ئەڤرۆ نيوز‎:‎

بەھجەت‎ ‎عەلی‎ ‎سپینداری‎ ‎بەربژارێ‎ ‎پارتی‎ ‎دیموکراتی‎ ‎کوردستان‎ ‎وەکو‎ ‎ھەر‎ ‎بەربژارەکێ‎ ‎ب‎ ‎رێیا‎ ‎رۆژناما‎ ‎ئەڤرۆ‎ ‎بەحسێ‎ ‎پلان‎ ‎و‎ ‎پرۆگرامێن‎ ‎خوە‎ ‎ل‎ ‎پەرلەمانی‎ ‎دکەت،‎ ‎ھەکە‎ ‎بو‎ ‎جھێ‎ ‎باوەریا‎ ‎خەلکی‎ ‎و‎ ‎گوت‎: ‎ھەلبەت‎ ‎من‎ ‎خوە‎ ‎بەربژارکریە‎ ‎ل‎ ‎دووڤ‎ ‎داخازا‎ ‎پارتی‎ ‎دیموکراتی‎ ‎کوردستان‎ ‎و‎ ‎ئەز‎ ‎ب‎ ‎ڤی‎ ‎کاری‎ ‎راسپاردی‎ ‎مە‎ ‎و‎ ‎ژلایێ‎ ‎خوەڤە‎ ‎ھەر‎ ‎کارەکێ‎ ‎پارتی‎ ‎و‎ ‎ب‎ ‎من‎ ‎راسپێریت‎ ‎ئەز‎ ‎ب‎ ‎ئەرکێ‎ ‎خوە‎ ‎دزانم‎ ‎و‎ ‎دێ‎ ‎کارکەم‎ ‎بو‎ ‎ب‎ ‎جھئینانا‎ ‎وی‎ ‎ئەرکی،‎ ‎ھەروەسا‎ ‎ژلایێ‎ ‎خوەڤە‎ ‎ژی‎ ‎دێ‎ ‎سەربور‎ ‎و‎ ‎خزمەت‎ ‎و‎ ‎زانست‎ ‎و‎ ‎باوەرنامێن‎ ‎خوە‎ ‎یێن‎ ‎بەکالوریوس‎ ‎و‎ ‎خواندنا‎ ‎بلند‎ ‎دبیاڤێ‎ ‎ئابووری‎ ‎دا‎ ‎ئێخمە‎ ‎دخزمەتا‎ ‎خەلکێ‎ ‎کوردستانێ‎ ‎دا‎ ‎ھەکە‎ ‎ھات‎ ‎و‎ ‎ب‎ ‎پشتەڤانیا‎ ‎ھەموو‎ ‎خەلکێ‎ ‎دلسوزر‎ ‎شیام‎ ‎باوەریا‎ ‎وان‎ ‎وەربگرم‎. ‎

بەھجت‎ ‎سپینداری‎ ‎دیارکر،‎ ‎پلانا‎ ‎من‎ ‎پشتی‎ ‎سەرکەفتنێ‎ ‎و‎ ‎ببمە‎ ‎نوونەرێ‎ ‎خەلکێ‎ ‎خوە‎ ‎ل‎ ‎سەر‎ ‎لیستا‎ ‎پارتی‎ ‎دێ‎ ‎ل‎ ‎پلا‎ ‎ئێکی‎ ‎جێبەجێکرنا‎ ‎بەرنامێ‎ ‎لیستا‎ 183 بیت،‎ ‎کو‎ ‎لسەر‎ ‎بنەمایێ‎ ‎بنیاتدانانا‎ ‎کوردستانەکا‎ ‎بھێز‎ ‎ھاتیە‎ ‎دانان‎ ‎و‎ ‎درویشمێ‎ ‎خوە‎ ‎یێ‎ ‎کەسایەتی‎ ‎ژی‎ ‎ژبیر‎ ‎ناکەم‎ ‎ئەو‎ ‎ژی‎ (‎بەردەوام‎ ‎خزمەت‎). ‎دیسان‎ ‎ل‎ ‎گورەی‎ ‎بسپوری‎ ‎و‎ ‎شارەزایا‎ ‎خو‎ ‎دبیاڤێ‎ ‎ئابووری‎ ‎و‎ ‎وەبەرھێنانێ‎ ‎دا‎ ‎دێ‎ ‎بزاڤێ‎ ‎کەم‎ ‎خزمەتا‎ ‎ھەموو‎ ‎خەلکێ‎ ‎کوردستانێ‎ ‎و‎ ‎ژێرخانا‎ ‎ئابووری‎ ‎بکەم،‎ ‎و‎ ‎کار‎ ‎بکەم‎ ‎بۆ‎ ‎پەیداکرنا‎ ‎دەرفەت‎ ‎و‎ ‎دەلیڤێن‎ ‎کاری‎ ‎بتایبەت‎ ‎بۆ‎ ‎دەرچوویێن‎ ‎زانکو‎ ‎و‎ ‎پەیمانگەھان‎ ‎ھەر‎ ‎وەسا‎ ‎بۆ‎ ‎ھەمی‎ ‎گەنجان‎ ‎و‎ ‎دێ‎ ‎بزاڤێ‎ ‎کەم‎ ‎ئەو‎ ‎یاسایێن‎ ‎گرێدایی‎ ‎ژین‎ ‎و‎ ‎ژیارا‎ ‎وەلاتیان‎ ‎و‎ ‎بابەتێن‎ ‎ئابووری‎ ‎وەکو‎ ‎یاسا‎ ‎وەبەرھێنانێ‎ ‎و‎ ‎یاسا‎ ‎کاری‎ ‎و‎ ‎باج‎ ‎و‎ ‎گەلەکێن‎ ‎دی‎ ‎ل‎ ‎گورەی‎ ‎بەرژەوەندیا‎ ‎خەلک‎ ‎و‎ ‎حکومەتا‎ ‎کوردستانێ‎ ‎بگوھرین‎ ‎یان‎ ‎راستڤەکەین،‎ ‎و‎ ‎کاربکەین‎ ‎ئەو‎ ‎یاسایێن‎ ‎ھەین‎ ‎و‎ ‎دبەرژەوەندیا‎ ‎خەلکێ‎ ‎دابن‎ ‎بھێنە‎ ‎جێبەجێکرن‎ ‎و‎ ‎چاڤدێربین‎ ‎ل‎ ‎سەر‎ ‎ئەدا‎ ‎و‎ ‎کارێ‎ ‎حکومەتێ‎.‎

ناڤھاتی‎ ‎دوپاتکر‎: ‎دەربارەی‎ ‎ئەو‎ ‎سوزێن‎ ‎ھندەک‎ ‎بەربژێر‎ ‎و‎ ‎ھندەک‎ ‎لیست‎ ‎و‎ ‎قەوارە‎ ‎ددەنە‎ ‎خەلکێ‎ ‎کو‎ ‎بتنێ‎ ‎مەبەست‎ ‎پێ‎ ‎خاپاندن‎ ‎و‎ ‎ب‎ ‎دەسڤەئینانا‎ ‎دەنگێن‎ ‎وان‎ ‎بیت،‎ ‎براستێ‎ ‎ئەڤە‎ ‎کارەکێ‎ ‎شاشە‎ ‎ودڤێت‎ ‎دەنگدەر‎ ‎زوی‎ ‎باوەر‎ ‎ژ‎ ‎وان‎ ‎سوز‎ ‎و‎ ‎پەیمانا‎ ‎نەکەن‎. ‎

ئەڤرۆ نيوز‎:‎

ملا‎ ‎جەوهه‌ر‎ ‎حدێ‎ ‎ناوخۆش‎ ‎سورچی‎ ‎بەربژارێ‎ ‎ژمارە‎(34) ‎ل‎ ‎سەر‎ ‎لیستا‎ (183) ‎یا‎ ‎پارتی‎ ‎دیموکراتی‎ ‎کوردستان‎ ‎دیدارەکێ‎ ‎دا‎ ‎بۆ‎ ‎روژناما‎ ‎ئەڤرۆ‎ ‎ددەتەدیارکرن‎ ‎کو‎ ‎ھەرل‎ ‎دەست‎ ‎پێکا‎ ‎دروستبوونا‎ ‎پارتی‎ ‎دیموکراتی‎ ‎کوردستان‎ ‎کو‎ ‎ئەو‎ ‎تێکوشان‎ ‎و‎ ‎خەباتا‎ ‎و‎ ‎قوربانی‎ ‎دای‎ ‎و‎ ‎ھاتیە‎ ‎مەیدانا‎ ‎سیاسی‎ ‎دا‎ ‎،‎ ‎ئارمانجا‎ ‎وێ‎ ‎ئەو‎ ‎بوویە‎ ‎کو‎ ‎مللەتەکێ‎ ‎ئازاد‎ ‎و‎ ‎سەربەخۆ‎ ‎دروست‎ ‎بکەت،‎ ‎کو‎ ‎دروشمێ‎ ‎پارتی‎ ‎بناغەکێ‎ ‎بھێزە‎ ‎بۆ‎ ‎کوردستانێ،‎ ‎ئەگەر‎ ‎پارتی‎ ‎دەستھەلاتدار‎ ‎بیت‎ ‎و‎ ‎زورینە‎ ‎بیت‎ ‎وی‎ ‎دەمێ‎ ‎دێ‎ ‎کورستانەکا‎ ‎بھێز‎ ‎ژی‎ ‎ھەبیت،‎ ‎وەک‎ ‎پەرلەمان‎ ‎و‎ ‎حکومەتەکا‎ ‎بھێز‎ ‎و‎ ‎دێ‎ ‎شێت‎ ‎پتر‎ ‎کار‎ ‎بۆ‎ ‎ئارمانجا‎ ‎گەلێ‎ ‎کورد‎ ‎کەت‎.‎

ناڤبری‎ ‎زێدەتر‎ ‎خویاکر‎ ‎کو‎ ‎بەرنامێ‎ ‎پارتی‎ ‎بۆ‎ ‎ڤێ‎ ‎ھەلبژارتنێ‎ ‎چەندین‎ ‎خالێن‎ ‎گرنگ‎ ‎بخۆڤە‎ ‎دگریت،‎ ‎کو‎ ‎پروژێ‎ ‎پارتی‎ ‎زور‎ ‎لایەنا‎ ‎بخۆڤە‎ ‎دگریت‎ ‎و‎ ‎ب‎ ‎ھەموو‎ ‎شێوازا‎ ‎ھەولدەت‎ ‎کو‎ ‎خزمەتا‎ ‎خەلکی‎ ‎بکەت،‎ ‎ژ‎ ‎ھەموولایەنانڤە،‎ ‎کو‎ ‎مەبەستا‎ ‎وان‎ ‎ئەو‎ ‎ژیانا‎ ‎خەلکی‎ ‎خۆش‎ ‎بکەت،‎ ‎لەوما‎ ‎ئەگەر‎ ‎پارتی‎ ‎یا‎ ‎بھێزبیت‎ ‎دێ‎ ‎شێت‎ ‎حکومەتەکا‎ ‎بھێز‎ ‎دروست‎ ‎کەت‎ ‎و‎ ‎شێت‎ ‎پتر‎ ‎خزمەتا‎ ‎خەکی‎ ‎و‎ ‎نونەرایەتیا‎ ‎خەلکی‎ ‎کەت،‎ ‎دێ‎ ‎خەلک‎ ‎ژی‎ ‎پشت‎ ‎راست‎ ‎بیت،‎ ‎چونکی‎ ‎دروستبوونا‎ ‎پارتی‎ ‎بۆ‎ ‎ھندێ‎ ‎بوویە‎ ‎کو‎ ‎خەلکێ‎ ‎خوە‎ ‎بپارێزیت‎ ‎و‎ ‎کوردا‎ ‎بگەھینتە‎ ‎ئارمانجێن‎ ‎خوە،‎ ‎ئەڤ‎ ‎چەندە‎ ‎ژی‎ ‎ب‎ ‎تنێ‎ ‎پارتی‎ ‎دشێت‎ ‎بکەت،‎ ‎چونکی‎ ‎ل‎ ‎خۆشی‎ ‎نەخۆشیادا‎ ‎خوە‎ ‎ل‎ ‎مللەتی‎ ‎کریە‎ ‎خودان‎ ‎و‎ ‎قوربانی‎ ‎دایە‎ ‎ل‎ ‎شەراندا‎ ‎ل‎ ‎پێناڤ‎ ‎پاراستنا‎ ‎نامیس‎ ‎و‎ ‎خوین‎ ‎و‎ ‎کەرامەتا‎ ‎خەلکی،‎ ‎چونکی‎ ‎دروستبوونا‎ ‎پارتی‎ ‎دا‎ ‎حیزبایەتی‎ ‎یا‎ ‎گرنگ‎ ‎نەبوویە،‎ ‎بەلکو‎ ‎کوردایەتی‎ ‎ل‎ ‎پێش‎ ‎ھەر‎ ‎تشتەکێ‎ ‎بوویە‎ ‎و‎ ‎تاکە‎ ‎حیزبە‎ ‎بێ‎ ‎جیاوازی‎ ‎ھەمی‎ ‎نەتەوە‎ ‎و‎ ‎دین‎ ‎و‎ ‎عەشیرەتا‎ ‎ل‎ ‎خوە‎ ‎کومدکەت‎ ‎و‎ ‎تاکە‎ ‎حیزبە‎ ‎کو‎ ‎ئێمناھی‎ ‎و‎ ‎خوشگوزەرانیا‎ ‎کوردستانێ‎ ‎دپارێزیت‎.‎

مەلا‎ ‎جەوەر‎ ‎بەربژارێ‎ ‎پارتی‎ ‎ئاماژە‎ ‎دا‎ ‎وێ‎ ‎چەندێ‎ ‎کو‎ ‎ئەز‎ ‎وەک‎ ‎تاکەکەس‎ ‎و‎ ‎ژبلی‎ ‎دروشم‎ ‎و‎ ‎پرۆژێ‎ ‎حیزبا‎ ‎خوە،‎ ‎ئەگەر‎ ‎دەربچم‎ ‎وەک‎ ‎مەلایەک‎ ‎دێ‎ ‎ھەولدەم‎ ‎لیژنا‎ ‎ئەوقافێ‎ ‎دا‎ ‎کارکەم‎ ‎ل‎ ‎سەر‎ ‎پێکڤەژیانا‎ ‎نەتەوەی‎ ‎و‎ ‎ئاینی‎ ‎و‎ ‎نە‎ ‎مانا‎ ‎ھزرا‎ ‎توندرەوی‎ ‎و‎ ‎کو‎ ‎ئەف‎ ‎ھزرا‎ ‎توند‎ ‎نەمینیت‎ ‎و‎ ‎پێکڤەژیانەکا‎ ‎جوان‎ ‎ھەبیت‎ ‎ل‎ ‎کوردستانێ‎ ‎و‎ ‎بێ‎ ‎جیاوازیا‎ ‎تاکەکەسی‎ ‎و‎ ‎ئاینی،‎ ‎چونکی‎ ‎ئەگەر‎ ‎پێکڤە‎ ‎ژیان‎ ‎و‎ ‎ئێک‎ ‎دو‎ ‎قەبولکرن‎ ‎نەبیت‎ ‎دێ‎ ‎سەقامگیری‎ ‎و‎ ‎ئارامیا‎ ‎جڤاکی‎ ‎تێک‎ ‎چیت،‎ ‎لەوما‎ ‎ب‎ ‎دیتنا‎ ‎من‎ ‎کارکرن‎ ‎ل‎ ‎سەر‎ ‎ڤی‎ ‎لایەنی‎ ‎دێ‎ ‎مفایەکێ‎ ‎زور‎ ‎بۆ‎ ‎جڤاکی‎ ‎ھەبیت‎ ‎و‎ ‎دێ‎ ‎شێین‎ ‎پێنگاڤێن‎ ‎باش‎ ‎ھاڤێژین‎.‎