ئه‌ڤرۆنيوز:
يانا ريال مه‌دريد ل سه‌ر مێهڤاندانا خوه يانا هويسكا ب سه‌ركه‌ڤت وپێشڤه هاته رێزا چارێ ل سه‌رێ رێزبه‌ندا خۆلا ئيسپانى يا ته‌پا پێ.
گۆلا ريال مه‌دريد ل خۆله‌كا هه‌شتێ ژلايێ ياريكه‌رێ وێ گاريس بيل ڤه هاته تۆماركرن.
ب ڤى ئه‌نجامى ريال مه‌دريد هاته رێزا چارێ ب 26 خالان ويانا هويسكا ل رێزا 20 ودووماهيێ دهێت ب 20 خالان.
ئه‌ڤرۆنيوز:
ل دووڤ ده‌نگوباسێن راگه‌هاندنا عيراقى، هادى عامرى سه‌رۆكێ هه‌ڤپه‌يمانيا فه‌تح بۆ رۆژنامه‌ڤانان راگه‌هاند، ژ ئه‌ڤرۆ پێڤه هه‌بوونا حه‌شدا شه‌عبى ومانا وێ ژبۆ سه‌قامگيريا عيراقێ يا پێدڤيه، هه‌روه‌سا دووپاتكر كو هه‌ر ده‌ستێوه‌ردانه‌كێ دكارێ ده‌زگه‌هێن ئه‌منى دا ره‌ت دكه‌ين.
هادى عامرى ئاماژه‌كر” هه‌بوونا حه‌شدا عه‌شائيرى يا سونى وهێزێن پێشمه‌رگه‌ى ل هنده‌ك ده‌ڤه‌ران يا گرنگه”.
گۆت ژى”ئه‌م دگه‌ل وێ چه‌ندێ داينه حه‌شدا شه‌عبى بهێته تێكهه‌لكرن ل گه‌ل هێزێن ئاسايشا عيراقێ وپێگير بيت ب رێكخستنا له‌شكرى ب مه‌رجه‌كى مافێ پێ بهێته دان وه‌كو هێزێن دى يێن ئه‌منى ل عيراقێ”.
ئه‌ڤرۆنيوز:
ئه‌ڤرۆ ئێكشه‌مبى 9/12/2018 ده‌زگه‌هێ بارزانى يێ خێرخوازى ل سه‌ر راسپاردا سه‌رۆك بارزانى، هاريكاريێن ب له‌ز گه‌هاندنه كه‌مپا نه‌مروود يا ئاواران ل نێزيك مووسل.
كه‌مپێن پارێزگه‌ها نه‌ينه‌وا ب تايبه‌ت كه‌مپێن سه‌لاميه نه‌مروود وجه‌دعه وچه‌ند كه‌مپێن دى زيانێن مه‌زن گه‌هشتنێ ژ ئه‌گه‌رێ بارانێن زۆر يێن چه‌ند رۆژێن بۆرى.
ده‌زگه‌هێ بارزانى يێ خێرخوازى هاريكارى گه‌هاندنه پشكه‌ك ژ ئاوارێن پارێزگه‌ها نه‌ينه‌وا كو ئاكنجيێن كه‌مپا نه‌مروودن ل نێزيك مووسل، پشتى كو قايمقامێ مووسل داخواز ژ سه‌رۆك بارزانى كرى كو ده‌ستێ هاريكاريێن هه‌رێما كوردستانێ بۆ درێژ بكه‌ت.
ئەڤرۆ نیوز ، زنار تۆڤی:
لەیلا تەعلۆ كو ژنەكا كوردا ئێزدیە و ئێك ژ رزگاربوویێن دەستێ داعشێ یە، ئەڤرۆ ب هەڤكاریا نڤێسینگەها رزگاركرنا رەڤاندیێن كوردێن ئێزدی ل باژێرێ دهۆكێ هاتە خەلاتكرن و دبیتە باليۆزا رێكخراوا جیهانی یا مافێ مرۆڤی.
باليۆزا ئاشتیێ لەیلا تەعلۆ دا بۆ ئەڤرۆ نیوز دیاركر: ب هەلكەفتا 70 سالیا راگەهاندنا جیهانی یا مافێ مرۆڤی ئەڤرۆ ئەو رۆژە ل دهۆكێ هاتە ساخكرن و تێدا من خەلاتێ رێكخراوا جیهانی یا مافێ مرۆڤی وەرگرت و ب ڤێ چەندێ ئەز وەكو ژنەكا كوردا ئێزدی گەلەك یا سەربلندم، ئەز ئێك ژ رزگاربوویێن دەستێ داعشێ مه و دیسا من سۆپاسیەكا تایبەت يا هەی بۆ خەلكێ دهۆكێ، چونكی ب هەموو رەنگان خەلكێ دهۆكێ هاریكاریا مه كریە، هەر ژ دەمێ ئاوارەبوونا مه و هەتا نوكە، دیسا مه دڤێت كو مه ڤەگەرنە سەر جه و وارێن خوە و دەڤەرێن مه بهێنە ئاڤەدانكرن”.
هەروەسا دياركر ئەو دێ بزاڤێ كەت كو ئەو كچێن ماینە د دەستێ تیرۆرستێن داعشێ دا هەموو بهێنە رزگاركرن.
گۆت ژی: ئەو ل گەل خێزانا خوە ل سالا 2014 كەفتبوونە دەستێ تیرۆرستێن داعشێ دا و هێشتا هندەك كەس ژ مالباتا وێ ماینە د دەستێ رێكخراوا تیرۆرست یا داعشێ دا و هندەك ژی هاتینە رزگاركرن، هەروەسا ل سالا 2017 ئەو ل گەل هەردو زارۆیێن خوە ژ دەستێ داعشێ رزگار بووینە.
ئه‌ڤرۆنيوز:
په‌يڤدارێ وه‌زاره‌تا كار وكاروبارێن جڤاكى ل هه‌رێما كوردستانێ راگه‌هاند، پشتى تۆماركرنا سكالايا وان كێم ئه‌ندامێن دپشكنينا نوشدارى دا ده‌رنه‌چووين، بريار هاته دان دووباره پشكنين بۆ بهێته كرن.
موسلح عومه‌ر، په‌يڤدارێ وه‌زاره‌تا كا وكاروبارێن جڤاكى گۆت”پشتى كو ئه‌نجامێ پشكنينا كێم ئه‌ندامان هاتيه راگه‌هاندن وژبه‌ركو هژماره‌كا زۆر ژ كێم ئه‌ندامان دپشكنينێ دا ده‌رنه‌چوون، يان رێژا كێم بۆ هاتبوو دانان، وان كێم ئه‌ندامان سكالا تۆمار كربوو”.
ئاماژه‌كر” هه‌رچه‌نده هه‌تا مووچێ ڤێ هه‌يڤێ كار ب ئه‌نجامێ پشكنينێ نه‌هاتيه كرن وهه‌موو كێم ئه‌ندامان ب ليستا هه‌يڤێن بۆرى دێ مووچه‌ى وه‌رگرن، به‌لێ ئارمانجا كارێ پشكنينێ بۆ وێ چه‌ندێ يه ليسته‌كا نوو يا كێم ئه‌ندامان بۆ مووچه‌ى بهێته دروستكرن”.
گۆت ژى” پشتى گه‌هاندنا سكالايا كێم ئه‌ندامان، وه‌زاره‌تا ساخله‌ميێ برياردا پشكنينێ دوباره بكه‌ت بۆ هه‌موو وان كێم ئه‌ندامين دپشكنينێ دا ده‌رنه‌چووين، يان رێژا كێم بۆ هاتيه دانان وبۆ ڤێ مه‌ره‌مێ ژى رێڤه‌به‌ريێن گشتى يێن ساخله‌ميێ هاتينه راسپاردن كو دوباره لژنه ده‌ست ب كارێ پشكنينا كێم ئه‌ندامان بكه‌ن”.
ئه‌ڤرۆنيوز:
شيره‌تكارێ جڤاتا ئاسايشا هه‌رێما كوردستانێ، مه‌سرور بارزانى ئه‌ڤرۆ ئێكشه‌مبى 9/12/2018 پێشوازى ل جۆن وێلكس باليۆزێ بريتانيا ل عيراقێ كر
دديداره‌كێ دا كو مارتن وار كونسۆلێ بريتانيا ل هه‌رێما كوردستانێ به‌رهه‌ڤ بووى، دووماهى پێشهاتێن ده‌ڤه‌رێ وبزاڤ وگاڤێن پێكئينانا حوكمه‌تا هه‌رێما كوردستانێ وهاتنا قۆناغه‌كا نوو يا په‌يوه‌نديێن دناڤبه‌را هه‌ولێرێ وبه‌غدا هاته به‌حسكرن.
مه‌سرور بارزانى، قرناغا نوو يا په‌يوه‌نديێن دناڤبه‌را هه‌ولێرێ وبه‌غدا ب ڤه‌كرنا به‌رپه‌ره‌كێ نوو هژمارت وهيڤى خواست دپاشه‌رۆژه‌كا نێزيك ب رێيا دانوستاندنه‌كا ئاڤاكر پرسێن هه‌لاويستى بهێنه چاره‌كرن وده‌ليڤه بۆ چه‌سپاندنا ئاشتيێ وپێشخستنا وه‌لاتى ودابينكرنا خزمه‌تگوزاريێن بنه‌ره‌تى بهێته دان.
باليۆزێ بريتانيا زێده‌بارى پێرۆزباهيكرنێ ل مه‌سرور بارزانى ب هه‌لكه‌فتا به‌ربژاركرنا وى بۆ پۆستێ سه‌رۆكاتيا حوكمه‌تا هه‌رێما كوردستانێ، هيڤيا سه‌ركه‌فتنێ بۆ خواست ودووپات كر كو وه‌لاتێ وى دێ هاريكار بيت كو ل هه‌رێما كوردستانێ ئاڤه‌دانى وپێشكه‌فتنا زێده‌تر ب خوه‌ڤه ببينيت.
ئه‌ڤرۆنيوز:
رۆژنامه‌كا بريتانى ئاشكراكر كو يانا به‌رشه‌لونا ل به‌ره هێرشبه‌ره‌كى ژ خۆلا ئينگليزى بينيته دناڤ رێزێن خوه دا.
رۆژناما (ديلى ستار) يا بريتانى ئه‌ڤرۆ ئێكشه‌مبى 9/12/2018 به‌لاڤكر”به‌رپرسێن يانا به‌رشه‌لونا دخوازن هێرشبه‌رێ هه‌لبژارتيێ ئينگلته‌را ويانا توتنهام يا ئينگليزى هارى كين بينن دناڤ رێزێن به‌رشه‌لونا دا تاكو ببيته پێگهۆرێ پاشه‌رۆژى بۆ ياريكه‌رێ ئورۆگوايانى لويس سوارێز”.
دياركر ژى” سوارێز ل ده‌مێن بۆرى تووشى گه‌له‌ك هنگافتنان ببوو وراهێنه‌رێ به‌رشه‌لونا فالفيردى چو پێگوهۆرێن كاريگه‌ر بۆ سوارێزى نينن كو دێ ل سالا 2019 ژيێ وى گه‌هيته 32 ساليێ”.
دياركر ژى” ئينانا هارى كين بۆ به‌رشه‌لونا يا ب ساناهى نابيت وپێدڤيه به‌رشه‌لونا 200 مليۆن جونه‌يهێن سترلينى بده‌ت ل به‌رامبه‌ر ب ده‌ستڤه‌ئينانا هارى كين ئه‌و هه‌تا نوكه 9 گۆل بۆ توتنهام تۆماركرين دوه‌رزێ ئه‌ڤ ساله دا ژخۆلا ئينگليزى”.
ئه‌ڤرۆنيوز:
په‌رله‌مانتاره‌كا ليستا نه‌سر ئه‌ڤرۆ ئێكشه‌مبى 9/12/2018 ئاشكراكر كو سه‌رۆكێ ليستا نه‌سر وسه‌رۆك وه‌زيرێن عيراقێ يێ به‌رێ حه‌يده‌ر عه‌بادى قه‌بوول نه‌كر ببيته جێگرێ سه‌رۆك كۆمارى.
هودا سه‌جاد، په‌رله‌مانتارا عيراقى ژ ليستا نه‌سر د به‌ياننامه‌كێ دا گۆت” داخواز ژ حه‌يده‌ر عه‌بادى هاتيه كرن پۆستێ جێگرێ سه‌رۆك كۆمارى وه‌رگريت، به‌لێ عه‌بادى دبنه‌ره‌ت دا ئه‌و چه‌نده قه‌بوول نه‌كر”. بێ كو ئه‌گه‌رێن قه‌بوول نه‌كرنێ ديار بكه‌ت.
ئه‌ڤرۆ نيوز، رێوار مزیری:
ئه‌ڤرۆ رۆژا شەشێ بوو ژ پێشانگه‌ها دهۆك يا پرتووكان ئه‌وا ژلايێ رێڤه‌به‌ريا راگه‌هاندن وچاپ وبه‌لاڤكرنێ هاتيه ڤه‌كرن و ب گۆره‌ى خودانێن پرتووكخانان داشكاندنێن گه‌له‌ك باشه ل سه‌ر پرتووكان هه‌نه.
رۆژانه پێشانگه‌ها دهۆك يا پرتووكان ژ ده‌مژمێر 9:00ى سپێدێ هه‌تا 6:00ى مه‌غره‌ب ل هۆلا كونفرانسان ل زانكۆيا دهۆك يا ڤه‌كرى يه.
نيشاندان