ئه‌ڤرۆ نيوز:
جێگرێ دويێ سه‌رۆكێ جڤاتا نوونه‌رێن عيراقێ راگه‌هاند كو پارێزگه‌ها دهۆكێ پێدڤى ب هاريكاريێن دارايى يێن زێده‌تر هه‌يه.
نووترين نووچه
- وەزارەتا دارایی بەرسڤا سەردابرنێن پەرلەمانتارەكێ ئێكەتیێ ل دۆر لیستا مووچەی ددەت
- رێباز حەملان: مە پەیاما سەرۆكێ حوكمەتا هەرێمێ ل دۆر مووچەیێ فەرمانبەرێن هەرێمێ گەهاندە سۆدانی
- پێشبینییا چەندین سیناریۆیان ل رۆژهەلاتا ناڤین دهێتە كرن كو ئیراقێ ژی دێ ڤەگرن
- نێچیرڤان بارزانی خواستا هەرێما كوردستانێ بۆ پێشڤەبرنا پەیوەندیان ل گەل هندستانێ دوپاتكر
- ل ئەینییا بهێت شاندێ هەڤپشكێ وەزارەتا داراییا ئیراقێ و هەرێمێ دێ كۆمبن
- ل ئیراقێ فیدرالی نەهاتییە بجهئینان
- فەوزی هەریری: تێكگەهشتنەكا باش بۆ پێكئینانا كابینەیا دەهێ هەیە
- ئەڤرۆ شاندێ تەكنیكیێ پارتی و ئێكەتی ل دۆر پێكئینانا كابینەیا نوو یا حوكمەتێ دێ كۆمبن
- دێ ل گەل ئەنەکەسێ دەست ب دانوستاندنان کەین
- پشكداریا مەسرور بارزانی ل كۆڕبەندێ ئابووریێ جیهانی دێ رەنگڤەدانا ئابووری و دیپلۆماسی ل سەر هەرێمێ هەبیت
سهرهكى Facebook
بەرەڤانیا باژێری: 103 روودانێن سۆتنێ و لەھیان ل دھۆکێ ھاتینە تۆمارکرن
ئەڤرۆ نیوز، لەزگین جوقی:
بەرپرسێ پشکا پەیوەندی و راگەھاندنێ ل رێڤەبەریا بەرەڤانیا باژێری ل دھۆکێ بۆ ئەڤرۆ نیوز دیار کر کو 103روودانێن سۆتنێ و لەھیان ل سەرانسەری پارێزگەھا دھۆکێ یێن ھاتینە تۆمارکرن د ئەنجام دا ژی دو کەسان گیانی خوە ژدەست دایە.
رائیدێ مافپەروەر بێوار عەبدولعەزیز، بەرپرسێ پشکا پەیوەندی و راگەھاندنێ ل رێڤەبەریا بەرەڤانیا باژێری ل دھۆکێ ئاشکرا کر کو د ھەیڤا بۆری دا ھەتا ئەڤرۆ 2/12/2018 ل سەرانسەری پارێزگەھا دھۆکێ ژ بەر روودانێن سۆتنێ دو کەسان گیانی خوە ژدەستدایە و پێنج کەس ژی برینداربووینە ب رێژەیێن جۆدا جۆدا ھاتینە سۆتن و گۆت: “د ھەمان دەم دا 103 روودانیێن سۆتنێ و لەھیان ل دھۆکێ یێن ھاتینە تۆمارکرن و ل ھەموو قەزا وناحیێن سەر ب دھۆکێ ڤە خوەشبەختانە چوو زیانێن مەزن ژ بەر لەھیێن بارانێ دروست نەبووینە”.
ناڤھاتی خویا کر کو کو ژ ئەگەر بارانێن ل دو رۆژێن بۆری ل دھۆکێ ھاتین ھژمارەکا کێم یا روودانان ھاتینە تۆمارکرن ئەو ژی ل قەزا سێمێلی ب تایبەتی ل کۆمەلگەھا مسیریکی چار روودان ھەبوون ل زاخۆ ژی ئاڤ بلندبوویە جادە ھاتیە گرتن ھەروەسا ل ئاکری ژی ئاڤێ جادەک گرتیە و تیمێن بەرەڤانیا باژێری ل ھەموو دەڤەران شیاینە کونترۆلێ ل سەر ھەموو روودانان بکەن.
ره‌وشا سه‌قايێ سوبه‌هى
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا دوشه‌مبى رێکەفتی 2ى كانوونا ئێكێ 2018ێ ئه‌سمان دێ ساهى و ئه‌ورێن كێم بيت و هنده‌ك جاران ئه‌و ئه‌وره دێ زێده بن.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دھێتە پێشبینیکرن ئه‌سمان ساهى و ئه‌ورێن كێم بيت و هنده‌ك جاران ئه‌و ئه‌وره دێ زێده بن.
پشکا پێشبینیان دایە زایە زانین کو دێ ئله‌زاتيا بايى د ناڤبەرا 10 ھەتا 20کم دا و ماوێ دیتنێ ژی دێ د ناڤبه‌را 8 بۆ 9كم دا بیت، پلێن گەرمێ ژی دێ د ناڤبەرا 9 بۆ 17 پلان دا بن.
کچێن ئێزدی سکالایەک ل سەر کۆمپانيەکا فرەنسی تۆمارکر
ئەڤرۆ نيوز، ئەمیر ئەترووشی:
ھژمارەکا کچێن ئێزدی یێن رزگاربووی ژ دەستێن داعشێ سکالایەک ل سەر کۆمپانیا فرەنسی لاڤارج تۆمارکرن، ژ بەر کو ڤێ کۆمپانیا فرەنسی پشتەڤانیا داعشێ کریە.
ئەمەل کلونی، پارێزەرا رەڤاندیێن ئێزدی ژ دەستێن تیرورستێن داعش د بەیاننامەکێ دا راگەھاندیە، ھژمارەکا کچێن ئێزدی یێن رزگاربووی ژ دەستێن تیرۆرستێن داعشێ ئەز ئاگەھدارکریمە ل سەر کۆمپانیەکا فرەنسی ب ناڤێ لاڤارج کو ڤێ کۆمپانیێ ل دەمێ رەڤاندنا وان کچان ژ لایێ داعش ڤە، پشتەڤانیا ئێکسەر بۆ داعش دکر، لەوما من وەکو پارێزەرا وان کچان سکالایەک ل سەر وێ کۆمپانیا فرەنسی تۆمارکریە.
ئاشکرا ژی کریە کو ئەڤ سکالایە دێ بیتە ھاریکار بۆ وێ چەندێ کچێن ئێزدی بگەھنە مافێن خوە و ئەو کۆمپانیا فرەنسی ژی بگەھیتە سزایێ خوە و دڤێت کچێن ئێزدی یێن رزگاربووی بھێنە قەرەبووکرن و گۆت: “نھا کۆمپانیا لاڤارج ژلایێ دادگەھێن فرەنسی ڤە کەفتیە بەر لێپرسینێن قانوونی”.
سەرکەفتیێ تەپا زێری ھاتە ئاشکرا کرن
ئەڤرۆ نیوز:
شاندەکێ ئاست بلند ژ یانا ریال مەدرید دێ ل گەل ستێرا یانا خوە یا کرواتی ل ئاھەنگا گوڤارا فرانس فوتبول سوبەھی ئامادەبن ل دەمێ سەرکەفتیێ ب دەستڤەبرنا خەلاتێ تەپا زێری یێ باشترین یاریزان دھێتە گێران.
باسکال فیری رێڤەبەرێ نڤێسینێ ل گوڤارا فرانس فوتبول یا فرەنسی دوپاتکریە کو ئەو شیاینە ناڤێ سەرکەفتیێ برنا خەلاتێ تەپا زێری یێ باشترین یاریزانێ 2018 بزانن و ب رێکا تەلەفونێ ھاتیە ئاگەھدارکرن.
ژ لایەکێ دویڤە رادیویا ئوندا سیرو یا ئسپانی ل دویڤ چەند ژێدەرێن ب دەستکەفتین دیارکریە کو لوکا مودریچ شیایە ھەڤرکیا برنا تەپا زێری دبەرژەوەندا خودا ئێکلابکەت و پێشکەڤیت ژ ھەڤالێ خوە یێ بەرێ و ستێرا یوڤانتوس یا ئیتالی کریستیانو رونالدو و یێ فرەنسی ئەنتونیو گریزمان ستێرا ئەتلەتیکو مەدرید یا ئسپانی ئەوێ ل رێزا سیێ ھاتی.
رونالد و مودریچ شیابوون سەرکێشیا یانا خوە بکەن بەرب قارەمانیا یانێن ئوروپا ل وەرزێ بوری، لێ ستێرا کرواتی رولەکێ مەزن ل گەل ھەلبژارتیێ وەلاتێ خوە ژی ھەبوو ل موندیالا روسیا و ب دەستڤەبرنا رێزا دویێ.
ھەروەسا روژنامەکا نێزیک یانا ریال مەدرید دیارکریە کو یانا ریال ب شاندەکێ مەزن و ب سەروکاتیا فلورنتینو پێرێزی و کاپتنێ تیمێ سێرجیو راموس زێدەباری رائول گونزالێس و ستێرا بەرازیلی یا بەرێ یا یانێ روبیرتو کارلوس دێ ل ئاھەنگا خەلاتکرنێ ئامادەبن.
ھەشت یاریزانێن بەرشەلونە ئەڤرۆ پشکداریێ ناکەن
ئەڤرۆ نیوز:
راھێنەرێ یانا بەرشەلونە یا ئسپانی لیستەک ب ناڤێن یاریزانێن خوە بو پێکھاتیێ یاریا ب زەحمەتا ئەڤ شەڤە ل دەمژمێر 8:30 ل ھەمبەر یانا ڤیاریال ل یاریگەھا خوە کامپ نوو راگەھاند کو ھەشت یاریزانێن وێ ژ ڤێ لیستێ د کێمن و دبیت ئاستەنگ بو بھێنە پێش.
ژ ڤێ لیستێ ئارتور میلو و سێرجی سامبر و توماس فیرەمایلن د کێمن سەرەرای پشکداریا وان ددوماھی یەکا راھێنانێ دا، ھەروەسا لویس سوارێز و جاسبر سیلیسین ژی ژ ڤێ لیستێ دکێمن ب ئەگەرا ھنگافتنێ و سێرجی روبیرتو و ساموێل ئومتیتی ئەوێن ل ژێر گەفا دورکەفتنێ بو ماوەکێ درێش و راڤینیا ئەلکانتارا ئەوێ ژلایێ خوەڤە دێ ژ نەخشێ فالڤێردی دوورکەڤیت بو ماوێ ھەیڤەکێ و دھێتە چاڤەرێکرن چەند یاریزانێن گەنج بھێنە پشکداریکرن ژ وانا ناکی بینیا ژبو قەرەبویا جێ جاسبر سیلیسین و ھەردو یێن بەرەڤانیێ تشومی و خوان میراندا ئەوێن دێ دەلیڤا پشکداریێ ھەبیت پشتی ھنگافتنا ساموێل ئومتیتی و بەردەوامیا دوورکەفتنا توماس فیرمایلن.
ژڤانێ یاریێن ئەڤرۆ
ئەڤرۆ نیوز:
بڕياره ئه‌ڤرۆ چه‌ند ياريێن گرنگ ژ خولێن ئورۆپى بهێنه ئه‌نجام دان و ژ گرنگترين ياريێن ئه‌ڤرۆ ژى دێ به‌رشه‌لۆنا مێڤانداريا ڤياريال كه‌ت و چێلسى و ليڤه‌رپۆل ژى دێ مێڤانداريا فولهام و ئيڤه‌رتۆن كه‌ن ل خولا ئيتالى ژى چاڤ هه‌موو دێ ل سه‌ر ديدارا پايته‌ختى بن ده‌ما يانا رۆما مێڤانداريا يانا ئه‌نتر ميلان دكه‌ت.
خولا ئسپانیا حەفتیا 14
2:00 ریال بیتس – ریال سوسیداد
6:15 جیرونا – ئەتلەتیکو مەدرید
8:30 بەرشەلونە – ڤیاریال
10:45 دیبورتیڤو ئالاڤیس – سیڤیلیا
خولا ئنگلیزی حەفتیا 14
3:00 چێلسی – فولھام
5:05 ئەرسینال – توتنھام
7:15 لێڤەرپول – ئێڤەرتون
خولا ئیتالیا حەفتیا 14
2:30 میلان – پارما
5:00 تورینو – جنوا
8:00 کیڤو ڤیرونا – لازیو
10:30 روما – ئەنتەر میلان
خولا ئەلمانیا حەفتیا 13
5:30 لایبزیک – بروسیا مونشنگلادباغ
8:00 ئەنتراخت فرانکفورت – فولفسبورگ
خولا فرەنسی حەفتیا 13
5:00 تولوز – دیگون
7:00 مارسیلیا – ستاد ریمس
7:00 رێن – ستراسبورگ
11:00 بوردو – پاریس سان جێرمان
خەلکێ مووسل دووبارە ئاوارەی ھەرێما کوردستانێ دبیت
ئەڤرۆ نیوز، قائید میرۆ:
پێلەکا دی یا ئاوارەبوونا خەلکێ مووسل بۆ ھەرێما کوردستانێ دەستپێکریە و بەرپرسەکا ئاوارەیان ژی ئاشکرا کر کو رۆژانە چەندین خێزان دگەھنە سنوورێ پارێزگەھا ھەولێرێ.
ڤیان ئەحمەد، سەرۆکا کەمپێن ئاواران ل دیوانا پارێزگەھا ھەولێرێ بۆ ئەڤرۆ نیوز دیار کر کو ل ڤێ دووماھیێ ڤەگەڕیانا دووبارەیا ئاواران بۆ ناڤا کەمپێن پارێزگەھا ھەولێرێ زێدەبوویە و رۆژانە چەندین خێزانێن سنوورێ مووسل و دەوروبەران دھێنە د ناڤ کەمپێن پارێزگەھا ھەولێرێ دا و رۆژ بۆ رۆژێ ھاتنا ئاواران زێدەبیت کو ھەموو یێن دەڤەرێن پارێزگەھا نەینەوانە.
ل دۆر ئەگەرێ ئاوارەبوونا خەڵکێ مووسڵ ڤیانێ دیار کر کو گەلەک ئەگەر ھەنە، بەلێ وەک ئاوارە دبێژن رەوشا ئەمنی گەلەکا ئالۆزە و چالاکیێن داعش زێدەبووینە، ھەروەسا چو پڕۆژێن خزمەتگوزاری بۆ خەلکی نینن ژ لایێ حوکمەتا بەغدا ڤە بۆ دەڤەرێن وێرانبووی ل سەر دەستێ تیرۆرستێن داعش و گۆت: “ھژمارەکا مەزن یا خێزانێن مووسل و دەوربەران دبێژن ئەم بێ خانی و مال و حال ماینە و نەچارین ڤەگەڕینە کەمپێن ھەرێما کوردستانێ”.
ب وێنه: جێگرێ سه‌رۆكێ جڤاتا نوونه‌رێن عيراقێ گه‌هشته دهۆكێ
ئه‌ڤرۆ نيوز، نيوار محه‌مه‌د سه‌ليم:
به‌رى ده‌مه‌كێ كێم جێگرێ دويێ يێ سه‌رۆكێ جڤاتا نوونه‌رێن عيراقێ گه‌هشته پارێزگه‌ها دهۆكێ و بڕياره چه‌ندين سه‌ره‌دان و كۆمبوونا ئه‌نجام بده‌ت.
ديار ته‌يب، ئه‌ندامێ جڤاتا نوونه‌رێن عيراقێ كو ئێك ژ وان كه‌سان بوو يێن پێشوازى ل شاندێ جێگرێ دويێ يێ سه‌رۆكێ جڤاتا نوونه‌رێن عيراقێ كرى، د داخۆيانيه‌كێ دا بۆ ئه‌ڤرۆ نيوز گۆت: “د. به‌شير حه‌داد جێگرێ دويێ يێ سه‌رۆكێ جڤاتا نوونه‌رێن عيراقێ گه‌هشته پارێزگه‌ها دهۆكێ و د كارێ خوه يێ ئێكێ دا، ل نه‌خۆشخانا ته‌نگاڤيان سه‌ره‌دانا وان فه‌رمانبه‌رێن نڤيسينگه‌ها دهۆك يێن جڤاتا نوونه‌رێن عيراقێ كر يێن تووشى روودانه‌كا ترۆمبێلێ بووين”.
زێده‌تر گۆت: “پشتى وێ سه‌ره‌دانێ بڕياره بچيته نڤيسينگه‌ها جڤاتا نوونه‌رێن عيراقێ ل دهۆكێ و روونشتنه‌كێ ل گه‌ل نوونه‌رێن دهۆكێ ئه‌نجام بده‌ت ل سه‌ر ره‌وشا پارێزگه‌هێ”.
ئاشكه‌را ژى كر كو پشتى ڤێ سه‌ره‌دانێ ژى دێ سه‌ره‌دانا كۆچكا پارێزگه‌ها دهۆكێ كه‌ت و ژ لايێ پارێزگارێ دهۆكێ ڤه، فه‌رهاد ئه‌مين هێته پێشوازى كرن، “دێ ره‌وشا تۆپبارانكرنا سنورێن هه‌رێما كوردستانێ و ئه‌و له‌هيێن ڤان رۆژان ل پارێزگه‌ها دهۆكێ به‌حس كه‌ن و چاوانيا قه‌ره‌بووكرنا وان”.
ئه‌ندامێ جڤاتا نوونه‌رێن عيراقێ خۆيا كر ژى كو پشتى سه‌ره‌دانا پارێزگارێ دهۆكێ دێ د. به‌شير حه‌داد سه‌ره‌دانا زانكۆيا دهۆك كه‌ت و ل گه‌ل سه‌رۆكێ زانكۆيێ ره‌وشا قوتابيێن زانكۆيا دهۆك ئه‌وێن ل زانكۆيا مووسل گه‌نگه‌شه كه‌ن.
نه‌ڤه‌شارت ژى كو هه‌ر د سه‌ره‌دانا خوه دا، بڕياره د. به‌شير حه‌داد سه‌ره‌دانا ئێك ژ كه‌مپێن ئاواران بكه‌ت و ژ نێزيك هايدارى ره‌وش و ژين و ژيارا وان ببيت.
30 رۆژ بۆ وه‌كهه‌ڤكرتا شایستێن شه‌هیدان و زیندانیێن سیاسی دهێنه دیاركرن
ئه‌ڤرۆ نیوز:
سكرتێرێ جڤاتا وه‌زیرێن هه‌رێما كوردستانێ راگه‌هاند، جڤاتا وه‌زیرێن عیراقێ ب فه‌رمانا ژماره 98 ل 13/11/2018 ماوێ 30 رۆژان ده‌ستنیشان كرن بۆ ته‌مامكرنا كارێن لیژنا هه‌ڤپشكا هه‌رێم و به‌غدا بۆ وه‌كهه‌ڤكرتا شایستێن دارایی و ئیمتیازاتێن كه‌سوكارێن سه‌ربلندێن شه‌هیدان و زیندانیێن سیاسی ل هه‌رێما كوردستانێ ل گه‌ل وه‌كهه‌ڤێن وان ل حوكمه‌تا فیدرالی.
ئامانج ره‌حیم ل هژمارا خوه یا تایبه‌ت ل تۆرا جڤاكی یا فه‌یسبووكی به‌لاڤكریه:” دلسۆزان ل هه‌رێم و به‌غدا بزاڤ بۆ بجه گه‌هاندنا ڤی پرۆژه‌ی د به‌رده‌وامن و گه‌شبینم ل دووڤ مادێ 132 یێ دستووری و ب بڕیارا ته‌شریعی یا په‌رله‌مانی یا ژماره 26 یا سالا 2018، هه‌لویستێ ئه‌رێنی یێ فه‌رمی یێ جڤاتا وه‌زیرێن فیدرالی، ئه‌ڤ پرۆژه بهێته بجهئینان”.
سكرتێرێ جڤاتا وه‌زیرێن هه‌رێمێ گۆت ژی:(حوكمه‌تا هه‌رێما كوردستانێ ل ناڤ داخوازیێن خوه بۆ لیژنا هه‌ڤپشكا پێداچوونا بودجا 2019 د ناڤبه‌را حوكمه‌تا عیراقێ و لیژنا دارایی یا په‌رله‌مانی دا، داخوازا ته‌رخانكرنا پارێ پێدڤی بۆ ڤی بابه‌تی كریه و د هه‌مان ده‌م دا زانیاریێن ته‌مامێن كه‌سوكارێن شه‌هیدان و زیندانیێن سیاسی بۆ به‌غدا هنارتینه).
نيشاندان
WP Facebook Auto Publish Powered By : XYZScripts.com