ئەڤرۆ نیوز:

ئەڤرۆ رۆژا چارشەمبی بێئاتا دێمپا وەزیرا کاروبارێن مروڤایەتیا پۆلۆنیا جودا  ژلایێ ھەر ئێک نێچیرڤان بارزانی سەروکێ حوکمەتا ھەرێما کوردستانێ و مەسرور بارزانی راوێژکارێ ئەنجوومەنێ ئاسایشا ھەرێما کوردستانێ ل ھەولێرێ ھاتە پێشوازی کرن.

سەروک وەزیرێن ھەرێما کوردستانێ نێچیرڤان بارزانی ژی دیدارەک دگەل وەزیرا پولونیا دیمپا و شاندێ دگەل دا ئەنجام دا و د ڤێ دیدارێ دا نێچیرڤان بارزانی تەکەز ل سەر پێکڤەژیانا ھەموو ئایین و نەتەوەیان ل ھەرێما کوردستانێ کر دیسان دوپاتکر ئەڤ پێکڤە ژیانە دێ یا بەردەوام بیت.

ل دۆر ڤێ دیدارێ وەزیرا پۆلۆنی خوشحایا خوە ھەمبەر کارو خزمەتێن حوکمەتا ھەرێمێ بۆ ئاوارە و پەنابەران دەربری و پشتەڤانیا وەلاتێ خوە بۆ پێکڤەژیانا ئایینی ل ھەرێما کوردستانێ دەربری.

ژلایەکێ دی ڤە مەسرور بارزانی د دیدارەکێ دا دگەل وەزیرا کاروبارێن مروڤایەتی و قونسلێ پۆلونیا ل ھەولێرێ و شاندێ دگەل دا روناھی خستە سەر فەرھەنگا مروڤایەتی و لێبورینا گەلێ کورد  و راگەھاند خەلکێ ھەرێما کوردستانێ سومبولا فەرھەنگا مروڤایەتیێ یە و خزمەتکرنەکا مەزن ل ئاوارەیێن قەستا باژێرێن ھەرێما کوردستانێ کرین ب ئەرکێ خوە یێ مروڤایەتی کریە.

ژلایێ خوە ڤە وەزیرا پۆلۆنی خوشحالیا خوە ب سەرەدانا ھەرێما کوردستانێ دەربری و داخوازا سەرکەفتنێ بۆ مەسروور بارزانی خواست پشتی ھاتیە بەربژارکرن بۆ پێئینانا کابینەیا نوو یا حوکمەتا ھەرێما کوردستانێ، دیسان چەند روونکرنەک ل دۆر سەرەدانا خوە بۆ ھەرێمێ و چالاکیێن ل ماوێ مانا خوە دیارکرن.