ئەڤرۆ نیۆز، ئەمیر ئەترووشی:

لیژنا دووڤچوونا بازاری یا سەر ب قائیمقامیا قەزا دھۆکێ سەرەدانا چەندین جھێن بازرگانی ل سەنتەرێ دھوکێ کرن و د دووڤچوونێ دا کارگەھەکا شریناھیان داخستن.

د. ئاراز ئەندامێ لیژنا دووڤچوونا بازاری بۆ ئەڤرۆ نیۆز دیار کر، ئەڤرۆ رۆژا چارشەمبی ١٢/١٢/٢٠١٨ لیژنا دووڤچوونا بازاری یا سەر ب قائیمقامیا قەزا دھۆکێ ڤە سەرەدانا ھژمارەکا خارنگەە و شیرناھیان ل دھۆکێ کرن و  ژ بەر نەبوونا دەستووریا ساخلەمیێ کارگەھا حاجی بابا یا شیرناھیان ھاتە داخستن ھەتا خودانێ وێ دەستووریێ دروستکەت و گۆت: د ڤێ سەرەدانێ دا سەرەدانا چەندین خوارنگەھان ژی ھاتە کرن، بەلێ چو سزادان پەیدا نەبووینە و کارێ وان ل دووڤ مەرجێن ساخلەمیێ بووینە.

ئاشکرا ژی کر کو لیژنا دووڤچوونا بازاری یا سەر ب قائیمقامیا قەزا دھوکێ، سەرەدانا خوارنگەھا سەفین، سولین، رەنگین، کافتیریا کولیژا ئیشق و مارکێتا نیو ھولاند و ھولەند و تەزیاتی و شیرناھیێن گەلی کرن و گۆت: دوپاتی لسەر پاقژیا ڤان جھان و پێگریا وان ب رێنمایێن لیژنێ ھاتە کرن.

ئەڤرۆ نیوز، رێوار مزیری:

ل ژێر درووشمێ ئەڤرۆ دێ دارەکێ چینین دا سوبەھی ل بن سیبەراوێ شادبین سەنتەرێ ھێز یێ راھێنانێن پیشەیی ئەڤرۆ ١٢‌/١٢/٢٠١٨ ل دھۆکێ ھاتە ڤەکرن.

شەوقی سەدیق، رێڤەبەرێ سەنتەرێ ھێز یێ راھێنانێن پیشەیێ بۆ ئەڤرۆ نیۆز دیارکر کو مەرەما وان یا سەرەکی ژ ڤەکرنا ڤی سەنتەری ئەوە گەنجان فێری کارێ پیشەیی بکەن ب رێیا ڤەکرنا خۆلان و گۆت: “ھەر خۆلەک دێ بۆ دەمێ ٤٥ رۆژان یا بەردەوام بیت و وانێن تیۆری و پراکتیکێ دێ ژ ئالیێ مامۆستایێن بسپۆر ڤە د ڤان خۆلان دا ھێنە گۆتن”.

ناڤھاتی خویا کر کو ھەموو خۆلێن وان دێ ژ ئالیێ وەزارەتا کار یا حوکمەتا ھەرێما کوردستانێ ڤە ھێنە ھەلسەنگاندن.

ئەڤرۆ نیوز، مەحمود نھێلی:

بەرپرسێ پشکا دووڤچونێ ل سەرۆکاتیا باژێرڤانیا دێرەلۆک بۆ ئەڤرۆ نیوز دیارکر، رۆژانە پتر ژ ١٥ تەنێن گلێشی ل نافخوەیا دێرەلۆک دھێنە راکرن و ژ بەر نەبوونا چ کارگەھێن ڤاڤارتنا گلێشی بۆ جھەکی دیارکری دھێتە رەوانە کرن.

رێبەر موحەمەد بەرپرسێ پشکا دووڤچونێ ل سەرۆکاتیا باژێرڤانیا دێرەلۆک دیارکر، ئەوان تنێ ٣ ترومبێلێن کەپس بۆ راکرنا گلێشی ھەنە و ھەروەسا ئێک قەلابە.

بەرپرسێ دووڤچونێ ل سەروکاتیا باژێرڤانیا دێرەلۆک دیار ژی کر، نوکە کارێ راکرنا گلێشی، کومپانیەک پێ رادبیت لێ ئەو سەرپەرشتیێ ل سەر دکەن و ھەیڤانە راپورتا خوە بۆ جھێن پەیوەندیدار بلند دکەن و دیار دبیت کو ھەیڤانە ئەو پتر ژ ٤٠٠ تەنێن گلێشی ل سنورێ باژێرڤانیا خوە رادکەن
و ھەروەسا ئاشکراکر، نوکە چ کارگەھێن ڤاڤارتنا گلێشی ل دەڤەرێ نینن ژ بەر وێ یەکێ ل دوولەکی دا دھێتە کومکرن، و بۆ دوورکەفتن ژ مەترسیا سوتنێ جار جار دھێتە بن ئاخکرن.