كيش كێشێن ل گه‌ل به‌غدا دشيان دايه‌ بهێنه‌ چاره‌كرن و كيش چاره‌ نابن؟

22/11/2018 12:28

244

ئه‌ڤرۆ نيوز، نيوار محه‌مه‌د سه‌ليم:

چاڤدێره‌كێ سياسى ل پارێزگه‌ها دهۆكێ ئاشكه‌را كر كو چوونا سه‌رۆك بارزانى بۆ به‌غدا يا گه‌شبينه‌، به‌لێ هه‌موو كێشان ژى چاره‌ ناكه‌ت.

موئه‌يه‌د ته‌يب، ئه‌ندامێ خولا سيێ يا جڤاتا نوونه‌رێن عيراقێ و چاڤدێرێ سياسى بۆ ئه‌ڤرۆ نيوز گۆت: “به‌رى چه‌ند رۆژان سه‌رۆك بارزانى داخۆيانه‌ك دا و راگه‌هاند كو پێكئينانا حوكمه‌تا نوو يا فيدرال ده‌رگه‌هه‌كێ نوو ل هه‌مبه‌ر دانوستاندنان بۆ چاره‌كرنا كێشێن ناڤبه‌را هه‌رێم و به‌غدا دا”.

زێده‌تر گۆت: “چوونا سه‌رۆك بارزانى به‌رده‌وامى دانه‌ ب وان گۆتنا و رژديا سه‌ركرداتيا پارتى يه‌ ل سه‌ر چاره‌كرنا كێشێن د ناڤبه‌را عيراقێ و هه‌رێما كوردستانێ دا”.

ئه‌ندامێ خولا سيێ يا جڤاتا نوونه‌رێن عيراقێ ئاشكه‌را ژى كر كو به‌رى نوكه‌ يا ژى رژد بوويه‌ د چاره‌كرنا كێشان دا، به‌لێ حوكمه‌تێن ئێك ل دووڤ ئێك يێن عيراقێ نه‌ڤيايه‌ كێشێن ناڤبه‌را به‌غدا و هه‌رێمێ دا چاره‌ ببن و هه‌ر ڤيايه‌ ئه‌ڤ كێشه‌ كوورتر لێ بهێن و بكه‌ڤنه‌ سه‌ر ئێك.

موئه‌يه‌د ته‌يب دا زانين ژى كو هه‌ر ژ به‌ر هندێ ژى سه‌رۆك بارزانى ڤێ گه‌رێ ژى چوو به‌غدا دا بزانين كا ڤێ جارێ دێ حوكمه‌تا عيراقێ يا رژد بيت ل سه‌ر چاره‌كرنا كێشان يان دێ هه‌ر وه‌كو يا به‌رى نها بيت.

ل دۆر وێ چه‌ندێ كا كيش كێشه‌ د شيان دايه‌ بهێنه‌ چاره‌كرن و كيش كێشه‌ ژى چاره‌ نابن؟ موئه‌يه‌د ته‌يب گۆت: “هنده‌ك كێشه‌ يێن هه‌ين دڤێت بهێنه‌ چاره‌كرن و نابيت وه‌كو نها بمينن ب تايبه‌ت د وه‌لاته‌كێ ديموكرات دا، كو ئێك ژ وان ژى ره‌وشا سه‌پاندى يا كه‌ركووك و شنگالێ يه‌ كو وه‌كو داگيركه‌ر سه‌ره‌ده‌رى ل گه‌ل وان ده‌ڤه‌ران دهێته‌ كرن”.

گۆتژى: “هه‌ر ديسا دڤێت مافێن هه‌رێما كوردستانێ د بوودجێ دا بهێنه‌ دياركرن و هه‌رێمێ ژى بڕيارا خوه‌ ل سه‌ر بابه‌تێن هه‌ستيارێن عيراقێ هه‌بيت”.

ل دۆر وان كێشێن نه‌هێنه‌ چاره‌كرن ژى دا نه‌ڤه‌شارت كو بوودجه‌ جاره‌كا دى نابيت 17%ێ، چونكو هه‌كه‌ سه‌رۆك وه‌زيران بڤێت ژى، هنده‌ك كه‌سێن د ناڤ جڤاتا نوونه‌ران دا هه‌ين ڤێ چه‌ندێ قه‌بوول ناكه‌ن. ره‌وشا پێشمه‌رگه‌ى وه‌كو يا ده‌زگه‌هێن ئه‌منى يێن حوكمه‌تا عيراقێ لێ ناهێت ژ لايێ مووچه‌ و چه‌ك و مه‌شقكرنێ ڤه‌، چونكو عيراقێ نه‌ڤێت هه‌رێمێ له‌شكره‌كێ ب هێز هه‌بيت به‌ره‌ڤانيێ ژ خوه‌ بكه‌ت. كێشێن هه‌رێما كوردستانێ ل دۆر په‌ترۆل و غازێ ژى چاره‌ نابن. جڤاتا دادوه‌رى ژى كو به‌روه‌خت هاتبوو دانان پێدڤى بوو هاتبايه‌ گوهۆڕين و كودان تێدا رۆل هه‌بايه‌، به‌لێ وه‌سان چێنه‌بوو و چێنابيت ژى.

ده‌رباره‌ى وێ چه‌ندێ كا يێ گه‌شبينه‌ يان نه‌، موئه‌يه‌د ته‌يب گۆت: “يێ گه‌شبينم، چونكو هه‌ر نه‌مانا عه‌بادى ب خوه‌ ل سه‌ر كورسيكێ ب خوه‌ تشته‌كێ ئه‌رێنى يه‌، ژ به‌ر كو ئه‌وى هه‌موو ده‌رگه‌هـ ل هه‌مبه‌ر كوردان گرت بوون”.

به‌رى نيڤرۆيا ئه‌ڤرۆ رۆژا پێنجشه‌مبى مه‌سعود بارزانى، سه‌رۆكێ پارتى ديموكراتى كوردستان ب سه‌ره‌دانه‌كا فه‌رمى گه‌هشته‌ به‌غدا و ژ لايێ محه‌مه‌د حه‌لبۆسى سه‌رۆكێ جڤاتا نوونه‌ران و هادى عامرى و چه‌ندين سه‌ركردێن عيراقى و وه‌زيرێن كابينا نوو هاته‌ پێشوازيكرن و بڕياره‌ چه‌ندين كۆمبوونان ژى بكه‌ت ل گه‌ل هه‌ر ئێك ژ عادل عه‌بدولمه‌هدى سه‌رۆك وه‌زيرێن عيراقێ ومحه‌مه‌د حه‌لبووسى سه‌رۆكێ په‌رله‌مانى كۆم بيت، زێده‌بارى هژماره‌كا سه‌رۆك ليستێن په‌رله‌مانى وه‌كو عه‌مار حه‌كيم ونورى مالكى و سه‌ركردێن سونان وه‌كو سالح موتله‌گ، سوبه‌هى ژى دێ ل گه‌ل موقته‌دا سه‌در كۆم بيت.

ب ٢٥٠ ملیونان دێ ل سەر بەرشەلونە راوەستیت

22/11/2018 12:00

142

ئەڤرۆ نیوز:

ئیمزاکرنا ھەڤبەستا ژلایێ یانا بەرشەلونە ل گەل یاریزانێ یانا لێڤەرپول یێ مسری یان ھەر یاریزانەکێ دی یێ وێ یانێ ل ڤەگوھاستنێن ھاڤینا سالا بھێت دێ ب بھایەکێ مەزن سەر راوەستیت.
یانا بەرشەلونە ل ڤی ماوێ دووماھیێ زێدەتر ژ ھەڤبەستەکێ ل گەل یاریزانێن یانا لێڤەرپول ئیمزاکرینە کو یا دووماھیێ ل گەل فلیپ کوتینیوی بوو ب ١٤٠ ملیون یورویا و بەریا وێ ل گەل لویس سوارێزی.
راپورتێن روژنامەڤانی یێن ئسپانی ئاشکرا کرینە کو یانا لێڤەرپول گەلەک یا دلگرانە ژ بەر ژدەست دانا یاریزانێن خوە بو بەرژەوەندیا یانا بەرشەلونە و ژبەر ڤێ چەندێ د ھەڤبەستا کوتینیوی دا مەرجەک دانابوو ھەر دەما یانا بەرشەلونە پشتی ھەڤبەستا وی و بو ماوێ سێ سالان ھەڤبەستا یاریزانەکێ دی یێ لێڤەرپول ئیمزاکرن ل وی دەمی یانا بەرشەلونە دێ ١٠٠ ملیون یورویان ل سەر بھایێ ھەڤبەستا کوتینیوی زێدە کەت، ژبەر ڤێ چەندێ ھەکە یانا بەرشەلونە بزاڤێن ئیمزاکرنا ھەڤبەستا یاریزانێ مسری محەمەد سەلاحی کر بەری سالا ٢٠٢١ بھایێ یاریزانی دێ ١٥٠ ل دویڤ مالپەرێ تایبەتێ ترانفسیر مارکت یێ تایبەت ب بھاکرنا یاریزانا و زێدەتر دێ ھەڤبەستا کوتینیوی ژی لسەر بەرشەلونە بنە ٢٥٠ ملیون یورو ب کێماسی و دێ بیتە بھاترین یاریزان د دیروکا یانا خودانا یاریگەھا کامپ نوو.

ئاگر به‌ربوو پشكه‌كا ناڤخۆيى

22/11/2018 11:57

262

ئه‌ڤرۆ نيوز، نيوار محه‌مه‌د سه‌ليم:

رێڤه‌به‌رێ بنگه‌هێ به‌ره‌ڤانيا باژێرى ل قه‌زا به‌رده‌ره‌ش راگه‌هاند كو ل به‌رده‌ره‌ش ئاگر به‌ربوويه‌ پشكه‌كا ناڤخۆيى و ژبلى زيانێن ماددى زيانێن گيانى نينن.

رائيد عوسمان حه‌م عه‌بدولا، رێڤه‌به‌رێ بنگه‌هێ به‌ره‌ڤانيا باژێرى ل قه‌زا به‌رده‌ره‌ش د داخۆيانيه‌كێ دا بۆ ئه‌ڤرۆ نيوز گۆت: “سپێده‌هيا ئه‌ڤرۆ رۆژا پێنجشه‌مبى رێكه‌فتى 22ى چريا دويێ 2018 و ل ده‌مژمێر 8:45 هاتينه‌ ئاگه‌هداركرن ل سه‌ر روودانه‌كا ئاكر به‌ربوونێ ل ئێك ژ پشكێن ناڤخۆيى يێن به‌رده‌ره‌ش”.

زێده‌تر گۆت: “هه‌ر زوو گه‌هشتينه‌ جهێ روودانێ و ديار بوو كو ئاگر به‌رببوو ژووره‌كا قاتێ شه‌شێ، زوو شياين كونترۆلا ره‌وشێ بكه‌ين ب كۆنترلكرنا ئاگرى و گرتنا كاره‌بێ ژ ئاڤاهى هه‌موويێ”.

دا زانين ژى كو ب تنێ ژووره‌ك و تشتێ د ناڤ دا هاتبوونه‌ سۆتن و گۆت: “تشتێ باش ئه‌و بوو قوتابى ل ده‌وامێ بوون و چو زيانێن گيانى نه‌گه‌هشتبوونێ”.

رێڤه‌به‌رێ بنگه‌هێ به‌ره‌ڤانيا باژێرى ل قه‌زا به‌رده‌ره‌ش خۆيا ژى كر كو ئه‌گه‌رێ روودانێ ئه‌و بوو كو چار بۆ پێنج شه‌حنێن مۆبايلان د پشكه‌كێ كاره‌بێ دابوون و دياربوو چه‌ندين رۆژبوو نه‌هاتيه‌ ته‌مراندن.

نه‌ڤه‌شارت ژى كو ئه‌ڤ پشكا ناڤخۆيى يا ژماره‌كا قوتابيێن ئێزدى بوو و پتريا وان ژى خۆجهێن شنگالێ نه‌ و هنده‌ك ژى يێن شێخانن.

رائيد عوسمان حه‌م عه‌بدولا هيڤى ژى خواست كو ل ده‌مێ قوتابى ژ پشكێن ناڤخۆ ده‌ردكه‌ڤن باشتره‌ سركێتێ ژوورێ ببه‌نه‌ خوار ژ به‌ر كو زڤستانه‌ و ئه‌وان چو كار ب كاره‌بێ ڤه‌ نينه‌ ده‌ما ل جهێ خوه‌ نه‌بن.

سه‌رۆك بارزانى گه‌هشته‌ به‌غدا

22/11/2018 11:43

ئه‌ڤرۆ نيوز:

مه‌سعود بارزانى سه‌رۆكێ پارتى ديموكراتى كوردستان گه‌هشته‌ به‌غدا و هاته‌ پێشوازيكرن ژ لايێ محه‌مه‌د حه‌لبۆسى سه‌رۆكێ جڤاتا نوونه‌رێن عيراقێ و هادى عامرى و ڤيان سه‌برى، سه‌رۆكا فراكسيۆنا پارتى ديموكراتى كوردستان ل جڤاتا نوونه‌رێن عيراقێ چه‌ندين وه‌زير و سه‌كردێن عيراقى.

كيفاح شنگالى شيره‌تكارێ راگه‌هاندنێ يێ مه‌سعود بارزانى، سه‌رۆكێ پارتى ديموكراتى كوردستان بۆ ئه‌ڤرۆ نيوز گۆتبوو: “سه‌رۆك بارزانى دێ ل گه‌ل عادل عه‌بدولمه‌هدى سه‌رۆك وه‌زيرێن عيراقێ ومحه‌مه‌د حه‌لبووسى سه‌رۆكێ په‌رله‌مانى كۆم بيت، زێده‌بارى هژماره‌كا سه‌رۆك ليستێن په‌رله‌مانى وه‌كو عه‌مار حه‌كيم ونورى مالكى و سه‌ركردێن سونان وه‌كو سالح موتله‌گ، سوبه‌هى ژى دێ ل گه‌ل موقته‌دا سه‌در كۆم بيت”.

دياركر ژى كو گرنگترين پرسێن سه‌رۆك بارزانى دێ ل به‌غدا به‌حس كه‌ت مادێ 140 وده‌ڤه‌رێن كوردستانى يێن ده‌رڤه‌ى ئيدارا هه‌رێما كوردستانێ وپێدڤيا له‌زكرنى دنه‌هێلانا ره‌وشێن نه‌سروشتى ل وان ده‌ڤه‌ران ب تايبه‌ت ل كه‌ركووكێ وشنگالێ وخانه‌قينێ وزڤراندنا ره‌وشا وان وه‌كو به‌رێ، زێده‌بارى به‌حسكرنا به‌هرا هه‌رێما كوردستانێ ژ بودجه‌ى، ديسا پرسێن په‌ترۆلێ وغازێ وپێشمه‌رگه‌ى وبه‌هرا وان ژ رێككه‌فتن وهاريكاريان د پرچه‌ككرنێ ومه‌شقكرنێ دا”.

تلفریکەک دێ ل دەڤەرا ئامێدیێ ھێتە دانان

22/11/2018 11:43

1221

ئەڤرۆ نیوز، مەحمود نھێلی:
بەرپرسێ نڤیسینگەھا گەشتوگۆزارێ ل سیلاڤێ بۆ ئەڤرۆ نیوز دیار کر کو وان پلان ھەیە بۆ سالا ٢٠١٩ پێشڤەچوونێن باش د کەرتێ گەشتوگۆزاری دا بکەن ل دەڤەرێ و گۆت: “ئەڤ پێشڤەچوون و گەشەپێدانا د بوارێ گەشتیاری دا دێ ل دەڤەرێ دروست دبیت نەک بتنێ ل دێ ل ئامێدیێ یان سیلاڤێ بیت ئەڤە دێ جھێن گەشتیاری یێن ھەر شەش ناحیێن سەر ب قەزایێ ڤە ب خوە ڤە گریت و دێ گرنگی ب گەشتوگۆزارا ھاڤین و زڤستانێ ژی ھێتە دان”.
ناڤھاتی ئاماژە دا وێ چەندێ کو بۆ ئەڤ سالە ھەتا نوکە چو بەرھەڤی بۆ گەشتوگۆزارا زڤستانێ نەھاتینە کرن ژ بەر کو نوکە چ ل بەر دەستێ وان نینە و گۆت: “ئەم چاڤەرێ نە دەست ب تلەفریکا گەلیێ سەرسنکێ بھێتە کرن ھەروەسا مەلەڤانگەھەکە و یاریێن ئولومپی ژی د ڤی پرۆژەی دا ھەنە، لێ ژ بەر کو ئەو ژی ئێکە ژ پرۆژێن وەبەرئینانێ ژ بەر روتینیاتێن ب رێڤەچوونا کاری ھەتا نوکە دەست ب وی پرۆژەی نەھاتینەکرن”.

فلمێ پێشمه‌رگه‌ ڤێ هه‌يڤێ د سێ فلمه‌ فيستڤالێن نێڤده‌وله‌تى دا يێ پشكداره‌

22/11/2018 11:30

ئه‌ڤرۆ نيوز، نيوار محه‌مه‌د سه‌ليم:

نها فمێ “روو ب رووبوونا مرنێ ب كه‌ته‌رى، Facing death with wirecutter” كو ب فلمێ پێشمه‌رگه‌ يێ به‌رنياسه‌ و پشكدار چه‌ند فيستڤالێن نێڤده‌وله‌تى كريه‌ و 11 پشكداره‌ د سێ فلمه‌ فيستڤالێن نێڤده‌وله‌تى دا.

سه‌روه‌ر عه‌بدولا، ده‌رهێنه‌رێ فلمێ دێكيۆمێنتى يێ “روو ب رووبوونا مرنێ ب كه‌ته‌رى” د داخۆيانيه‌كێ دا بۆ ئه‌ڤرۆ نيوز گۆت: “ل سه‌ر تيمه‌كا ئه‌ندازيارى يا پێشمه‌رگه‌يه‌ كو گرێدايى فه‌رمانده‌يا هێزا پشته‌ڤانيا 1 يا پێشمه‌رگێ كوردستانێ يه‌”.

زێده‌تر گۆت: “كارێ ڤێ تيمێ راكرن و ژناڤبرنا بۆمبه‌ و مينێن داعشێ يه‌ د درێژاهيا شه‌رێ پێشمه‌رگه‌ى دا ل گه‌ل چه‌كدارێن وان د ماوێ سێ سالان دا ل هه‌موو به‌رۆكێن شه‌رى”.

ده‌رهێنه‌رێ فلمى دا زانين ژى كو ئه‌ڤ تيمه‌ د وى ماوه‌يى دا رووى ب رووى چه‌ندين ئاسته‌نگان دبيت و چه‌ند پێشمه‌رگێن ڤێ تيمێ بريندار دبن ب بۆمبێن داعش و سێ ئه‌ندامێن ڤێ تيمێ د ماوێ تۆماركرنا فلمى دا شه‌هيد دبن”.

سه‌روه‌ر عه‌بدولا ئاشكه‌را ژى كر كو فلمێ دێكيۆمێنتى “روو ب رووبوونا مرنێ ب كه‌ته‌رى، Facing death with wirecutter” شيايه‌ د ماوێ ساله‌كێ دا، 10 خه‌لاتێن نێڤده‌وله‌تى وه‌ربگريت ل چه‌ندين وه‌لاتێن جيهانێ و نوكه‌ ژى يێ پشكداره‌ د چه‌ند فيستڤالێن نێڤده‌وله‌تى دا و د چريا دويێ يا ئه‌ڤ ساله‌ دا يێ پشكداره‌ د سێ فلمه‌ فيستڤالا دا ل هه‌ر ئێك ژ وه‌لاتێن ئسپانيا و به‌نده‌ن فلمه‌ فيستڤالا we the peoples film festival و د پشكا هه‌ڤركيا ب ده‌ست ڤه‌ ئينانا خه‌لاتى د ئێك ژ فيستڤالێن گرنگ يێن وه‌لاتێن ئاسيا كو ل وه‌لاتێ ئيندونسيا Jogja-Netpac Asian film festival د گه‌را ويێ يا 13ێ دا ل 27ى چريا دويێ دێ ده‌ست ب كارێن خوه‌ كه‌ت.

كه‌تیبێن حزبوللا واشنتۆنێ‌ ب پالدانا داعشێ‌ بۆ عیراقێ‌ تۆمه‌تبار دكه‌ن

22/11/2018 11:26

ئه‌ڤرۆ نیوز، ئازاد نسری:
كه‌تیبێن حزبوللا یا عیراقێ‌ هێزێن ئه‌مریكا تۆمه‌تبار دكه‌ن كو داعشێ‌ پال دده‌ت ل سووریێ‌ ڤه‌گه‌ڕیته‌ عیراقێ‌.
جه‌عفه‌ر حسێنی په‌یڤدارێ‌ كه‌تیبێن حزبوللا یا عیراقێ‌ راگه‌هاند، ئه‌مریكا دڤێت داعشێ‌ پال بده‌ت بۆ وێ‌ چه‌ندێ‌ ژ سوویا ڤه‌ڕیته‌ عیراقێ‌ و گۆت:(لڤینێن چه‌كدارێن داعش ل ده‌ڤه‌رێن سنووری، ئاماژه‌یه‌ بۆ وێ‌ یه‌كێ‌ كو وان دڤێت ده‌ڤه‌ر هه‌ر هوسا ب شه‌ڕ و كێشه‌ بمینیت).
ناڤهاتی ئاشكرا ژی كر كو كه‌تیبێن حزبوللا و هێزێن عیراقی سنوورێ‌ عیراق و سووریێ‌ یێ‌ كۆنترۆلكری و رێ‌ ناده‌ن چو هێزه‌كا بیانی ده‌ڤه‌رێ‌ كۆنترۆل بكه‌ت و گۆت:(ئه‌م وه‌كو هێزه‌كا داگیركه‌ر به‌رێخوه‌ دده‌ینه‌ هێزێن ئه‌مریكا ل سه‌ر ئاخا عیراقێ‌).
ژێده‌ر: RT

ره‌وشا سه‌قايێ رۆژا ئه‌ينى

22/11/2018 11:22

1993

ئه‌ڤرۆ نيوز:

رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا ئه‌ينى رێکەفتی 23ى چريا دويێ 2018ێ ئه‌سمان دێ ئه‌وره‌كێ ته‌مام بيت و باران ب دژوارى باريت و ل ده‌ڤه‌رێن چيايى ئه‌گه‌رێن به‌فره‌كا كێم يا هه‌يى.

پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دھێتە پێشبینیکرن ئه‌سمان ئه‌وره‌كێ ته‌مام بيت و باران ب دژوارى باريت و ل ده‌ڤه‌رێن چيايى ئه‌گه‌رێن به‌فره‌كا كێم يا هه‌يى.

پشکا پێشبینیان دایە زایە زانین کو دێ ئله‌زاتيا بايى د ناڤبەرا 5 ھەتا 15کم دا و ماوێ دیتنێ ژی دێ د ناڤبه‌را 9 بۆ 10كم دا بیت، پلێن گەرمێ ژی دێ د ناڤبەرا 8 بۆ 16 پلان دا بن.

ب وێنه‌: چه‌ره‌زاتێن ب كرم ل دهۆكێ دهێنه‌ گرتن

22/11/2018 11:03

643

ئه‌ڤرۆ نيوز، نيوار محه‌مه‌د سه‌ليم:

ب مه‌ره‌ما دووڤچوونێ ل سه‌ر ره‌وشا بازارى، لژنا دووڤچوونا بازارى يا سه‌ر ب قايمقاميا قه‌زا دهۆكێ ڤه‌ سه‌ره‌دانا چه‌ندين جهێن دى كر و ل كۆمپانيا گيز ژى چه‌ره‌زێن ب كرم هاتنه‌ ده‌سته‌سه‌ركرن.

يوسف محه‌مه‌د حه‌سه‌ن، به‌رپرسێ لژنا دووڤچوونا قايمقاميا قه‌زا دهۆكێ بۆ ئه‌ڤرۆ نيوز گۆت: “د گه‌ريانا دوهى 21ى چريا دويێ 2018ێ دا، سه‌ره‌دانا چه‌ندين جهان كرن و شياين شه‌ش ته‌نێن چه‌ره‌زات و شريناهيێن ده‌م ب سه‌رڤه‌چوويى ل كۆمپانيا گيز و كارگه‌ها وان ده‌سته‌سه‌ر بكه‌ين”.

به‌رپرسێ لژنا دووڤچوونا قايمقاميا قه‌زا دهۆكێ دا زانين ژى كو ئه‌ڤ كۆمپانيه‌ هاته‌ سزادان و بۆ ماوێ چار رۆژان نابيت ده‌رگه‌هێن وێ بهێنه‌ ڤه‌كرن.

به‌رپرسێ لژنا دووڤچوونێ دياركر ژى كو ژ به‌ر نه‌پێگريا خودانێ كۆمپانيا رۆژ ژى ب رێنمايان ب گۆژمێ دوسه‌د هزار ديناران هاته‌ سزادان.

خواست ژى كو بۆ هه‌ر گازنده‌كا هه‌وه‌ هه‌بيت يان په‌يوه‌نديكرن ب لژنا دووڤچوونێ په‌يوه‌نديێ ب ڤێ ژمارێ بكه‌ن: ژمارا تەلەفونا گازندان (07501612622)

ئه‌ڤ وێنه‌ ب سۆپاسيڤه‌ ژ راگه‌هاندنا قايمقاميا قه‌زا دهۆكێ هاتينه‌ وه‌رگرتن

دو بژاردە دانانە بەرسینگی

22/11/2018 10:58

ئەڤرۆ نیوز:
یانا یوڤانتوس یا ئیتالی دو بژاردە دانانە بەر سینگێ یاریزانێ خوە یێ ھێلا بەرەڤانیێ ئەوژی نووکرنا ھەڤبەستا ئەوا بریارە ل ھاڤینا ٢٠٢٠ ب دووماھی بھێت یان فروتنا وی ل ھاڤینا سالا بھێت.
یانێن مانچستەر سونایتد و سێتی و چێلسی د ئامادە باشیێ دانە پشتی داخویانێن ئەلێکس ساندرەی کو تێکدا دوپاتکری حەزا کرنا یاریێ ل خولا پلا نایاب یا ئنگلیزی یا ھەی و ھەر ژبەر ڤێ چەندێ یانا یوڤانتوس یا بزاڤێن نووکرنا وی دکەت.
ناڤێ یاریزانێ ئەرازیلی ژ ھاڤینا ٢٠١٧ وەرە ب چونا خولا ئنگلیزی ھاتیە گرێدان، لێ ل سالا بوری بریار دا بمینتە ل خولا ئیتالیا و و پشتی حەزا چونا خولا ئنگلیزی دیارکری ھەرسێ یانێن چێلسی و مانچستەر سێتی و مانچستەر یونایتد بەرھەڤیا خوە دیارکریە پیشوازیێ لێ بکەن و یانا یوڤانتوس ژی بریار دایە ھەکە ئەڤ یاریزانێ وان ھەڤبەستا خوە نوو نەکەت دێ فروشن داکو بێ بەرامبەر پشتی ب دووماھی ھاتنا ھەڤبەستا وی ژ دەست نەدەن.

نيشاندان 1...1,000 2,000 1,4391,4401,441 2,440 3,440 4,440...4,617 زێده‌تر

لاپه‌ر 1,440 ژ 4,617