ئه‌ڤرۆ نيوز:
مه‌سرۆر بارزانى، شيره‌تكارێ جڤاتا ئاسايشا هه‌رێما كوردستانێ، په‌يامه‌كا پيرۆزباهيێ ئاراسته‌يى سه‌ركه‌فتيا خه‌لاتێ نۆبل بۆ ئاشتيێ، ناديا موراد كر.
مه‌سرۆر بارزانى، د په‌ياما خوه دا، سه‌ره‌رايى پيرۆزباهيكرنێ نڤيسيه، “ناديا موراد ده‌نگه‌كێ ب هێز دا خه‌لكێ ئێزدى و ئه‌و مرۆڤێن بازرگانيێ پێ دكه‌ن، بزاڤا پاراستنا مافان دايه و داخوازا دادپه‌روه‌ريێ دكه‌ن”.
ئه‌ڤرۆ نيوز:
عومه‌ر محه‌مه‌د تاهر ژ رێڤه‌به‌ريا په‌روه‌ردا دهۆك/ رۆژئاڤا ل سه‌ر په‌يجێ خوه يێ فه‌يسبۆكێ به‌لاڤكريه كو رێڤه‌به‌ريا وان رابوويه ب توماركرنا وانێن 12 زانستى و وێژه‌يى ب ده‌نگ و ره‌نگ ل سه‌ر ده‌ستێ ستافه‌كێ شاره‌زا و باشترين مامۆستايێن دهۆكێ و كرينه ديارى بو قوتابيێن پولا 12 زانستى و وێژه‌يى و ل سه‌ر هه‌موو په‌روه‌ردا و ئاماده‌يا ل سنورێ پارێزگه‌ها دهۆكێ هاتينه به‌لاڤ كرن.
هيڤى ژى خواستيه كو قوتابى بشێن مفايى ژێ وه‌ربگرن و دايه زانين ژى كو ئه‌ڤ كاره ب پشته‌ڤانيا وه‌زيرێ په‌روه‌ردێ پشتيوان سادق ژبۆ پرۆژه‌يى كريه.
ده‌ست خوشيێ ل رێڤه‌به‌رێ په‌روه‌ردا دهوك روژ ئاڤا ماموستا /عمر احمد قاسم دكه‌ين , بو خه‌مخوريا وى .وديف چون وسه‌رپه‌رشتيا ڤى پروژه‌ى كرى بو ماوێ پتر ژ ساله‌كێ .
عومه‌ر محه‌مه‌د تاهر دده‌ته زانين كو وانێن هاتينه تومار كرن ژ كوردى و عه‌ره‌بى و ئنگليزيا پۆلا 12 وێژه‌يى و زانستى و بيركارى بۆ 12ێ وێژه‌يى و هه‌ر ديسان بيركارى و كيميا و فيزيا و زينده‌وه‌رزانى بۆ 12 زانستى.
ئاماژه ب وێ چه‌ندێ ژى كريه كو پرۆژه ژ 123 تراكان پێك دهێت كو پتر ژ 75 ده‌مژمێران ب خوه ڤه دگريت.
بۆ ديتنا لينكێ وانێن دياركرى ڤێره كليك بكه
ئه‌ڤرۆ نيوز:
ره‌جه‌ب ته‌يب ئه‌ردوگان، سه‌رۆك كۆمارێ توركيا، ڤه‌كێشانا سۆپايێ توركيا ل سوريا ب ئه‌نجامدانا هه‌لبژارتن ل وى وه‌لاتى ڤه‌گرێدايه.
ب گۆره‌يى نووچه‌كێ ئاژانسا رويته‌رز، سه‌رۆكێ توركيا د چارچۆڤێ ديداره‌كێ دا ل باژێرێ سته‌مبۆل راگه‌هانديه: “هه‌ر ده‌مه‌كێ خه‌لكێ سوريا هه‌لبژارتنه‌ك ئه‌نجامدا، ئه‌م دێ سوريا بۆ خودانێن وان ب جهـ هێلين”.
هه‌يڤا بۆرى ئه‌ردوگان و ڤلاديمێر پۆتن، سه‌رۆكێ رۆسيا، ل سه‌ر دروستكرنا ده‌ڤه‌ره‌كا ب سلامه‌ت د ناڤبه‌را چه‌كدارێن ياخيبوويى و سۆپايێ سوريا ل باژێرێ ئيدلب رێكه‌فتن، ب ڤێ چه‌ندێ ژى هه‌تا نها شه‌رێ ئيدلب روونه‌دايه كو پشكه‌ك ژ چه‌كدارێن ياخيبووى ب ناڤ هه‌ڤسۆزێن توركيانه.
هه‌ر وه‌سا د نوكه سۆپايێ توركيا ل باژێرێن عه‌فرين و ده‌وروبه‌رێن ته‌رابلۆس يێن هه‌ين، د به‌رده‌وامن ژى ل دژايه‌تيكرنا هێزێن هه‌ده‌سێ كو يه‌كينێن پاراستنا گه‌ل (يه‌په‌گه) سه‌ركردايه‌تيێ دكه‌ت و د سورن ل سه‌ر ئه‌وێ چه‌ندێ كو هێزێن كوردى رۆلێ گرنگ ل سوريا نه‌بيت.
ئه‌ڤرۆ نيوز:
پێگه‌هێ ئه‌لكترۆنى يێ وه‌زاره‌تا گه‌نجينا ئه‌مريكا د به‌ياننامه‌كێ دا به‌لاڤكريه كو سزايێن نوو كو په‌يوه‌ندى ب كوريا باكوور ڤه هه‌يه، ب سه‌ر كۆمپانيه‌ك و چه‌ند كه‌سێن توركى دا سه‌پانديه.
وه‌زاره‌تا گه‌نجينا ئه‌مريكا ته‌كست ل سه‌ر وێ چه‌ندێ كر كو كۆمپانيا “SIA Falcon International Group”ی يا توركی كو ئه‌گه‌رێ په‌يوه‌نديێ ل گه‌ل كۆمپانيا كوريا باكوور ناڤێ وێ د ناڤ ليستا كه‌س و كۆمپانيان دا هاتيه كو سزايێن ئه‌مريكا ڤه‌دگريت، ل گه‌ل كه‌سه‌كێ دى يێ ب ره‌گه‌ز كوريا باكوور سزايێن نوو ب سه‌ردا سه‌پاندينه، بێ كو ئاماژێ ب ناڤ و ناسنامه و ئه‌وان كه‌س و به‌رپرسان بكه‌ت كو سزايان ڤه‌دگريت.
ئه‌ڤه ژى پشتى وێ چه‌ندێ هات كو به‌رى نوكه مايك پۆمپيۆ، وه‌زيرێ ده‌رڤه يێ ئه‌مريكا ته‌كست ل سه‌ر گرنگيا سه‌پاندنا سزايێن خه‌ندقاندنێ ب سه‌ر كوريا باكووردا كربوو.
به‌رى نوكه ئه‌مريكا سزايێن ئابوورى ب سه‌ر چه‌ند كه‌س و كۆمپانيێن توركيا دا سه‌پانديه.
ئه‌ڤرۆ نيوز:
به‌نكا ناڤه‌ندى يا عيراقى، رۆژا پێنجشه‌مبى ژماره‌كا پارێ نوو خسته بازارى ل گه‌ل هنده‌ك گوهۆڕينان كو ژ وان ژى ل سه‌ر هزار ديناريێ سوره‌تا قورئانێ هاتيه لادان.
د به‌ياننامه‌كێ دا به‌نكا ناڤه‌ندى يا عيراقى راگه‌هاند كو كۆژمێن پاره‌يى ژ جۆرێ بچووك (هزار دينارى، پێنجسه‌د دينارى و دوسه‌دو پێنجى دينارى) خستينه بازارى و گوهۆڕينێن بچووك لێ كرينه”.
ئاشكه‌را ژى كر كو كار دێ ب هه‌ردو ره‌نگان هێته كرن و كاروبارێن رۆژانه دا”.
دا زانين ژى كو د چاپا هزار دينارى دا سوره‌تا ئيخلاس ئه‌وان ل سه‌ر چاپێن به‌رى نوكه هه‌يى، هاتيه لادان.
ئه‌ڤه ژى بۆ وێ چه‌ندێ دزڤريت كو به‌رى نوكه مه‌رجه‌عێ شيعان ل عيراقێ راگه‌هاند بوو كو نابيت هزار ديناريێ ب هه‌لگرن بێى شووشتنا ده‌ستنڤێژى، ژ به‌ر كو سوره‌تا ئيخلاس يا ل سه‌ر.
ئه‌ڤرۆ نيوز:
دووماهى ئه‌نجامێن دووماهيێ يێن نه‌فه‌رمى ژ لايێ كۆمسيۆنا بلندا سه‌ربه‌خۆيا هه‌لبژارتنان هاتنه راگه‌هاندن، به‌لێ ل گه‌ل هندێ ژى به‌ربژارێن سه‌ركه‌فتى بۆ په‌رله‌مانێ كوردستانێ نه‌هاتنه دياركرن.
هه‌ر چه‌نده هێشتا چو ئامارێن فه‌رمى نه‌هاتينه به‌لاڤكرن، به‌لێ ب گۆره‌يى ئاماره‌كێ كو ژ مه‌كته‌با سكرتاريه‌ت يا هه‌لبژارتنێن پارتى ديموكراتى كوردستان هاتيه به‌لاڤكرن، ئه‌ڤرۆ نيوز ب ده‌ست خوه خستيه و به‌لاڤ دكه‌ت.
به‌لاڤنه‌كرنا به‌ربژارێن سه‌ركه‌فتى بۆ وان 225 سندوقان دزڤريت يێ قردێلا سۆر پێڤه چونكو ل دووڤ گۆتنا كۆمسيۆنێ ئه‌و دێ گوهۆڕينێ ئێخنه ئه‌نجامێن هه‌لبژارتنان و ب تايبه‌ت ژى يێن به‌ربژارێن ليستێن سياسى.
ئه‌ڤرۆنيوز:
باليۆزێ ئێكه‌تيا ئورۆپى دبه‌رپه‌رێ خوه ل سه‌ر تۆرا جڤاكى يا تويته‌رى ده‌نگوباسێ تووشبوونا وى نه‌خوه‌شيێ پشتى ئاڤا به‌سرا ڤه‌خوارى پشت راست دكه‌ت.
رامون بليكوا گۆت ژى” پشتى نوشدارێ ريكخراوا يونيسيف پشكنين بۆ من كرين، دياربوو ئه‌ز تووشى ژه‌هره‌بوونێ (تسمم) بوويمه پشتى من ئاڤا به‌سرا ڤه‌خوار”.
گۆت ژى” من ل به‌ر نه‌بوو گۆت ژى” هه‌تا نوكه من ل به‌ر نه‌بوو پشته‌ڤانيێ ل خه‌لكێ به‌سره بكه‌م، به‌لێ نوكه ئه‌ز هه‌ڤپشكێ هه‌ستێ وانم”.
ئه‌ڤرۆنيوز:
ب هه‌لكه‌فتا سه‌ركه‌فتنا ليستا 183 ي پارتى ديموكراتى كوردستان دهه‌لبژارتنێن په‌رله‌مانێ كوردستانێ وب ده‌ستڤه‌ئينانا مه‌زنترين رێژا ده‌نگان، مه‌كته‌با سياسى يا پارتى په‌يامه‌ك به‌لاڤكر.
مه‌كته‌با سياسى يا پارتى د په‌ياما خوه دا دياركر” هه‌روه‌كو پێشبينى دهاته كرن، ڤێجارێ ژى رێبازا كوردايه‌تيا راسته‌قينه، رێبازا پارتى وبارزانى ب سه‌ركه‌فت وهه‌ر وه‌كو پێشه‌نگا كوردستانێ ما، خه‌ونا نه‌زۆكى يا نه‌يارێن كه‌ڤن ونوو يێن پارتى نه‌هاته بجهئينان، بانگه‌شه‌يا شه‌رانگێزانه وئاراسته‌كرنا تۆمه‌تان وچه‌واشه‌كاريێ نه‌شيا خه‌لكێ هشيارێ كوردستانێ دسه‌ردا ببه‌ن وڤێجارێ ژى باوه‌ريه‌كا ژ جاران ب هێزتر بۆ پارتى نووكرڤه وباوه‌ريه‌كا خۆرتتر ب رێبازا وێ وئارمانجێن وێ يێن كوردستانێ به‌خشى”.
دياركر” ئه‌ڤ سه‌ركه‌فتنا مه‌زن يا پارتى كو ب هيممه‌ت وئيرادا خه‌لكى ب ده‌ستڤه‌هات، سه‌ركه‌فتنه بۆ هه‌موو گه‌لێ كوردستانێ وئه‌وێن چاڤێن وان ل كوردستانه‌كا ب هێز وئاڤه‌دان وخوه‌شگوزه‌رانتر، له‌وما پيرۆزباهيا خوه يا گه‌رم ئاراسته‌ى خه‌لكێ كوردستانێ ب گشتى وجه‌ماوه‌رێ پارتيا خوه ب تايبه‌تى دكه‌ين، ب وێ ئومێدێ ئه‌ڤ سه‌ركه‌فتنا پارتى وه‌كو به‌رده‌وام ب خێر ومفايێ به‌رژه‌وه‌نديێن بلند يێن گه‌لێ كوردستانێ دابيت ودووماهيێ ب فه‌وزايا سياسى بينيت په‌رله‌مانه‌كێ كارا وحوكمه‌ته‌كا ب هێز وخزمه‌تگوزار بهێته پێكئينان وچاكسازى وگوهۆرينێن مه‌زن بهێنه ئه‌نجامدان”.
نيشاندان