ئەڤرۆ نیوز ، زنار تۆڤی:
ئه‌ڤرۆ پێنجشه‌مبی 22/11/2018 ل دەمژمێر (3) ئێڤاری ب ئاماده‌بوونا وه‌زیرێ په‌روه‌ردێ ل قوتابخانا فره‌نسی ل گوندێ لوبنانی دێ پێشانگەهەکا فۆتۆگرافی ل سه‌ر ژیانا تایبه‌ت یا دانیال میتران هێتە ڤەكرن.
ئه‌ڤ پێشانگەهە یا هەڤدەمە ل گەل سالیادا وەغەرکرنا خاتوون ( دانیال میتران) كو ب دۆستا گەلێ كورد یا ناسیار بوو، هه‌رده‌م وێ داكۆكی ل مافێ گه‌لێ كوردستانێ د‌كر.
ئه‌ڤرۆ نیوز،هه‌ژار مه‌عروف:
پیشه‌کارێ عیراقی و یاریزانێ یانا ويلينگتون پوینیکس یا نیوزله‌ندی عه‌لی عه‌باس دوهی ب فه‌رمی ڤه‌گه‌ریا عیراقێ و ده‌ست ب یه‌کا خوه یا ئێکێ یا راهێنانێ ل گه‌ل یانا زه‌ورا کر.
ژێده‌ره‌کێ نێزیک ژ یانا زه‌ورا دیارکریه کارگێریا یانا زه‌ورا ل گه‌ل یاریزانێ ناڤبری ل سه‌ر هه‌موو خالێن هه‌ڤبه‌ستێ پێکهاتیی نه بتنێ چاڤه‌رێ ده‌رگه‌هێ ڤه‌گوهاستنێن نه بتنێ چاڤه‌رێ ده‌رگه‌هێ ڤه‌گوهاستنێن زڤستانێ نه بۆ ئیمزاکرنا یاریزانێ ناڤبری ب فه‌رمی و پشکداریێ ل گه‌ل پێکهاتیێ یانێ بکه‌ت ل قاره‌مانیا ئاسیا و یاریێن خۆلا عیراقێ.
عه‌لی عه‌باس یێ ٣٢ سالی هه‌ر ژ سالا ٢٠٠٨ وه‌ره وه‌لاتێ عیراقێ بجهێلایه و ل وه‌لاتێ ئوسترالیا پشتی یاریا هه‌لبژارتیێ عیراقێ ل گه‌ل ئوسترالیا داخوازا په‌نابه‌ریێ ژ وی وه‌لاتی کربوو پشتی هاتیه وه‌رگرتن جاره‌کا یاریزانێ ناڤبری ده‌ست ب ژیانا وه‌رزشێ کربوو کو ل وه‌رزێ ٢٠٠٨-٢٠٠٩ یاری بوو یانا ماركونی ستاليونز یا ئوسترالی کر و شیا ئاسته‌کێ بلند د وه‌رزێ خوه یێ ئێکێ دا پێشکێش بکه‌ت و پاش دناڤبه‌را ٢٠٠٩ هه‌تا ٢٠١٦ هاته ڤه‌گوهاستن بۆ دو به‌رنیاسترین یانێن به ئوسترالی یانا نیوکاسل چێتس و سیدنی ئه‌ڤ سی، هه‌ردیسان عه‌لی عه‌باس یازی بۆ هه‌ردو هه‌لبژارتیێ ئولومپی عیراقێ و هه‌لبژارتیێ عیراقێ ئێکێ یاری کریه.
ئه‌ڤرۆ نیوز:
پارێزگه‌رێ به‌رێ یێ سه‌لاحه‌دین و ئه‌ندامێ په‌رله‌مانێ عیراقێ راگه‌هاند، هه‌كه من 30 ملیۆن دۆلار هه‌بانه دا ل سه‌ر ژنێن سه‌ماكار و قه‌ره‌چان به‌لاڤكه‌م.
ئه‌حمه‌د جبوری ب وێ یه‌كێ یێ تۆمه‌تباركریه كو د هه‌ڤڕكیا پۆستێ سه‌رۆكێ په‌رله‌مانێ عیراقێ دا ل هه‌مبه‌ر وه‌رگرتنا 30 ملیۆن دۆلاران خوه ڤه‌كێشایه.
جبوری د به‌رسڤا ڤان تۆمه‌تان دا ل كه‌نالێ شه‌رقیه گۆت:(هه‌كه من 30 ملیۆن دۆلار هه‌بانه دا بۆ ژنێن سه‌ماكارێن مللی و سه‌ماكارێن قه‌ره‌چ مه‌زێخم و ئه‌ز نه‌دمامه ل عیراقێ و من خوه بۆ حه‌فت خولێن په‌رله‌مانی ژی خوه به‌ربژار نه‌دكر).
ئه‌حمه‌د جبوری گۆت ژی:(پرۆسا سیاسی ل عیراقێ گه‌له‌كا خرابه و مه عیراق كاڤلكر).
ئەڤرۆ نیوز، نەوزاد ھلۆری:
دەمەکێ کێم بەری نوکە ژ ئەنجامێ تەقینەکێ ل باشووێ موسل ١١ کەس بوونە قوربانی کو پرانیا وان قوتابی بوون، ھژمارا قوربانیێن تەقین و کوشتنێ ژلایێ چەکدارێن داعش ڤە ل مووسل و دەروبەرێن وێ د زێدەبوونێ دایە.
خالد جەبار، رێڤەبەرێ ناحیا شورە دیار کر کو ژ ئەنجامێ تەقینەکا چاندی یا چەکدارێن داعش ١١ کەس ل باشوورێ مووسل بوونە قوربانی کو ئەو ژی چار ژوان گیانێ خوە ژ دەست دان و حەفتێن دی ژی برینداربوون کو پرانیا وان ژی قوتابی بوون.
زێدەتر گۆت: “تەقین د دەمەکێ دا دروست بوویە کو ھژمارەکا قوتابیان ب ترومبێلەکا ژ جورێ پیکئاب دچوونە قوتابخانا خوە ل گوندێ زولحە ل باشوورێ مووسل و د ئەنجام دا دکەڤیتە سەر بومبەکا چاندی یا داعشێ، ژ ئەگەرێ نەبوونا بنگەھێ ساخلەمیێ ل ناحیا شورە، ب نەچاری بریندارێن روودانێ ھەموو بو نەخوشخانا تەنگاڤیان ل حەمام عەلیل ھاتینە روانەکرن”.
ئەڤرۆ نیوز، عەزیز ھەورامی:
زێدەتری چار سالانە ھەلەبچە بوویە پارێزگەە بەلێ ھەتا نوکە وەکو پێدڤی پرۆژێن خزمەتگۆزاری بوو نەھاتینە دابینکرن، سەرۆکا باژێرڤانیا وێ پارێزگەھێ ژی دیار کر کو ھەر ئێک ژ سەرۆکاتیێن باژێرڤانیێن دھۆک و ھەولێر و سلێمانی دێ ١٠٠ ملیۆن دیناران دەتە باژێرڤانیا ھەلەبچە.
کوێستان ئەکرەم، سەرۆکا باژێرڤانیا پارێزگەھا ھەلەبچە ئاشکرا کر کو وێ د کۆمبوونا سالانە یا جڤاتا وەزیرێن ھەرێما کوردستانێ دا ل ھەیڤا ١٢ یا سالا بۆری پێشنیار کر کو ھەر سێ پارێزگەھێن دھۆک و ھەولێر و سلێمانی کوژمەکێ پارەی ژ داھاتێ خوە بۆ بجە ئینا پرۆژێن ھەلەبچە دابین بکەن، ب خوەشحالیڤە ھەر سێ پارێزگەھان رازەمەندیا خوە ل سەر ڤێ چەندێ دیار کر کو ل سالا ٢٠١٨ێ ھاریکاریا پارێزگەە ھەلەبجە بکەن و گۆت: ” ھەر ئێک ژ سەرۆکاتیێن باژێرڤانیێن دھۆک و ھەولێر و سلێمانی دێ ١٠٠ ملیۆن دیناران دەتە باژێرڤانیا ھەلەبچە”.
ئه‌ڤرۆ نیوز، ئازاد نسری:
سه‌رۆك مه‌سعود بارزانی به‌ری ده‌مه‌كێ كێم گه‌هشته جڤاتا وه‌زیرێن عیراقێ و ژ ئالیێ عادل عه‌بدولمه‌هدی سه‌رۆك وه‌زیرێن عیراقێ ڤه هاته پێشوازیكرن.
نها كۆمبوونا بارزانی و عه‌بدولمه‌هدی ده‌ستپێكر و ته‌وه‌رێ سه‌ره‌كی یێ كۆمبوونێ پێكئینانا كابینا نوو یا حوكمه‌تا عیراقێ و چاره‌كرنا كێشێن د ناڤبه‌را هه‌ولێر و به‌غدا دا بیت.
ئەڤرۆ نیوز، رێوار مزیری:
قایمقامێ قەزا شنگالێ بۆ ئەڤرۆ نیوز دیار کر کو شاندەکێ ئیدارا شەرعی یا قەزا شنگالێ بۆ چارەکرنا ئاریشا دێ چیتە بەغدا و گۆت: “د بۆدجا ٢٠١٩ێ یا عیراقێ دا چو پارە بۆ شنگالێ نەھاتیە تەرخانەکرن”.
مەحما خەلیل، قایمقامێ قەزا شنگالێ ئاشکرا کر کو ب مەرەما چارەکرنا ئاریشێن قەزا شنگالێ نوکە بەرھەڤی بۆ چوونا شاندەکێ ئیدارا شەرعی یا شنگالێ بۆ بەغدا دھێنەکرن و گۆت: “ھەر دەمێ بەرھەڤیێن چوونا ڤی شاندی بۆ بەغدا تمامبوون دێ ژڤانێ چوونێ راگەھینین”.
ناڤھاتی ئاماژە دا وێ چەندێ کو ژ بەر نەبوونا خزمەتگۆزاریان و ئێمناھیێ ل قەزا شنگالێ ھەتا نوکە خەلکێ دڤەرێ وەکو پێدڤی نەشێن ڤەگەڕنە سەر مال و مولکێن خوە و گۆت: “ئەڤە د دەمەکی دایە کو د دستوورێ عیراقێ دا ھاتیە کو دڤێت بۆدجە ل دووڤ رێژا خوەجھیا دەڤەرێ بھێتە بەلاڤکرن، بەلێ ل دووڤ پێزانینێن وان بەغدا د بۆدجا ٢٠١٩ێ یا عیراقێ دا چو پارە بۆ شنگالێ تەرخانەکریە و گۆت: “ئەم ژ ڤێ چەندێ د رازی نینین و ب چو شێوەیان قەبوول ناکەین شنگال ژ بۆدجا عیراقێ یا بێ بەھر بیت”.
ئەڤرۆ نیوز:
یاریزانەکێ یانا ئەتلەتیکو بێلباو یا ئسپانی دربەکێ مەزن دانا یانا لێڤەرپول یا ئنگلیزی ئەوژی ب رێکا نووکرنا ھەڤبەستا بو ماوەکێ درێژ.
ئیکەر مونیایێن یێ 25 سالی ل وەرزێ بوری بو ماوەکێ درێژ ژ ناڤا رێزێن یانا خوە دوریکەفتبوو ب ئەگەرا ھنگافتنێ، لێ ل ڤی وەرزی ڤەگەریایە و ھەتا نوکە پشکداری یازدە یاریێن یانا خوە بویە دخولا ئسپانیا دا و پشکداری توماربونا چار گولان کریە ل گەل تومارکرنا گولا وەکھەڤیا ل ھەمبەر ریال مەدرید.
دھێتە زانین ل گەل نێزیکبونا ب دووماھی ھاتنا ھەڤبەستا ڤی یاریزانی ل ڤی وەرزی ببو جھێ گرنگیدانا چەند یانێن ئوروپی داکو ڤەگوھێزنە ناڤا رێزێن خوە ژ وانا لێڤەرپول یا ئنگلیزی ل رێزا ئێکێ و ناپولی و میلان یێن ئیتالی ژی، لێ ڤی یاریزانی ھەلویستێ خوە ئێکلاکر و ھەڤبەستا خوە ل گەل یانا خوە یا نوکە نووکر و ھەتا 2024 دێ مینت.
ئەڤرۆ نیوز:
یانا لێڤەرپول یا ئنگلیزی ھەلویستێ خوە ل دور پاراستنێ ل سەر گولپارێزێ خوە یێ بەلجیکی د ماوێ مێرکاتویا زڤستانێ دا دیارکر.
پاتریک ڤیێرا ستێرا ھەلبژارتیێ فرەنسا و یانا ئەرسینال یێ بەرێ و راھێنەرێ نوکە یێ یانا نیس یا فرەنسی دخوازیت ئیمزا گولپارێزێ بەلجیکی سمون مینیولیە ل مێرکاتو زڤستانێ ب دەستڤە ببەت و ڤەگوھێزیتە ناڤا رێزێن خوە و دوبارە شیانێن وی بھێنتە پێش پشتی بو ماوەکی مایە راگرتی ل گەل یاریزانێن یەدەک تایبەت پشتی چونا گولپارێزێ بەرازیلی ئەلیسون بیکر ژ روما بو ناڤا رێزێن ب ھەڤبەستەکا مەزن ل ھاڤینا بوری.
ل ھەمبەر ڤێ چەندێ راھێنەرێ لێڤەرپول یوگن کلوپ رەتکریە کو گولپارێزێ وی یێ 30 سالی ل مێرکاتویا زڤستانێ رێزێن یانا وی ب جە بھێلیت داکو نەگەڤیتە ھەمبەر چو ئاریشا و بمینت پێگوھورێ ئەلیسونی.
ئەڤرۆ نیوز:
ھەتا نوکە بابەتێ نووکرنا ھەڤبەستێ ل ناڤبەرا یاریزان مونیری و یانا بەرشەلونە مایە ھەلاویستی، سەرەرای وێ چەندێ کو ل ڤان روژێن دووماھیێ دانوستاندن ھاتینە کرن، بەلێ د راستی دا چو پێشکەفتن بخوڤە نەدیتینە و فرانسیسکو فالدیفیسو نوونەرێ یاریزانی ژی نەشیایە چو نویایتیەکێ ل مەرجێن یاریزانی داناین بو نووکرنێ ل گەل یانا وی بھینتە پێش.
گەھشتن بو نووکرنا ھەڤبەستا مونیر حەدادی ئەوا دێ ل ھاڤینا بھێت ب دووماھی ھێت بو یانا بەرشەلونە یا ب ساناھی نینە ژبەرکو یانە ناخوازیت داخوازیێن وی ب جە بینت و یاریزان ژی ژلایێ خوەڤە وەسا ھزر دکەت ئەوا نوکە بو دھێتە پێشکێشکرن نە ل ئاستێ شیانێن وی نە.
یانا بەرشەلونە نوکە کەفتیە د ھەلویستەکێ ئالوز دا ژبەرکو ل دەستپێکا سالا بھێت یاریزانێ وێ مافێ ھەی دانوستاندنا ل گەل ھەر یانەکا وی بڤێت بکەت و بێ بەرامبەر ژ بەرشەلونە بھێت ڤەگوھاستن ل ھاڤینا سالا بھێت، ھەر چەند یانا کاتالونی ھزر د ڤەگوھاستنا بەروەختا وی دا کریە ل مێرکاتویا زڤستانێ ھەکە ب بھایەکێ کێم ژی بیت، لێ یاریزان رازی نەبویە و دخوازیت بمینت و بگەھنە رێککەفتنا نووکرنا ھەڤبەستێ و ھەکە ئەڤ چەندە نەھاتە پێش ل وی دەمی دشیانێن وی دایە بێ بەرامبەر بھێتە ڤەگوھاستن.
نيشاندان