ئه‌ڤرۆ نيوز:
هه‌ڤبه‌ركرن ب سالا بوورى، ئه‌ڤ ساله ل دهۆكێ 228 ملم بارانێ زێده‌تر هاتيه كو پار سال هه‌تا ئه‌ڤرۆ ب تنێ 35 ملم هاتبوون.
رێژا بارانا ئه‌ڤ ساله به‌رامبه‌ر سالا چوويى
نووترين نووچه
- وەزارەتا دارایی بەرسڤا سەردابرنێن پەرلەمانتارەكێ ئێكەتیێ ل دۆر لیستا مووچەی ددەت
- رێباز حەملان: مە پەیاما سەرۆكێ حوكمەتا هەرێمێ ل دۆر مووچەیێ فەرمانبەرێن هەرێمێ گەهاندە سۆدانی
- پێشبینییا چەندین سیناریۆیان ل رۆژهەلاتا ناڤین دهێتە كرن كو ئیراقێ ژی دێ ڤەگرن
- نێچیرڤان بارزانی خواستا هەرێما كوردستانێ بۆ پێشڤەبرنا پەیوەندیان ل گەل هندستانێ دوپاتكر
- ل ئەینییا بهێت شاندێ هەڤپشكێ وەزارەتا داراییا ئیراقێ و هەرێمێ دێ كۆمبن
- ل ئیراقێ فیدرالی نەهاتییە بجهئینان
- فەوزی هەریری: تێكگەهشتنەكا باش بۆ پێكئینانا كابینەیا دەهێ هەیە
- ئەڤرۆ شاندێ تەكنیكیێ پارتی و ئێكەتی ل دۆر پێكئینانا كابینەیا نوو یا حوكمەتێ دێ كۆمبن
- دێ ل گەل ئەنەکەسێ دەست ب دانوستاندنان کەین
- پشكداریا مەسرور بارزانی ل كۆڕبەندێ ئابووریێ جیهانی دێ رەنگڤەدانا ئابووری و دیپلۆماسی ل سەر هەرێمێ هەبیت
سه‌ره‌كى Facebook
ژنه‌ك دێ بيته فه‌رماندا له‌شكرێ وه‌لاته‌كى
ئه‌ڤرۆنيوز:
ژنه‌ك دێ سه‌رۆكا ئه‌ركانێن له‌شكرێ سلوڤينى كو ئه‌ڤه دبيته جارا ئێكێ ل وه‌لاته‌كێ ئه‌ندام د په‌يمانا ناتۆ دا ژنه‌ك ڤى پۆستى وه‌ردگريت.
حوكمه‌تا سلوڤينى به‌لاڤكر” ده‌ستنيشانكرنا جه‌نه‌رال ئه‌رمنك دوى پۆستى دا ل دووڤ شاره‌زاييا وێ بوو وه‌كو فه‌رمانده‌يا يه‌كه‌يێن له‌شكرێ سلوڤينى وپشكداريا وى ددروستكرنا له‌شكره‌كێ پيشه‌كار وراهێنانا وى يا مه‌ده‌نى وله‌شكرى”.
جه‌نه‌رال ئه‌رمنك يا 55 سالى دێ بيته ئێكه‌مين ژن دناڤ سه‌رۆك ئه‌ركانێن وه‌لاتين ئه‌ندام دپه‌يمانا ناتۆ دا كو هژمارا وان 29 وه‌لاتن.
به‌رشه‌لونا به‌روه‌خت بۆ سه‌ركێشا خۆلا ئيسپانى
ئه‌ڤرۆنيوز:
به‌رى ده‌مه‌كێ كێم ياريا به‌رشه‌لونا ومێهڤانا وێ ڤياريال دخۆلا ئيسپانى دا ب سه‌ركه‌فتنا به‌رشه‌لونا ب ئه‌نجامێ 2-0 ب دووماهى هات.
هه‌ردو گۆلێن به‌رشه‌لونا ژلايێ ياريكه‌ران بيكێ ل خۆله‌كا 38 وكارلوس ئه‌لينيا ل خۆله‌كا 83 هاتن تۆماركرن.
ب ڤى ئه‌نجامى ب شێوه‌كێ به‌روه‌خت يانا به‌رشه‌لونا ب 28 خالان ل رێزا ئێكێ دهێت ل سه‌ر رێزبه‌ندا خۆلا ئيسپانى وچاڤه‌رێ ئه‌نجامێ ياريا هه‌ڤركا خوه يانا ئه‌شبيليا دكه‌ت كو پشتى ده‌مه‌كێ كێم دێ بيته مێهڤانا يانا ئه‌لافيس كو ب ئه‌نجامێ وه‌كهه‌ڤى يان دوراندنا ئه‌شبيليا، دێ به‌رشه‌لونا ل رێزا ئێكێ مينيت وب سه‌ركه‌فتنا ئه‌شبيليا دێ خالين وێ گه‌هنه 29 خالان وسه‌ركێشيا خۆلێ ژ به‌رشه‌لونا وه‌ر‌گريت.
بۆ چاره‌كرنا نه‌خوه‌ش وبريندارێن پێشمه‌رگه كۆمبوونه‌ك هاته ئه‌نجامدان
ئه‌ڤرۆنيوز:
لژنا كاروبارێن ساخله‌ميا پێشمه‌رگه‌ى راگه‌هاند، ب ئارمانجا گه‌هاندنا خزمه‌تێن زيده‌تر بۆ پێشمه‌رگه‌ى ژروويێ ساخله‌مى وچاره‌كرنا نه‌خوه‌ش وبرينداران، دده‌مێ بۆرى دا دا لژنه‌كا هه‌ڤپشك دناڤبه‌را وه‌زاره‌تا پێشمه‌رگه وسێ وه‌زاره‌تێن مه‌ده‌نى ل هه‌رێما كوردستانێ ب هه‌ڤكاريا هه‌ڤپه‌يمانيا نێڤده‌وله‌تى هاتيه پێكئينان وبۆ ڤێ مه‌ره‌مێ ئێكه‌مين كۆمبوون هاته ئه‌نجامدان.
ئه‌ڤرۆ ئێكشه‌مبى 2/12/2018 ل ديوانا وه‌زاره‌تا پێشمه‌رگه ئێكه‌مين كۆمبوونا لژنا ساخله‌ميا وه‌زاره‌تا پێشمه‌رگه ب به‌رهه‌ڤبوونا نوونه‌رێ وه‌زاره‌تا ساخله‌ميێ ونوونه‌رێن هێزێن 70 و80 وب هاريكاريا هه‌ڤپه‌يمانيا نێڤده‌وله‌تى هاته ئه‌نجامدان.
دوێ كۆمبوونێ دا به‌حس ل سه‌ر چاوانيا بجهئينانا به‌رنامه وپلانا ستراتيژى يا وه‌زاره‌تا پێشمه‌رگه ژ روويێ ساخله‌ميێ ودابينكرنا كه‌ره‌سته وپێدڤيێن نه‌خوه‌شخانا پێشمه‌رگه هاته كرن كو ژلايێ وه‌لاتێ ئه‌لمانيا دقۆناغا دووماهيێ دايه.
نوونه‌رێن هه‌ڤپه‌يمانيا نێڤده‌وله‌تى به‌رهه‌ڤيا خوه دياركر بۆ هاريكاريا وه‌زاره‌تا پێشمه‌رگه ژروويێ بجهئينانا به‌رنامه وپرۆژان وچه‌ندين پێشنياز هاتنه به‌رچاڤكرن.
ب وێنە ئەنجام و رەوشا یانێن کوردی ل تورکیا بزانە
ئەڤرۆ نیوز،ھەژار مەعروف:
ھەر پێنچ نوونەرێن باکورێ کوردستانێ دخولێن پلا سێ و دو یا تورکیا دا یاریێن خوە ئەنجامدان د یاریێن خولا پلا دو دا نوونەرا کوردستانێ شیا سەرکەفتنەکا گرنگ ل یاریگەھا خوە توماربکەت بەرامبەر ھەر چار نوونەرێن کوردستانێ دخۆلا پلا سێ دا بوو حەفتیا سیێ ل دیڤ ئێک نەشیا سەرکەفتنێ توماربکەن.
ل یاریگەھا دیاربەکر یا نیڤدەولی یانا ئامەد سپور شیا سەرکەفتنەکا ل سەر یانا بودروم سپور توماربکەت ب سێ گولان بێ بەرامبەر ب ڤێ سەرکەفتنێ ئامەد خالێن خوە گەھاندنە ٢١ خالان خوە نێزیکی رێزبەندیێن پێشیی کر .
ژلایەکێ دیڤە ل یاریێن خۆلا پلا سێ و ژ چارچوڤێ یاریێن کوما ئێکێ یانا باتمان سپور ژ دەرڤەی یاریگەھا خوە وەکھەڤبوو ل گەل کوزان بێ گول .
د یاریێن کوما دوێ دا یانا وان سپور خوە ژ خوسارەتیەکا مسوگەر قورتالکر پشتی ل یاریگەھا خوە ل گەل یانا سولتان بای وەکھەڤبووی ب گولەکێ کو گولا وان سپور ل دقیقا ٩٠ ژلایێ یاریزانێ وێ توکان گولو ھاتە تومارکر کو ئەڤە دبیتە یاریا چارێ ل دیڤ ئێک وان نەشێت سەرکەفتنێ توماربکەت کو ل وەرزێ ئەڤ سالە دەستپێکەکا ب ھێز تومارکر بوو لێ ل یاریێن دووماھیێ نەشیا سەرکەفتنێ توماربکەت ب ڤێ سەرکەفتنێ وان خالێن خوە گەھاندنە ٢٣ خالان ل رێزا چارێ د کومێ دا دھێت.
د یاریێن کوما سیێ دا دیاربەکر سپور ژ دەرڤەی یاریگەھا خوە توشی خوسارەتیەکا مەزن بوو ل سەر دەستێ یانا موگلا سپور بوو ب سێ گولان بێ بەرامبەر و د یاریەکا دی دا ژ ھەمان کوم جەزیرە سپور بەردەوامی دا ئەنجامێن خوە یێن لاواز ل وەرزێ ئەڤ سالە پشتی توشی خوسارەتیێ بووی ل سەر دەستێ چوروم سپور ب گولەکێ بێ بەرامبەر .
ژڤانێ به‌لاڤكرنا مووچێن ڤان وه‌زاره‌تان هاته دياركرن
وه‌رزێ كڤاركان ل شاره‌زور و هه‌ورامان
ئه‌ڤرۆ نیۆز،عه‌زیز هه‌ورامی
سالانه ل ده‌ستپێكا وه‌رزێ پاييزێ ل ده‌شتێن شاره‌زوور وده‌ڤه‌رێن هه‌ورامان ل ده‌مێ باران بارينێ وبريسيان، كڤارك ده‌ردكه‌ڤن وهنده‌ك وه‌لاتى بۆ خوارنا خوه دكه‌ن وهنده‌ك ژى وه‌كو كارسه‌حدكه‌نێ وسالانه داهاته‌كێ باش بده‌ست ڤان ڤه دهێت.
ئه‌شره‌ف جاف، ئێك ژ وان كه‌سێن سالانه ب رێيا كڤاركان داهاته‌كێ باش بده‌ست دكه‌ڤيت بۆ ئه‌ڤرۆنيوز گۆت” سالانه ل هه‌موو وه‌رزان گياى كۆم دكه‌م ول بازارى دفرۆشم وكيلۆيا كڤاركان ل بازارى ب دو هزار ديناران دفرۆشم”.
جه‌مال بارام، دوكانداره ل بازارێ كڤاركان گۆت” سالانه بازارێ كڤاركان يێ باشه وكريارێن باش ژى مه يێن هه‌ين وكيلۆيێ ب دو هزار ديناران دكرين وب سێ هزار ديناران دفرۆشين”.
كڤارك ژبلى كو ل وه‌رزێ پاييزى يێن هه‌ين، سالانه ل ده‌ستپێكا وه‌زرێ بهارێ ژى ل چيايێن هه‌ورامان يێن هه‌ين كو ناڤێ وان كڤاركان ب (كڤاركان لۆكه) دهێنه نياسين وكيلۆيا وى ب 20 هزار ديناران ل بازارى دهێته فرۆتن.
رۆژنامه‌ك: ژ به‌غدا تاكو به‌سرا بازرگانى ب مرۆڤى دهێته كرن
ئه‌ڤرۆنيوز:
ددووڤچوونه‌كا رۆژناما (العربي الجديد) دا ئاشكرا دكه‌ت كو هه‌رچه‌نده ل عيراقێ شه‌ش ساله قانوونا به‌رهنگاريا بازرگانيێ ب مرۆڤى هاتيه دانان، به‌لێ نه‌شيايه رێگريێ ل ڤێ دياردێ بكه‌ت ورۆژانه ئه‌ڤ ديارده‌يه زێده‌تر لێ دهێت.
رۆژناما ناڤبرى دراپۆرته‌كێ دا به‌حسێ دياردا بازرگانيێ ب مرۆڤى دكه‌ت ل عيراقێ ودووپت دكه‌ت كو ئه‌ڤ ديارده‌يه رۆژانه د زێده‌بوونێ دايه وده‌ستهه‌لاتدارێن عيراقێ نه‌شياينه رێگريێ لێ بكه‌ن.
ل دۆر وان جهێن ئه‌ڤ ديارده‌يه لێ به‌لاڤ بووى، رۆژنامێ به‌لاڤكر كو ل به‌غدا يا بلاڤبووى وپاشى هه‌موو باژێرێن باشوور وناڤه‌راستا عيراقێ يێن ڤه‌گرتين ب تايبه‌تى ل به‌سره ئه‌ڤ ديارده ب شێوه‌كێ به‌رچاڤ دياردبيت.
ئاماژه ب چه‌ند داخۆيانيێن به‌رپرسێن به‌سرا ژى دكه‌ت كو دوپات دكه‌ن ل باژێرێ به‌سرا ژلايێ تۆرێن مافيايێ كرين وفرۆتن ب ژنان دهێته كرن.
ڤێ دياردێ تنێ ژن بخوه‌ڤه نه‌گرتينه، به‌لكو ئاماژه بۆ وێ چه‌ندێ دهێته كرن كو زارۆيان ژى ب تۆرێن خازخازۆكيێ دفرۆشن وهنده‌ك جاران زارۆيان ب كرێ دده‌نه وان تۆران وئه‌گه‌رێ سه‌ره‌كى ژى ئه‌وه كو ئاستێ ژيانا خه‌لكى ل باشوورێ عيراقێ رۆژانه به‌ر ب خرابيێ دچيت، له‌وما هه‌رچه‌نده ل سالا 2012 قانوونا به‌رهنگاريا بازرگانيێ ب مرۆڤى ل عيراقێ يا ده‌رچووى ورێ ژى ب وه‌زاره‌تا ناڤخوه هاتيه دان تاكو ڤان تۆران بگريت، به‌لێ به‌روڤاژى ئه‌ڤ ديارده‌يه يا زێده‌تر لێ دهێت.
رونالدو یێ پلانا ژناڤبرنا ریال مەدرید دانیت
ئەڤرۆ نیوز، ھەژار مەعروف:
پشتی چوونا ستێرا پورتوگالی رونالدوی ژ یانا ریال مەدرید چەندین ئاریشە ل پێکھاتیێ یانا ریال پەیدابوونە تایبەت ل ھێلا ھێرشبەریێ کو ئەنجامێن یانێ بەر ب لاواز بوونێ ڤە چووینە چەند رۆژنامەیێن ئیتالی دیارکرینە رونالدوی دڤێت ل ڤەگوھاستنێن بھێت یانا ریال مەدرید ژ ناڤبەت کو یێ بزاڤێ دکەت دو یاریزانێن دی رازیبکەت بینتە دناڤ پێکھاتیێ یانا یوڤانتوس دا .
رۆژناما توتو سپورت یا ئیتالی دیارکریە رونالدو یێ بەردەوام بزاڤێ دکەت بوو رازیکرنا ھەر ئێک ژ یاریزانان مارسێلو یێ بەرازیلی و ئیسکو یێ ئیسپانی پەیوەندی ب یانا یوڤانتوس بکەن و ل دیڤ گوتنا ئەوێ رۆژنامێ ھەردو یاریزانان حەزا ئیمزاکرنا ھەڤبەستێ ل گەل یانا یوڤانتوس ھەیە .
ژلایەکێ دیڤە مالپەرێ ئوندا سێروی یێ ئیسپانی دیارکریە رونالدوی ب رێیا واتس ئەپ ل گەل ھەردو یاریزانان ئاخفتی یە بۆ درێسێ یانا یوڤانتوس ل بەر خوە بکەن ل ماوێ بھێـت و ھەردو یاریزانان رازیبوونا خوە دیارکریە ل ماوێ بھێت ھەڤبەستێ ل گەل یوڤانتوس ئیمزا بکەن.
عيراق 133 ملیار دۆلاران يا قه‌رداره
ئه‌ڤرۆنيوز:
په‌يڤدارێ وه‌زاره‌تا پلاندانانێ ل عيراقێ، عه‌بدولزهره هنداوى راگه‌هاند، قه‌بارێ قه‌رێن ل سه‌ر عيراقێ يێن گه‌هشتينه 133 مليار دۆلاران.
عه‌بدولزه‌هره هنداوى گۆت ژى” قه‌رێن ده‌ره‌كى ل سه‌ر عيراقێ 73 مليار دۆلارن و49 مليار دۆلار ژى قه‌رێن ناڤخوه‌يى نه”.
دياركر” ژوان قه‌رێن ده‌ره‌كى يێن ل سه‌ر عيراقێ، 41 مليار دۆلار قه‌رێن وه‌لاتێن كه‌نداڤى نه ل سه‌ر رژێما به‌رێ يا عيراقێ ووان قه‌ران بێ ده‌نگى يا ل سه‌ر، ئانكو چو به‌حس ل وان ناهێته كرن ومفا ژى ل سه‌ر نينه.
ئاماژه‌كر ژى كو بزاڤێن به‌نكا نێڤده‌وله‌تى دبه‌رده‌وامن بۆ هلاويستن وراكرنا 90% ژ وان 41 مليار دۆلارێن قه‌رێن وه‌لاتێن كه‌نداڤى ل سه‌ر عيراقێ.
نيشاندان
WP Facebook Auto Publish Powered By : XYZScripts.com