ئه‌ڤرۆ نيوز:
به‌لاڤكرنا مووچێ هه‌يڤا تيرمه‌هێ يێ فه‌رمانبه‌رێن هه‌رێمێ يێ به‌رده‌وامه و رۆژا ئێكشه‌مبى ژى سێ وه‌زاره‌ت و سێ سه‌رۆكايه‌تى دێ مووچه‌يى وه‌رگرن.
ئه‌ڤرۆ نيوز زانيه كو رۆژا ئێكشه‌مبى رێكه‌فتى 21ى چريا ئێكێ 2018 دێ مووچێ وه‌زاره‌تێن پێشه‌سازى و ره‌وشه‌نبيرى و لاوان و ئاڤه‌ندانكرنێ هێنه به‌لاڤكرن.
هه‌ر ب گۆره‌يى وان پێزانينان ل گه‌ل به‌لاڤكرنا مووچێ وان سێ وه‌زاره‌تان، دێ مووچێ هه‌رسێ سه‌رۆكاتيێن هه‌رێمێ ژى هێته به‌لاڤكرن.
ئه‌ڤرۆ نيوز:
فازل ميرانى، سكرتێرێ مه‌كته‌با سياسى يا پارتى ديموكراتى كوردستان راگه‌هاند كو د حوكمه‌تا نوو يا عيراقێ دا كورد داخوازا پۆستێ جێگرێ سه‌رۆك وه‌زيران و چه‌ند وه‌زاره‌ته‌كێن سيادى و خزمه‌تگۆزارى دكه‌ت.
فازل ميرانى د رۆژا دووماهيێ يا پێشانگه‌ها نێڤده‌وله‌تى يا پرتووكان دا ل هه‌ولێر گۆت: “پارتى ب پێدڤى دزانيت ده‌سته‌يا سياسه‌تێن ستراتيژى و جڤاتا فيدرال بهێته دامه‌زراندن بۆ چاڤدێريا حوكمه‌تێ.
ئەڤرۆ نیوز ، زنار تۆڤی:
بریاره ئەڤرۆ شه‌مبیێ 20 ئۆكتۆبه‌رێ خولا شه‌شێ یا فلمە فێستیڤالا نێڤده‌وله‌تی یا دهۆكێ ده‌ست پێ بكەت و بۆ ماوێ حه‌فت رۆژان دێ یا به‌رده‌وام بیت.
ئه‌ڤ سالە ژ سەرجەمێ 600 فلمان یێن کو گه‌هشتینە ده‌ستێ لیژنێن فیستیڤالێ، 107 فلم ژ 50 وەلاتان هاتینە هه‌لبژارتن بۆ هه‌موو پشکێن فیستیڤالێ دێ هەڤرکیێ ل سەر ب دەستڤەئینانا خەلاتێن فیستەڤالێ کەن، د چارچۆڤێ به‌رنامێن فیستیڤالێدا دێ 40 فلمێن كوردی و 67 فلمێن نێڤده‌وله‌تی هێنە نیشاندان.
پێشتر رێڤەبەرا به‌رنامێن نێڤده‌ولە‌تی یێن فیستیڤالێ لیسا گول د كۆنفرانسەکێ رۆژنامه‌ڤانیدا ئاماژە ب تایبه‌تمه‌ندیێن فیستیڤالێ كریە و گوتیە ئەڤ ساله فۆكس د فیستیڤالێدا دێ ل سه‌ر ژنان بیت و كار دێ له سه‌ر وان بابه‌تان هێتت كرن یێن كو پەیوە‌ندیدارن به ژنان ڤه، هەروەسا پێنج فیچه‌ر و دو فلمێن دكۆمێنتاری و پێنج كورته فلمێن تایبه‌ت ب ژنان ڤە د فێستیڤالێدا دێ هێنە نیشاندان.
هەروەسا بریاره سێ پەنەلێن تایبه‌ت ب سینه‌مایێ ڤە برێڤە بچیت، پەنەلێ ئێکێ ل سه‌ر به‌رپرسیاریەتا حوکمه‌تێ ل سەر به‌رهه‌مئینانا فلمانە و پەنەلێ دویێ ده‌رباره‌ی به‌رهه‌مئینانا فلمانە ل گه‌ل پەنەلەکێ تایبه‌ت ب ژنێ و سینه‌مایێ و سینه‌ما و ژنێ ڤەیە، هەروەسا فلمێ ڤەکرنا فیستیڤالا هۆکێ دێ فلمێ زاگرۆس یێ دەرهێنەرێ کورد سەهیم عومەر خەلیفەی بیت.
ئه‌ڤرۆ نیۆز، سالار
به‌ری ده‌مه‌كێ كێم ل قه‌زا سێمێلێ گه‌نجه‌ك ژلایێ برایێ وی ڤه هاته كوشتن، بێی دیاربوونا ئه‌گه‌رێن دروست بوونا ڤێ روودانێ و هه‌ر ئێكسه‌ر خوه راده‌ستی هێزێن ئێمناهیێ ل وێ ده‌ڤه‌رێ كر.
ژێده‌ره‌كێ نێزیك روودانێ ئه‌ڤ نووچه بۆ ئه‌ڤرۆ نیۆز پشت راستكر ودياركر كو ئه‌و گه‌نج بناڤێ(ر.ع) خه‌لكێ قه‌زا سێمێلێ یه و ژلایێ برایێ وی ڤه هاتیه كوشتن و پشتی روودانێ بكوژی خوه راده‌ستی هێزێن ئێمناهیێ كریه
ئەڤرۆ نیوز ، زنار تۆڤی:
ل شەڤا بوری پشتی ململانەکا درێژ ل گەل نەساخیێ عه‌لادین قه‌یسی قورئان خوینێ مەزنێ عیراقێ د ژیێ 75 سالیێ دا ل عه‌مانا پایته‌ختێ ئوردنێ وەغەرکریە.
جهێ ئاماژە پێکرنێیە کو عه‌لادین قه‌یسی، خودانێ ده‌نگەکێ خۆش و شیانێن باش هه‌بوون ل مقاماتێن عیراقی دا، هەروەسا ل سالا 2009 دا هاتیە هەلبژارتن ب سه‌رۆكێ ( رابیتا ئیسلامی یا جیهانی) ل مالیزیا.
ئەڤرۆ نیوز ، زنار تۆڤی:
رێڤەبەریا گشتی یا سەقاناسی و بیڤەلەرزان ل ھەرێما کوردستانێ پێشبینێن سەقایی د 48 دەمژمێرێن بهێن دا بەلاڤکرینە و لدووڤ پێشبینیێن وان سوبەهی ل چەندین دەڤەران دێ باران باریت.
رێڤەبەریا سەقاناسی و بیڤەلەرزان ل ھەرێمێ پێشبینیێن خوە د 48 دەمژمێرێن داهاتی دا دیارکرینە، هەروەسا و لدووڤ پێشبینیێن وان ئەڤرۆ ئەینیێ دێ ئەسمانێ ھەرێمێ د ناڤبەرا نیڤ ساهی و نیڤ عەوری دابیت و ئەگەرێ باران بارینەکا هوور ل هندەک جهێن جۆدا دا ھەیە.
هەروەسا لدووڤ پێشبینێن سەقاناسیا ھەرێمێ سوبەهی شەمبیێ دێ ل هەموو پارێزگەھێن هەرێمێ ئەسمان د ناڤبەرا نیڤ عەوری بۆ عەورێن تەمام دا بیت و ئەگەرێ باران بارینێ ژی هەیە.
ئەڤرۆ نیوز ، زنار تۆڤی:
پشتی ژ لایێ سەرۆک کۆماری ڤە هاتیە راسپاردن بۆ پێکئینانا حوکمەتا نوو یا عیراقێ، سەرۆک وەزیرێ راسپاردیێ عیراقێ راگەھاندیە، کو ل رۆژا چارشەمبیا بھێت دێ پشکەکا کابینا نوو یا حوکمەتا عیراقێ ئاشکرا کەت.
ئۆفیسا عادل عەبدولمەھدی سەرۆکێ راسپاردی یێ حوکمەتا عراقێ د بەیانەکێ دا راگەھاندیە، کو رۆژا چارشەمبیا بھێت، دێ ناڤێن پشکەکا وەزیرێن کابینا نوو یا حوکمەتا عیراقێ ھێنە ئاشکراکرن، لێ هەتا نوکە ناڤێن چو وەزیران د حوکمەتا نوودا ب فەرمی نەهاتینە ئاشکرا کرن.
ئەڤرۆ نیوز:
هه‌ر چه‌نده د چه‌ند سالێن بوریدا دروستكرنا ئاڤاهی و بالەخانان پێشكه‌فتنەکا به‌رچاڤ ب خوەڤە دیتیە و د ماوەکێ كێمدا ئاڤاهیێن مەزن دهێنە دروست کرن.
کۆمپانیەکا چینى بریار دایە کو ڤێ هەڤرکیێ ببەته ئاستەکێ دیتر و د ماوێ 90 رۆژان دا بلندترین ئاڤاهی ل جیهانێ دروست بكەت.
ئەڤ ئاڤاهیە دێ ژ کەلوپەلێن پێشتر بۆ هاتینە ئامادەکرن هێتە دروستکرن و ل سالا 2012 دا ڤێ كۆمپانیێ ئه‌ڤ ئه‌زموونه ئه‌نجامدایه و ئاڤاهیەکێ 30 قاتى د ماوێ 15 رۆژان دا دروست كریه.
ئه‌ڤ باله‌خانا نوو کو بریارە د ماوێ 90 رۆژان دا بهێتە چێکرن، دێ بلندترین باله‌خانه بیت ل جیهانێ و دێ ناڤێ وی کەنە (باژێرەک ژ ئەسمانی)، بلنداهیا ڤی ئاڤاهی دێ 838 مه‌تر بیت و ژ 220 قاتان پێكدهێت.
ئەڤ ئاڤاهیە دشێت به‌رگریا بیڤه‌له‌رزان بکەت هەتا دگەهیتە 9 پلێن ریختەرێ.
ئەڤرۆ نیوز ، زنار تۆڤی:
جڤاتا ئاسایشا هه‌رێما كوردستانێ راگه‌هاندنه‌ك به‌لاڤكر و تێدا ئاماژه ب گرتنا گرۆپه‌كا دزین و ب قاچاخبرنا نەفتێ راگه‌هاندیە.
د وێ راگه‌هاندنا جڤاتا ئاسایشا هه‌رێما كوردستانێ دا هاتیه: کو د چارچۆڤێ بزاڤێن جێبەجێكرنا قانوونێ بۆ روو ب رووبوونا گه‌نده‌لیێ و نه‌هێلانا ده‌ستێوه‌ردانێ د مۆلكێ گشتی دا و لدووڤ بریارا دادوه‌ری، د ئۆپه‌راسیۆنه‌كا سازیێن ئێمناهیێ و رێڤه‌به‌راتیا ئاسایشا گشتی دا گرۆپه‌كێ دزین و ب قاچاخبرنا نەفتێ هاته گرتن.
د وێ راگه‌هاندنێ دا هاتیه ژی: ئه‌و گرۆپه ژ چار وه‌لاتی و دو كارمه‌ندێن ئاسایشێ پێكهاتی بوون و دێ لدووڤ رێكارێن قانوونێ سه‌ره‌ده‌ری ل گه‌ل دا هێته كرن.
هه‌روه‌سا جڤاتا ئاسایشا هه‌رێمێ ئاشكه‌را كریه ژی، كو ئه‌و هه‌موو وه‌لاتیان پشت راست دكه‌ن، کو ژ پێخەمەت سه‌روه‌ریا قانوونێ رێکێ ناده‌ن ده‌ست درێژی ل سه‌ر مۆلك و مالێ گشتی و وه‌لاتیان بهێته كرن و هه‌ر ئالیه‌كێ قانوونێ بشكێنیت دێ روو ب روو دادگه‌هێ بیت و دێ سزایێ خوه یێ قانوونی وه‌رگریت.
نيشاندان