ئهڤرۆنيوز:
ياريا دووماهيێ يا قارهمانيا ئێكهتيا ئاسيا بهرى دهمهكێ كێم ل ياريگهها بهسرا يا نێڤدهولهتى ب دووماهى هات ب سهركهفتنا يانا جهويه يا عيراقى ل سهر يانا ئهلتين ئهسير يا توركمانستانى ب ئهنجامێ 2-0.
يانا جهويه بۆ جارا سيێ ل دووڤ ئێك دبيته ههلگرا ڤێ قارهمانيێ پشتى ل سالێن 2016 و2017 ناسناڤێ وێ قارهمانيێ ب دهستڤهئيناى.
ئهڤرۆنيوز:
بهرى دهمهكێ كێم ياريا يا لێڤهرپۆل ومێهڤانا وێ كارديف ستى دچارچۆڤێ گهرا دههێ يا خۆلا تهپا پێ يا ئينگليزى بۆ يانێن پلا ياناب ب دووماهى هات ب سهركهفتنا لێڤهرپۆل ب ئهنجامێ 4-1.
گۆلێن لێڤهرپۆل ل خۆلهكێن 10 و66 و84 و88 ژلايێ ياريكهران محهمهد سهلاح وساديۆ مانى (دو گۆل) وشاكيرى ڤه هاتنه تۆماركرن، گۆلا ئێكانه يا يانا كاريف ستى ل خۆلهكا 77 ژلايێ ياريكهرێ وى پاترسۆن ڤه هاته تۆماركرن.
ب ڤى ئهنجامێ يانا لێڤهرپۆل ب 26 خالان ل رێزا ئێكێ دهێت درێزبهندا خۆلا ئينگليزى دا ويانا كارديف ستى ب 5 خالان ل رێزا 17 دهێت.
ئهڤرۆ نیوز ، نهوزاد هلۆرى:
پشتى كو ل سێ رۆژێن بۆرى پێلهكا بارانێ ب سهر ههرێما كوردستانێ دا هاتى ب تایبهتى دهڤهرێن چیایى ،و دنوكه دا دهڤهرا بارزان پهلا كهفتیه و جوتیار دشێن چاندنێ بكهن، ئهڤه ددهمهكێ دایه كو پارسال ل ڤى دهمى دا چو باران نه بارى بوون.
محهمهد مێرگهسوورى، رێڤهبهرێ چاندنا مێرگهسوور بو ئهڤرۆ نیوز گۆت: (پشتى كو سێ رۆژێن بۆرى پێلهكا بارانێ ب سهر ههرێما كوردستانێ دا هاتى ب تایبهتى دهڤهرێن چیایى ، و دنوكه دا ل دهڤهرا بارزان پهلا كهفتیه و جوتیار دشێن چاندنێ بكهن، ژبهركو ئهڤ ساله زێدهترى 210ملم بارانێ بارینه).
زێدهتر گۆت: (پارسال دڤى دهمى دا ئێك دلوپا بارانێ ژى نهبارى بوو، سوپاس بو خودێ بهرهكهتا ئهسمانى ب سهر ههرێما كوردستانێ دا هات و جوتیارێن مه دشێن دهست ب چاندنێ بكهن ب تایبهتى گهنم و جههى و بارانا پێدڤى يا بارى).
ب گۆرهى پێزانینێن رێڤهبهریا گشتى یا كهشناسى و بیڤهلهرزان لههرێما كوردستانێ، ل پتريا دهڤهرێن ههرێما كوردستانێ بارانا پێدڤى يا بارى و پهلا كهفتیه و سالا بۆرى دڤى دهمى دا چو باران نهبارى بوو.
ئهڤرۆنيوز:
مالپهرهكێ عيراقى پۆستێ نوو يێ حهيدهر عهبادى سهرۆك وهزيرێن عيراقێ يێ بهرێ ئاشكرا دكهت.
مالپهرێ (بغداد نيوز) يێ عيراقى ئهڤرۆ شهمبيێ 27/10/2018 بهلاڤكر كو عادل عهبدولمههدى سهرۆك وهزيرێن عيراقێ پشتى ههردو پۆستێن وهزيرێ بهرگريێ ووهزيرێ ناڤخوه ب وهكالهت وهرگرتين ههتاكو دهنگدان ل سهر وان ههردو وهزيران دهێته كرن، پۆستێن دى يێن ئێمناهيێ ژى داينه كهسايهتيێن دى.
وى مالپهرى دياركر كو عهبدولمههدى پۆستهكێ نوو دايه حهيدهر عهبادى سهرۆك وهزيرێن بهرێ ئهوژى پۆستێ سهرۆكێ دهستهيا حهشدا شهعبى يه.
دياركر ژى كو قاسم ئهعرهجى، وهزيرێ ناڤخوه يێ حوكمهتا عهبادى بوويه سهرۆكێ دهزگههێ ئاسايشا نيشتمانى ووهزيرێ بهرگريێ بهرێ ژى عرفان ئهلحهيالى بويه شيرهتكارێ ئاسايشا نيشتمانى.
ئهڤرۆنيوز:
سهرۆكا فراكسيۆنا پارتى ديموكراتى كوردستان ل پهرلهمانێ عيراقێ راگههاند، بۆ ئێكلاكرنا وان ههشت وهزارهتێن ماين كو دهنگ ل سهر بهێته دان، لايهنێن سياسى يێن ددانوستاندنێ دا، دياركر ژى وهرگرتنا پۆستێ وهزارهتهكا دى دحوكمهتا نوو يا عيراقێ دا، ب مافێ خوه دزانين وسيڤيێ بهربژارێ پارتى مه يێ پێشكێشكرى.
ل ئێڤاريا رۆژا 24/10/2018 روونشتنا پهرلهمانێ عيراقێ بۆ دهنگدانێ ب كابينا نوو يا حوكمهتا عيراقێ ب رێڤهچوو و14 وهزيران باوهريا پهرلهمانى بدهستڤهئينا ودهنگدان بۆ 8 وهزارهتان ژى بۆ 6/11/2018 هاته پاشخستن.
سهبارهت ئێكلاكرنا وان 8 وهزارهتێن ماين، ڤيان سهبرى، سهرۆكا فراكسيۆنا پارتى ل پهرلهمانێ عيراقێ بۆ مالپهرێ فهرميێ پارتى ديموكراتى كوردستان گۆت” نوكه دانوستاندن بۆ ئێكلاكرنا وان 8 وهزارهتان يا بهردهوامه بۆ وێ چهندێ تاكو رۆژا 6/11/2018 ئهو وهزارهت ژى بهێنه پهسهندكرن”.
پارتى ژوان 14 وهزارهتێن هاتينه پهسهندكرن، دو وهزارهت وهرگرتينه ئهوژى وهزارهتا دارايى ووهزارهتا ئاڤهدانكرن وئاكنجيكرنێ، ل دۆر وهرگرتنا وهزارهتهكا دى ژى ژلايێ پارتى ديموكراتى كوردستان ڤه، ڤيان سهبرى گۆت” ب گۆرهى خال وب دهستڤهئينانا كورسيان دههلبژارتنان دا، وهكو پارتى ب مافێ خوه دزانين وهزارهتهكا دى ژوان 8 وهزارهتێن ماين وهربگرين، بۆ وێ چهندێ ژى مه ناڤێ بهربژارێ خوه پێشكێش كريه وچاڤهرێ ئهنجامێن دانوستاندناينه”.
ئهڤرۆنيوز:
سهرۆكێ توركيا رهجهب تهيب ئهردۆگان ئهڤرۆ شهمبيێ 27/10/2018 برياردا 39 پارێزگهرێن پارێزگههێن توركيا بهێنه گوهۆرين كو 2ژ ژوان پارێزگهرێن نوو نه و18ژى دێ هێنه ڤهگۆهاستن.
ل دووڤ ئاژانسا ئهنادۆل يا دهنگوباسان يا توركى” ئهردۆگانى بريار دايه ژ سهرجهمێ 81 پارێزگهران، 39 پارێزگهر بهێنه گوهۆرين”.
ئهڤرۆنيوز:
جێگرێ وهزيرێ ساخلهميا ئيرانێ، محهمهد هادى ئهيارى ئهڤرۆ شهمبيێ 27/10/2018 راگههاند، پێنج مليۆن وهلاتيێن ئيرانى نهخوهشيا شهكرێ يا ههى.
ئهيارى ل دهمێ سهرهدانا زانكۆيا (زاهدان) يا نوشدارى كرى بۆ دهزگههێن راگههاندنێ گۆت” پێنج مليۆن وهلاتى تووشبوويێن نهخوهشيا شهكرێ نه وهندى وێ هژمارێ ژى يێن ل بهر تووشبوونێ ب ههمان نهخوهشى”.
دياركر ژى”هژمارا تووشبوويێن نهخوهشيا شهكرێ ل ئيرانێ دبيته 10% ژ رێژا ئاكنجيان”.
ئهڤرۆنيوز:
رێڤهبهرێ بهلاڤكرنا بهرههمێن گازێ ل پارێزگهها ههولێرێ راگههاند، دهمهكه مه دهست ب بهلاڤكرنا گازێ ل دهڤهرێن چيايى كرى ودهمێ چهند رۆژانه ژى هنارتنا گازێ ژلايێ بهغدا زێدهبوويه، لهوما ل گهل دهڤهرێن چيايى، مه دهست ب بهلاڤكرنا گازێ ل ناڤ سهنتهرێ باژێرێ ههولێرێ ژى كريه ول دهستپێكێ دێ ل تاخێن ههژار يێن باژێرى گازێ بهلاڤكهين.
مستهفا تاها، رێڤهبهرێ بهلاڤكرنا بهرههمێن گازێ ل پارێزگهها ههولێرێ بۆ مالپهرێ فهرميێ يێ پارتى ديموكراتى كوردستان گۆت” ل رۆژا پێنجشهمبيا بۆرى 25/10/2018 ل تاخێ سهيداوه گاز هاتيه بهلاڤكرن وئهڤرۆ شهمبيێ ل كهسنهزان دهێته بهلاڤكرن، دێ بهردهوام بين ژى ل سهر بهلاڤكرنا گازێ ههتا ههموو وهلاتى وهدگرن”.
خوياكر ژى” ل سنورێ پارێزگهها ههولێرێ ب گشتى مه پێدڤى ب 100 مليۆن لترێن گازێ يا ههى وبۆ ئهڤ ساله ژى بهرميلهكا گازێ ب 50 هزار ديناران دێ ب وهلاتيان هێته دان ول دهرڤهى سهنتهرێ ههولێرێ ب 51 هزار دينارانه وههر بهرميهلهك ژى 220 لترن”.
ئهڤرۆنيوز:
ژبهر روودانا رۆژا پێنجشهمبى يا بۆرى ل دهڤهرا دهريا مرى ل ئوردنێ كو ژئهنجامێ لههيان زێدهتر ژ 20 كهسان گيانێ خوه دهستداى، نێچيرڤان بارزانى سهرۆك وهزيرێن ههرێما كوردستانێ نامهكا ههڤخهميێ ئاراستهى شاهێ ئوردنێ عهبدوللا كورێ حوسهينى كر.
نێچيرڤان بارزانى دناما خوه يا ههڤخهميێ دا گۆت” ههڤسۆز وههڤخهمێن ههوه و گهل وحوكمهتا ئوردونێ وكهسوكارێن قوربانيان نه وسهرخوهشيێ ل ههوه دكهين”.
ئەڤرۆ نیوز، شەهلا رێكانی:
سوئات ئوستا، ئەكتەرێ بەرنیاسێ باكورێ كوردستانێ بۆ ئەڤرۆنيوز گۆت: (ئەڤە جارا چارێ یە ئەز پشكداریێ د فلمە ڤیستەڤالا دهوكێ یا نیڤدەولەتی دا دكەم، گەلەكێ كەیف خوهشم ب ئەنجامدانا ڤێ ڤیستەڤالێ ل باژێرێ دهوكێ).
سوئات ئەو ژی گۆت: (نێزیكبۆنا من و هونەری هوسا چێبو ل دەستپێكێ من تەمبور دژەنی پاشی دەست ژ تەمبورێ بەردا و دەست ب شانویێ كر و پاش درامایێ و پاش سینەمایێ).
سوئات گۆت ژی: (من پشكداری د چەندین فلمێن سینەمایا كوردیدا كریە ژ وان ژی ( زاگرۆس، چاردەی تیرمەهێ، وەلاتێ منێ تەعل و شرین، بیرئانینا ل سەر كەڤرا، ئالان، پانتور…) و ئەڤ فلمە د ڤیستەڤالێن نیڤ دەولەتی دا هاتینە نیشان دان و خەلات ژی ڤان فلما وەرگرتینە، هەروەسا ئەڤە 17 سالە ئەز د ناڤا سینەمایێ دا كار دكەم).
دياركر: (هەتا نها من یەك خەلات د وارێ سینەمایێ دا وەرگرتیە).
ل دۆر شەشەمین فلمە ڤیستەڤالا دهۆكێ گۆت: (سینەمایێ سنور نینە، ئاستێ ڤیستەڤالێ باش د هەلسەنگینم، ژبەركو ئەڤ سالە فلمە ڤیستەڤالا دهوكێ پێشڤەچۆنەكا باشتر ب خۆڤە دیتیە ژ سالێن بوری).
بۆ زانین فلمێ (زاگرۆس) د شەشەمین فلمە ڤیستەڤالا دهوك یا نیڤدەولەتی دا هاتیە نیشان دان.
نيشاندان