ئه‌ڤرۆ نيوز:
ل روونشتنا ئه‌ڤرۆ يا په‌رله‌مانێ عيراقێ، بۆ تمامكرنا كابينا حوكمه‌تا عادل عه‌بدولمه‌هدى،شه‌ره بووكسانێ دروست بوو و د ئه‌نجامدا بريار هاته دان كومبوون بۆ رۆژا5 شه‌مبى بهێته پاشخستن.
په‌رله‌مانتارێن فراكسيونێن ئێكه‌تيێ، سائيرون، نه‌سر و حيكمه بايكوتا كومبوونێ كرن، پشكه‌ك ژ لايه‌نێن شيعه‌دژى به‌ربژێركرنا فالح فه‌ياز بوون بۆ وه‌زاره‌تا ناڤخو و ئالوزى دورست كرن.
ئەڤرۆ نیۆز:
ناڤەندێن وەرزش چاڤەرێ دەرچونا قانونەکا نوو دکەن کو بەرھنگاریا توندوتیژیێ تایبەت دبیاڤێ تەپا پێ دا ل وەرلاتێ ئەرژەنتین بکەت وەکو بەرسڤدانا ئێکێ یا حکومەتا وی وەلاتی ب ھەڤکاریا پەرلەمانێ وی وەلاتی تایبەت پشتی قەیرانا ل یاریا دویێ یا دووماھیا قارەمانیا کاسا لیبرداتوس ل ناڤبەرا ھەردو یانێن بوکا جونیورز و رێڤەرپلێت ھاتیە پێش و دویڤدا بریارا ڤەگوھاستنا وێ بو یاریگەھا سانتیاگو ل ئسپانیا ھاتیە دان.
ل دور ڤی بابەتی سەروکێ ئەرژەنتین ماوریسیو ماکری راگەھاند کو پەرلەمانێ وەلاتێ وی د ڤێ ھەیڤێ دا دێ دووماھی کار د پروژە قانونا نوو دا کەن ژبو بەرھنگاریا توندوتیژیا گرێدای یاریا تەپا پێ.
زێدەتر ناڤھاتی ئاماژەکریە پشتی وان روودانێن شەرمزاری یێن بەریا ١٠ روژان ھاتینە پێش دێ دانوستاندنا ل سەر پروژە قانونا نوو کەن داکو ئەڤ دیاردە بھێتە بنبرکرن.
ئەڤرۆ نیوز:
بەرەڤانێ یانا یوڤانتوس یا ئیتالی دبیت بو ماوێ دو ھەیڤان ژ یاریگەھان و پێکھاتیێ یانا خوە دوورکەڤیت ب ئەگەرا ھنگافتنێ ل رانێ وی.
زێدەتر ل دور ڤێ چەندێ ژێدەرێن نێزیک یانا ئیتالی ئاشکراکریە کو ئەندریا بارزالی بو ماوێ ٤٥ ھەتا ٦٠ روژان دێ ژ یاریگەھان دوورکەڤیت و ل یاریێن یانا خوە یێن خولا ئیتالیا ل ھەمبەر ئەنتەر میلان، روما و تورینو یاریێ ناکەت زێدەباری یاریا دووماھیا قوناغا کومان دقارەمانیا یانێن ئوروپا دا ل دژی یونگ بویز و کاسا سوپەرا ئیتالیا ل دژی میلان.
ئەڤ یاریزانێ ٣٧ سالی بو ماوێ ٢٠٠ خولەکان تنێ ل ڤی وەرزی یاریی بو یوڤانتوس کریە و پێشبینیا ڤەگەریانا وی نینە ھەتا دەستپێکا سالا نوو.
ئەڤرۆ نیوز:
کاپتنێ یانا ریال مەدرید یا ئسپانی ھاتە دیتن کو یێ ئاھەنگێ ب دەستڤەبرنا تەپا زێری یا ھەڤالێ خوە یێ کرواتی لوکا مودریچی دگێریت پشتی ب دەستڤە بری وەکو باشترین یاریزانێ ل جیھانێ ھاتیە ھەلبژارتن ژلایێ گوڤارا فرانس فوتبول یا فرەنسی.
ل پێیچێ خوە یێ تورا کومەلایەتی یا ئەنستگرامی راموسی وێنەک بەلاڤەکر کو ب رەخ مودرچی ڤەیە و تەپا زێری یا دەستادا و یێ ماچی دکەت وەکو رێزگرتنەکا مەزن بو ڤی خەلاتێ ببھا.
مودریچ ب ددەستڤەبرنا تەپا زێری یا باشترین یاریزانێ ٢٠١٨ شیا دیوراێ کونترولکرنێ ژلایێ میسی و رونالدوی بشکێنیت.
د رێزبەندا باشترین یاریزانێن جیھانێ دا راموس ل رێزا ١٩ ھات ل سالا ٢٠١٨ێ.
ئەڤرۆ نیۆز، مەحمود نهێلی:
ژ بۆ دیاركرنا بهایێن ده‌رمانان و ده‌رمانێن مادده بسه‌رڤه‌چوویى و كاركرنا وان ب سیسته‌مێن پێشكه‌فتى ل كوچكا قایممقامیا قه‌زا ئامێدیێ ئەڤرۆ 4\12\2018 لیژنەک هاتە پێک ئینان .
ئیسماعیل مسته‌فا رشید قایمەقامێ قه‌زا ئامێدیێ بو ئەڤرۆ نیۆز دیار کر کو ب به‌رهه‌ڤبوونا رێڤه‌به‌رێن (پولیس و ساخله‌میێ) یێن قه‌زا ئامێدیێ و جێگرێ رێڤه‌به‌رێ ئاسایشا ئامێدیێ و به‌رپرسێ بنگه‌هێ چاڤدێریا بازرگانى ل ئامێدیێ و نوونه‌رێ كۆنترۆلا ده‌رمانان ل پارێزگه‌ها دهوكێ ئەڤ لیژنە هاتیە پێکئینان و گۆت: (ئەڤ لیژنه ل سه‌ر فه‌رمانا وه‌زاره‌تا ناڤخوە و لیژنا كۆنترۆلكرنا ده‌رمانان ل پارێزگه‌ها دهوكێ هاتیه پێكئینان ژ بۆ كۆنترۆلكرنا ده‌رمانان ل هه‌مى ده‌رمانخانێن قه‌زایێ ژلایێ جورێن ده‌رمانان و دیاركرنا بهایێن ده‌رمانان و نه‌هێلانا ده‌رمانێن ده‌م بسه‌رڤه‌چوویى و دانانا سیسته‌مه‌كێ كومپیوته‌رى ل هه‌مى ده‌رمانخانان و چه‌ند بابه‌تێن دى یێن گرێدایێ ده‌رمانخان هاتنه گه‌نگه‌شه‌كرن).و تەکەز کر، كو ئه‌ڤ لیژنه دێ به‌رده‌وام سه‌ره‌دانێن مه‌یدانى بۆ هه‌موو ده‌رمانخانێن سنورێ قه‌زا ئامێدیێ ئه‌نجام ده‌ت و ل دووڤ رێنمایێن دهێنه ده‌ركرن دێ سه‌ره‌ده‌ری دگه‌ل دا هێته‌كرن .
ئەڤرۆ نيۆز، ئەمير ئەترووشى:
ئێكەتيا ئورۆپا كۆژمێ مليۆن يۆرۆيان پێشكێشى هەلگرا خەلاتێ نۆبل ل جيهانێ كر كو ب رێيا خوە بۆ ئاڤەدانكرنا شنگال ب مەزێخيت و 4 مليۆن يۆرو ژى بۆ چارەسەركرنا كچێن ئێزدى يێن رزگاربووى ژ دەستێن داعش تەرخانكرن.
ناديا مۆراد، هەلگرا خەلاتێ نۆبل ل جيهانێ د بەيانامەكێ دا ديار دكەت، ئێكەتيا ئورۆپا ئەز ئاگەهدار كريمە كو هاريكاريا شنگال بهێتە كرن و دەست ب ئاڤەدانكرنا وێ بهێتە كرن و بۆ ڤێ مەرەمێ ژى مليۆن يۆرۆ تەرخانكرينە و ئەڤ پارە دێ بۆ دەڤەرێ هێتە هنارتن بۆ ئاڤەدانكرن شنگالێ.
ئاشكرا ژى كريە كو ل گەل هندێ ژى ئێكەتيا ئورۆپا چار مليۆن يۆرۆ بۆ نۆژدارێ كۆنگۆلى (دينيس موكويجى) تەرخانكرينە، بۆ هندێ بەردەواميێ ب چارەسەركرنا وان كچ و ژنێن ئێزدى بكەت ئەوێن ژ دەستێن داعشێ رزگاربووين و نها د رەوشەكا دەروونى يا نەخوەش دا دژين.
زێدەبارى ڤێ يەكێ ژى دوهى رۆژا دوشەمبى ناديا مۆراد ل پايتەختێ وەلاتێ ئەلمانيا “بەرلين” ژلايێ راوێژكارا ئەلمانيا ئەنگێلا مێرکل ڤە هاتيە پێشوازيكرن و گۆت: (مە گفتوگۆيەكا گەلەكێ باش دگەل كر ب تايبەتی ژی كەيسا ئێزديان ل ئەلمانيا و ئاريشەيێن وان وەكو وەرگرتنا ئەو كەسێن ئێزدی يێن ب مەرەما كۆچكرنێ قەستا ئەلمانيا دكەن كو ب زووترين دەم ئەو بهێنە وەرگرتن ل ئەوی وەلاتی و وان ژی مافێ خوە هەبێت و چو جارێن دی رەفزبوون ژ ئاليێ ئەوی وەلاتی ڤە ب ئێزديان نەهێتە دان دگەل پێشوازيكرنا قوربانيێن كۆمكوژيا ئێزديان).
ئەڤرۆ نيۆز، ئەمير ئەترووشى:
ئەندامەكێ فراكسيۆنا پارتى ل جڤاتا نوونەرێن عيراقێ راگەهاند حوكمەتا عيراقێ نەشەيايە پلانا خوە بجهبينيت بۆ ڤەگەراندنا ئاوارەيێن ل هەرێما كوردستانێ دژين و شيان نينن ب ڤەگەرينيت، ژ بەر كو هێشتا نەشيايە پلانا خوە بۆ دابينكرنا ئێمناهيێ و خزمەتگۆزاريان بجهبينيت.
د. ديار تەيب، ئەندامێ فراكسيۆنا پارتى ل جڤاتا نوونەرێن عيراقێ بۆ ئەڤرۆ نيۆز ديار كر، پەرلەمانێ عيراقێ پێشنياز كريە ژ بەشە بۆدجەيا سالا 2019 يا عيراقێ و ب تايبەت ژ بەشە بۆدجەيا وەزارەتا كۆچ و كۆچبەرێن عيراقێ كۆژمەكێ پارەى بۆ وان ئاوارەيێن ل هەرێما كوردستانێ دژين تەرخان بكەن، بەلێ هەتا بۆدجەيا عيراقێ نەهێتە پەسەندكرن و پارێ وەزارەتا ديار نەبيت، نزانين كا دێ چەند پارە بۆ ئاوارەيان هێتە تەرخانكرن.
ئاشكرا ژى كر كو ئەو پارە دێ بۆ پارێزگەهان هێتە رەوانەكرن و ل سەر كەمپان هێتە دابەشكرن و نها ئەڤ پێشنيازە د گفتۆگۆيێ دايە و مە چاڤ ل پەسەندكرنا بۆدجەيا سالا 2019 يە بۆ هندێ بشێين خزمەتا ئاوارەيان بكەين.
گۆتيشى: د پلانا حكومەتا عيراقێ دايە ئاوارەيێن ل ناڤا كەمپا دا دژين ب ڤەگەرينيتە سەر مال و مۆلكێن وان، بەلێ ل گۆرەى وێ پلانێ دڤێت ئێمناهى ل دەڤەرێن وان پەيدا ببيت و خزمەتگۆزارى بۆ بهێنە دابينكرن و ژ نوو بزاڤا ڤەگەراندنا ئاوارەيان بۆ سەر مال و مۆلكێن وان بهێتە كرن.
ئەڤرۆ نيۆز، لەزگين جوقى:
سەرۆكێ ژوورا بازرگانى و پێشەسازى ل پارێزگەها دهۆكێ ديار كر كو نوكە حەشدا شەعبى رێگريى ل چوونا ترۆمبێلين بارهەلگر يێن بازرگانی بۆ ناڤ سەنتەرێ پارێزگەها مووسل دكەت.
شێخ ئەياد، سەرۆكێ ژوورا بازرگانى و پێشەسازى ل پارێزگەها دهۆكێ بۆ ئەڤرۆ نيۆز دياركر كو راستە ئەڤرۆ بەغدا بريارا راكرنا خالا گۆمركى يا ناحيا فەيديێ د ناڤبەرا پارێزگەها مووسل و پارێزگەها دهۆكێ دا دەرئيخست لێ نوكە بۆ بازرگانان ئاريشەكا دى چێبوويە ئەو ژى حەشدا شەعبى ئەڤرۆكە رێگريى ل چوونا ترۆمبێلين بارهەلگر دكەت بۆ ناڤ مووسلێ و هژمارەكا زۆر يا ترۆمبێلان ل سەر جادا د ناڤبەرا دهۆك و مووسلێ دا يێن هاتينە راوەستاندن و حەشدا شەعبى ناهێلیت بچنە ناڤ مووسلێ دا.
ئەڤرۆ نیۆز:
جوبران باسیل وەزیرێ دەرڤە یێ لوبنانێ ل گەل شاندەکێ بەری دەمەکێ گەهشتنە هەولێرێ و بریارە ل گەل سەرۆک بارزانی و نێچیرڤان بارزانی کۆم ببن.
هاتە زانین کو وەزیرێ دەرڤە یێ لوبنانێ و شاندێ ل گەل دێ ل دۆر پرسێن گرێدایی هەرێمێ و پێشڤەبرنا پەیوەندیێن هەر دو ئالیان ل گەل سەرۆک بارزانی و نێچیرڤان بارزانی دانوستاندنان کەن.
سەفین دزەیی پەیڤدارێ حوکمەتا هەرێما کوردستانێ ژی راگەهاند کو شاندێ لوبنانێ دێ بۆ پێشڤەبرنا پەیوەندیێن ئابووری و سیاسی ل گەل هەرێما کوردستانێ دانوستاندان کەن و بزاڤ ژی دهێنە کرن کو پەیوەندیێن هەرێما کوردستانێ و لوبنانێ بەر ب پێشڤە بچن.
ئەڤرۆ نیۆز:
جێمس جێفری نوونەرێ ئەمریکا بۆ کاروبارێن سووریێ راگەهاند کو هەتا نها گەلەک کۆمبوون ل ئاستانا هاتنە کرن و نەشیان چو چارەکێ بۆ قەیرانا سووریێ پەیدا بکەن و گۆت: (ئێدی سەردەمێ کۆمبوونێن ئاستانا ب سەر چوویە و دڤێت روسیا و تورکیا ڤەگەرنە ڤە جنێڤێ و ب رێیا جنێڤێ قەیرانا سووریێ چارەسەر بکەن).
ناڤهاتی ل دۆر پەیەدێ ژی راگەهاند کو ژ بۆ چارەکرنا قەیرانا سووریێ ل گەل چ کەس و ئالیەکێ پێدڤی بیت دێ دانوستاندنان کەم و هەموو بزاڤێن مە بۆ هندێ نە کو قەیرانا سووریێ بهێتە چارەکرن.
نيشاندان