NO IORG
Facebook

ئه‌ڤرۆنيوز:

باليۆزێ وه‌لاتێ ئۆكرانيا ل عيراقێ راگه‌هاند، ئۆكرانيا سه‌نته‌ره‌كێ ڤيزێ ل هه‌ولێرێ ڤه‌كريه‌ وئێدى پێدڤى ناكه‌ت خه‌لكێ كوردستانێ بۆ وه‌رگرتنا ڤيزێ سه‌ره‌دانا به‌غدا بكه‌ن.

ڤيكتۆر نيدوپاس، باليۆزێ وه‌لاتێ ئۆكرانيا ل عيراقێ گۆت” پێشتر ئۆكرانيا وكوردستانێ په‌يوه‌نديه‌كا باش هه‌بوو وئارمانجا مه‌يه‌ وان په‌يوه‌نديان زيندى بكه‌ين”.

ناڤبرى بۆ كوردستان 24 ئاماژه‌ ب كۆمبوونا خوه‌ ومه‌سرور بارزانى شيره‌تكارێ جڤاتا ئاسايشا هه‌رێما كوردستانێ كر وگۆت” ئارمانجا كۆمبوونێ بۆ دياركرنا ميكانيزمه‌كێ بوو ژبۆ زينيدكرنا په‌يوه‌نديێن دناڤبه‌را كيێف وهه‌ولێرێ ژ روويێ سياسى وئابوورى ڤه‌”.

224

ئه‌ڤرۆ نيوز: نه‌وزاد هلورى:

كارزان بامه‌ڕنى، ماموستایێ زانكویا دهۆك و بسپورێ دیرۆكى بۆ ئه‌ڤرۆ نیوز گۆت: (ب گوره‌ى دیروكنڤیسان پرا كوچكێن خالانه‌ بو 400 – 500 سالان ڤه‌دگه‌ریێت، بو هاتنووچۆنا پیاده‌ و بارزگانى دناڤبه‌را ده‌ڤه‌رێن ئاكرێ ، زێبار و بارزان هاتیه‌چێكرن ب قه‌باره‌ و شێوه‌یێن جوداجودا ب شێوازه‌كێ راست و راست نه‌ك كڤانى).

زێده‌تر گۆت: (پر دكه‌ڤیته‌ رۆژهه‌لاتێ ناحیا شێلادزێ و گوندێ هلورا، لسه‌ر ده‌ستێ كه‌سه‌كێ بناڤێ مه‌لا موسا هاتیه‌ چێكرن كو ئێك بویه‌ ژ خودان كه‌سایه‌تیان لسه‌ر ده‌مێ سولتانێ عوسمانیان و میرێن ئامێدیێ). ناڤبرى دیاركر ژى كو نوژه‌نكرنا پرا خالانه‌ كاره‌ك گه‌له‌ك ب زه‌حمه‌ت نینه‌ و زێده‌تر گۆت: (هه‌تا به‌رى ئه‌نفالێ پر دهاته‌ بكارئینان، به‌لێ ژبه‌ر شه‌ر و ئالوزیان ب تایبه‌تى ژلایێ رژێما به‌عس، دیسا گورانكاریێن كه‌ش و هه‌واى پر ژى به‌ر ب نه‌مانێ ڤه‌ دچیت).

پرا خالانه‌ كو ب كوچكێن خاڵانه‌ دهێته‌ نیاسین لسه‌ر رووبارێ زێ مه‌زن هاتیه‌ چێكرن، سالانه‌ هژماره‌كا زۆر یا خه‌لكێ ده‌ڤه‌رێن جوداجودا سه‌ردانێ بو دكه‌ن، ب دوراتیا نیڤ كیلومه‌ترێ دگه‌ڤیته‌ رۆژئاڤایێ هاڤینگه‌ها خالانه‌، ب به‌رێن مه‌زن و ب كیسلێ هاتیه‌ چێكرن، ژ پێنج كوچكا پێكدهێت.

319

ئەڤرۆ نیۆز، هۆشەنگ تاجر:

هۆزان قامشلۆ چاڤدێرێ سیاسی یێ رۆژئاڤایێ کوردستانێ بۆ ئەڤرۆ نیۆز دیار کر کو ئەمریکا دێ چەندین خالێن پشکنینێ ل سەر سنۆرێ د ناڤبەرا رۆژئاڤایێ کوردستانێ و تورکیا دا ئاڤا کەت و ئەو یەک ژی د بەرژەوەندیا رۆژئاڤایێ کوردستانێ دایە و گۆت: (وەزیرێ بەرگیریێ یێ ئەمریکا دبێژیت مە دڤێت ب ڤی رەنگی هەم سنۆران بپارێزین و هەر ئاریشەک ژی چێ بیت ئەم دێ شێین ب ساناهی چارە کەین لێ راستیا بابەتی وەسا نینە).

ناڤهاتی دیار کر کو پشتی گەفێن تورکیا هێزێن سووریا دیموکرات ئۆپەراسیۆنا دێرازۆرێ یا ل دژی داعشێ دابوونە راگرتن و ئەمریکا ژی ژ هندێ دلگران ببوو و هێزێن سووریا دیموکرات داخواز کربوون کو ئەمریکا ل هەمبەر گەفێن تورکیا بێدەنگ نەبیت و گۆت: (یا نها ئەمریکا دکەت د بەرژەوەندیا رۆژئاڤایێ کوردستانێ دایە، چونکو هەکە تورکیا بخوازیت هێرشی رۆژئاڤا بکەت ئەو خالێن پشکنینێ کو دێ هێزێن ئەمریکا ب چەکێن گران لێ بن ناهێلن تورکیا دەربازی رۆژئاڤایێ کوردستانێ ببیت و ئەو یەک ژی پێنگاڤەکا باشە).

 

ئه‌ڤرۆنيوز:

سه‌رۆك وه‌زيرێن عيراقێ ئه‌ڤرۆ 22/11/2018 ناڤێ سه‌رۆك مه‌سعود بارزانى ب سه‌رۆكێ هه‌رێما كوردستانێ ئينا.

دكۆنگرێ رۆژنامه‌ڤانى يێ هه‌ڤپشكدا دناڤبه‌را عادل عه‌بدولمه‌هدى سه‌رۆك وه‌زيرێن عيراقێ وسه‌رۆك بارزانى، عه‌بدولمه‌هدى گۆت” سه‌رۆك بارزانى خه‌باتكه‌ره‌كێ دێرينه‌ ول چيايێن كوردستانێ خه‌بات كريه‌ وسه‌ركردايه‌تيا خه‌باتا گه‌لێ كورد وگه‌لي عيراقێ پرۆسا ژناڤبرنا ديكتاتوريه‌تێ كريه‌”.

سه‌رۆك وه‌زيرێن عيراقێ، سه‌رۆك بارزانى ب سه‌رۆكێ هه‌رێما كوردستانێ ناساند ده‌مێ ئاماژه‌ كرى” بارزانى سه‌رۆكێ هه‌رێما كوردستانێ وئه‌ندازياره‌كێ مه‌زن يێن پرۆسا ئاڤه‌دانكرنا په‌يوه‌نديانه‌ نه‌كو ل عيراقێ، به‌لكو ل ده‌ڤه‌رێ وجيهانێ” گۆت ژى”ئه‌م پێشوازيێ ل رێبه‌ره‌كێ مه‌زن دكه‌ين”.

ئەڤرۆ نیوز ، زنار تۆڤی:

ب بۆنا یادا ژدایكبوونا پێغه‌مبه‌رێ ئیسلامێ (س) ل باژێرێ پاوه‌ یێ سه‌ر ب پارێزگەها كرماشان ڤە په‌رده‌ ل سه‌ر مەزنترین ده‌ف ل جیهانێ هاتە لادان.

د‌ رێوره‌سمەکێ شایسته‌دا و د ساقایەکێ‌ عارفانەدا‌، مەزنترین ده‌فا جیهانێ هاتە دانان، ئه‌م ده‌فه‌ پترە ژ دوو مه‌تران‌ و كێشا وێژی 100 كیلۆیه‌ و ژ‌ ئه‌لمینیۆمی هاتیە دروست كرن.

سه‌رۆكێ شاره‌وانیا پاوه‌ گۆتیە، شارێ پاوه‌ مه‌لبه‌ندێ عارفان‌ و ژه‌نیارێن ده‌فێ بوویه‌، هەروەسا‌ پاوه‌ وه‌ك ناڤه‌ندا ده‌فێ ل وەلاتێ ئیرانێ هاتیە ده‌ستنیشان كرن‌.

قایمقامێ پاوه‌ ژی گۆتیە: ئێك ژ شانازیێن شارێ پاوه‌ ئه‌وه‌ کو خەلکێ وێ‌ گرنگیه‌كا تایبه‌ت ب ئامیرێ ده‌فێ د‌ده‌ن، هەروەسا پاوه‌ ئێکەم شارێ ئیرانێ یە‌ كو‌ خانیێ ده‌فێ هه‌یه‌.
نوکە مەزنترین ده‌فا جیهانێ ل شارێ پاوه‌یه‌، ئەڤ دەفە ل‌ شارێ سنه‌ و ژ لایێ مامۆستا حه‌یده‌ر محه‌مه‌دی ڤە هاتیە دروست كرن.‌

ئه‌ڤرۆ نیوز،هه‌ژار مه‌عروف:

یانا پێشمه‌رگا سلێمانیێ یا به‌ردوامه‌ ل سه‌ر کاروانێ ئه‌نجامێن خوه‌ یێن باش ل وه‌رزێ ئه‌ڤ ساله‌ پشتی ئه‌ڤرۆ شیا سه‌رکه‌فتنا خوه‌ یا چارێ ل وه‌رزێ ئه‌ڤ ساله‌ توماربکه‌ت ده‌مێ ب سه‌رکه‌فتی ل سه‌ر یانا هندرین ب گوله‌کێ بێ به‌رامبه‌ر و ب ڤی ئه‌نجامێ ڤی ئه‌نجامێ پێشمه‌رگا سلێمانیێ سه‌رکێشیا خولا کوردستانێ پاراست ب ١٤ خالان کو ژ سه‌رجه‌مێ شه‌ش یاریان چار سه‌رکه‌فتن و دو وه‌کهه‌ڤی هه‌نه‌.

ژلایه‌کێ دیڤه‌ هه‌ر ژ چار چوڤێ یاریێن گه‌را شه‌شێ ژ خولا نایابا کوردستانێ یانا پێشمه‌رگا هه‌ولێرێ شیا سه‌رکه‌فتنه‌کا مه‌زن لی سه‌ر یانا هه‌ولێر توماربکه‌ت ب سێ گولان بێ به‌رامبه‌ر و ب ڤی ئه‌نجامێ پێشمه‌رگه‌ خالێن خوه‌ گه‌هاندنه‌ ١٣ خالان به‌رامبه‌ر یێن هه‌ولێر هه‌ر مان حه‌ڤت خال و ل یاریگه‌ها خوه‌ تیما ته‌پا پێ یا ئارارات وه‌کهه‌ڤبوو بێ گول ل گه‌ل یانا گازی باکور.

هه‌ژی گوتنێ یه‌ سوباهی به‌ردوامی ب یاریێن ڤێ گه‌رێ بهێنه‌کرن ئه‌وژی برایه‌تی ل گه‌ل دهۆک و شێروانه‌ ل گه‌ل زێره‌ڤانی ل یاریگه‌ها که‌لار و ئاکرێ ل یاریگه‌ها خوه‌ ل گه‌ل نه‌وروز که‌ت و زاخۆ مێڤانداریا ده‌ربه‌ندیخان که‌ت

ئەڤر نیوز:
ڤیکتور نیدوپاس بالیوزێ ئوکرانیا ل عیراقێ دیارکر کو ئەوان بریار دایە سەنترەکێ دانا ڤیزێ بۆ خەلکێ ھەرێما کوردستانێ ڤەکەن و ئێدی خەلکێ ھەرێما کوردستانێ بەر ب بەغدا نەچیت بۆ وەرگرتنا ڤیزێ.
ناڤھاتی ئەو چەندە ژی دیارکر بەری نوکە ھەردو وەلاتێن ئوکرانیا و ھەرێما کوردستانێ پەیوەندیێن باش ھەبووینە لەورا دڤێت ڤان پەیوەندییان بەرەف پێش ببەین.
بالیوزێ ئوکرانیا ئاماژە ب کومبوونا خوە دگەل مەسرور بارزانی شیرەتکارێ ئەنجومەنێ ئاسایشا ھەرێما کوردستانێ دا کریە پێخەمەت پێشخستنا پەیوەندیان د ناڤبەرا کیێڤ و ھەولێر دا ژلایێ سیاسی و ئابوری ڤە.

195

ئەڤرۆ نیوز:
ستێرا ئسپانی سێرجیو راموس ئاھەنگێن سەرکەفتنێ گێران ب سەرکەفتنا ھەسپێ وی د بەریکانەیێن جیھانێ دا بۆ جارا دویێ ل دووڤ ئێک د قارەمانیا سوارچاکیێ دا.
یوکاتان دی راموس ناڤێ ھەسپێ ستێرا یانا ریال مەدرید سێرجیو راموسی یە ئەوێ ھەڤرکی ل سەر ناسناڤێ قارەمانیا سڤیلیا کری و شیایی رێزا ئێکێ دەستخوە ڤە بینت.
ھەمان ھەسپ ل قارەمانیا جیھانێ یا ٢٠١٠ ژی شیابوو ھەمان ناسناڤی دەستخوە ڤە بینت.

ramos2

ئەڤرۆ نیوز:
نوونەرێ تایبەتێ سەروکێ ئەمریکا بۆ ھەڤپەیمانیا نیڤدەولەتی یا شەرێ دژی داعش پێشوازیا سەرەدانا سەروک بارزانی بۆ بەغدا کر ئەوا ئەڤرۆ رۆژا پێنج شەمبیی ھاتیە ئەنجامدان.
زێدەتر برێت مەکگۆرک د تویتەکێ دا ل تورا کومەلایەتیا تویتەری سەرەدانا سەروک بارزانی بۆ بەغدا ب گرنگ وەسف کر، و ئەمريكا ژی پشتەڤانیا خوە بۆ ڤێ سەرەدانێ کر و تایبەت کومبوونا وی دگەل سەروک وەزیرێن عیراقێ و ئەڤ پێنگاڤە گەلەک یا گرنگە بۆ ب دووماھی ئینانا کێشەیێن نافخو ناڤبەرا عیرقێ و ھەرێما کوردستانێ تایبەت بۆ ھەماھەنگیا ھەردو لایان پێخەمەت ب دووماھی ئینانا شەرێ دژی داعش.

 

magurk

ئەڤرۆ نیوز:
ئەڤرۆ ل بەغدا سەروک بارزانی دگەل عادل عەبدولمەھدی سەروک وەزیرێن عیراقێ کونگرەکێ رۆژنامەڤانی  ئەنجامدا پشتی کومبونا وان ھەردو لا ب دووماھی ھاتی.
ل دەسپێکا ڤی کونگرەی سەروک وەزیرێن عیراقێ دلخوشیا خوە ب سەرەدانا سەروک بارزانی دەربری و پەسنا رولێ وی کر وەک سەروکەکێ مەزن و خەباتکەرەکێ مێژوویێ ل سەرۆ ئاستێ عیراقی و دەڤەرێ کر و خواست ئەڤ سەرەدانە د بەردەوام بن ل ماوێ بھێت چ ل ھەولێر بیت یان بەغدا.
ژلایێ خوە ڤە سەروک بارزانی د پەیڤەکێ دا دیارکر کو پەیوەندیێن وی دگەل دکتور عادل عەبدولمەھدی د مێژووینە و ژ کەڤن دا دوستێ گەلێ کوردە و رولەکێ مەزن ھەبوویە د دارشتنا رەشنڤیسێ دستوورێ عیراقێ و ل دەمێ ھاتیە راسپاردن بۆ پێکئینانا حکومەتێ ب پەیوەندیەکا تەلەفونی دا من پالپشتیا خوە بۆ ناڤبری دیارکریە ب ھەمی شیانێن خوە داکو کێشەیێن ناڤبەرا عیراق و ھەرێما کوردستانێ دا چارەسەر بکەین.

website security
WP Facebook Auto Publish Powered By : XYZScripts.com