ئەڤرۆنیۆز، ئەمیر ئەترووشی:

رێڤەبەرێ کەمپا مام رەشان یا ئاوارێن کوردێن ئێزدی راگەھاند، ٩٩% ئاکنجیێن کەمپا مام رەشان کوردێن ئێزدی نە و کەمپەکا ناڤداری ب ھەبوونا دەلیڤێن ژیانێ و ب تنێ د ئەڤ سالە دا نێزیکی ١٠٠ خێزانان پرۆژەیێن چاندنێ کرینە.

شێرو سمو جوقی، رێڤەبەرێ کەمپا مام رەشان، بۆ ئەڤرۆنیۆز دیار کر، نێزیکی ٩٠٠٠ کەسان د کەمپا مام رەشان دا دژین و پتریا وان ئاوارەیێن قەزا شنگالێ نە و ب خۆشترین و رێک و پێکترین کەمپ دھێتە نیاسین و گەلەک ژ ئاوارەیان ل کەمپێن دی یێن پارێزگەھا دھۆکێ بزاڤا ڤەگوھاستنێ بۆ ڤێ کەمپێ دکەن و گۆتیشی: کەمپا مام رەشان ب کەمپەکا چاندنێ دھێتە نیاسین و گەلەک ژ ئاکنجیێن کەمپێ زێدەبوونا پرۆژەیێن چاندنێ قەستا قەزا شێخان کرینە و دناڤا پرۆژەیێن چاندنێ دا کاردکەن.

ناڤھاتی خویاکر کو ڤەگەریانا خەلکێ کەمپا مام رەشان گەلەک یا کێمە بو ڤەگەریانا وان ب تنێ ٥ خێزان ڤەگەریاینە شەنگال ئەگەرێ چوونا وان ژی حەتا نھا دیار نەبوویە نەزڤرینا وی خەلکی ئەگەر ژی ئەوە گەلەک گروپێن چەکدار و حەشدا شەعبی ژلایەکی دی ڤە و ژبەر گەفێن ئەدروگانی ژی بو سەر شەنگال و دیسان وان پارتێن جودا یێن ناڤ شەنگال ھەر ئێک ب شێوەیەکی سەرەدەریێ دگەل خەلکی دکەت سەرەدەریا نەیا جوان دبێژن ئەم نەشێین ل شنگال بژین، ھەتا پێشمەرگە ڤەگەریت شنگال ژیان ژی دێ ڤەگەرێت و دیسان لایەکێ شنگال ھەتا نھا نەھاتیە پاقژکرن ژ مین و تەقەمەنیان.

ئەڤرۆنیۆز، سالار دۆسکی:

ب ھەلکەفتا سال رۆژا جیھانی یا بەرھنگاریبوونا توند و تیژی دژی ئافرەتان، ئەڤرۆ سپێدێ ل رێڤەبەریا تۆند و تیژی یا دژی ئافرەتان پیشانگەھەکا کارێن دەستی بۆ ھەژمارەکا کچێن رزگاربووین دەستێ داعش ھاتەڤەکرن.
بەشداربوویەکا پیشانگەھێ بناڤێ بەیاز بۆ ئەڤرۆ نیۆز گۆت: ئەڤە کارێ دەستێ پێنچ ئافرەتێن رزگار بوویە، ئارمانج ئەوە پشتەڤانیا جڤاکی بھێتەکرن ب ڤەکرنا خولێن فێکرنێ بۆ دروارێ بۆ کچێن رزاربوویی وھەر تشتەکێ دروست بکەین بۆ دەرڤە دھێنە رەوانەکرن و دھێنە فرۆتن.
ھەمان بەشداربوویی گۆتژی: ئەڤە ھەموو بەرھەمێ ئافرەتێن کەمپانە و ماودێ دو سالانە ئەڤ سەنتەرە بۆ ھاتینە ڤەکرن وەک پشتەڤانیا جڤاکی و داخاز دکەین پتر پشتەڤانی لێ بھێتەکرن و تایبەت ئەو ئافرەتێن ئێزدی ئەوێن دەستێ داعش رزگاربووین.
ناڤبریێ ئاشکراکر ژی کو سەنتەرەک بۆ فێربوونا کچ و ژنێن ئێزدی ۆ کارێن دەستی ل کەمپا قادیا ھەیە و ل کەمێاغ دومیز ژی ھەیە.