ ژ ھەڤالا خوە پێشمەرگا سلێمانیێ وەرگرت و ئەو یانە پاشڤە چو رێزا دوێ و تیما دھۆک ژ رێزا چارێ پاشڤە ھاتە رێزا دوێ ھەردیسان ل رێزبەندیێن دی ژی چەند گوھورین پەیدابووینە.
دڤێ حەفتیێ دا دھۆک جارەکا دی دھۆکێ تام کرە سەرکەفتنێ پشتی ل چار حەفتیێن بوری نەشیای سەرکەفتنێ توماربکەت دەمێ وەکھەڤبوو لێ دڤێ حەفتیێ ب رێیا ئارارات جارەکا دی دەست ب سەرکەفتنا کر ، دڤێ حەفتیێ دا رێژەیا تومارکرنا گولان ژ حەفتیا بوری زێدەتر بوو کو دڤێ حەفتیێ دا ١٦ گول ھاتنە تومارکرن کو ل حەفتیا بوری ١٤ ھاتبوونە تومارکرن.
ھەلویستێ خولێ پشتی بورینا ٩ حەفتیان ب ڤی رەنگی یە
١- پێشمەرگا ھەولێر ١٩ خال
٢- دھۆک ١٧ خال
٣- پێشمەرگا سلێمانیێ ١٧ خال
٤- نەوروز ١٥ خال
٥- ئارارات ١٤ خال
٦- زێرەڤانی ١٣ خال
٧- دەربەندیخان ١٢ خال
٨-ھندرین ١١ خال
٩- شێروانە ١١ خال
١٠- ھەولێر ٩ خال
١١- گازی باکور ٨ خال
١٢- زاخۆ ٨ خال
١٣- برایەتی ٧ خال
١٤ ئاکرێ ٥ خال

ئەڤرۆ نیوز،ھەژار مەعروف:

فوتو: یوسف کەرکوکی
ب ئەنجامدانا سێ یاریا ئەڤرۆ یاریێن گەرا نەھێ ژ خۆلا پلا نایاب یا کوردستانێ ب دووماھیی ھاتین کو ھەرسێ نوونەرێن پارێزگەھا دھۆکێ نەشیان سەرکەفتنێ توماربکەن پشتی زێرەڤانی دەلیڤەیەکا گرنگ ژ دەستدای دناڤ ئەرد و جەماوەرێ خوە دا وەکھەڤبووی و ھەردو یانێن زاخۆ ئاکرێ ژ دەرڤەی یاریگەھا خوە توشی خوسارەتیەکا مەزن بووین.
ل یاریگەھا خوە ل باژێرێ دھۆکێ تیما تەپا پێ یا زێرەڤانی نەشیا بەردەوامی ب دەتە کاروانێ سەرکەفتنێن خوە پشتی ل دو یاریێن بوری ل دیڤ ئێک شیای سەرکەفتنێ توماربکەت لێ د ڤێ حەفتیێ دا نەشیا سەرکەفتنێ توماربکەت دەمێ ل گەل یانا گاز باکور وەکھەڤبووی بێ گول و ب ڤی ئەنجامی زێرەڤانی خالێن خوە گەھاندنە ١٣ خالان ل رێزا شەشێ دھێت د لیستەیا خولێ دا.
ژلایەکێ دیڤە یانا زاخۆ توشی خوسارەتیەکا مەزن بوو ل سەر دەستێ یانا شێروانە ل یاریگەھا شێروانە ب سێ گولان بێ بەرامبەر کو ئەڤە د بیتە خوسارەتیا ٣ بوو یانا زاخۆ ل وەرزێ ئەڤ سالە و پاشڤە چوو رێزا ١٢ ب ھەشت خالان .
تیما ئاکرێ ژی بەردەوامی دا ئەنجامێن خوە یێن لاواز ل وەرزێ ئەڤ سالە دەمێ دڤێ حەفتیێ دا ژی توشی خوسارەتیەکا مەزن بووی ل سەر دەستێ یانا پێشمەرگا ھەولێر ب چار گولان بەرامبەر گولەکێ کو ژ سەرجەمێ ٩ یاریان ئێک سەرکەفتن ل گەل دو وەکھەڤیا و شەش خوسارەتیا ھەیە نوکە پێنچ خال ھەنە ل رێزا دووماھیێ و چاردێ دھێت د لیستەیا خولێ دا.