ئەڤرۆ نیوز:
پشتی یانا ریال مەدرید ب کومکرنا ١٢ خالان وەکو سەرکێشیا کوما خوە دەربازی قوناغا ١٦ ژ قارەمانیا چامپیونیز لیگا ئورۆپا بووی و چاڤەرێ دھێتەکرن ل رۆژا دوشەمبیا بھێت پشکێشانا قوناغا ١٦ بھێتەکرن و چاڤەرێ دھێتەکرن یانا مەلەکی ھەمبەری ئێک ژ یانێن رێزا دوێ بیت ئەوێن شیان دەربازی قوناغا ١٦ بەن ژ قوناغا کومان .
ئەو یانێن چاڤەرێ دھیتەکرن بکەڤنە ھەمبەری یانا ریال مەدرید ل قوناغا ١٦ ھەر ئێک ژ یانێن توتنھام، مانچێستەر یوناید، لیڤەرپول یێن ئینگلیزی نە یان شالکە یا ئەلمانی یان لیون یا فرەنسی یان ئەجاکس یا ھولەندی یە.

ھەژی گوتنێ یە یانا ریال مەدرید ھەلگرا ھەرسێ ناسناڤێن دووماھیا قارەمانیا چامپیونیز لیگا ئورۆپا و ل پێنچ دووماھیی ناسناڤێن ڤێ قارەمانیێ شیا چار جاران ناسناڤی ب دەستخوڤە بینت و ھەردیسان ١٣ جاران ئەڤ ناسناڤە ب دەستخوڤە بریە ئانکو شارەزایەکا مەزن د ڤێ قارەمانیێ دا ھەیە

ئەڤرۆ نیوز،ھەژار مەعروف:

ھەر پێنچ خولێن مەزن ل سەر ئاستێ ئورۆپا خولێن ئنگلتەرا و ئیسپانیا و ئیتالیا و ئەلمانیا ل گەل یا فرەنسی نوکە دھێنە ھژمارتن بەرنیاسترین خول ل سەر ئاستێ ئورۆپا و جیھانێ کو ھژمارەکا مەزن یا ستێرێن جیھانی پشکدارن ل ڤان ھەر پێنج خولان دا کو دناڤا خولێ دا چەندین یاریزان نوکە ھەڤرکیا ئێک دکەن بوو دەستڤە ئینانا سەرکێشیا گولکەرێن خولێ .

لیستەیا گولکەرێن خولێ ب ڤی شێوەیێ خوارێ یە .

خۆلا ئیسپانیا 

پشتی بورینا ١٥ حەفتیان ژ خۆلا لالیگا ئیسپانیا ھەڤرکیەکا مەزن ل سەر گولێکەرێن خولێ دھێتەکرن کو دناڤا ھەشت یاریزانێن دەستپێکێ ھیچ یاریزانەکێ یانا ریال مەدرید ل گەل دا نەبوو .

لیونێل میسی ژ یانا بەرشەلۆنا ١١ گول

کیرستیان ستوانی ژ یانا جیرونا ١١ گول
ئایاگو ئاسپاس ژ یانا سلتاڤیگو ١٠ گول
لویس سوارێز ژ یانا بەرشەلۆنا ١٠ گول
ئەندرێ سیلڤا ژ یانا سیڤلیا ٨ گول
ماکسیمیلیانو گومێز ژ یانا ئیسپانیول ٨ گول
پورخا ئیگلیسیاس ژ یانا لیڤانتی ٨ گول
وروگر مارتی سالفادور ژ یانا سیڤلیا ٨ گول

خۆلا ئنگلتەرا

ل خۆلا ئنگلتەرا ژی دا پشتی بورینا ١٦ حەفتیان ھەڤرکی یا ب ھێزە دناڤبەرا یاریزانان کو ل ھەشت یاریزانێن دەستپێکێ جوداھی بتنێ دو گول دناڤبەرا ئەوان دا کو سەرکێشیا وێ ھەردو یاریزانێن کێشوارێ ئەفریقیا ئوبامیانگ ژ ئەرسینال و یێ مسری محەمەد سەلاح ژ لیڤەرپول ب توماکرنا ١٠ گولان

ئوبامیانگ ژ یانا ئەرسینال ١٠ گول

محەمەد سەلاح ژ یانا لیڤەرپول ١٠

ھاری کین ژ یانا توتنھام ٩ گول
کالیوم ویلسون ژ یانا پورپموس ٨ گول
سێرجیو ئوگویرو ژ مانچێستەر سیتی ٨ گول
رحیم سترلینگ ژ یانا مانچێستەر سیتی ٨ گول
گلین مورای ژ یانا برایتون ٨ گول
ریتشاردلیسون دی ئەنداردی ژ یانا ئیڤەرتون ٨ گول

خۆلا ئیتالیا

دخۆلا کاتشیو یا ئیتالی دا ئێک ژ بەرنیاسترین یاریزانێن جیھانێ ل وەرزێ ئەڤ سالە چویە وێ خولێ ئەوژی رونالدو کو ئەو ھەتا نوکە یێ ھەڤرکیا گولکەریا وێ خولێ ژی دکەت لێ یاریزانێ پولەندی و یانا جەنەوا بیانیک سەرکێشیا خولێ دھێت

لیستەیا گولکەرێن خولێ پشتی بورینا ١٥ یاریان ب ڤی شێوەیە

کریستوف بیاتیک ژ یانا جەنەوا ١١ گول

رونالدو ژ یانا یوڤانتوس ١٠ گول

شیرو ئایموبیلی ژ یانا لازیو ١٠ گول
فرانشیسکو کابوتو ژ یانا ئەمپولی ٨ گول
ماورو ئیکاردی ژ یانا ئەنتر میلان ٨ گول
فابیو کوالیاریلا ژ یانا سامبدوریا ٨ گولان

خۆلا ئەلمانیا 

دخۆلا بوندوس لیگا ئەلمانی دا یاریزانێن ھەردو یانێن ئنتراخت فرانکفورت و بروسیا دورتموند کونترولا ھەر چوار یاریزانێن دەتسپێکێ کریە پشتی بورینا ١٤ حەفتیان ژ خولێ

لوکا جوڤیتچ ژ یانا ئەنتراخت فرانکفورت ١٠ گولان

پاکو ئەلکاسیر ژ بروسیا دورتموند ١٠ گولان
سپاستیان ھیلیر ژ ئینتراخت فرانکفورت ٩ گول
مارکو رویس ژ بروسیا دورتموند ٩ گول
لیڤاندوڤسکی ژ بایرن میونیخ ٩ گول
تیمو فیرانیر ژ لایبزیگ ٨ گولان
ئەلحسن بلیا بروسیا مشنگلادباگ ٨ گول
سورگان ھازارد ٨ گول بروسیا مشنگلادباگ ٨ گول

خۆلا فرەنسا 

دخۆلا فرەنسا دا پشتی بورینا ١٧ حەفتیان سێ یاریزانێن یانا پاریس سانجێرمان کونترولا ھەر شەش یاریزانێن دەستپێکێ یا لیستەیا گولکەرێن خولێ دھێت

کیلیان مپاپی ژ پاریس سانجێرمان ١٢ گول

ئیمیلیانو سالا ژ نانت ١٢ گول

نیمار ژ یانا پاریس سانجێرمان ١١ گول
فلوران توفین ژ یانا مارسیلیا ١١ گول
نیکولاس پیپی ژ یانا لیل ١١ گول
ئەدیسون کاڤانی ژ پاریس سانجێرمان ١٠ گول

ئەڤرۆ نیوز:
ستێرا ھێلا ناڤینا ئیسپانی و یانا مانچێستەر یوناید خوان ماتا بەحس ل پاشەرۆژا خوە کر ل یانا خوە و خۆلا ئنگلتەرا .
ھەڤبەستا ماتا چاڤەرێ دھێـتەکرن ل ھاڤینا ئەڤ سالە ل گەل یانا مانچێستەر یوناید ب دووماھیی بھێت و ھەتا نوکە یانا وی دانوستاندن ل گەل نەکرینە بوو درێژکرنا ھەڤبەستا وی و وەسا دھێتە پێشبینی کرن جارەکا دی ڤەگەریتە خۆلا ئیسپانیا ل دیڤ گوتنا چەند رۆژنامەیێن ئیسپانی.
ماتا د بەرسڤا پرسیارەکا رۆژناما دیلی میل یا ئینگلیزی دا پشتی وێ رۆژنامێ پرسیار ژێ کری ئەرێ ل دووماھیا ڤی وەرزی دێ جارەکا دی ڤەگەریە خۆلا ئیسپانیا یاریزانێ ناڤبری دیارکر د ڤی دەمی دا ئەو نەشێت چو بریارە ل سەر چوونا خوە بدەت ژبەرکو ئەو نوکە یێ ل گەل یانا خوە ئارامە و تایبەت ل وەلاتێ ئنگلتەرا ل ئێک ژ بەرنیاسترین یانێن ڤی وەلاتی و جیھانێ یاریێ دکەت ھەکە ھەڤبەستا ئەوی ب دووماھیی ھات و دەم ھات بریارا دووماھیێ بدەت ئەو دێ وی دەمی بریارا ھەلبژارتنا یانەکا نوو دەت لێ نوکە ئەو نەشێت چو بریارە ل سەر ھەلبژارتنا پاشەرۆژا خوە بدەت.
ھەردیسان ماتا یێ ٣٠ سالی ئەو چەندە ژی دیارکر نوکە ئەو گەلەک یێ کەیفخوشحالە ل یانا خوە ھەردیسان ئەڤە بوو ماوێ شەش سالانە یاری ل ئنگلتەرا کەت و دڤێ خولێ دا ئەو گەلەک یێ ئارامە.

ئەڤرۆ نیوز،ھەژار مەعروف:
ب ئەنجامدانا سێ یاریان ئەڤرۆ یاریێن گەرا ١٢ ژ خۆلا پلا نایاب یا عیراقێ ب دووماھیی ھاتن کو ھەتا نوکە ھەڤرکیەکا ب ھێز ل سەر رێزێن پێشیێ دھێتەکرن ھەردیسان حنێرا وەرزێ ئەڤ سالە یانا کەرخ ئەوا ل وەرزێ ئەڤ سالە ژ خۆلا پلا ئێک ب سەرکەفتی بۆ خۆلا پلا نایاب ھەڤرکیا مەزنێن عیراقێ کەت بوو برنا ناسناڤێ خولێ و نوونەرا ھەرێما کوردستانێ یانا ھەولێر بەردەوامی دا ئەنجامێن خوە یێن لاواز ل وەرزێ ئەڤ سالە پشتی دوھی توشی خوسارەتیا سیێ ل دیڤ ئێک و یا پێنجێ بوو ل وەرزێ ئەڤ سالە و نوکە ل رێزا دوازێ د ھێت ب کومکرنا ١٣ خالان .
ل رێزێن پێشیێ ھەر سێ یانێن شورتە و جەویە و زەورا ھەڤرکیەکا دژوار ل گەل ئێک کەن ھەردیسان ھژمارەکا مەزن یا ستێرێن عیراقێ ل خوە کومکرینە تایبەت یانا شورتە و یانا کەرخ کو ب حنێرا ئەڤ سالە دھێتە دیارکرن ھەتا نوکە ژ ١٢ یاریان شیا ٢٧ خالان کوم بکەت و ھەردو یانێن نەفت میسان و نەفت بەردەوام بزاڤێن ھەڤرکیا رێزێن پێشیی دکەن تایبەت یانا نەفت کو پێشبینیەکا مەزن دھێتەکرن ل ماوێ بھێت ئەو بشێت پتر ھەڤرکیێ ل سەر سێ رێزێن پێشیێ دخولێ دا بکەت.
ھەلویستێ خولێ پشتی بورینا ١٢ یاریان ب ڤی رەنگێ خوارێ یە
١- شورتە ٢٧ خال کێمتر یاریەکێ
٢- کەرخ ٢٧ خال
٣-زەورا ٢٥ خال
٤- جەویە ٢٤ خال کێمتر یاریەکێ
٥-نەفت میسان ٢٠ خال کێمتر یاریەکێ
٦-نەفت ١٧ خال کێمتر دو یاریان
٧-حدود ١٧ خال
٨-تەلەبە ١٦ خال
٩-نەفت وەست ١٥ خال کێمتر یاریەکێ
١٠-مینا ١٣ خال
١١- نەفت ئەلجنوب ١٣ خال کێمتر یاریەکێ
١٢-ھەولێر ١٣ خال
١٣-سەماوە ١٢ خال
١٤-سیناعات کارەبا ١١ خال
١٥-نەحەف ١١ خال
١٦-ئەمانە بەغدا ١٠ خال کێمتر یاریەکێ
١٧-بەحری ٩ خال
١٨-ئەلحسێن ٨ خال کێمتر یاریەکێ
١٩- کارەبا ٨ خال
٢٠-دیوانیە ٨ خال و کێمتر یاریەکێ