ئەڤرۆ نیوز، نەوزاد ھلۆری:
پشتی کو چەند روژێن بوری ل پارێزگەھا سلێمانیێ کەسەکێ تەقە ل نوشدارەکێ کری و ب گرانی بریندارکری، سەندیکا نوژدارێن کوردستانێ دخوازن بەری نەخۆش بچیتە ژورا نوژداری ھەند بەلگەنامە ژ وان بھێنە خواستن، ژلایەکێ دن ڤە پولیسێن سلێمانیێ کەسە ب تومەتا تەقەکرنێ ل دکتور کەمال ئەحمەد راگەھاند.
د. ھالە عەبدوللا، ئەنداما سەندیکا نوژدارێن کوردستانێ تایێ سلێمانیێ د کونگرەیەکێ رۆژنامەڤانی دا دیارکر کو پشتی بریندارکرنا دکتور کەمال ئەحمەد ل چەند روژێن بوری ل کلینیکا وی، ئێدی پێدڤی یە بەری نەخۆش بچیتە ژورا نوژداران بەلگەنامەیێن پێدڤی ژ وان بھێنە وەرگرتن و گۆت: (نوکە ل نەخۆشخانا فاروق ل سلێمانیێ چارەسەریا دکتور کەمال دھێتەکرن و سوپاس بو خودێ بەر ب باشترە، ئەم داخوازێ ل وەزارەتا ساخلەمیێ و رێڤەبەریا گشتی یا ساخلەمیا سلێمانیێ کو بریارێ بدەن بەری نەخۆش و سەردانکەرێن کلینیکێن نوژداران بچنە ژورا نوژداران، بەلگەنامەیێن پێدڤی ژ وان بھێنە وەرگرتن).
زێدەتر گۆت: (ژبەرکو چوو بەلگەنامە ژ تەقەکەرێ دکتور کەمالی نەھاتینە وەرگرتن، ناھێتە زانین کێ تەقەکریە).
نيشاندان
