ئه‌ڤرۆنيوز:
هه‌لبژارتيێ ئيسپانيا مفا ژ ياريكرنێ ل سه‌ر ئه‌ردێ خوه ول ناڤ جه‌ماوه‌رێ خوه ل به‌رامبه‌ر هه‌لبژارتيێ ئينگلته‌را نه‌ديت وب ئه‌نجامێ 2-3 هاته دوراندن دچارچۆڤێ ياريێن كۆما چارێ ژ قاره‌مانيا خۆلا نه‌ته‌وێن ئورۆپا.
هه‌رسێ گۆلێن هه‌لبژارتيێ ئينگلته‌را ل گێمێ ئيكێ هاتن تۆماركرن ل خۆله‌كێن 16 و30 و38 ژلايێ ياريكه‌ران ستێرلينگ 2 گۆل وراشفورد، هه‌ردو گۆلێن هه‌لبژارتيێ ئيسپانيا ژى ل گێمێ دويێ هاتن تۆماكرن ل خۆله‌كێن 58 و90 ژلايێ ياريكه‌ران باكۆ ئه‌لكاسێر وسيرجيۆ رامۆس ڤه.
ئه‌ڤرۆنيوز:
شيره‌تكارێ جڤاتا ئاسايشا هه‌رێما كوردستانێ مه‌سرور بارزانى، راگه‌هاند، 16 ئوكتۆبه‌رێ مه‌زنترين خيانه‌ت بوو ل نه‌ته‌وه‌كێ چه‌وساى هاتيه كرن.
مه‌سرور بارزانى ل به‌رپه‌رێ خوه ل تۆرا جڤاكى يا فه‌يسبووكێ په‌يامه‌ك ل دۆر خيانه‌تا 16 ئوكتۆبه‌رێ به‌لاڤكر.
د په‌ياما شيره‌تكارێ جڤاتا ئاسايشا هه‌رێما كوردستانێ هاتيه” پيلانا 16 ئوكتۆبه‌را 2017 مه‌زنترين خيانه‌ت بوو ل مفێ چاره‌نڤيسێ نه‌ته‌وه‌كێ چه‌وساى هاتيه كرن، به‌لێ دهه‌مان ده‌م دا روويێ راسته‌قينه‌يێ خيانه‌تكاران ده‌رخست وئاخ فرۆش ژ نيشتمان په‌روه‌ران جوداكرن”.
مه‌سرور بارزانى هيڤى خواست خه‌لكێ كوردستانێ وئاشتيخواز راستيان ژبير نه‌كه‌ن وئێدى رێ نه‌ده‌ن بۆ پۆست وپايان، يارى ب ژيان وچاره‌نڤيسێ وان بهێته كرن.
ل ژێر چاڤدێریا فه‌رهاد ئه‌مین ئه‌تروشی پارێزگه‌رێ دهوكێ و ب ئاماده‌بونا چه‌ند به‌رپرسێن حكومه‌تا هه‌رێما كوردستانێ ل دهوك وقه‌زا شێخان ئه‌ڤرو ئێڤاری 15-10-2018 پروژێ به‌رهه‌مئینانا كاره‌بێ ب ووزا روژێ بو ئاوارێن كه‌مپا مامره‌شان ل سنورێ قه‌زا شێخان هاته ڤه‌كرن.
پاش درێ ورسمه‌كێ تایبه‌ت دا پارێزگه‌رێ دهوكێ په‌یڤه‌ك پێشكێشكر وخوشحالیا خو ب ڤی پروژێ كاره‌بێ دیاركر وسوپاسیا وان هه‌موو لایه‌نان ورێكخراوا كر یێن بوینه هاریكار وپشته‌ڤان بو بجهئینانا ڤی پروژێ كاره‌بێ تایبه‌ت حكومه‌تا ئه‌لمانیا كو پشته‌ڤانیا دارایی یا پروژه‌ی كریه .
هه‌روه‌سا گوت: ئه‌ڤ پروژه دوستێ ژینگه‌هێ یه گه‌له‌ك خه‌رجی نه‌ڤێن ووزه‌كا پاقژ به‌رهه‌م دئینیت وخواست كو ژئیروپێڤه گرنگی پتر ب ڤان پروژان بهێته دان وپیروزباهیا ئاوارێن كه‌مپا مامره‌شان كر .
پاش جودا جودا په‌یڤێن رێكخراو وكومپانیێن ئه‌لمانی یێن پروژه بجهئینای هاتنه خاندن .
پاش فلمه‌كێ تایبه‌ت هاته نیشان دان ل دور قوناغێن چێكرنا پروژه‌ی .
هه‌ژی گوتنێ یه پروژێ ناڤبری ژلایێ حكومه‌تا ئه‌لمانیا وب رێكا رێكخراوا كاریتاس وكومپانیا ئه‌سموسفایر یێن ئه‌لمانی بكوژمێ (600) هزار یورویا هاتیه بجه ئینان ، پروژه‌ی شیان هه‌نه (1000) هزار ئه‌مپێرێن كاره‌بێ به‌رهه‌م بینیت ونێزیكی 1800خێزانا ل ناڤا كه‌مپا مامره‌شان دێ مفای ژێ وه‌رگرن.
فه‌رهاد ئه‌مین ئه‌تروشی پارێزگه‌رێ دهوكێ ئه‌ڤرو ئێڤاری 15-10-2018 ل گه‌ل چه‌ند به‌رپرسێن حكومه‌تا هه‌رێما كوردستانێ ل دهوك وقه‌زا شێخان وشانده‌كێ حكومه‌تا ئه‌لمانی ورێكخراوێن وی وه‌لاتی سه‌را شوونوارێن چروانه ل سنورێ قه‌زا شێخان دا وژنێزیك سه‌حكرنه سكرێ ئاڤێ یێ شوونواری ل وێ ده‌ڤه‌رێ .
پارێزگه‌رێ دهوكێ بریار دا كو رێكا وی شونوارێ دێرین بهێته خوشكرن وتێكهه‌لكرن وهنده‌ك بسپورێن شوونوارا ژی ل وی جهی بهێنه دانان بو وێ یه‌كێ ده‌مێ وه‌لاتی وشاندێن بسپور سه‌ره‌دانا وی شوونواری دكه‌ن بو شروڤه‌كه‌ن وپێزانینا بده‌نه حه‌ژێكه‌رێن شوونوارا.
هه‌ژی گوتنێ یه سكرێ ئاڤێ یێ شوونواری ل چروانه دكه‌ڤیته باكورێ كومه‌لگه‌ها مه‌هه‌تێ ل سنورێ قه‌زا شێخان ومێژویا ئاڤاكرنا وی ڤه‌دگه‌ریت بو سه‌رده‌مێ ئیمبراتوریا ئاشوریا.
ئه‌ڤرۆنيوز:
د ياريا خوه يا ئێكێ دا د خۆلا باسكتبولا عيراقێ يا يانێن پلا ناياب، يانا زاخۆ ئه‌ڤرۆ دوشه‌مبى تووشى دوراندنێ بوو ل سه‌ر ده‌ستێ يانا ئه‌عزه‌ميه يا به‌غدادى.
د وێ ياريێ دا ئه‌وا ل هۆلا شه‌عب ل به‌غدا هاتيه ئه‌نجامدان، يانا ئه‌عزه‌ميه ب ئه‌نجامێ 64- 60 سه‌ركه‌فتن ل سه‌ر يانا زاخۆ تۆماركر.
ئه‌ڤرۆ نیوز، نه‌وزاد هلۆرى:
پێشتر مالپه‌رێ ئه‌ڤرۆ نیوز د راپورته‌كا ڤیدیۆیى دا ده‌نگوباسێ خه‌لاتكرنا گه‌نجه‌كێ ناحیا دێره‌لوك ب ناڤێ نیهاد رێكانى به‌لاڤكر كو ژلایێ كۆمپانیا فه‌سبووكى هاتبوو خه‌لاتكرن، ئه‌ڤرۆ ئه‌و گه‌نجه ژلایێ زانكۆیا نه‌ورۆز ڤه هاته خه‌لاتكرن.
كاروان رێكانى، قوتابیێ زانكۆیا نه‌ورۆز بۆ ئه‌ڤرۆ نیوز گۆت: (وه‌كو رێزگرتن بۆ خه‌بات و وه‌ستيانا قوتابى نیهاد رێكانى قوتابیێ پشكا كومپیوته‌ر و ته‌كنولوژيايێ كو پێشتر كار ل سه‌ر چاره‌سه‌ركرنا كێشه‌كا كۆمپانیا فه‌يسبووكى كر بوو و ژلایێ كۆمپانیا ناڤبرى ژى ده‌ستخوه‌شى لێ كر بو و ب گۆژمه‌كێ پاره‌ى هاتبوو خه‌لاتكرن، و ژبه‌ر هه‌لویست و خه‌مخوریا وى ئه‌ڤرۆ ژلایێ سه‌رۆكاتیا زانكۆیا نه‌ورۆز ڤه هاته خه‌لاتكرن”.
زێده‌تر گۆت: (ژبلى خه‌لاتكرنێ سه‌رۆكێ زانكۆیا نه‌ورۆز خوه‌شحالیا خوه ده‌ربرى كو كورده‌ك بشێت چاره‌سه‌ریا كێشه‌یه‌كا فه‌يسبووكى بكه‌ت و بهێته خه‌لاتكرن، دیسان پشته‌ڤانیا خوه ژى بۆ نیهاد رێكانى ده‌ربرى بو هه‌ر كار و خزمه‌ته‌كا هه‌بیت).
ئه‌ڤرۆنيوز:
هه‌ردو هه‌لبژارتيێن ئيسپانيا وئينگلته‌را ل ده‌مژمێر 9:45 دێ دچارچۆڤێ قاره‌مانيا خۆلا نه‌ته‌وێن ئه‌ورۆپى ياريه‌كا گرنگ ئه‌نجام ده‌ن.
ئه‌ڤ ياريه دچارچۆڤێ كۆما چارێ دايه كو د ياريا ئێكێ دا ل ئينگلته‌را هه‌لبژارتيێ ئيسپانيا ب ئه‌نجامێ 2-1 ب سه‌ركه‌فت بوو.
كۆما چارێ هه‌لبژارتيێن ئيسپانيا وئينگلته‌را وكرواتيا ب خوه‌ڤه دگريت وئيسپانيا ب شه‌ش خالان ل رێزا ئێكێ دهێت وئينگلته‌را وكرواتيا ب خاله‌كێ ل رێزێن دويێ وسيێ دهێن.
نيشاندان