ئه‌ڤرۆ نیوز:

یانا یوڤانتوس یا ئیتالی بۆ ڤه‌گوهاستنێن زڤستانێ داخوازیت هه‌ڤبه‌ستێ ل گه‌ل ستێره‌کا به‌رنیاس ل هێلا ناڤین بکه‌ت و ل دور گوتنا روژناما توتو سپورت یا ئیتالی دیارکریه‌ یانا یوڤانتوس داخوازیت هه‌ڤبه‌ستێ ل گه‌ل ستێرا دانیمارکی و یانا توتنهام كريستيان ئاريكسن ئیمزا بکه‌ن.

وێ روژنامێ ئاشکراکریه‌ ژی ده‌ستڤه‌ ئینانا ئاریکسن دێ یا ب زه‌حمه‌ت بیت ژبه‌رکو چه‌ندین یانێن ئوروپی حه‌زا ڤی یاریزاتی هه‌یه‌ لێ دبیت ئه‌و کوژمێ یوڤانتوس پێشکێش توتنهام کری بیته‌ ئه‌گه‌رێ رازیبوونێ ژبه‌رکو یانا ئیتالی ١٠٠ ملیون پێشکێشی یانا ئینگلیزی کرینه‌.

ئەڤرۆ نیوز:
رۆژنامەیا سپورت یا ئسپانی دیارکر ئەگەرێ وێ ھنگافتنا یاریزانێ یانا بەرشەلونە ئیڤان راکیتچ تووشبوی ئاشکرا کر.
ھەمان ژێدەر ئەو چەندە ژی دیارکر کو بەری نوکە یانا پاریس سان جێرمان ھەڤبەستەکا ٩٠ ملیۆن یورو پێشکێشی یاریزانێ کرواتی ئیڤان راکتیچ کری بۆ رازی کرنا وی بەر ب یانا فرەنسی بچیت لێ یانا بەرشەلونە رەدکر دەستبەرداری ڤی یاریزانی بیت بەرامبەر رازی کرنا ڤی یاریزانی یانا بەرشەلونە سوز دابوویێ پشکداریێ د ھەمی یاریێن یانێ دا بکەت و ئەڤ چەندە ژی بۆ ئەگەر کارتێکرن ل سەر شیانێن وی یێن ھێزا لەشی بکەت و تووشی ھنگافتنێ بيت.

ئەڤرۆ نیوز:
بەری دەمەکێ کێم یاریا ناڤبەرا ھەردو یانێن ھەلۆ و شێخان دا ب سەرکەفتنا یا ئێکێ ب دووماھی ھات ب سێ گۆلان بەرامبەر گۆلەکێ د یاریێن گەرا ئێکێ یا کوما ئێکێ یا خولا ھەرێما کوردستانێ یا تەپا پێ دا.
د ڤێ یاریێ دا یانا ھەلۆ شیا ئاستەکێ باشتر ژ مێڤاندارا خوە یانا شێخان پێشکێش بکەت و نیڤا ئێکێ ب گۆلەکێ بێ بەرامبەر ب دووماھی بینت و د نیڤا دویێ دا خودانا یاریگەھێ شیا ئەنجامی بۆ بەرژەوەندیا خوە ئێکلا بکەت دەمێ دو گۆلێن دی تومارکرین و بەرامبەر ل خولەکا دوماھیا یاریێ شێخان شیان ئەنجامێ یاریێ کێم بکەت دەمێ گۆلەک تومارکری.
ژیاریێن دی یێن ڤێ کومێ کویە و ھەلەبچە ب گۆلەکێ وەکھەڤ بون و سیروانا نووێ ب دو گۆلان بەرامبەر گۆلەکێ سەرکەفتن ل سەر یانا ئالتون کوپری تومارکر و سوران ژی ب دو گۆلان بێ بەرامبەر سەرکەفتن ل سەر یانا ئاستی تومارکر.