ئهڤرۆنيوز:
ئاژانسا RT يا رووسى ژ زاردهڤێ ژێدهرهكێ بلند يێ عيراقى بهلاڤكر، ل سێ رۆژێن داهاتى عادل عهبدولمههدى دێ پێكئينانا حوكمهتا خوه راگههينيت.
ئاژانسا RT يا رووسى دياركر كو كارێ پێكئينانا حوكمهتا عيراقى يا نوو ب دووماهى هاتيه ول ڤێ ههفتيێ ژى دا دێ ژلايێ عادل عهبدولمههدى سهرۆك وهزيرێن راسپاردى هێته راگههاندن.
ئەڤرۆ نیوز ، تۆڤی:
ئەڤ سالە شهشهمین فلمه فیستهڤالا دهۆك یا نیڤدهولهتی دێ ل 20 هەتا 27 ڤێ هەیڤێ هێته ئەنجامدان، دهستهیا رێڤهبەر یا فیستهڤالێ پۆستهرێ فیستهڤالێ نیشاندا، کو دەربرینێ ژ سیمایێ ئەڤ سالە یێ فیستیڤالێ دکەت کۆ چاڤکێن کامیرێن ژنانە.
هەروەسا دیزاینا ھەلبژارتی دەربرینێ ژ ژنەکا جوان دکەت، کو راست راوستیایە، دیمەنێ چیایان ل بەرامبەری وێ دەردکەڤیت، ئاسمانێ شەڤێ ب تیرۆژکێن بەراھیێن رۆژێ ھاتیە شکاندن، ب تەمامی وێنێ جانێ فیستهڤالێ گرتیە، ھێز و ھیڤیان کوم دکەت، سرۆشت پاشپەردەیا ھەر جار یا ڤێ فیستهڤالا سالانەیە، ئانکۆ ئەو تەنێ وەکی گونجاندن دەردکەڤیت کۆ ڤەرێژا زێری ژ رۆژێ ب پۆرا ژنێ را ھەڤسەمتیەکێ ژ بۆ بەلگێ فیستهڤالێ یێ زێری دکێشیت و وان ھەمیان دگەھینتە ئێک.
ئهڤرۆنيوز:
سهرۆك مهسعود بارزانى ل دۆر خيانهتا مهزن يا 16 ئوكتۆبهرێ ورادهستكرنا كهركووكێ ب ميليشيێن شيعى يێن عيراقى ژلايێ هژمامارهكا كهسانێن دهستههلاتدار دناڤ ئيكهتيا نيشتمانى كوردستان دا، راگههاند، ئهوا پێشبينى نهدهاته كرن وب خهيالا مه ژى دا نهدهات، ل شهڤا 15 ل سهر 16 ئهكتۆبهرا 2017 ئهو خيانهتا مهزنه وئهو خيانهتا نيشتمانيه ئهوا ل كهركووكێ هاتيه ئهنجامدان كو خهنجهرهكا ژههراوى بوو ل پێشمهرگهى وگهلێ كوردستانێ هاتيه دان”.
سهرۆك بارزانى گۆت ژى”دهنگێ زهلالێ 3 مليۆن كوردان خسته بهردهم ريگريهكا گهلهك مهزن، ههر چهنده ئهو سێ مليۆن دهنگه ديرۆكهك تۆماركر وب كهسێ ناهێته ژێبرن”.
ئهڤرۆنيوز:
رێڤهبهريا گشتى يا كهشناسيێ وبيڤهلهرزان ل ههرێما كوردستانێ پلێن گهرمێ يێن ئهڤرۆ وسوباهى يێن پارێزگههێن ههرێما كوردستانێ بهلاڤكرن.
ريڤهبهريا ناڤبرى دياركر كو پلا گهرمێ ئهڤرۆ سێشهمبى 16/10/2018 ل پاريزگهها دهۆكێ 32 پلهيه وپلا گهرمێ يا پێشبينى كرى بۆ سوباهى چارشهمبى 17/10/2018 دياركر كو 31 پلهيه.
ئهڤرۆنيوز:
ئهندامێ بهرێ يێ پهرلهمانێ عيراقێ، مهسعود حهيدهر ژ بزاڤا گۆران راگههاند، 16 ئوكتۆبهر رۆژهكا رهشه دديرۆكا سهد ساليا خهباتا گهلێ كوردستانێ دا.
مهسعود حهيدهر، ل دۆر خيانهتا 16 ئوكتۆبهرێ وفرۆشتن ورادهستكرنا كهركووكێ بۆ حوكمهتا عيراقێ، دبهرپهرێ خوه دا ل تۆرا جڤاكى يا فهيسبووكى دبێژيت” 16 ئهكتۆبهر رۆژهكا رهشه دديرۆكا 100 ساليا خهباتا گهلێ كوردستانێ دا، خيانهت ل خهبات وخوينا ب دههان هزار شههيدێن پێشمهرگه وئهنفالێ وجينوسايدێ”.
گۆت ژى”16 ئوكتۆبهر ههراجكرنا ئاخا كوردستانێ وكهرامهتا كوردستانيانه بۆ داگيركهرێن كوردستانێ”.
ئەڤرۆ نیۆز، قائید میرۆ:
ھژمارەک عەرەبێن شۆڤێنی چووینە سەرگوندەکێ ناحیا سەرگەڕان و دخواست داگیربکەن، رێڤەبەرێ ناحیا سەرگەڕانژی دبێژیت، یازدە ژوان عەرەبێن داگیرکەر ھاتینە دەستەسەرکرن.
لوقمان حسێن، رێڤەبەرێ ناحیا سەرگەڕان یا سەر ب کەرکووکێ بۆ ئەڤرۆ نیۆز دیارکر” ھژمارەک عەرەبێن شۆڤێنی چووینە سەر گوندێ شەغانە یێ سەر ب ناحیا سەرگەڕان و دخواست ل گوندی ئاکنجی ببن و وەلاتیێن کورد گوندێ خوە ژبۆی وەلاتیێن عەرەبێن شۆڤێنێ چۆلبکەن، مخابن ھەتا نوکە مەترسیا تەعریبێ لسەر حەڤدە گوندێن سنورێ ناحیا سەرگەڕان ھەیە.
رێڤەبەرێ ناحیا سەرگەڕان ئاشکرا کر” ل ھەیڤا ئۆکتۆبەرا سالا بۆری وەرە پێلەکا ھاتنا عەرەبێن شۆڤێنی ل سنورێ پارێزگەھێن نەینەوا و تکریت و دیوانیە ھاتینە سەر زەڤیێن کوردان و مینا سەردەمێ رژێما بەعس دخوازن داگیر بکەن.
لوقمان حسێن ئاماژەکر” پشتی چێبوونا ئاریشەیا گوندێ شەغانە ھێزێن ئەمنی گەھشتینە دەڤەرێ و ھەتا شەڕ چێنەبیت دناڤبەرا کورد و عەرەبان ب فەرمانا دادوەرێ کەرکووکێ یازدە ژوان عەرەبێن داگیرکەر دەستەسەرکرینە.
ئەڤرۆ نیوز ، نەوزاد هلوری:
وەک نەرازیبونەک بو هەبونا هێزێن میلشیاتێن عیراقی و ئەنجامدانا روودانێن مروڤایەتی و ژینگەهی دژی خەلکێ خورماتو و داگیرکرنا دەڤەرێن وان ل 16ێ ئۆکتوبەرا سالا بوری ، خەلکێ خورماتو دەست ب مانگرتنێ کر و بازارێن خوە گرتن.
خورماتو ئێک ژ وان دەڤەرێن سەر ب هەرێما کوردستانێ کو زورترین قوربانی و وێرانکاری ژ ئەنجامێ خیانەتا 16ێ ئۆکتوبەرێ بخوفە گرت ، مینا شەهیدکرنا هژمارەکا زور ژ پێشمەڕگە و وەلاتیێن سلڤێن ، رەڤاندن و هەتکاندنا ژنان ژلایێ حەشد شەعبی ، و ئاوارەکرنا هژمارەکا زور یا خەلکێ خورماتو و سوتن و خراپکرنا هژمارەکا زور یا خانو و دوکان و بازارێن وەلاتیان ژلایێ حەشد شعبی.
وەک نەرازیبون بو مانەفا حەشد شعبی و هێزێن عیراقی ئەڤرو بازارێن خورماتو هاتنە گرتن و مانگرتن دەست پێ کر ، و خەلکێ خورماتو دخوازن خیانەتکار بهێنە دادگەهکرن و دووبارە هێزێن پێشمەرگەی بزڤرن دەڤەرێن وان.
ئهڤرۆ نیۆز،عهزیز ههورامی
شۆفێرێن بارههلگرێن دهرگههێ باشماخ يێ سنورى دهمێ دو رۆژانه خوهنيشادانان دكهن وئهڤرۆ خوهنيشادانا خوه بره گرێ دهباشان ل بهردهم مالا مام جهلالى.
ئێك ژ شۆفێرێن خوهنيشاندهر ب ناڤێ (سيروان كهريم) بۆ ئهڤرۆنيوز گۆت” مه چهندين كێشه يێن ل مهرزێ باشماخ ل ههردو لايێن ههرێما كوردستانێ وئيرانێ ههين”.
گۆت ژى” ل رهخێ ئيرانێ يێ سنورى ژلايێ كاربهدهستێن دهرگههێ باشماخ وقاچاخچيان، كهلوپهلێن قاچاخ ب زۆرى دئێخنه دناڤ بارههلگرێن مه دا وسڤكاتيهكا مهزن ب مه دكهن، ل سنورێ ههرێما كوردستانێ ژى ژلايێ پۆليس وئاسايشێ پشكنينا هوور دهێته كرن وئهڤ چهنده ژى زيانێ دگههينيته مه وچهندين كێشه بۆمه دروست دبن ژبهر وان كهلوپهلێن قاچاخيێن ب زۆرێ ل رهخێ ئيرانێ يێ سنورى دئێخنه دناڤ بارێن مه دا”.
بارام محهمهد، خوهنيشاندهر گۆت” ئهم يێن هاتينه ل بهردهم مالا مام جهلالى خوهنيشادانێ دكهين چونكى ههموو دهستههلاتێن ل وى سنورى يێن ددهستێ كورێن مام جهلالى دا وتنێ ئهو دشێن كێشێن مه بۆمه چارهسهربكهن”.
تاكو نوكه ژى ژلايێ مالا مام جهلالى چو بهرسڤهك بۆ خوهنيشاندهران نههاتيه.
ئەڤرۆ نیوز:
دەقێ بەیانناما بارزانی:
بناڤێ خودایێ بەخشندە و میهرەبان
16 ئۆكتۆبەرێ ڕۆژەکا تاریە د مێژوویا میللەتێ مەدا. د وێ ڕۆژێ دا بوو كو خیانەتا نەمەردانە، ل ئومێد و هیڤیێن گەلەکێ مەزلووم هاتە كرن، ب ئەگەرێ دەستەکێ نافخۆیی ڤە یاریەكا بێویژدانانە ب چارەنڤیسێ گەلێ مە هاتە كرن و ئەو ئاخا ب خوینا هزاران کورێن ڤی نیشتیمانی یا پاراستی بوو، د چارچۆڤێ پیلانەكێدا كەفتە ژێر داگیركاریێ و كاڤلكاریێ و سفکاتی ب پیرۆزیێن گەلێ كوردستانێ هاتە کرن.
ئەو پیلانا نەگریسە، سفكایەتی بوو ب 100 سالێن خەبات و قوربانیدانا گەلێ مە. سفكاتیكرن بوو ب خوینا شەهیدان و ئەو پێشمەرگێن قارەمان یێن ل شەڕێ تیرۆریستێن داعشدا كەركووك و دەڤەرێن كوردستانی یێن دی یێن دەرڤەی ئیدارا هەرێمێ پاراستی و ژ پێش هەموو مرۆڤاتیێ ڤە شەرێ تیرۆرێ دكر، هەروەسا سفكایەتی بوو ب دەنگێ ڕەوا و ئاشتییانە یێ گەلێ كوردستانل کو ب تنێ تاوانا وان ئەو بوو، کو دەنگێ راستەقینەیێ خوە د گەهاندە گوهێ جیهانی.
مە پێشبینییا هەموو ئەگەران كربوو، بەلێ چو جاران ئەم چاڤەرێی هندێ نەبووین دەستەکێ نافخۆیی ب ڤی شێوەی خەنجەرێ ل پشتا گەلێ كوردستانێ بدەت.
ئەوان دڤیا ب نەپاكی و داگیركاریێ و زەبروزەنگێ، ئیرادا گەلێ مە بشكێنن كو ئازادیخوازی و پەیاما ئاشتی و پێكڤەژیانێ یە، بەلێ ئیرادا گەلێ مە ب زیندوویی ما و ب دلنیایی ڤه ئازادیخوازی و پەیاما ئاشتیێ، سەربەرزیە، نەپاكی و داگیركاری ژی سەرشۆری و شوورەییە.
ئارمانجا 16 ئۆكتۆبەرێ، نەهێلانا كیانێ هەرێما كوردستانێ و بێماناكرنا مافێن گەلێ كوردستانێ بوون، ئەو ژی ب هەڤكاری و چاڤساغی یا دەستەکێ نەپاكێ نافخۆیی، پیلانەکا گەلەک مەزن ل دژی گەلێ مە د ئارادا بوو، بەێ پێشمەرگەی بریارا بەرگریێ و كۆلنەدانێ دا، هاوكێشە گوهۆین و سەربەرزی بۆ گەلێ كوردستانێ ما.
دڤێ یادا تەحل دا، داخوازێ ژ هەموو لایەكی دكەم رێزێ ل مێژوو و مافێن گەلێ كوردستانێ بگرن، سیاسەتا شۆڤینی و ئینكاركرنێ هیچ ئەنجامەک نینە و ب تنێ شەر و پاشکەفتن لێ دکەڤیت.
هەمووگاڤا مە داخواز كریە كو كەركووك ببیتە نموونا پێکڤە ژیانێ، بەلێ مساومێ ل سەر ناسناما كوردستانیبوونا كەركووكێ ناهێتە کرن، داخوازێ ژ وەلاتیێن كوردستانێ دكەم ب ئومێد و هێزڤە بەرێ خوە بدەنە داهاتی، دۆزا گەلێ مە یا رەوایە و ب شەر و پیلان و نەپاكیێ، ب دووماهی ناهێت.
16 ئۆكتۆبەر ئەو رۆژا تارییە د مێژوویا گەلێ مە دا كو چو جاران ناهێتە ژبیرکرن و دڤێت ببیتە وانەک بۆ تاك تاکێن گەلێ كوردستانێ.
سلاڤ بۆ شەهیدێن كورد و كوردستانێ و هەموو شەهیدێن رێیا ئازادیێ.
سلاڤ بۆ پێشمەرگێن قارەمان.
سلاڤ بۆ تێكۆشەران و نیشتیمانپەروەران.
مەسعود بارزانی
16ـی 10ـی 2018
نيشاندان