ئه‌ڤرۆ نیوز:

چاڤه‌رێ دهێته‌کرن دناڤبه‌ر ١٢ ڤێ هه‌یڤێ هه‌تا ٢٢-١٢-٢٠١٨ ب پشکداریا حه‌فت یانان  موندیالا یانێن جیهانێ ل وه‌لاتێ ئیمارات بهێته‌کرن.

هه‌ر هه‌شت یانێن پلێتێن ده‌ربازبوونێ مسوگه‌ر کرین ئه‌ڤێن خوارێ یه‌

قاره‌مانا ئوروپا یانا ریال مه‌درید یا ئیسپانی

قاره‌مانا لێپێرتادورس یانا رێڤه‌رپلێت یا ئه‌رژه‌نتینی

قاره‌مانا کونکاکاف یانا گوادالاخارا یا مه‌كسیکی

قاره‌مانا یانێن ئاسیا كاشيما ئه‌نتلرز یا یابانی

قاره‌مانا ئه‌فریقیا یانا ته‌ره‌جی یا تونسی

قاره‌مانا ئوقیانوس تیم ويلينگتون یا نیوزلندی

یانا عه‌ین یا ئیماراتی مێڤانداریا قاره‌مانیا

هه‌ژی گوتنێ یه‌ ل هه‌ردو قاره‌مانیێن ٢٠١٧ و ٢٠١٦ ریال مه‌درید ب ناسناڤێ ڤاره‌مانیێ هاتبوو خه‌لاتکرن

ئه‌ڤرۆ نیوز:
رێڤه‌به‌رێ وه‌رزشی ل یانا میلان یا ئیتالی لیوناردو هه‌لویستێ يانا خوه‌ یێ دووماهیێ به‌رامبه‌ر ئینانا هێرشبه‌رێ سویدی و یانا لوس ئه‌نجلوس گه‌لاکسی یا ئه‌مریکی ئیبراهیموڤیچ دیارکر بوو ڤه‌گوهاستنێن زڤستانێ.
لیوناردو بۆ مالپه‌رێ سکای سپورتس یێ ئیتالی دیارکر ئیبراهیموڤیچ نا ڤه‌گه‌ریته‌ میلان ڤه‌ ژبه‌رکو وی ئاخفتن ل گه‌ل یانا خوه‌ لوس ئه‌نجلوس دایه‌ هه‌ڤبه‌ستا خوه‌ نوو که‌ت ل گه‌ل وێ یانێ.
ناڤبری ئه‌و چه‌نده‌ ژی دیارکر ئه‌وان هزر ل ڤه‌گه‌راندنا وی کربوو هه‌ردیسان یاریزانێ ناڤبری ژی هزرا وێ چه‌ندێ کربوو لێ ب مه‌رجه‌کی ئه‌وژی هه‌که‌ یانا وی داخوازیا درێژکرنا هه‌ڤبه‌ستا وی ژێ نه‌کر لێ پشتی ب دووماهیی هاتنا خۆلا ئه‌مریکا وێ یانێ داخوازی ژی ئیبراهیموڤیچ کریه‌ هه‌ڤبه‌ستا خوه‌ ل گه‌ل یانێ درێژ بکه‌ت و یاریزانێ ناڤبری دیڤ وێ سوزێ چو یا به‌ری نوکه‌ دایا وان و یانا ئه‌مریکی و ده‌رگه‌هێ هاتنا یاریزانێ ناڤبری هاته‌گرتن.

‌

ئه‌ڤرۆ نیوز، هه‌ژار مه‌عروف:

چاڤه‌رێ دهێته‌کرن سوباهی و روژا چارشه‌مبیا بهێت یاریێن گه‌را چارێ ژ خۆلا پلا ئێک یا کوردستانێ بهێته‌کرن کو دو نوونه‌رێن پارێزگه‌ها دهۆکێ تێدا پشکدارن ئه‌وژی یانێن گاره‌ و شێخان کو بریاره‌ یاریێن خوه‌ یێن ڤێ گه‌رێ ل ناف ئه‌رد و جه‌ماوه‌رێ خوه‌ ئه‌نجامدان.
بریاره‌ سوباهی یاریێن کوما ئێکێ بهێنه‌کرن کو یانا گاره‌ دڤێ کومێ دا پشکداره‌ ده‌مێ ل یاریگه‌ها خوه‌ مێڤانداریا یانا رزگاری دکه‌ت ل ده‌مژمێر دوی پشتی نیڤرو ، تیما گاره‌ ئه‌وا نوکه‌ ٤ خال هه‌ین ژ سێ یاریێن بوری دێ بزاڤێ که‌ت بوو سه‌رکه‌فتنا دوێ ل وه‌رزێ ئه‌ڤ ساله‌ هه‌کو دڤێ یاریێ دا تیما گاره‌ ب سه‌رکه‌ڤت دێ پێنگاڤه‌کا مه‌زن بوو هه‌ڤرکیا ده‌ربازبوونێ که‌ت ژبه‌رکو دێ پێشڤه‌ چیته‌ رێزێن پێشیی و ژبیر نه‌که‌ین دێ هه‌ڤرکێن وێ هه‌مبه‌ری ئێک به‌ن ل حه‌فتیێن بهێت .
هه‌ردیسان بریاره‌ سوباهی سێ یاریێن دی ژ ڤێ کومێ بهێنه‌کرن کو بریاره‌ ئاسۆ ل گه‌ل سه‌ید سادق و خانه‌قین ل گه‌ل خاک و سولاڤ ل گه‌ل کفری .
ژلایه‌کێ دیڤه‌ بریاره‌ دوزبا به‌ردوامی ب یاریێن ڤێ گه‌رێ بهێنه‌کرن کو نوونه‌ره‌کا پارێزگه‌هێ پشکداره‌ ئه‌وژی یانا شێخان کو دێ ل یاریگه‌ها خوه‌ مێڤانداریا یانا ئاشتی که‌ت، دڤێ یاریێ دا شێخان دێ هه‌می بزاڤێن خوه‌ ته‌رخان که‌ت بوو سه‌رکه‌فتنا ئێکێ ل وه‌رزێ ئه‌ڤ ساله‌ و خوه‌ ژ مه‌ترسیا پاشڤه‌زفرینێ بوو خۆلا پلا دو قورتال بکه‌، هه‌ردیسان ژ یاریێن دی یێن ڤێ کومێ بریاره‌ هه‌لۆ ل یاریگه‌ها خوه‌ مێڤانداریا سه‌رکێشا کوما ئێکێ سیروان نوو بکه‌ت و ئالتون کوپری ل گه‌ل کویه‌ و هه‌لبچه‌ ل گه‌ل سوران.
شێخان ل سێ یاریێن بوری سێ خوساره‌تی ل دیڤ ئێک داینه‌.