ئەڤرۆ نیوز:
رێڤەبەریا گشتی یا ساخلەمیا پارێزگەها دهۆکێ راگەهاند: ئەڤرۆ 8/8/2020 ، (20) نەخۆشێن دی یێن ڤایرۆسێ کۆرۆنایێ ل دهۆکێ کو د نەخۆشخانێ دا بوون، پشتی هەموو پشکنین بۆ هاتینە کرن، دیاربوو کو ب تەمامی چارەسەربووینە و ب سلامەتی ژ نەخۆشخانێ هاتنە دەرخستن.
هەروەسا گۆتیە: ب ڤێ چەندێ هژمارا گشتی یا نەخۆشێن چارەسەربووین گەهشتنە 455 کەسان و نوکە 581 نەخۆش ماینە د نەخۆشخانێ دا.
ئەڤرۆ نیوز:
رێڤەبەریا ئاڤا دهۆكێ ب هەڤكارى ل گەل سەرۆكاتیا باژێرڤانیا دهوكێ ئاگەهداریا هەمى خه لكێ ل تاخین شندوخا – روناهى و رەزا – مهاباد و نزاركا نى و یا كەڤن و دیسان ئیتیتێ – ئیتیتا گوند هەروەسا پیشەسازى و بەروشكێ، سەرهلدان كو دێ بۆ ماوێ سى رۆژان ل رێكکەفتى 10-11-12 /8/ 2020 دوشەمبى، سێشەمبی و چوارشەمبى هەیڤا هەشت، ئاڤا ڤەخوارنێ دێ هێته بڕین ژ ئەگەرێ كاركرن ل پرۆژێ جادا بارزان و ب تایبەت ل ئەندەرپاسا نێزیك مزگەفتا شەهیدان. هێڤیه خەلكێ ڤان تاخان ئاگەهدار بن و ئاڤێ ژ بۆ پێدڤیاتێن خوه دڤان (3) رۆژاندا ڤەگرن.
ئەڤرۆ نیوز:
کارمانج عزەت قایمقامێ سۆران راگەهاند کو مخابن د ماوەیێ ١٠ رۆژێن بۆری دا رێژا تووشبوونا وەلاتیان ب کۆرۆنایێ ل قەزا سۆران گەلەک زێدە بوویە و نها نیڤا پشکنینێن کو دهێنە کرن پوزەتیڤن و ئەو یەک ژی مەترسیەکا مەزنە و دڤێت وەلاتی پتر ژ جاران پێگیریێ ب رێنمایان بکەن و خوە ب پارێزن.
ناڤهاتی ئەو یەک ژی دیار کر کو د ماوەیێ ٢٤ دەمژمێرێن بۆری دا وان ٩٦ پشکنین ل سۆران و دەوروبەران بۆ وەلاتیان کرینە و ٥٠% ژ پشکنینان پوزەتیڤ بووینە و ئەو یەک ژی نیشا ددەت کو رەوش گەلەک مەترسیدارە.
ئەڤرۆ نیوز:
وەزارەتا دەرڤە یا روسیا راگەهاند کو ئەمریکا قانوونێن نێڤدەولەتی بنپێ دکەت و ل دژی ئێکپارچەیا ئاخا سووریێ کار دکەت، گرێبەستا د ناڤبەرا کۆمپانیا دەلتا کرێسینت ئینێرجی ل گەل رێڤەبەریا باکورێ سووریێ ب تەمامی ل دژی سەروەریا ئاخا سووریێ یە و روسیا ب توندی وێ گرێبەستێ رەت دکەت.
هەژی ئاماژەپێدانێ یە کو حەفتیا بۆری رێڤەبەریا خوەسەر ل گەل کۆمپانیا دەلتا کرێسینت ئینێرجی یا ئەمریکی گرێبەستەک بۆ دەمێ ٢٥ سالان ئیمزا کر و کۆمپانیا ئەمریکی دێ کارێ وەربەرهێنانا پەترۆلێ ل دەڤەرێن ل ژێر کۆنترۆلا هێزێن کوردی دا کەت.
ئەڤرۆ نیوز، عەلی حاجی :
رێڤەبەرێ ناحیا دەرکارێ بۆ ئەڤرۆ نیەز دیار کر ل نێزیکی دەمژمێر ١ی نیڤرۆ ل گوندێ بوسەلێ فروکەیێن سوپایێ تورکیا ترومبێلا وەلاتیەکێ یێ ناحیا بێرسڤێ کرە ئامانچ و زیانێن ماددی پەیدا کرن.
زێدەتر زێرەڤان موسا گۆت: (دو برایێن ئێک کو خەلکێ کومەلگەها بێرسڤێ نە یا سەر ب ناحیا باتیفا ب مەرەما کارێن چاندنێ قەستا گوندێ بانکێ کر بوون بەلێ وێرێ هندەک پێکدادان دناڤبەرا هێزێن پەکەکێ و سوپایێ تورکیا دا درووست بون وان دو کەسان ژی هەول دا ڤەگەرنە مالێن خوە د وی دەمی دا ترومبێلا وان ژی تێکەلی ترومبێلێن پەکەکێ ببوو لەورا دەما گەهشتینە نێزیک سکرێ گوندێ بوسەلێ سوپایێ تورکیا موشەکەکێ ل ترومبێلا وان ددەت بەلێ خوەشبەختانە چو زیانێن گیانی نەبوون و بتنێ زیانێن ماددی بەر ب ترومبێلێ و جاددێ کەڤتن).
ناڤبری گۆت ژی: ئەم داخاز دکەین وەلاتیێن مە کێم قەستا جهێن خوە بکەن ب تایبەت ژی ئەو جهێ شەر و ئالوزی هێشتا لێ ماینە دا کو نەبنە قوربانیێن شەرێ دناڤبەرا سوپایێ تورکیا و پەکەکێ دا.
ئەڤرۆ نیوز:
موختار حاجی عەلی بەرپرسێ راگەهاندنا دەروازێ نێڤدەولەتی یێ باشماخ راگەهاند کو هەتا نها هەر گەشتیارەک ژ ئیرانێ دهاتە هەرێما کوردستانێ چو پارە ل هەمبەر پشکنینا کۆرۆنایێ ژێ نەدهاتە وەرگرتن لێ ئەڤرۆ رۆژا شەمبی ٨/٨/٢٠٢٠ هەر گەشتیارەک ژ ئیرانێ بهێتە هەرێما کوردستانێ یان ژی یێن کو بەری نها ل ئیرانێ بوون و دخوازن ڤەگەرنە ڤە هەرێما کوردستانێ دێ پشکنینا کۆرۆنایێ بۆ وان هێتە کرن و دڤێت هەر کەسەک ٦٠ هزار دیناران بدەت.
ناڤهاتی راگەهاند کو بەری نها بێ بەرامبەر پشکنین بۆ گەشتیاران دهاتە کرن لێ ژ ئەڤرۆ پێڤە دێ ب پارە بیت.
ئه‌ڤرۆ نیوز:
به‌رپرسه‌كێ بلندێ ئه‌مریكا هوشداریا ئه‌وێ چه‌ندێ دا ژ ده‌ستێوه‌ردا روسیا و چینێ و ئیرانێ د هه‌لبژارتنێن سه‌رۆكاتیا ئه‌مریكا دا.
ویلیام ئیڤانینا رێڤه‌به‌رێ ئاسایشا نیشتمانیا ئه‌مریكا راگه‌هاند روسیا و چین و ئیران بزاڤا ده‌ستێوه‌ردانێ د هه‌لبژارتنێن سه‌رۆكاتیا ئه‌مریكا دا دكه‌ن.
رێڤه‌به‌رێ ئاسایشا نیشتمانیا ئه‌مریكا ئه‌و چه‌نده ژی راگه‌هاند روسیا ب كردار د بزاڤا شكه‌ستن ئینانا جۆبایدنی دایه كۆ به‌ربژارێ دیموكراتان ل هه‌لبژارتنان دكه‌ت، ئه‌و وه‌لاتێن برێا چه‌واشه‌كاریێن ئه‌لكترونی بزاڤێ دكه‌ن ده‌نگده‌رێ ئه‌مریكا بێخنه بن فشارا چه‌واشه‌كاریێن خوه و باوه‌ریا وان ب پرۆسیسا دیموكراتی نه‌هێلن.
ئه‌ڤرۆ نیوز:
سه‌رۆكا فراكسیونا پارتی ل جڤاتا نوونه‌رێن عیراقێ راگه‌هاند بریاره دڤێ هه‌فتیێ دا دێ شاندێ هه‌رێما كوردستانێ بۆ دانوستاندنێ سه‌رباره‌ت ب شایسته‌یێن داری یێن هه‌رێما كوردستانێ سه‌ره‌دانا به‌غدا بكه‌ن.
د.ڤیان سه‌بری سه‌رۆكا فراكسیونا پارتی ل جڤاتا نوونه‌رێن عیراقی راگه‌هاند بریاره دڤێ هه‌فتیێ دا شاندێ حوكمه‌تا هه‌رێما كوردستانێ سه‌ره‌دانا به‌غدا بكه‌ت، چونكو به‌رده‌وامبوونا دانوستاندنان پێدڤیه و رێكه‌ڤتن ژی دڤێت لگۆری دستوری بهێته‌كرن بۆ سه‌قامگیریا هه‌ردو حوكمه‌تان ژی كه، له‌ورا هه‌كه بگه‌هینه رێكه‌تنێ ره‌وش سه‌قامگیر بیت.
سه‌رۆكا فراكسیونا پارتی ل جڤاتا نوونه‌رین عیراقێ ئه‌و چه‌نده ژی دازانین لێك نێزیكبوونه‌كا باش هه‌یه و بتنێ هنده‌ك هیرده‌كاری ماینه، كۆ ره‌نگه د ئه‌ڤان چه‌ند رۆژان دا ئه‌و ژی بهێنه ئیك لایكرن و بگه‌هنه رێكه‌تنێ.
ئه‌ڤرۆ نیوز:
په‌یڤدارێ وه‌زاره‌تا حوكمه‌تا هه‌رێما كوردستانێ راگه‌هاند حوكمه‌تا عیراقێ ب ژڤانه كاره‌بێ ژ هه‌رێما كوردستانێ و توركیا بۆ باژێرێن خوه رابكێشیت د ئه‌گه‌رێ ئه‌ڤی كاری مه‌ژی مه‌رج هه‌نه.
ئومێد خوشناو په‌یڤدارێ وه‌زاره‌تا كاره‌بێ راگه‌هاند زانیاری ب مه گه‌هشتینه كۆ حوكمه‌تا عیراقێ به‌رنامه هه‌یه رێژه‌كا كاره‌بێ بۆ ئه‌وێ مه‌به‌ستا راكێشانی بۆ خوه مه‌ژی وه‌ك وه‌زاره‌تا كاره‌بێ شرۆڤه‌یا ئه‌وێ چه‌ندێ كر و سوز مه‌دا ب مه‌رج رێكێ ب به‌غدایێ بده‌ین.
په‌یڤدارێ وه‌زاره‌تا كاره‌بێ ئه‌و چه‌نده ژی راگه‌هاند نابیت ئه‌و كاره‌ب دانه ب چ ئاوایه‌كی كارتێكرنێ ل سه‌ر كێمكرنا كاره‌با نیشتمانیا هه‌رێما كوردستانێ هه‌بیت و به‌غدا سوته‌مه‌نیێ بۆ یه‌كه‌یێن كاركه‌ڤتنا كاره‌با هه‌رێمێ دابین بكه‌ت و كاره‌بێ ژ ئه‌وان یه‌كه‌یان ببه‌ت.
ناڤبری ئه‌و چه نده‌ژی دازانین هه‌رچه‌نده ئه‌و یه‌كه‌یێن ژ كاركه‌ڤتی یێن وه‌به‌رهێنه‌رانه، به‌لی هه‌رده‌مێ حوكمه‌تا عیراقی ئه‌و مه‌رج بجهكرن و حوكمه‌تا هه‌رێمێ ژی رازیبوون ئه‌وی ده‌می رێك پێ دهێته دان.
ئەڤرۆ نیوز:
کۆچکا سپی یا ئەمریکا راگەهاند: سەرۆک وەزیرێن عیراقێ مستەفا کازمی دێ سەرەدانا ئەمریکا کەت و ژ ئالیێ دۆنالد ترەمپێ سەروکێ ئەمریکا ڤە دێ پێشوازی لێ هێتە کرن.
کۆچکا سپی د راگەهاندنەکێ دا ئاشکرا کریە: ل ٢٠ تەباخا ٢٠٢٠ مستەفا کازمی سەرۆک وەزیرێن عیراقێ، دێ سەرەدانا واشنتۆن کەت و ژ ئالیێ دۆنالد ترەمپێ سەرۆکێ ئەمریکا ڤە دێ پێشوازی لێ هێتە کرن، ئەڤ سەرەدانە دێ ب مەرەما گۆتۆبێژکرنا کۆرۆنایێ و دوسیێن ئێمناهیێ و وزێ و ئابووری بیت.
نيشاندان