ئه‌ڤرۆ نیوز:
پشتى قوتابیه‌كێ سووری یێ ئاواره‌بوویى باژێرێ هارسفیلد ل وه‌لاتێ بریتانیا تووشتى ده‌ستدرێژیێ بووى ژ ئالیێ قوتابیه‌كێ بریتانى ڤه، و ڤیدیویا وى ب ره‌نگه‌كێ بله‌ز د ناڤ تورێن جڤاكى دا به‌لاڤ بووى، ل پێگه‌هێ ئه‌لكترونى یێ “غو فاند می” هه‌وه‌كا هاریكاریێ بۆ ڤى قوتابیێ ئاواره هاته كرن كو ل گه‌ل مالباتا خوه ل بریتانیا دژیت، وهه‌تا دروستكرنا ڤى ده‌نگوباسى، 154 هزار جونه‌یهێن ئسته‌رلینى، كو دبنه 197 هزار دولار بۆ هاتینه خرڤه‌كرن.
ئه‌ڤرۆ نیوز:
د خونیشادانا پاریس یا پایته‌ختێ فره‌نسا دا، ئالوزى د ناڤبه‌را خونیشاده‌ر و پولیسان روودا و ب ده‌هاتن ترۆمبێل هاتنه سوتن.
خونیشادان دژى گرانبوونا بهایێ سوته‌مه‌نیێ نه، ل دووڤ گوتنا سه‌رۆك وه‌زیرێن فره‌نسا ، د ڤان خونیشادانان دا، 36 هزار كه‌س ل سه‌رانسه‌رى فره‌نسا پشكداریێ د خونیشادانان دكه‌ن.
ئه‌ڤرۆ نیوز:
عه‌باس ئه‌كره‌م په‌یڤدارێ وه‌زاره‌تا خواندناه بلند و ڤه‌كولینێن زانستى راگه‌هاند، پشتى ده‌رچوونا ئه‌نجامێن تاقیكرنا دیاركرنا ئاستێ زمانێ ئینگلیزى ل زانكۆیێن هه‌رێما كوردستانێ بۆ كاندیدێن ماسته‌ر و دكتورایێ و خوازیارێن ناسناڤێ زانستى، وه‌سا بریاره د ڤێ هه‌یڤێ دا كورسێن زمانى ل زانكۆیێن هه‌رێمێ ده‌ست پێ بكه‌ن.
ئه‌ڤرۆنیوز:
سه‌رۆكێ جڤاتا پارێزگه‌ها نه‌ینه‌وا سه‌یدو چه‌تۆ راگه‌هاند، ژبه‌ر وێ پێلا بارانێ یا ئه‌ڤرۆ ئێكشه‌مبی 1/12/2018 پارێزگه‌ها نه‌ینه‌وا ڤه‌گرتی كو بوویه ئه‌گه‌رێ دروستبوونا له‌هیان ل چه‌ندین جهان وئه‌نجامدا زیان گه‌هشتینه وه‌لاتیان، سوباهی ئێكشه‌مبی ل سنورێ پارێزگه‌ها نه‌ینه‌وا دێ بێهنڤه‌دانا فه‌رمی بیت وئه‌ڤ بێهنڤه‌دانه تنێ دێ قوتابخانان ڤه‌گریت ول داموده‌زگه‌هێن حوكمه‌تێ دێ ده‌وام ئاسایی بیت.
ئەڤرۆ نیۆز:
ل گۆر راپۆرتەکا BBC هەرچەندە بەری نها رێککەفتن د ناڤبەرا تورکیا و روسیا دا هەبوو دا بێی شەر ئدلب ڤەگەریتە ڤە سەر ب حوکمەتا سووریێ لێ گرۆپێن چەکدار یێن کو تورکیا پشتەڤانی ل وان دکر پێگیری ب رێککەفتنا تورکیا و روسیا نەکرینە و گرۆپێن چەکدار دبێژن تورکیا خیانەت ل مە کریە و دخوازیت مە ژناڤ ببەت. ژ بەر هندێ ژی زێدەباری بریارا ئاگربەستێ ژی ئالۆزی ل ئدلبێ بەردەوامن.
ل ئالیێ دی هاتە زانین کو حوکمەتا سووریێ ژی دەست ب ئۆپەراسیۆنا رزگارکرنا ئدلبێ ژ گرۆپێن چەکداری کریە و بەرپرسەکێ وەزارەتا دەرڤە یا سووریێ ژی دیار کریە کو هەرچەندە تورکیا هەتا نها هەموو سۆزێن خوە ل دۆر ئدلبێ بجه نەئیناینە لێ شیایە سنۆرەکێ بۆ چالاکیێن وان گرۆپێن تیرۆرستی دانێت و ئەو یەک ژی بۆ ئارامیا ل ئدلبێ باشە، لێ ئۆپەراسیۆنێن مە ژی دێ د بەردەوام بن.
ئەڤرۆ، نیۆز هۆشەنگ تاجر:
عەلی کوردی چاڤدێرێ سیاسی ل رۆژهەلاتێ کوردستانێ بۆ ئەڤرۆ نیۆز دیار کر کو ل گۆر زانیاریێن ل بەر دەست پشتی کو ئیرانێ نەشیا ل هەلبژارتنێن عیراقێ پیلانا خوە سەربێخینیت دەست ب بزاڤەکا نوو ل عیراقێ کریە و گۆت: (ئیرانێ چەندین تیمێن تایبەت بۆ تیرۆرکرنا سەرکردێن سیاسی یێن کو دژبەریا ئیرانێ دکەن هنارتینە عیراقێ و قاسم سلێمانی بخوە سەرپەرشتیا ڤان تیمان دکەت کو ناڤێ هندەک کەسێن سەر ب بزاڤا سەدری ژی د ناڤ ڤێ لیستێ دانە کو ئیران دخوازیت وان تیرۆر بکەت، لێ دەزگەهێ هەوالگێریا ئەمریکا ژی هەر زوو شیان پیلانێن ئیرانێ ئاشکرا بکەن).
ناڤهاتی دیار کر کو ئیران دخوازیت ل عیراقێ و سووریێ و دەڤەرێن دی جارەکا دی شەری گەرمتر بکەت و ئارمانجا سەرەکی یا ئیرانێ ژی ئەڤە کو ب رێیا ئالۆزکرنا رەوشا ناڤخوەیی یا عیراقێ و سووریێ قەیرانا خوە ڤەشێریت و نەهێلیت سەرەنجا رایا گشتی ل سەر رەوشا ئیرانێ بیت.
ئەڤرۆ نیۆز، نەوزاد هلۆری:
ژ ئەگەرێ بارینا باران و رابوونا لەهیان، نێزیکێ حەفت بازار و مارکێت و کافتریا و خوارنگەهێن هاڤینگەها رێزان بن ئاڤبوون و رێیا هاتنوچوونا وان ژی خراب بوویە.
کامیران رێزانەی، خودانێ خارنگەها رێزان ل دەڤەرا بارزان بۆ ئەڤرۆ نیۆز گۆت: (ژ ئەگەرێ بارینا بارانێن زۆر و رابوونا لەهیان، نێزیکێ حەفت خارنگەهـ و کافتریا و بازار و مارکێتێن هاڤینگەها رێزان بن ئاڤ بووینە، رێیا سەرەکی یا گەهشتنا هاڤینگەها رێزان و وان بازاران ژی هاتیە گرتن).
زێدەتر گۆت: (هەموو سالان ل وەرزێ پاییزێ هەتا وەرزێ بهارێ هەموو بازارێن هاڤینگەها رێزان بن ئاڤ دبن، زیانێن زۆرێن مادی بەر وان بازاران دکەڤن، بەلێ ئەگەر رێیەکا تایبەت بو گەهشتنا هاڤینگەها رێزان بهێتە چێکرن، دێ زیانێن وێ کێمتر بن، زیانێن هاڤینگەها رێزان پشتی چێکرنا بەنداڤا رێزان زێدەتر بووینە، چونکو بازارێن رێزان زۆر نێزیکێ رووباری هاتینە چێکرن).
ئەڤرۆ نیوز:
ژێدەرێن دەنگوباسان ھوسا دەنە خویاکرن کو رێیا سەرەکی ناڤبەرا پارێزگەھا ھەولێر و مووسل دا ھاتیە داخستن ژ ئەگەرێ پەیدابوونا لەھیان.
ژێدەرێن رۆژنامەیێن عیراقی ھوسا دیارکریە کو ئەڤرۆ ژ ئەگەرێ باران بارینێن بەردەوام و پەیدابوونا لەھیان رێیا سەرەکی یا ناڤبەرا ھەولێر و مووسل ھاتیە داخستن ژلایێ زالگەھێن ھەردو لایان ڤە، دیسان ئەنجومەنێ پارێزگەھا نەینەوا ژی بارێ نە ئاسایی ژی ل پارێزگەھێ راگەھاند.
نيشاندان